Jamiyat
Joriy yilda OTMga kirish imtihonlari yopiq binolarda o‘tkazilishi mumkin
Joriy yilda OTMga kirish uchun test sinovlari to‘liq yopiq binolarda o‘tkazilishi rejalashtirilmoqda, deb ma’lum qildi DTM boshqarma boshlig‘i Javlon Nurmatov. Uning so‘zlariga ko‘ra, bu davlat komissiyasining yoki maxsus komissiyaning taklif va cheklovlariga bog‘liq.
Namanganda qalbaki 10 600 dollarni muomalaga kiritmoqchi bo‘lgan shaxslar ushlandi
Namanganda Qirg‘izistondan aylanma yo‘llar orqali olib kelingan qalbaki 10 600 dollar muomalaga kiritilishining oldi olindi. Mazkur mablag‘larni saqlab kelayotgan va kelgusida Toshkent shahrida sotishni rejalashtirgan ikki fuqaro qo‘lga olingani aytilmoqda. Ularga nisbatan jinoyat ishi qo‘zg‘atildi.
O‘zbekiston Yerni masofadan zondlash sun’iy yo‘ldoshini yaratishni rejalashtirmoqda
«O‘zbekkosmos» agentligi Fransiyaning «Airbus DS GEO Intelligence» kompaniyasi bilan Yerni masofadan zondlash sun’iy yo‘ldoshini yaratishni rejalashtirmoqda. Buning evaziga kompaniya sun’iy yo‘ldosh ma’lumotlarini birgalikda sotish imkoniyatiga ega bo‘ladi.
DXX Surxondaryodagi yig‘ilish vaqtida 8 nafar davlat xizmatchisini hibsga oldi
DXX Surxondaryoda korrupsiyaga qarshi kurashishga bag‘ishlangan yig‘ilishda 1 nafar sobiq bank xodimi va 7 nafar turli tashkilot xodimini hibsga oldi. Ular budjet va kredit mablag‘larini o‘zlashtirganlikda ayblanmoqda.
Sirdaryoda yo‘llarni ta’mirlashda 1,5 mlrd so‘m talon-toroj qilingani aniqlandi
Boyovut tumani yo‘llardan foydalanish unitar korxonasi rahbarlari yo‘l infratuzilmalarini ta’mirlashda qo‘shib yozish orqali 1,5 mlrd so‘m mablag‘ni talon-toroj qilgani aytilmoqda. Korxona mansabdorlariga nisbatan jinoyat ishi qo‘zg‘atildi.
22 iyun kuni O‘zbekistonda sodir bo‘lgan eng muhim xabarlar dayjesti
To‘palangdagi to‘polon, osilgan holda topilgan Boyovut qishloq xo‘jaligi bo‘limi xodimi, Surxondaryoda aniqlangan soxta At Termiziy University, Evos filiallarining birida chiqqan yong‘in, sel xavfi va boshqalar — «Gazeta.uz» ning 22 iyundagi eng muhim xabarlari dayjestida.
«Gazeta.uz» fotograflari Jahon banki tanlovida sovrindor bo‘ldi
Jahon banki O‘zbekistonda qashshoqlikka qarshi kurashish va ijtimoiy-iqtisodiy rivojlanish masalalariga bag‘ishlangan yosh fotosuratchilar o‘rtasidagi qo‘shma tanlov natijalarini sarhisob qildi. «Gazeta.uz» fotograflari Madina A’zam va Yevgeniy Sorochin tanlovning asosiy va maxsus sovrinini qo‘lga kiritdi.
Toshkent viloyatida arxeologiya yodgorligiga 5 mlrd 668 mln so‘m zarar yetkazilgan — DXX
Toshkent viloyatida madaniy meros obyektlarini qayta ta’mirlashda soxta hisob-kitoblar yo‘li bilan 670 mln so‘mga yaqin davlat mablag‘lari o‘zlashtirilgani aniqlandi. Bundan tashqari, Qibray tumanidagi arxeologiya yodgorligi yaqinidagi qurilish ishlari ushbu obyektga 5 mlrd 668 mln so‘m zarar yetkazgani ma’lum bo‘ldi.
Qoraqalpog‘iston maktabgacha ta’lim vaziri tayinlandi
Qoraqalpog‘iston Vazirlar Kengashida ishlab kelayotgan Gulzira Baxiyeva Qoraqalpog‘iston maktabgacha ta’lim vaziri lavozimiga tayinlandi.
Buxoroda yangi aeroport terminali, Urganchda yangi aeroport quriladi
Urganch aeroporti sho‘rlanish tufayli yaroqsiz holga kelgan va rekonstruksiyaga yaramaydi, shu bois yangi havo bandargohi qurilishi rejalashtirilmoqda, dedi Uzbekistan Airports rahbari Ra’no Jo‘rayeva. Buxorodagi aerodromni esa rekonstruksiya qilish va yangi terminal qurish talab etiladi.
O‘zbekistonning 9 ta hududida sel kelish xavfi e’lon qilindi
O‘zgidromet hafta oxiriga qadar va dushanba kuni kuzatiladigan yomg‘irlar sababli O‘zbekistonning 9 ta hududida sel kelishidan ogohlantirdi. Aholidan ehtiyot choralarini ko‘rish so‘ralmoqda.
Hokim yordamchilari uchun halollik bo‘yicha kurslar o‘tkazilmoqda
Prezident tanqididan so‘ng, hokim yordamchilari uchun halollik va korrupsiyaga qarshi kurashish bo‘yicha maxsus kurslar tashkil etildi. Seminarlarda korrupsiyaga qarshi kurashish bo‘yicha normativ-huquqiy hujjatlar, korrupsiyaning oldini olish mexanizmlari va boshqalar tahlil qilinmoqda.
Boku — “olovlar mamlakati” poytaxtidan reportaj
Ozarbayjon poytaxti Kavkazdagi eng yirik shahar-port sanaladi. Sohillarini Kaspiy dengizi yuvib turadigan shahar ko‘rkam arxitektura, tarixiy maskanlarga boy. “Gazeta.uz” Bokudagi e’tiborga sazovor joylar, yonuvchi tog‘ va loy vulqonlar, ozarbayjon oshxonasi va sayyohlar uchun maslahatlar haqida so‘z yuritadi.
Boyovut qishloq xo‘jaligi bo‘limi xodimi osilgan holda topildi
Sirdaryo viloyati Boyovut tuman qishloq xo‘jaligi bo‘limi xodimi ish joyida osilgan holda topildi. U qimor o‘yinida yutqazib qo‘ygani uchun o‘z joniga qasd qilgani aytilmoqda.
Mirzo Ulug‘bek va Yashnobod tumanlarining ayrim hududlarida 13 soatga elektr energiyasi uziladi
Toshkent shahri Mirzo Ulug‘bek va Yashnobod tumanlarining ayrim hududlarida 23 iyun kuni soat 7:00 dan 20:00 gacha elektr energiyasi vaqtinchalik uziladi. Bu vaqtda elektr uzatish liniyalarining yangi tayanch ustunlari o‘rnatiladi. Manzillar.
Surxondaryoda At Termiziy University nomli soxta universitet tashkil etilgani aniqlandi
Surxondaryoda ikki shaxs faoliyat yuritish uchun ruxsatnomaga ega bo‘lmasa-da At Termiziy University xususiy ta’lim muassasasini tashkil etgani aniqlandi. Ular Telegram orqali targ‘ibot olib borishgani va 73 kishidan qariyb 307 mln so‘m undirgani aytilmoqda. Gumondorlarga nisbatan jinoyat ishi qo‘zg‘atildi.
Toshkentda Evos filiallarining birida yong‘in sodir bo‘ldi
22 iyun kuni ertalab Toshkent shahrining Mirobod tumanidagi Evos binosida yong‘in sodir bo‘ldi. Taxminan 40 daqiqadan so‘ng yong‘in o‘chirildi. FVV ma’lumotlariga ko‘ra, jarohat olganlar va qurbon bo‘lganlar yo‘q.
«To‘palang» suv omboridagi vaziyatga GESning suv quvuri to‘sini shikastlanishi sabab bo‘ldi — «O‘zbekgidroenergo»
«O‘zbekgidroenergo» «To‘palang» suv ombori pastki qismidan katta hajmda suv chiqishiga GESning 2-komponent inshootidagi suv quvuri to‘sini shikastlanishi sabab bo‘lganini ma’lum qildi. GES direktori va tuman FVB boshlig‘i «vahimaga va aholini evakuatsiya qilishga hojat yo‘qligini» ta’kidlashmoqda.
Toshkentda 9 kishiga qalbaki aviachiptalarni sotgan tadbirkor qo‘lga olindi
Toshkent shahrida 9 nafar fuqaroga Yaponiya va Rossiyaga uchish uchun qalbaki aviachiptalar rasmiylashtirib berganlikda gumonlangan tadbirkor hibsga olindi. U chiptalarni 2420 dollar va 20,9 mln so‘mga sotgani aytilmoqda. Unga nisbatan jinoyat ishi qo‘zg‘atildi.
To‘palang suv omboridan chiqayotgan suv tashlamasi me’yoridan ortib ketdi
Ijtimoiy tarmoqlarda Surxondaryodagi To‘palang suv omboridan suv chiqayotgani aks etgan videolar tarqaldi. FVV buni suv omboridan chiqayotgan suv tashlamasi rejaviy ko‘rsatkichdan oshib ketgani bilan izohladi. «O‘zbekgidroenergo» esa suv ombori to‘g‘oni suv qo‘yib yuborganligi haqidagi xabarlarni rad etib chiqdi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting