Siyosat
Zayniddin Nizamxodjayev Markaziy saylov komissiyasi raisi bo‘lishi kutilmoqda
Markaziy saylov komissiyaning raisi Mirza-Ulug‘bek Abdusalomovning boshqa ishga o‘tishi munosabati bilan uning o‘rniga Senat raisi o‘rinbosari Zayniddin Nizamxodjayev saylanishi kutilmoqda. Unga esa adliya vaziri o‘rinbosari Baxrom Kuchkarov o‘rinbosar bo‘ladi.
2021 yilgi davlat dasturi qabul qilindi
Prezident farmoni bilan 2021 yilgi davlat dasturi qabul qilindi. U 274 banddan iborat. Yil davomida tadbirlarni amalga oshirishga jami 29,5 trln so‘m, 2,6 mlrd dollar va 57,5 mln yevro yo‘naltiriladi.
Shuxrat Atabayev prezident maslahatchisiga o‘rinbosar bo‘ldi
Ipoteka-banki boshqaruvi raisi Shuxrat Atabayev prezident maslahatchisiga o‘rinbosar bo‘ldi. U Yaponiyaning Siyosiy fanlar milliy institutida tahsil olgan va mehnat faoliyatini 1995 yil Navoiy viloyatidagi 14-o‘rta maktabda ingliz tili o‘qituvchiligidan boshlagan.
Markaziy saylov komissiyasi raisi Mirzo-Ulug‘bek Abdusalomovning vakolati tugatiladi
Deputatlar Markaziy saylov komissiyasining 16 yillik raisi Mirzo-Ulug‘bek Abdusalomov bilan birga yana 6 nafar a’zoning vakolatini tugatishni ma’qulladi. Bundan tashqari, 8 nafar yangi a’zo tarkibi ham ko‘rib chiqildi.
O‘zbekiston Demokratiya indeksida 155-o‘rinni egalladi
The Economist Intelligence Unit tashkilotining Demokratiya indeksida O‘zbekistonning pozitsiyalari o‘tgan yilga nisbatan yaxshilanib, mamlakat 167 davlat orasida 155-o‘rinni egalladi. Lekin O‘zbekiston «avtoritar rejimlar» ro‘yxatida qolgan. Mintaqadagi «avtoritar rejimlar»da holat o‘tgan yilga nisbatan yaxshilangan bo‘lsada, tadqiqotchilar ushbu davlatlarda sezilarli o‘zgarish bo‘lishi kutilmayotganligini ta’kidlagan.
TIV polshalik jurnalistdan uzr so‘radi
O‘zbekiston tashqi ishlar vazirligi polshalik jurnalist Agneshka Pikulitskadan uzr so‘radi. Vazirlik shilqimlikda ayblangan xodim ishdan bo‘shatilganini ma’lum qildi. Jurnalistning akkreditatsiyasini rasmiylashtirish 3 fevral kuni yakunlanadi, deyiladi TIV bayonotida.
«Raqobatsiz natija bo‘lmaydi». Prezident partiya rahbarlari bilan uchrashdi
«Biz mamlakatning iqtisodiy-ijtimoiy hayoti bilan bog‘liq deyarli barcha masalalarni prezident hujjatlari bilan tartibga solishga majbur bo‘lyapmiz», — deya ta’kidladi prezident siyosiy partiya rahbarlari bilan uchrashuvda. Uning so‘zlariga ko‘ra, deputatlar tashabbusi bilan taklif etilgan qonunlar soni «barmoq bilan sanarli».
Jazoni ijro etish bosh boshqarmasiga yangi rahbar tayinlandi
Navoiy viloyati IIB boshlig‘i lavozimida faoliyat yuritib kelgan polkovnik Tursunov Rustam Raxmonovich IIV Jazoni ijro etish bosh boshqarmasi boshlig‘i lavozimiga tayinlandi.
Dilshod Kenjayev prezident maslahatchisining o‘rinbosari etib tayinlandi
2018 yildan beri Xalq ta’limi vaziri o‘rinbosari lavozimida ishlagan Dilshod Kenjayev prezident maslahatchisining o‘rinbosari bo‘ldi.
«Rustam kimligini hech kim bilmaydi». Polshalik jurnalist TIV bilan uchrashuv haqida
O‘zbekiston TIV xodimi tomonidan unga shilqimlik qilinganini aytgan polshalik jurnalist Agneshka Pikulitska vazirlik bilan uchrashganligini ma’lum qildi. Uning so‘zlariga ko‘ra, TIV holat bo‘yicha tekshiruv o‘tkazolmaydi, chunki Rustam kimligini hech kim bilmaydi. Jurnalist uni TIVda bir necha marotaba ko‘rganligini aytmoqda. Senat raisi Tanzila Narbayeva holatga munosabat bildirib, hodisa puxta o‘rganilib, aybdorlar jazolanishini ta’kidladi. «Ammo bu respublikada amalga oshirilayotgan islohotlarga soya solmasligi lozim», — dedi Narbayeva.
Senat Konstitutsiya va boshqa qonunlarga o‘zgartirishlar kiritish masalasini ko‘rib chiqadi
Oliy Majlis Senati 5 fevral kuni bo‘lib o‘tadigan 12-yalpi majlisda bir qator qonunlar, shuningdek, Konstitutsiyaga o‘zgartirishlar kiritish masalasini ko‘rib chiqadi.
TIV xalqaro jurnalistga akkreditatsiya bermadi. Jurnalist TIV xodimi unga tegajog‘lik qilganini aytmoqda
Guardian, Al Jazeera, The Diplomat xalqaro nashrlari uchun yozadigan mustaqil jurnalist Agneshka Pikulitska-Vilchevska O‘zbekiston Tashqi ishlar vazirligi unga akkreditatsiya bermaganligini ma’lum qildi. Akkreditatsiya bo‘yicha javob qonun bo‘yicha 2 oyda emas, 6 oyda berilgan. Jurnalist TIV xodimi unga tegajog‘lik qilganini, ijobiy maqolalar yozishini so‘raganligini aytmoqda.
Sobiq vazir Qarshi davlat universitetiga rektor etib tayinlandi
Jismoniy tarbiya va sport vaziri lavozimida ishlagan Dilmurod Nabiyev Qarshi davlat universiteti rektori etib tayinlandi.
Prezident Toshkent hokimini «shahar ichidagi qurilishlar» uchun tanqid qildi
Investitsion loyihalar taqdimotida Shavkat Mirziyoyev Toshkent shahar hokimi Jaxongir Ortiqxo‘jayevga murojaat qilib, shahar ichidagi qurilish loyihalari haqida tanqidiy fikrlar bildirdi. «Men Toshkentda 4−5 yil ishlaganman og‘ayni. Bu yerga 120 mm li kichkinagina kanalizatsiya qo‘yganmiz… Sen esa u yerda 9 qavatli uy quribsan», — dedi prezident.
Aziz Abduhakimov O‘zbekiston shaxmat federatsiyasi raisi etib saylandi
Bosh vazir o‘rinbosari — Turizmni rivojlantirish davlat qo‘mitasi raisi Aziz Abduhakimov endi O‘zbekiston shaxmat federatsiyasiga ham rahbarlik qiladi. Shuningdek, u bir vaqtning o‘zida «Chorvoq» erkin turistik zonasi direksiyasi direktori va «Ipak yo‘li» xalqaro turizm universiteti rektori ham hisoblanadi. Abduhakimovning mehnat faoliyati haqida batafsil.
Toshkent viloyati hokimi ishdan olindi
Toshkent viloyati hokimi Rustam Xolmatov prezident farmoni bilan ishdan olindi. Uning o‘rniga Toshkent shahar hokimining birinchi o‘rinbosari sifatida faoliyat yuritgan Davron Hidoyatov viloyat hokimi vazifasini bajaruvchi etib tayinlandi. Oldinroq prezident bitta hokim va vazir ishdan olinishini e’lon qilgandi. «Sadoqatli odam, lekin ishni bajara olmayapti. Aravani tortmayapti», — degandi prezident ishdan ketadigan hokim haqida gapirib.
Shavkat Mirziyoyev Islom Karimov xotirasiga hurmat bajo keltirdi
Prezident Shavkat Mirziyoyev Toshkent shahridagi birinchi prezident Islom Karimov haykali poyiga gulchambar qo‘ydi.
Islom Karimovning siz ko‘rmagan 19 ta fotosurati
30 yanvar — O‘zbekiston Respublikasining birinchi prezidenti Islom Karimovning tug‘ilgan kuni. Ushbu sana munosabati bilan “O‘zarxiv” agentligi tomonidan taqdim etilgan mustaqil O‘zbekistonning birinchi rahbarining 19 ta fotosurati bilan bo‘lishamiz.
Deputatlar saylov kunini ko‘chirishga oid qonunni qabul qildi, hujjat Senatga yuboriladi
Qonunchilik palatasi saylov kunini ko‘chirish bo‘yicha Konstitutsiyaga o‘zgartish kiritishga oid qonunni qabul qildi. Hujjat Senatga yuboriladi. Agar Senat ham ushbu qonun loyihasini ma’qullab, prezident imzo cheksa, unda 2021 yilga prezident saylovlari 24 oktyabrga to‘g‘ri kelishi mumkin.
«Shavkat Mirziyoyev Karimovdan qolgan diktaturani yo‘qotdi» — Qirg‘iziston prezidenti
Qirg‘izistonning yangi saylangan prezidenti Sadir Japarov BBC’ga bergan intervyusida prezidentlik muddati davomida avtoritar hokimiyat o‘rnatish xohishi yo‘qligini aytib, O‘zbekiston misolini keltirdi. «Karimov davrida kuchli diktatura edi. Shavkat Mirziyoyev kelgach, diktaturani olib tashlab, dunyoga eshigini ochdi. Agar diktatura o‘rnataman desa, Karimovning diktaturasini davom ettirsa bo‘lardi. Davom ettirmadi-ku. Bu har bir odamning o‘ziga bog‘liq», — dedi Japarov.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting