O‘zbekistonlik para-dzyudochilar Bokuda 10 ta Gran-pri medallarini qo‘lga kiritishdi
Para-dzyudo bo‘yicha O‘zbekiston milliy terma jamoasi Boku shahridagi Gran-pri musobaqasida 10 ta medalni qo‘lga kiritdi va umumjamoa hisobida 2-o‘rinni egalladi.
TATU filiali xodimi va uning sherigi pora bilan qo‘lga tushdi
Bosh prokuratura ma’lumotiga ko‘ra, TATUning Samarqand filiali bo‘limi boshlig‘i va uning sherigi samarqandlik fuqaroga Qozog‘istondagi institutlardan birida o‘qiyotganligi haqida hujjat tayyorlab berish evaziga 3000 dollar olganida ushlangan.
XMT kelgusi besh yil ichida rekord darajada issiq yil bo‘lishini taxmin qilmoqda
BMT meteorologlarining taxmin qilishicha, yaqin besh yil ichida rekord darajada issiq yil bo‘lishi kutilmoqda. Kelgusi besh yillikning har bir yilidagi o‘rtacha harorat sanoatgacha bo‘lgan davrdagi harorat qiymatlaridan kamida bir daraja yuqori bo‘ladi.
Jahongir Ortiqxo‘jayev reklama konstruksiyalari buzib tashlanayotganiga oid savolni javobsiz qoldirdi
Poytaxt hokimi yoshlar bilan uchrashuvdan so‘ng, xizmat avtomobiliga borgunicha jurnalistlar unga savol bilan murojaat qilishga urinishdi. Undan hech bir qarorsiz reklama bannerlari buzib tashlanayotgani haqida so‘ralganida, u savolni javobsiz qoldirdi va qadamini tezlashtirdi.
O‘zbekiston Isroil bilan muntazam aviaqatnovlarni qayta tikladi
24 maydan boshlab Toshkent — Tel-Aviv — Toshkent muntazam aviaqatnovlari qayta tiklandi. Aviaqatnovlar haftaning dushanba kunlari amalga oshiriladi.
YUNESKOning 44-sessiyasida Shahrisabzning tarixiy qismini regeneratsiya qilish masalasi ko‘tariladi
YUNESKO Umumjahon merosi qo‘mitasining Xitoyda bo‘lib o‘tadigan 44-sessiyasida Shahrisabzning tarixiy qismini regeneratsiya qilish loyihasi muhokama qilinadi. O‘zbekiston taklifiga binoan xorijlik ekspertlar 3 xil konsepsiyani ishlab chiqqan. Loyihalardan biri tanlangach, 2022 yildan amaliy ishlar boshlanishi mumkin.
O‘zbekistonda vaksinaning 2-dozasini olganlar soni 500 ming nafarga yetdi
O‘zbekistonda koronavirusga qarshi emlanganlar soni 1,7 mln nafardan oshgan bo‘lib, emlanganlar orasida 499 094 nafar fuqaro vaksinaning 2-dozasini qabul qilgan. Shuningdek, so‘nggi kun ichida 269 nafar bemor kasallikdan sog‘aygan bo‘lib, O‘zbekistonda sog‘ayish ko‘rsatkichi 96 foizni tashkil etmoqda.
Jizzaxda Lacetti «lyuk"idan tana qismini chiqarib ketgan qiz jarimaga tortildi
Jizzaxda Lacetti harakatlanayotgan paytida «lyuk» dan tana qismini chiqarib ketgan qiz aks etgan video tarqaldi. Viloyat IIB tomonidan fuqaroga nisbatan ma’muriy bayonnoma tuzilib, 245 ming so‘m miqdorida jarimaga tortildi.
«Vilyarreal» Yevropa ligasi finalida «Manchester Yunayted»ni yengib, chempion bo‘ldi
Futbol bo‘yicha Yevropa ligasi finalida «Vilyarreal» jamoasi «Manchester Yunayted» klubini penaltilar seriyasida 11:10 hisobida mag‘lub etib, musobaqa chempioni bo‘ldi.
«Trest 12» 5 trln so‘mga yaqin loyihalarni tendersiz amalga oshirgan — Antikorrupsiya agentligi
Antikorrupsiya agentligi rahbari Akmal Burxonov qurilish vaziri Botir Zokirovning oila a’zolariga aloqador bo‘lgan «Trest-12» kompaniyasi qo‘lga kiritgan loyihalarda manfaatlar to‘qnashuvi bo‘lganini tasdiqladi. Uning so‘zlariga ko‘ra, mazkur kompaniya tendersiz 5 tln so‘mlik (tahminan $471 mln) loyihalarni amalga oshirgan. Agentlik bu kabi muammolarni bartaraf etish uchun ikkita taklifni ilgari surmoqda.
«Biz o‘z e’tirozimizni bildirmoqchimiz». Andijon viloyati deputatlari prezidentga murojaat qildi
Xalq deputatlari Andijon viloyati kengashi prezidentga murojaat yo‘llab, mansabdor shaxslar tomonidan deputatlarga bosimlar o‘tkazilayotganini bildirdi. Shuningdek, ular deputatlarning daxlsizlik huquqini buzilishi e’tiborsiz qoldirilayotganidan shikoyat qilishdi.
Jahon yangiliklari dayjesti
Kolombo yaqinida kimyoviy moddalar bilan to‘ldirilgan kemaning olti kundan buyon yonayotgani, bir nechta mamlakatlarning Suriyadagi saylovlarni tan olmaslikka chaqirayotgani, AQSH Kongressining Xitoyga qarshi qaratilgan qonun loyihasini taqdim etgani va boshqa yangiliklar — «Gazeta.uz»ning jahon yangiliklari dayjestida.
26 may kuni O‘zbekistonda sodir bo‘lgan eng muhim xabarlar dayjesti
Senatning o‘ng beshinchi yalpi majlisi, Toshkent viloyatida bir yarim ming gektardan ortiq yer o‘zboshimchalik bilan egallab olinishi, Equinox`ning Qozog‘istondagi narxi, Samarqandda maktab-internati tarbiyalanuvchilari kaltaklanishi, Shahrisabzda masjid hovlisida ayvon qurilishi nima sababdan to‘xtatilgani — “Gazeta.uz"ning 26 maydagi eng muhim xabarlari dayjestida.
Sobiq mehribonlik uyi tarbiyalanuvchilariga murojaati bo‘yicha to‘liq tushuntirish berilgan edi — Vazirlar mahkamasi xodimi
Vazirlar mahkamasi mas’ul xodimi murojaat bilan kelgan sobiq mehribonlik uyi tarbiyalanuvchilariga masala hal qilinishi bo‘yicha tushuntirish berilganligini ta’kidladi. Uning so‘zlariga ko‘ra, murojaatchilar har biriga 100 mln so‘mdan pul to‘lab berilmasa, uylariga qaytmasliklarini aytib shart qo‘ygan. Hukumat apparati xodimi voqea Vazirlar mahkamasi binosida emas, binoning oldida, fuqarolar qabul qilinadigan hududda sodir bo‘lganligini ma’lum qildi.
MIB xodimi ikki yilda 596 mln so‘mni o‘zlashtirib yuborgani ma’lum bo‘ldi
Toshkentda MIB xodimi ikki yil ichida depozit hisobvarag‘iga kelib tushgan 596 mln so‘mdan ko‘proq pulni talon toroj qilgani aytilmoqda. U buni elektron to‘lov topshiriqnomalariga soxta ma’lumotlarni kiritish yo‘li bilan amalga oshirgan. Sudlanuvchiga 2 yil muddatga axloq tuzatish ishlari jazosi tayinlangan.
«Tolibon» Afg‘oniston qo‘shnilarini o‘z hududiga chet el bazalarini joylashtirmaslikka chaqirdi
«Tolibon» harakati Afg‘onistonga qo‘shni davlatlarni o‘z hududiga chet el qurolli kuchlarini joylashtirmaslikka chaqirdi. «Biz o‘z yerimizdan boshqalar xavfsizligiga qarshi foydalanilmasligini bir necha marta ma’lum qildik va boshqalarni ham o‘z yerlari va havo hududlaridan mamlakatimizga qarshi foydalanmaslikka chaqiramiz», — deyiladi bayonotda.
Aleksandr Lukashenko Ryanair samolyotida bomba borligi haqidagi xabarni Shveysariya tomondan kelganini ta’kidladi
Belarus prezidentining ta’kidlashicha, Ryanair samolyotida bomba borligi haqidagi xabarlar bir vaqtning o‘zida Afina, Vilnyus va Minsk aeroportlariga kelgan. Biroq Shveysariya aviatsiya ma’murlari bu haqda xabarsiz bo‘lganliklarini ma’lum qilishdi.
«Murodboy ishi» bo‘yicha sud zalida yuz bergan tartibsizlik yuzasidan IIV izoh berdi
Ijtimoiy tarmoqlarda JIB Yangiyo‘l shahar sudi majlislar zalida sudlanuvchilar qo‘llarini kesib, tartibsizlikni yuzaga keltirgani aks etgan video tarqaldi. IIV mahbuslar lezviya bo‘laklari bilan o‘zlariga tan jarohati yetkazgani, noo‘rin talablarni qo‘yib, ichki ishlar xodimlarining qonuniy talablarini bajarmaganini ma’lum qildi. Viloyat IIBB esa voqeaning kelib chiqish sabablarini o‘rganmoqda.
Focus maktabida badiiy filmlar rejissyorligiga o‘qish uchun qabul boshlandi
Rejissyor Zulfiqor Musoqov rahbarligidagi Focus maktabi badiiy filmlar rejissyorligining o‘zbek tilidagi guruhiga arizalar qabulini e’lon qildi.
Shahrisabzda masjid hovlisida ayvon qurilishi nima sababdan to‘xtatilgani ma’lum qilindi
Shahrisabz shahridagi Hazrati Imom masjidi hovlisida namoz o‘qish ayvonining qurilishi to‘xtatildi. Bunga qurilish haqida tegishli tashkilotlar ogohlantirilmaganligi sabab bo‘lgan. Musulmonlar idorasining Qashqadaryo viloyatidagi vakili ayvon binosi hududdagi tarixiy obidalarga hech qanday zarar yetkazmasligini ta’kidladi.
Qo‘shimcha imkoniyatlarga ega bulish uchun saytda ro‘yxatdan o‘ting