Jamiyat
Andijon tumani sobiq hokimining jazosi yengillashtirildi
Andijon tumanining sobiq hokimi Abdujabbor Egamberdiyev bir yil avval 2 yilga axloq tuzatish ishlari jazosiga hukm qilingani ma’lum bo‘ldi. Bir hafta oldin sud uni muddatidan ilgari (1 yildan ortiq) mas’ul lavozimlarda ishlash huquqidan mahrum qilish jazosidan shartli ozod qildi.
Toshkentdagi bog‘chada qizlarga tegajog‘lik qilgan direktorning o‘g‘li 6 yilga qamaldi
Toshkent shahri Chilonzor tumanidagi 230-sonli bog‘cha direktorining o‘g‘li 4 nafar qizchaga tegajog‘lik qilgani aytilayotgandi. Sud unga nisbatan 6 yil ozodlikdan mahrum qilish jazosini tayinladi. Jazo tarbiya koloniyalarida o‘taladi.
“Sobiq MXX binosidagi holat takrorlanmaydi” — Madaniy meros agentligi direktori “Sharq” nashriyoti binosi sotuvi haqida
“Sharq” nashriyoti binosi xususiylashtirilishi tufayli madaniy meros obyektlari ro‘yxatidan chiqarildi. Xususiylashtirish ishi tugagach, madaniy ahamiyatini saqlab qolgan binolar (O‘zA ham) muhofaza qilinadi. “Sharq” binosi taqdiri unga yaqin joydagi buzib tashlangan sobiq MXX binosi kabi bo‘lmasligi aytilmoqda.
23-yanvar kuni e’lon qilingan eng muhim yangiliklar dayjesti
Rekonstruksiya qilinadigan “Sharq” nashriyoti binolari, havo sifati bo‘yicha milliy standartlar, transport vaziriga yuborilgan senator so‘rovi, Osiyo Kubogi nimchorak finaliga chiqqan O‘zbekiston va boshqalar — “Gazeta.uz"ning kunlik dayjestida.
O‘zbekistonlik ayol Hindistonda is gazidan vafot etdi
Hindistonning Haryana shtatidagi dam olish maskanlaridan birida O‘zbekiston fuqarosining jasadi topildi. Ma’lum bo‘lishicha, u is gazidan zaharlanish oqibatida vafot etgan. Hozirda marhumani vatanga qaytarish choralari ko‘rilmoqda.
“Sharq” binolarining aksariyati ayanchli ahvolda va to‘liq rekonstruksiyaga muhtoj — Madaniy meros agentligi
Madaniy meros agentligi “Sharq” nashriyoti binolari madaniy meros obyektlari ro‘yxatidan chiqarilishini izohlarkan, “aksariyati ayanchli holatida ekani va to‘liq rekonstruksiyani taqozo etishi”ni bildirdi. Binolar 2023-yilning oktabrida DABA ishchi guruhi bilan birga o‘rganilgan.
Toshkentda havo sifati qanday yaxshilanadi? Ekologiya vazirligi — shoshilinch choralar loyihasi haqida
Ekologiya vazirligi “Gazeta.uz”ga Toshkent shahrida havo sifatini yaxshilash bo‘yicha kechiktirib bo‘lmaydigan chora-tadbirlar loyihasi haqida ma’lumot berdi. Issiqxona hamda zavodlarda chang-gaz filtrlarini o‘rnatish, Ai-80, IESlarda ko‘mir hamda mazutdan foydalanishni taqiqlash va boshqalar shular jumlasidandir.
AQSh O‘zbekistonga 131 tonna oziq-ovqat yordamini yetkazib berdi
AQSh o‘zining USAID dasturi orqali O‘zbekistonga qiymati 420 ming dollardan ziyod bo‘lgan 131 tonna oziq-ovqat yordamini yetkazdi. Bu orqali tuberkulyoz va ruhiy salomatlik muassasalaridagi bemorlar, nogironligi bo‘lgan bolalar va keksalar 6,5 mln porsiya oziq-ovqat bilan ta’minlanadi.
O‘zbekistonda bolalarning 74 foizi maktabgacha ta’lim bilan qamrab olingan
O‘zbekistonda 3 mln nafarga yaqin 3−7 yoshli bola bor. Ularni maktabgacha ta’lim bilan qamrab olish darajasi 74 foizni tashkil qilmoqda. Mamlakatda bu ko‘rsatkichni 2026-yilgacha 80 foizga, 2030-yilga borib, 100 foizga yetkazish reja qilingan.
“Toshkent atrofida „yashil halqa“ o‘rniga „kulrangi“ shakllandi”. Ekologiya vazirligi — havo ifloslanishi haqida
Toshkent atrofida ko‘mirdan foydalanadigan issiqxonalar sabab “yashil halqa” o‘rniga “kulrang halqa” hosil bo‘ldi, deb xabar qildi Ekologiya vazirligi “Gazeta.uz"ga. Vazirlik havo ifloslanishining boshqa asosiy sabablarini sanab o‘tdi.
Prezident “Sog‘liqni saqlash loyihalari markazi”ni ochish taklifini ma’qulladi
SSV tuzilmasida “Sog‘liqni saqlash loyihalari markazi” loyiha ofisini ochish reja qilinmoqda. Tashkilot davlat tibbiy sug‘urta, kafolatlangan bepul xizmat, dori paketi tizimi va boshqalarni joriy etadi. Markaz davlat xaridlari shaffofligini oshirish, farmatsevtika sohasini isloh qilish kabilarga ko‘maklashadi.
Jamoat transporti tizimidagi kamchiliklar yuzasidan transport vaziriga senator so‘rovi yuborildi
Senator Farxod Boqiyev transport vaziri Ilhom Mahkamovga jamoat transporti tizimidagi kamchiliklar, jumladan, ayrim haydovchilarda muomala madaniyatining yetarli emasligi, kunlik “plan”dan to‘liq voz kechilmagani va aholi tomonidan murojaatlar sonining ortgani sabab so‘rov yubordi.
“Sharq” nashriyoti binolari Moddiy madaniy meros obyektlari ro‘yxatidan chiqarildi
Toshkent shahar Buyuk Turon ko‘chasi 41-uyda joylashgan “Sharq” nashriyot-matbaa korxonasi binolari Moddiy madaniy merosning ko‘chmas mulk obyektlari milliy ro‘yxatidan chiqarildi. Vazirlar Mahkamasining 2024-yil 15-yanvardagi qarori bilan Milliy ro‘yxatga tegishli o‘zgartirish kiritilgan.
O‘zbekistonda havo sifati bo‘yicha milliy standartlar ishlab chiqiladi
O‘zbekistonda havo sifatiga oid milliy standartlar ishlab chiqiladi. JSST tavsiyalariga geografik va iqlimiy xususiyatlar tufayli erishish qiyin, hech bir mamlakatdagi ko‘rsatkichlar JSST standartiga muvofiq emas, deya ta’kidladi Ekologiya vazirligi. Havo bilan bog‘liq kasalliklar bo‘yicha ham o‘rganishlar boshlandi.
British Management University 2024−2025 o‘quv yili uchun qabul boshlanganini e’lon qildi
British Management University 2024−2025 o‘quv yili uchun hujjatlarni qabul qilishni boshladi. Abituriyentlar moliya va bank, loyihalarni boshqarish, raqamli marketing hamda boshqa yo‘nalishlarni tanlashi mumkin.
“Toshkentliklar xotirasining sinchlaridan biri”. Boris Chuxovich — “Sharq” (O‘zA) binosi haqida
Arxitektor Richard Bleze qurgan 16 qavatli “Sharq” nashriyoti binosi 10 yil avvalgi noto‘g‘ri rekonstruksiyaga qaramay, hamon Toshkent ramzi bo‘lib qolmoqda, deydi arxitektura tarixchisi Boris Chuxovich. U “Gazeta.uz"ga yozgan maqolasida “Sharq” binolarini saqlab qolish nima uchun zarurligini tushuntirgan.
O‘zbekistonda Jadidlar.uz platformasi ishga tushirildi
Fanlar akademiyasi Tarix instituti jamoasi tomonidan ikki yil davomida yaratilgan Jadidlar.uz platformasi test rejimida ish boshladi. Loyiha uchun 1 mlrd so‘mlik grant mablag‘i ajratilgan. Unga 250 ga yaqin jadid haqida ma’lumotlar kiritilgan.
Epitsentri Xitoyda bo‘lgan zilzila O‘zbekistonda sezildi
Toshkent shahri va O‘zbekistonning boshqa hududlarida 3−4 balli zilzila sezildi. Uning epitsentri Xitoyning Shinjon-Uyg‘ur avtonom viloyatida, Qirg‘iziston bilan chegarada joylashgan. Zilzila epitsentrda 7 ballni tashkil qilgan.
22-yanvar kuni e’lon qilingan eng muhim yangiliklar dayjesti
Yangilangan kambag‘allik chegarasi, IMEI kodini o‘zgartirish uchun javobgarlik, Shavkat Mirziyoyevning Xitoy gazetasida e’lon qilingan maqolasi, Afg‘onistonda qulab tushgan Rossiya samolyoti va boshqalar — “Gazeta.uz"ning kunlik dayjestida.
Aktyor Turg‘un Azizov 90 yoshida vafot etdi
O‘zbekiston xalq artisti, aktyor va rejissyor Turg‘un Azizov 90 yoshida vafot etdi. U faoliyati davomida “Maftuningman”, “Odamlar orasida yolg‘iz”, “Olovli yo‘llar” kabi ko‘plab film va spektakllarda rol ijro etgan. Bir qancha unvon va ordenlar sohibiga aylangan.
Eng ko‘p o‘qilgan xabarlar | So‘nggi yangiliklar
- “Bu hecham qahramonlik emas”. Toshkent xalq kutubxonasi xodimlari 1966-yilgi zilziladan so‘ng kitoblarni qanday qutqargani haqida
- Toshkent hokimi — tirbandlik, yo‘l va bekatlarning holati hamda mikromobillikka o‘tish haqida
- O‘zbekistonda 2025-yildan bukmekerlik faoliyatiga ruxsat beriladi
- “Bog‘ning menejeri davlat bo‘lishi noto‘g‘ri. Butun dunyoda shunaqa” — Toshkent hokimi (video)
Qo‘shimcha imkoniyatlarga ega bulish uchun saytda ro‘yxatdan o‘ting