Jamiyat
JSST xavfli ekani bo‘yicha ogohlantirish bergan Cold Out siropi O‘zbekistonda ro‘yxatdan o‘tmagan — SSV
JSST shamollashga qarshi Cold Out siropi namunasi Iroqdagi tahlilda sifat talablariga javob bermagani uchun uning xavfidan ogohlantirdi. Farmatsevtika mahsulotlari xavfsizligi markazi esa xavotirga o‘rin yo‘qligi va bu dori O‘zbekistonda davlat ro‘yxatidan o‘tmaganini bildirdi.
Fuqarolar normativ-huquqiy hujjatlarning korrupsiyaga qarshi ekspertizasida ishtirok etishi mumkin bo‘ldi
O‘zbekiston fuqarolari, nodavlat notijorat tashkilotlari, ommaviy axborot vositalari davlat organlari hamda tashkilotlari tomonidan o‘tkaziladigan normativ-huquqiy hujjatlarning va ular loyihalarining korrupsiyaga qarshi ekspertizasini o‘tkazish jarayonida ishtirok etishi mumkin bo‘ldi.
Qashqadaryoda Qizil kitobga kiritilgan 27 dona gulbaliq noqonuniy ovlangani aniqlandi
Shahrisabz tumanidagi Tanxozdaryo irmog‘ida Qizil kitobga kiritilgan 27 dona Amudaryo gulbaliqlari noqonuniy ovlangani aniqlandi.
Andijon tibbiyot institutining qator rahbarlari lavozimidan ozod etildi
Andijon tibbiyot institutining 5 nafar mas’ul xodimi “faoliyatida jiddiy kamchilik va qonun buzilishi holatlariga yo‘l qo‘ygani sababli” ishdan bo‘shatildi. Oliygoh rektori ham lavozimini tark etishi mumkin. Iyul oyida institutning ikki xodimi 16 ming dollar olayotgan vaqtda qo‘lga tushgandi.
O‘zbekiston aholisi 36,4 mln kishini tashkil etmoqda, ularning eng ko‘pi Samarqandda yashaydi
Statistika agentligi 1-iyul holatiga O‘zbekiston doimiy aholisi 36,4 mln kishini tashkil etishini bildirdi. Eng ko‘p aholi Samarqandda (4 mln 159 ming), eng kami esa Sirdaryoda (904,9 ming) yashaydi. Demografik ma’lumotlar.
Britaniya hukumati Gulnora Karimovaning 20 mln funt sterlingdan ortiq qiymatdagi mulkini musodara qildi
Britaniya hukumati Gulnora Karimovaga tegishli bo‘lgan ikkita kvartira va uyni musodara qildi. Ta’kidlanishicha, ular O‘zbekistondagi korrupsion faoliyatdan olingan daromadlar evaziga sotib olingan. Mulklarning umumiy qiymati 20 mln funt sterlingdan ortiqqa baholanmoqda.
Buxoroda 4 dona sof quyma oltin bo‘lagini sotmoqchi bo‘lganlar ushlandi
Shofirkon tumanida 4 dona sof quyma oltin bo‘lagini 7 ming dollar va 300 mln so‘mga sotgan fuqarolar qo‘lga olindi.
Toshkentda Malibu urib yuborgan 74 yoshli piyoda vafot etdi
Yakkasaroy tumanida 21 yoshli haydovchi boshqaruvidagi Malibu yo‘lning belgilanmagan qismidan kesib o‘tayotgan keksa yoshli piyodani urib yubordi. Jabrlanuvchi voqea joyida vafot etgan.
Toshkentda 8 yoshli qizni o‘pib, uyatsiz harakatlar qilgan 63 yoshli erkak ushlandi
Mirzo Ulug‘bek tumanida ko‘chada 63 yoshli erkak 8 yoshli qizni o‘pib, unga nisbatan uyatsiz-buzuq harakatlar qildi. Toshkent shahri IIBB erkak ushlangani va holat bo‘yicha jinoyat ishi qo‘zg‘atilganini bildirdi.
O‘zbekistonda “Umra” xizmatlarini voyaga yetmagan fuqarolarga ko‘rsatish taqiqlandi
O‘zbekistonda “Umra” xizmatlari faqat mahalliy turoperatorlar tomonidan ko‘rsatilishi, ular maxsus litsenziyani olish uchun 100 ming dollardan kam bo‘lmagan mablag‘ni Xavfsiz turizm jamg‘armasiga zaxira qilib qo‘yishi shartligi belgilandi. Voyaga yetmagan fuqarolarga “Umra” xizmatlarini ko‘rsatish taqiqlandi.
8-avgust kuni O‘zbekistonda sodir bo‘lgan eng muhim voqealar dayjesti
Misrdan ekstraditsiya qilingan qidiruvdagi o‘zbekistonlik, Mirziyoyevning Ozarbayjonga tashrifi, Carrefour supermarketlarini sotib olayotgan Magnum, yosh qizga tegingan erkak 10 yilga qamalgani, Farg‘onada o‘zini osgan 16 yoshli qiz, 2-bosqichi boshlangan “OpenBudget” va boshqalar — “Gazeta.uz"ning kun dayjestida.
Toshkentda KIA K5 mashinasidan 48 o‘ramdagi giyohvand moddalar va apteka narkotiklari topildi
Toshkentda 48 o‘ramdagi giyohvandlik moddalari va dorixona narkotiklarini tarqatmoqchi bo‘lgan shaxs qo‘lga olindi. Ish e’lonini Telegram orqali topganini aytgan erkak 10 yildan 20 yilgacha ozodlikdan mahrum etilishi mumkin.
Toshkentda 17 yoshli qizga hujum qilgan erkak 10 yilga qamaldi
Aprel oyida poytaxt ko‘chalarining birida 17 yoshli qizning ortidan kelib, uning nomusiga tegishga uringan erkakka nisbatan 10 yil muddatga ozodlikdan mahrum qilish jazosi tayinlandi.
Iyulda 40 mlrd so‘mlik gaz va elektrdan noqonuniy foydalanilgani aniqlandi
O‘zbekistonda iyul oyida 28,2 mlrd so‘mlik tabiiy gaz va 11,8 mlrd so‘mlik elektr energiyasidan noqonuniy foydalanilgani ma’lum bo‘ldi. Bunday holatlarning eng ko‘pi Andijon, Samarqand, Navoiy va Toshkent viloyatlariga to‘g‘ri keldi.
Farg‘ona viloyatida 16 yoshli qiz o‘zini osib, vafot etdi
Farg‘ona viloyatida 16 yoshli qiz o‘z uyidan osilgan holda topildi. Uning yaqinlari so‘nggi vaqtlarda qizda ruhiy buzilish bo‘lganini ta’kidlamoqda.
O‘zbekistonda ID-karta va xorijga chiqish pasportini pochta orqali olish mumkin bo‘ladi
Oktabr oyidan boshlab O‘zbekistonda pochta orqali ID-karta va xorijga chiqish pasportini uyga yetkazib berish xizmatini yo‘lga qo‘yish rejalashtirilmoqda.
Magnum tarmog‘i O‘zbekistondagi Carrefour supermarketlarini sotib olmoqda
Qozog‘istonning Magnum Cash & Carry kompaniyasi O‘zbekistondagi barcha Carrefour do‘konlarini Majid Al Futtaim Uzbekistan`dan sotib olish bo‘yicha kelishuvga erishdi. Qisqa muddatli yopilishdan so‘ng supermarketlar Magnum brendi ostida faoliyatini boshlaydi.
Davlat xizmatchilarining deyarli 60 foizi ish vaqtidan tashqari ishlashga jalb qilinadi — so‘rovnoma
O‘zbekistonning 560 nafar davlat xizmatchisi (shu jumladan rahbarlari) o‘rtasida o‘tkazilgan anonim so‘rovnoma shuni ko‘rsatdiki, ularning 57,3 foizi ish vaqtidan tashqari ishlarga jalb etilgan. 81,7 foizi buning uchun qo‘shimcha haq to‘lanmaganini aytgan.
“Tashabbusli budjet"ga taklif kiritish tugadi. Endi loyihalar saralanadi
“Tashabbusli budjet"ning 2-mavsumiga loyihalar kiritish tugatildi. 20 kun ichida portalga respublika bo‘ylab jami 49,4 mingta taklif kelib tushdi. Eng ko‘p taklif ichki yo‘l ta’miri bilan bog‘liq. Endi loyihalar ko‘rib chiqiladi. 27-avgustdan ularga ovoz berish boshlanadi.
Misrdan O‘zbekistonga ilk marta Interpol qidiruvidagi shaxs ekstraditsiya qilindi
Interpol tomonidan diniy ekstremistik tashkilotlarda ishtirok etishda gumonlangan erkak Misrdan O‘zbekistonga ekstraditsiya qilindi. Bu tashkilot qidiruvidagi shaxslarni ushbu mamlakatdan O‘zbekistonga olib kelish bo‘yicha birinchisi bo‘ldi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting