Favqulodda vaziyatlar vazirligi ijtimoiy tarmoqlarda tarqalgan Toshkent shahri Mirobod tumanidagi Farg‘ona yo‘li ko‘chasida sodir bo‘lgan yong‘in haqidagi videoga munosabat bildirdi.

Chorshanba kuni soat 09:03da Toshkent shahar favqulodda vaziyatlar boshqarmasiga Toshkent shahar Mirobod tumani, Farg‘ona yo‘li ko‘chasida joylashgan Evos ovqatlanish oshxonasida yong‘in bo‘layotganligi to‘g‘risida xabar kelib tushgan.

Qutqaruvchilar yong‘in sodir bo‘lgan joyga soat 09:12 da yetib borishgan. Voqea joyiga tuman FVB rahbar xodimlari va 4 ta yong‘in-qutqaruv ekipajlari jalb etilib, yong‘in 09:24 da qurshab olinib, 09:37 da o‘chirilgan.

Yong‘in oqibatida binoning taxminan 60 kvadrat metr maydonda tomi hamda oshxona jixozlari yongan, fuqarolarning tan jarohati olish va halok bo‘lish xolatlari qayd etilmagan.