Siyosat
«Rustam kimligini hech kim bilmaydi». Polshalik jurnalist TIV bilan uchrashuv haqida
O‘zbekiston TIV xodimi tomonidan unga shilqimlik qilinganini aytgan polshalik jurnalist Agneshka Pikulitska vazirlik bilan uchrashganligini ma’lum qildi. Uning so‘zlariga ko‘ra, TIV holat bo‘yicha tekshiruv o‘tkazolmaydi, chunki Rustam kimligini hech kim bilmaydi. Jurnalist uni TIVda bir necha marotaba ko‘rganligini aytmoqda. Senat raisi Tanzila Narbayeva holatga munosabat bildirib, hodisa puxta o‘rganilib, aybdorlar jazolanishini ta’kidladi. «Ammo bu respublikada amalga oshirilayotgan islohotlarga soya solmasligi lozim», — dedi Narbayeva.
Senat Konstitutsiya va boshqa qonunlarga o‘zgartirishlar kiritish masalasini ko‘rib chiqadi
Oliy Majlis Senati 5 fevral kuni bo‘lib o‘tadigan 12-yalpi majlisda bir qator qonunlar, shuningdek, Konstitutsiyaga o‘zgartirishlar kiritish masalasini ko‘rib chiqadi.
TIV xalqaro jurnalistga akkreditatsiya bermadi. Jurnalist TIV xodimi unga tegajog‘lik qilganini aytmoqda
Guardian, Al Jazeera, The Diplomat xalqaro nashrlari uchun yozadigan mustaqil jurnalist Agneshka Pikulitska-Vilchevska O‘zbekiston Tashqi ishlar vazirligi unga akkreditatsiya bermaganligini ma’lum qildi. Akkreditatsiya bo‘yicha javob qonun bo‘yicha 2 oyda emas, 6 oyda berilgan. Jurnalist TIV xodimi unga tegajog‘lik qilganini, ijobiy maqolalar yozishini so‘raganligini aytmoqda.
Sobiq vazir Qarshi davlat universitetiga rektor etib tayinlandi
Jismoniy tarbiya va sport vaziri lavozimida ishlagan Dilmurod Nabiyev Qarshi davlat universiteti rektori etib tayinlandi.
Prezident Toshkent hokimini «shahar ichidagi qurilishlar» uchun tanqid qildi
Investitsion loyihalar taqdimotida Shavkat Mirziyoyev Toshkent shahar hokimi Jaxongir Ortiqxo‘jayevga murojaat qilib, shahar ichidagi qurilish loyihalari haqida tanqidiy fikrlar bildirdi. «Men Toshkentda 4−5 yil ishlaganman og‘ayni. Bu yerga 120 mm li kichkinagina kanalizatsiya qo‘yganmiz… Sen esa u yerda 9 qavatli uy quribsan», — dedi prezident.
Aziz Abduhakimov O‘zbekiston shaxmat federatsiyasi raisi etib saylandi
Bosh vazir o‘rinbosari — Turizmni rivojlantirish davlat qo‘mitasi raisi Aziz Abduhakimov endi O‘zbekiston shaxmat federatsiyasiga ham rahbarlik qiladi. Shuningdek, u bir vaqtning o‘zida «Chorvoq» erkin turistik zonasi direksiyasi direktori va «Ipak yo‘li» xalqaro turizm universiteti rektori ham hisoblanadi. Abduhakimovning mehnat faoliyati haqida batafsil.
Toshkent viloyati hokimi ishdan olindi
Toshkent viloyati hokimi Rustam Xolmatov prezident farmoni bilan ishdan olindi. Uning o‘rniga Toshkent shahar hokimining birinchi o‘rinbosari sifatida faoliyat yuritgan Davron Hidoyatov viloyat hokimi vazifasini bajaruvchi etib tayinlandi. Oldinroq prezident bitta hokim va vazir ishdan olinishini e’lon qilgandi. «Sadoqatli odam, lekin ishni bajara olmayapti. Aravani tortmayapti», — degandi prezident ishdan ketadigan hokim haqida gapirib.
Shavkat Mirziyoyev Islom Karimov xotirasiga hurmat bajo keltirdi
Prezident Shavkat Mirziyoyev Toshkent shahridagi birinchi prezident Islom Karimov haykali poyiga gulchambar qo‘ydi.
Islom Karimovning siz ko‘rmagan 19 ta fotosurati
30 yanvar — O‘zbekiston Respublikasining birinchi prezidenti Islom Karimovning tug‘ilgan kuni. Ushbu sana munosabati bilan “O‘zarxiv” agentligi tomonidan taqdim etilgan mustaqil O‘zbekistonning birinchi rahbarining 19 ta fotosurati bilan bo‘lishamiz.
Deputatlar saylov kunini ko‘chirishga oid qonunni qabul qildi, hujjat Senatga yuboriladi
Qonunchilik palatasi saylov kunini ko‘chirish bo‘yicha Konstitutsiyaga o‘zgartish kiritishga oid qonunni qabul qildi. Hujjat Senatga yuboriladi. Agar Senat ham ushbu qonun loyihasini ma’qullab, prezident imzo cheksa, unda 2021 yilga prezident saylovlari 24 oktyabrga to‘g‘ri kelishi mumkin.
«Shavkat Mirziyoyev Karimovdan qolgan diktaturani yo‘qotdi» — Qirg‘iziston prezidenti
Qirg‘izistonning yangi saylangan prezidenti Sadir Japarov BBC’ga bergan intervyusida prezidentlik muddati davomida avtoritar hokimiyat o‘rnatish xohishi yo‘qligini aytib, O‘zbekiston misolini keltirdi. «Karimov davrida kuchli diktatura edi. Shavkat Mirziyoyev kelgach, diktaturani olib tashlab, dunyoga eshigini ochdi. Agar diktatura o‘rnataman desa, Karimovning diktaturasini davom ettirsa bo‘lardi. Davom ettirmadi-ku. Bu har bir odamning o‘ziga bog‘liq», — dedi Japarov.
Shavkat Mirziyoyev «O‘zbekiston uchun 100 g‘oya» loyihasini taklif qildi
Prezident iqtidorli yoshlarni kashf qilish va ularning tashabbuslarini qo‘llab-quvvatlash maqsidida «O‘zbekiston uchun 100 g‘oya» loyihasini ilgari surdi. Har bir hududdan 100 tadan g‘oya — jami 1400 ta g‘oya yig‘ilishi kutilmoqda.
O‘zbekiston va Janubiy Koreya prezidentlari onlayn-sammit o‘tkazdi
O‘zbekiston va Koreya Respublikasi prezidentlari onlayn-sammit yakunlari bo‘yicha raqamlashtirish sohasidagi hamkorlik to‘g‘risida memorandum, EDCF bilan hamkorlik bo‘yicha 1 mlrd dollarlik dasturni amalga oshirish bo‘yicha bitim va boshqa hujjatlarni imzoladilar.
Furqat Mahmudxo‘jayev Toshkent shahar hokimi o‘rinbosari bo‘ldi
Toshkent shahar hokimining matbuot kotibi lavozimida faoliyat yuritib kelgan Furqat Mahmudxo‘jayev poytaxt hokimining o‘rinbosari — Mahalla va oilani qo‘llab-quvvatlash boshqarmasi boshlig‘i etib tayinlandi.
Yoshlar muammolarini tizimli o‘rganish Davlat xavfsizlik xizmatiga yuklatildi
Davlat xavfsizlik xizmati endi yoshlar dasturlarini amalga oshirishda, shuningdek, yoshlarning ijtimoiy muammolarini muvofiqlashtirish va tizimli o‘rganishda ishtirok etadi. «Pastda yoshlar bilan ishlash tizimi yaratilgan, lekin ming afsus, biz kutgan natija bo‘lmagani uchun bugun mana shunday tizimni yaratyapmiz», — dedi Shavkat Mirziyoyev.
Shavkat Mirziyoyev va Mun Chje In videoanjumanda uchrashadi
Ilgari erishilgan kelishuvlarga muvofiq, O‘zbekiston va Koreya prezidentlari onlayn uchrashuv o‘tkazadi. Kun tartibidan strategik sheriklik munosabatlari o‘rin olgan. Sammit yakunida esa yangi tashabbuslarni ilgari surish ko‘zda tutilgan hujjatlar imzolanadi.
Prezident hokim va vazir ishdan bo‘shatilishini e’lon qildi
Shavkat Mirziyoyev yaqin orada bir hokim va bir vazirni ishdan olishini ma’lum qildi. lekin ularning ismlarini aytmadi. Hokim haqida gapirar ekan, «Sadoqatli odam, lekin ishni bajara olmayapti. Aravani tortmayapti», — dedi prezident.
Prezident tumanlarga korrupsiya bo‘yicha «tashxis qo‘yishni» buyurdi
Shavkat Mirziyoyev bosh prokuror Nig‘matilla Yo‘ldoshevga tumanlar bo‘ylab korrupsiya sabablarini o‘rganishni buyurdi. «Suvga, svetga shuncha qarz olindi. Hamma joyda o‘g‘irlik. Maktab, kollejlar qurilishida ham. Hamma joyda korrupsiya», — ta’kidladi davlat rahbari.
«Keraksiz majlis o‘tkazadiganlar ishdan haydaladi» — prezident
«Keraksiz majlislarni o‘tkazishni tugatish kerak» — dedi prezident videoselektor yig‘ilishida. Davlat rahbari 40 daqiqadan ko‘proq yig‘ilish o‘tkazadigan davlat organlari rahbarlari ishdan ketishini aytdi.
Deputat saylovlar oktyabr oyiga ko‘chirilishining sabablari haqida
Oliy Majlisi Qonunchilik palatasi deputati Akshagul Tulegenovaning ma’lum qilishicha, saylovlarning dekabrda o‘tkazilishi saylovlardan keyingi siyosiy tadbirlar yangi yilning birinchi choragi oxiriga qadar cho‘zilishiga olib kelib, natijada Davlat dasturini qabul qilish va boshqa islohotlar kechiktirilishiga sabab bo‘lishi mumkin.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting