Siyosat
Referendum o‘tkazish uchun 182,3 mlrd so‘m ajratildi — MSK
O‘zbekistonda referendumga tayyorgarlik ko‘rish va uni o‘tkazish uchun 182 milliard 386 million so‘m ajratildi.
Surxondaryo viloyati hokimiga o‘rinbosarlar tayinlandi
Anvar Oripov Surxondaryo viloyati hokimiga moliya-iqtisodiyot va kambag‘allikni qisqartirish masalalari bo‘yicha birinchi o‘rinbosar, Farhodjon Ismoilov esa qishloq va suv xo‘jaligi masalalari bo‘yicha o‘rinbosar etib tayinlandi.
O‘zbekiston prezidenti Turkiya vitse-prezidentini orden bilan taqdirladi
Turkiya vitse-prezidenti Fuat Oktay O‘zbekistonning «Do‘stlik» ordeni bilan taqdirlandi. Mukofotni Anqarada prezident Shavkat Mirziyoyev topshirdi.
«Oldinda hali ishlar ko‘p». BMT Inson huquqlari bo‘yicha oliy komissarining O‘zbekistonga tavsiyalari
BMT inson huquqlari bo‘yicha oliy komissari O‘zbekistondagi muzokaralarda gender tafovutiga chek qo‘yish, qamoqda saqlash joylarida shafqatsiz munosabatga barham berish, NNTlarning erkin faoliyat yuritishi, OAV va so‘z erkinligini himoya qilish, shuningdek, Qoraqalpog‘iston voqealari kabi masalalarni muhokama qildi.
Vazirlar Mahkamasi Jahongir Ortiqxo‘jayevning bosh vazir maslahatchisi etib tayinlanganini rad etdi
Toshkentning sobiq hokimi Jahongir Ortiqxo‘jayevning O‘zbekiston bosh vaziri maslahatchisi etib tayinlangani haqidagi xabarlar yolg‘on va haqiqatga to‘g‘ri kelmaydi, deya ma’lum qildi hukumat.
Shavkat Mirziyoyev BMT Inson huquqlari bo‘yicha Oliy komissarini qabul qildi
Prezident 15 mart kuni BMT Inson huquqlari bo‘yicha Oliy komissari Folker Turk bilan uchrashdi.
Hokimlar kengashga rahbar bo‘la olmaydi, lekin senator etib saylanishi mumkin. Yangi Konstitutsiya loyihasi
2024 yildan Toshkent shahri va viloyatlar hokimlariga kengash raisi lavozimini egallashi taqiqlanishi mumkin. Konstitutsiya loyihasida ularning deputat va senator etib saylanishi taqiqlanmagan. Anchadan beri muhokama qilinayotgan hokimlarni saylash amaliyoti esa loyihada aks etmagan.
Parlament va prezidentning vakolatlarida qanday o‘zgarish bo‘lmoqda? O‘zbekistonning yangi Konstitutsiyasi loyihasi
O‘zbekiston Konstitutsiyasi loyihasida parlament va prezident vakolatlarini kengaytirish ko‘zda tutilmoqda. Bosh vazir nomzodi barcha siyosiy partiyalar fraksiyalari bilan maslahatlashuvdan so‘ng prezident tomonidan taklif etiladi. Palata va Senat o‘z-o‘zini tarqatib yuborish qarorini qabul qilishi mumkin bo‘ladi.
Prezidentlik muddati 7 yilga uzaytiriladi — O‘zbekiston Konstitutsiyasi loyihasi
Parlament tomonidan ma’qullangan yangi tahrirdagi Konstitutsiya loyihasida prezident vakolat muddatini 5 yildan 7 yilgacha uzaytirish taklif etilmoqda. Avvalroq Konstitutsiya yangilanganidan keyin prezident va qator boshqa mansabdorlar ham xuddi shu lavozimlarga qayta saylanishi mumkinligi xabar qilingandi.
Prezident Surxondaryoda shanba-yakshanbani «ota-onalarning farzand qabul kuni» deb e’lon qilishni taklif etdi
O‘zbekiston prezidenti ota-onalar majburiyatini oshirish maqsadida Surxondaryo tajribasi sifatida shanba-yakshanbani «ota-onalarning farzand qabul kuni» deb e’lon qilishni taklif etdi.
O‘zbekiston prezidenti Turkiyaga boradi
Shavkat Mirziyoyev Turkiy davlatlar tashkiloti rahbarlarining «Ofat hamda favqulodda vaziyatlarni boshqarish va insonparvarlik yordami» mavzusida navbatdan tashqari sammitida ishtirok etish uchun Turkiyaga boradi.
Senat Konstitutsiyaviy qonunni va uni referendumga qo‘yishni ma’qulladi
Oliy Majlis Senati Konstitutsiyaviy qonunni va uni umumxalq referendumiga qo‘yishni ma’qulladi. Qonun uch kun ichida matbuot va boshqa OAVlarda e’lon qilinishi kutilmoqda.
Konstitutsiyaviy sud qarorida Konstitutsiyaning yangi tahriri mansabdor shaxslarga qanday qo‘llanilishi tushuntirildi
O‘zbekiston Konstitutsiyaviy sudining qarorida referendumda qanday savolga javob berish so‘ralishi ma’lum bo‘ldi. Qolaversa, Konstitutsiya yangilangandan so‘ng, davlat amaldorlari ushbu lavozimlarga boshqa fuqarolar bilan teng ravishda saylanishi va tayinlanishi mumkinligi tushuntirildi.
Niderlandiyaning O‘zbekistondagi yangi elchisi tayinlandi
Andre Karstens Niderlandiyaning O‘zbekistondagi yangi elchisi (qarorgohi Ostona shahrida) etib tayinlandi. TIVda uning ishonch yorliqlari qabul qilindi.
Sirdaryo viloyatiga yangi prokuror tayinlandi
Savid Imatov Sirdaryo viloyati prokurori lavozimiga tayinlandi. U bunga qadar Qoraqalpog‘iston prokurorining birinchi o‘rinbosari lavozimida ishlagan.
Foto: Shavkat Mirziyoyev Termizda qo‘shinlarning taktik o‘quvini kuzatdi
Shavkat Mirziyoyev Janubi-g‘arbiy maxsus harbiy okrugi «Termiz» dala o‘quv maydonida qo‘shinlarning brigada taktik o‘quvini kuzatdi. Ularning jangovar tayyorgarligini oshirish bo‘yicha ko‘rsatmalar berdi. Mashg‘ulotlar jahonda kuzatilayotgan harbiy harakatlar xususiyatidan kelib chiqib o‘tkazilgani qayd etildi.
Pokistonning O‘zbekistondagi yangi elchisi tayinlandi
Ahmed Faruq Pokistonning O‘zbekistondagi yangi elchisi etib tayinlandi. TIVda undan ishonch yorliqlari nusxalari qabul qilib olindi.
Toshkent viloyatida 3 nafar tuman hokimi o‘rinbosariga hayfsan berildi
O‘rta Chirchiq, Yangiyo‘l, Parkent tumanlari hokimlari dehqon xo‘jaliklari uchun qo‘shimcha 100 gektardan yer maydoni ajratib bermagani uchun tushuntirish xati yozadi. Qibray, Yangiyo‘l, Chinoz hokimlari o‘rinbosarlariga esa hayfsan berildi.
«O‘zbekneftgaz» sobiq rahbari Mehriddin Abdullayev Hisob palatasiga qaytdi
«O‘zbekneftgaz» kompaniyasining sobiq rahbari Mehriddin Abdullayev O‘zbekiston Hisob palatasi raisi o‘rinbosari etib tayinlandi. U 2017−2020 yillarda mazkur tashkilotda birinchi o‘rinbosar lavozimida ishlagan.
Ulug‘bek Qosimov Surxondaryo viloyati hokimi etib tasdiqlandi
2022 yil dekabrdan beri Surxondaryo viloyatini vaqtincha boshqarib kelayotgan Ulug‘bek Qosimov viloyat hokimi lavozimiga tasdiqlandi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting