OAV: Maxam Londonda O‘zbekiston hukumatiga qarshi da’vo arizasi bilan chiqdi
Ispaniyaning Maxam korporatsiyasi “Maksam-Chirchiq kimyo zavodidagi ulushi bo‘yicha uzoq davom etgan mojaro tufayli” O‘zbekistonga qarshi xalqaro arbitraj ishini qo‘zg‘atdi, deb yozadi Eurasianet. Tomonlar kelishmovchilikni tinch yo‘l bilan hal qila olishmagan.
Erdog‘an Shavkat Mirziyoyevga Turkiyaning milliy elektromobilidan yuboradi
Turkiya prezidenti mamlakatda ishlab chiqarilgan ilk milliy elektromobil — Togg`ning birinchi egasi bo‘ldi. Erdog‘an yaqin kunlarda ushbu mashinadan Shavkat Mirziyoyev va Ozarbayjon rahbari Ilhom Aliyevga ham yuborilishini bildirdi.
Chilonzor, Sergeli va Yangihayot tumanlarida bir sutkaga gaz o‘chiriladi
4-aprel soat 08:00 dan 5-aprel soat 08:00 ga qadar Sergeli, Yangihayot va Chilonzor tumanlarining qator mahallalarida gaz ta’minoti to‘xtatiladi.
O‘zbekistonda isitish tizimlari biznes boshqaruviga beriladi
Prezident xususiy sheriklik asosida ijtimoiy soha obyektlarining isitish tizimini yangilash va boshqarish bo‘yicha Andijon tajribasini O‘zbekiston bo‘ylab joriy etish topshirig‘ini berdi. Bunda isitish tizimlari tadbirkorlarga 10 yilga beriladi va ularning xizmatlari davlat tomonidan sotib olinadi.
O‘zbekistonda mart oyida 21,9 mlrd so‘mlik elektr energiyasidan noqonuniy foydalanilgan
Mart oyida respublika bo‘ylab 21,9 mlrd so‘mlik elektr energiyasidan noqonuniy foydalanish holatlari aniqlandi. Ushbu hajmdagi elektr energiyasi o‘rtacha 231 mingta xonadonning bir oylik iste’molini tashkil qiladi.
Samarqandda 3 yoshli bola ariqqa tushib ketib vafot etdi
Urgut tumanida 2020-yilda tug‘ilgan bolakay ehtiyotsizlik sabab ariqqa tushib, oqib ketdi. Bolaning o‘limi sabablarini aniqlash uchun sud-tibbiyot ekspertizasi tayinlandi.
Furqat Sidiqov O‘zbekistonning AQShdagi elchisi lavozimida ish boshladi
Furqat Sidiqov O‘zbekistonning AQShdagi elchisi vazifasini bajarishga kirishdi. U bu lavozimda Javlon Vahobovning o‘rnini egalladi.
Xorijdagi referendum o‘tkaziladigan uchastkalar xaritasi tuzildi
Xorijda yashayotgan o‘zbekistonliklar referendum o‘tkaziladigan 55 ta uchastkaning manzilini interaktiv xarita orqali aniqlashi mumkin.
Banklarda dollar kursi biroz tushdi
Tijorat banklari 4-aprel kuni aholidan 1 AQSh dollarini 11 280 — 11 380 so‘mdan sotib olmoqda, sotish kursi esa 11 410 — 11 460 so‘m.
Qashqadaryo va Toshkent viloyatida 80 tupga yaqin daraxt kesib tashlandi
Qashqadaryoda 30 tup manzarali daraxt, Toshkent viloyatida esa 48 tup pista daraxti o‘tin qilish uchun kesib tashlangani aniqlandi. Xususan, Qarshi shahrida o‘simlik dunyosiga 151 mln so‘m zarar yetgan.
36 turdagi oziq-ovqat mahsulotlari importiga bojlar vaqtincha bekor qilingani narxlarga qanday ta’sir ko‘rsatdi?
O‘zbekistonda 36 turdagi tovarlarga bojxona bojining nol stavkasi belgilangani ba’zi narxlar pasayishiga olib keldi. Shokolad, sabzavot va meva konservalari, mol go‘shti arzonlagan bo‘lsa, yogurt, qaymoq, tvorog kabi sut mahsulotlari narxi o‘zgarmadi. Choy, kofe, sabzavot, murabbolar narxi biroz oshgan.
Toshkentda o‘zi va 3 farzandini to‘qqizinchi qavatdan tashlagan ayol bo‘yicha qo‘shimcha ma’lumot berildi
Sergelida o‘zi va 3 farzandini to‘qqizinchi qavatdan tashlagan ayol ishi bo‘yicha jinoyat ishi qo‘zg‘atildi. Marhuma uyi yonib ketgani tufayli bolalari bilan onasinikida yashab kelgani va ushbu holatlar ruhiyatiga salbiy ta’sir ko‘rsatgani hamda turmush o‘rtog‘i hozirda Umra ziyoratida ekani aniqlandi.
Toshkentda ayol o‘zi va 3 nafar farzandini to‘qqizinchi qavatdan tashladi. Ularning bari halok bo‘ldi
Sergeli tumanida 27 yoshli ayol 3 nafar farzandi (1, 4 va 5 yosh) bilan o‘zini to‘qqizinchi qavatdan tashlab yuborgandi. Bosh prokuratura ularning barchasi halok bo‘lganini ma’lum qildi. Voqea sabablari o‘rganilmoqda.
Nukus ishi bo‘yicha 40 ga yaqin mahkum yaqinlari bilan qisqa muddatli uchrashuvlar o‘tkazdi
Nukus voqealari bo‘yicha sudlangan 39 nafar mahkumning oila a’zolari bilan qisqa muddatli uchrashuvlari tashkil etildi. Bu masalada Parlament komissiyasi tomonidan Oliy sudga iltimosnoma kiritilgan. Shuningdek, komissiya Buxoroga yo‘l xarajatlarini qoplashga ham yordam bergan.
“Jara” festivali qoldirildi
“Jara” musiqiy festivali boshqa kunga qoldirildi, yangi sanasi esa noma’lum. “Dunyodagi hozirgi vaziyat keng ko‘lamli musiqiy tadbirlarni o‘tkazish uchun qulay emas”, deya ma’lum qildi iTicket chiptalar agregatori.
Sergelida ayol uch bolasi bilan o‘zini to‘qqizinchi qavatdan tashlab yuborgani aytilmoqda
Toshkentning Sergeli tumanida ayol uch nafar farzandi bilan o‘zini to‘qqizinchi qavatdan tashlab yuborgani aytilmoqda. Bosh prokuratura matbuot xizmati tezkor-tergov guruhi voqea joyida o‘rganish ishlarini olib borayotganini ma’lum qildi.
3-aprel kuni O‘zbekistonda sodir bo‘lgan eng muhim xabarlar dayjesti
O‘zbekiston bo‘ylab kutilayotgan jala yomg‘irlari, o‘z joniga qasd qilgan Baxmal tumani bosh arxitektori, boshqa vaqtga qoldirilgan “JARA” festivali, O‘zbekistonda yuqoriligicha qolayotgan oziq-ovqat inflyatsiyasi, Urganchda himoyaga olingan mehribonlik uyidagi 3 qiz va boshqalar — “Gazeta.uz”ning kun dayjestida.
Qozog‘iston qo‘shni davlatlar sababli benzin va dizel narxini oshirishni rejalashtirmoqda
Qozog‘iston benzin va dizel yoqilg‘isi uchun marjinal narxlarni oshirish niyatida. Mamlakat energetika vaziri Bolat Akchulakov joriy narxlar saqlanib qolsa, “arzon qozoq dizel yoqilg‘isi chetga, jumladan, narxlar ikki baravar yuqori bo‘lgan O‘zbekistonga chiqib ketishini” ta’kidladi.
O‘zbekistonda DNS ildiz serveri ishga tushiriladi
Uzinfocom RIPE NCC internet-registratori bilan O‘zbekistonda DNS (K-Root) ildiz serverini ishga tushirish bo‘yicha kelishuvga erishdi. AKT vazirligi ma’lumotlariga ko‘ra, u qidirish tizimi va internet ishining yaxshilanishiga xizmat qiladi.
Toshkentdagi maktablar o‘rtasida o‘tkazilgan “Barqaror biznes rejalar” tanlovi g‘oliblari aniqlandi
Toshkentdagi Britaniya menejment universiteti barqaror rivojlanish sohasidagi eng yaxshi maktab biznes-loyihalarini taqdirladi.
Qo‘shimcha imkoniyatlarga ega bulish uchun saytda ro‘yxatdan o‘ting