Siyosat
Prezident “svetoforsiz estakadalar” qurish dasturini ishlab chiqish bo‘yicha topshiriq berdi
O‘zbekiston prezidenti yo‘l-transport hodisalari sonini kamaytirish yuzasidan takliflar ishlab chiqish hamda ularga tez-tez tirbandlik va avariyalar kuzatiladigan yo‘llarda “svetoforsiz estakadalar” qurishni o‘z ichiga olgan uch yillik dasturni kiritish bo‘yicha topshiriq berdi.
Bosh vazirning amaldorlarga yo dinni, yoki davlat ishini tanlashi talabini qo‘ygani rad etildi
Ijtimoiy tarmoqlarda O‘zbekiston bosh vazirining amaldorlarga yo dinni, yoki davlat ishini tanlash talabini qo‘ygani haqidagi xabarlar tarqaldi. Hukumat rahbari matbuot xizmati ushbu xabarlarni rad etib, tarmoq foydalanuvchilaridan bunday xabarlarga ishonmaslikni so‘radi.
“Markaziy Osiyo transport xabi vazifasini yana zimmasiga olmoqda” — Shavkat Mirziyoyev
O‘zbekiston prezidenti Markaziy Osiyo davlatlari rahbarlari sammitida imkon qadar tezroq mintaqada to‘laqonli erkin savdo zonasini tashkil etish, transport va tranzit bo‘yicha kelishuvni ishlab chiqish, energetika infratuzilmasini birgalikda barpo etish va xavfsizlik bo‘yicha uchrashuvlar o‘tkazishni taklif qildi.
Yevroparlament Lukashenkoni Rossiyaning Ukrainadagi jinoyatlariga sherik deb tan oldi
Yevroparlament Belarus prezidenti Aleksandr Lukashenkoni Ukrainadagi jinoyatlari, xususan, ukrainalik bolalarni deportatsiya qilishda Rossiyaning sherigi deb tan oldi va Gaagadagi sudni uni hibsga olishga order berishga chaqirdi. Shunga o‘xshash hujjat avval Rossiya prezidentining hibsga olinishi uchun chiqarilgandi.
Tojikistonda Shavkat Mirziyoyev va Emomali Rahmon muzokara o‘tkazdi. Foto
Shavkat Mirziyoyev Dushanbeda tojikistonlik hamkasbi Emomali Rahmon bilan uchrashib, ittifoqchilik masalalarini muhokama qildi. Qolaversa, ular Markaziy Osiyo mamlakatlari yetakchilarining navbatdagi Maslahat uchrashuvi va Orolni qutqarish xalqaro jamg‘armasi sammitiga qo‘yilgan masalalar yuzasidan fikr almashdi.
Davlat organlari rahbarlari faoliyati jamoatchilik fikri orqali baholanadi
O‘zbekistonda davlat idoralari rahbarlarining faoliyati jamoatchilik fikridan kelib chiqib baholanadi. Aholi muammolarini aniqlash va hal etish tizimi samaradorligini oshirish maqsadida murojaatlarni elektron shaklda ro‘yxatga olish amaliyoti joriy etiladi.
Aliya Yunusova bola huquqlari bo‘yicha ombudsman lavozimini tark etayotganini ma’lum qildi
Bola huquqlari bo‘yicha ombudsman Aliya Yunusova “mavjud vaziyatdan kelib chiqib” o‘z faoliyatini to‘xtatayotganini e’lon qildi. U mazkur lavozimda 2020-yilning fevralidan beri ishlab kelayotgandi.
Davlat hisobidan tibbiy yordam ko‘rsatiladigan imtiyozli toifadagi shaxslar ro‘yxati kengaytirildi
Xizmat vaqtida halok bo‘lgan harbiy xizmatchilari va xodimlarining oila a’zolari ham davlat hisobidan tibbiy yordam ko‘rsatiladigan imtiyozli toifadagi shaxslar ro‘yxatiga kiritildi.
Begisbay Temirbayev Qoraqalpog‘iston madaniyat vaziri bo‘ldi
Shu vaqtgacha Qoraqalpoq davlat milliy folklor ansambli direktori lavozimida ishlab kelgan Begisbay Temirbayev Qoraqalpog‘iston madaniyat vaziri etib tayinlandi.
O‘zbekiston Qatar bilan oliy ta’lim va ilmiy tadqiqotlar sohasida hamkorlik qiladi
Prezident Qatar bilan oliy ta’lim va ilmiy tadqiqotlar sohasida hamkorlik to‘g‘risidagi bitimni tasdiqlash bo‘yicha qarorni qabul qildi.
Prezident davlat chegarasi to‘g‘risidagi qonunni imzoladi
Shavkat Mirziyoyev “O‘zbekiston Respublikasining Davlat chegarasi to‘g‘risidagi qonun”ni imzoladi. Unda Davlat xavfsizlik xizmati davlat chegarasini qo‘riqlash va himoya qilish sohasidagi yagona davlat siyosatini amalga oshirishi belgilab qo‘yildi.
Ichki kema yo‘llarida faqat O‘zbekiston bayrog‘i ostida suzish shart etib belgilandi
Endi ichki kema yo‘llarida faqat O‘zbekiston Respublikasi bayrog‘i ostida suzishga yo‘l qo‘yiladi. Bu ichki kema yo‘llarida suzish qoidalarida belgilab qo‘yildi. Shuningdek, gorizont bo‘ylab ko‘rinish masofasi 1 kilometrdan kam bo‘lganda kemalarning harakatlanishi taqiqlanadi.
Zarafshonning sobiq hokimi Anvar Rajabov jinoiy javobgarlikka tortilgan
2018−2022-yillarda Zarafshon shahri hokimi bo‘lgan Anvar Rajabov yer ajratish bilan bog‘liq masalada aybdor deb topilib, 3,5 yilga ozodlikni cheklash jazosiga hukm qilingani ma’lum bo‘ldi.
O‘zbekiston prezidenti Dushanbe o‘tadigan Markaziy Osiyo davlatlari rahbarlarining maslahat uchrashuvida qatnashadi
Shavkat Mirziyoyev 14−15-sentabr kunlari Markaziy Osiyo besh mamlakati rahbarlarining maslahat uchrashuvi hamda besh yil deganda o‘tkazilayotgan Orolni qutqarish xalqaro jamg‘armasi sammitida ishtirok etish uchun Tojikistonga boradi.
Shavkat Mirziyoyev Nyu-Yorkda BMT Bosh Assambleyasining 78-sessiyasida nuqt so‘zlaydi
O‘zbekiston prezidenti kelgusi haftada AQShga boradi. Shavkat Mirziyoyev Nyu-Yorkda bo‘lib o‘tadigan BMT Bosh Assambleyasining 78-sessiyasida nuqt so‘zlaydi, qolaversa, AQSh tashabbusi bilan o‘tkazilayotgan “C5+1” formatidagi AQSh va Markaziy Osiyo davlatlari rahbarlarining uchrashuvida qatnashadi.
“Navbatdagi fantazyor”. O‘zbek faollari rossiyalik deputatning sobiq SSSR davlatlari haqidagi fikriga munosabat bildirdi
Rossiya davlat dumasi deputati Yevgeniy Fyodorov Rossiya Sobiq Ittifoq davlatlari bilan urishishga majbur bo‘lishi, ular SSSRdan noqonuniy ajralib chiqqani haqida fikr bildirdi. O‘zbekistonlik deputatlar buni “nosog‘lom fikr” deya atab, bu so‘zlarga jiddiy munosabat bildirish shart emasligini ta’kidladi.
“Yiliga 500 ming o‘quvchi o‘rni yaratish vazifasi hech qayerga yo‘qolmadi” — prezident matbuot kotibi
Prezident matbuot kotibi Sherzod Asadov “Gazeta.uz” nashriga javoban, “O‘zbekiston — 2030” strategiyasiga yiliga 500 ming o‘quvchi o‘rni tashkil etish bandi kiritilmagan bo‘lsada, “topshiriq hech qayerga yo‘qolmagani”ni aytdi. Bu borada chora-tadbirlar va mexanizmlar belgilab berilgan, dedi u.
Urbanizatsiya va shaharsozlik hujjatlarini ishlab chiqish respublika markazi tashkil etildi
Qurilish va uy-joy kommunal xo‘jaligi vazirligi huzurida davlat muassasasi shaklida Urbanizatsiya va shaharsozlik hujjatlarini ishlab chiqish respublika markazi tashkil etildi. Markaz Davlat shaharsozlik kadastrini yuritadi.
Sog‘liqni saqlash vaziriga yangi o‘rinbosarlar tayinlandi
Prezident qarori bilan Farrux Sharipov, Farxodjon Tashpulatov va Olim Omonov sog‘liqni saqlash vaziri o‘rinbosarlari etib tayinlandi.
Prezident “O‘zbekiston — 2030” strategiyasini tasdiqladi
Prezident “O‘zbekiston — 2030” strategiyasini tasdiqladi. Uning maqsadlari qatoriga barcha fuqarolarning o‘z salohiyatini ro‘yobga chiqarish uchun imkoniyatlar yaratish, sog‘lom va bilimli avlodni tarbiyalash, kuchli iqtisodiyotni shakllantirish hamda adolat, qonun ustuvorligi va xavfsizlikni kafolatlash kiradi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting