Senat banklarning ustav kapitalini oshirish va ofshor aksiyadorlarga qo‘yiladigan talablarni yengillashtirishni ma’qulladi
Senat 2025-yilgacha banklarning ustav kapitalini bosqichma-bosqich kamida 500 mlrd so‘mgacha oshirishni nazarda tutuvchi o‘zgartishlarni ma’qulladi. Aksiyador va yakuniy benefitsiarlari ofshor zonada joylashgan norezidentlarga nisbatan talablar ham yumshatildi. MB rahbari o‘rinbosari o‘zgarishlarga izoh berdi.
14-aprel kuni O‘zbekistonda sodir bo‘lgan eng muhim xabarlar dayjesti
O‘zbekistonning ayrim viloyatlarida bo‘lgan kuchli shamol, Shuhrat Abdurahmonov atrofidagi gap-so‘zlar, my.gov.uz orqali “pravani” rasmiylashtirish tartibi, Qoraqalpog‘istonda o‘quvchilarga berilayotgan yegulik ichidan chiqqan tabletka, dam olish kunlariga salqin havo va boshqalar — “Gazeta.uz”ning kun dayjestida.
Qashqadaryodagi Taxtaqoracha dovonidan yuk mashinasi pastlikka tushib ketdi
Taxtaqoracha dovonida yuk mashinasi pastlikka qulab, yonib ketdi. Haydovchi va yo‘lovchi kabinadan sakrab tushishga muvaffaq bo‘lgan.
“O‘zbekiston Jahon savdo tashkilotiga a’zo bo‘ladi” — prezident
“Kelgusi uch yilda tayyor mahsulot eksportini 2 baravar oshirish reja qilganmiz. Bunga erishishning birdan bir yo‘li — Jahon savdo tashkilotiga a’zo bo‘lish. Bu 164 ta davlat bilan adolatli savdo tizimini yo‘lga qo‘yish va barqaror bozorlarni yaratish imkonini beradi, — deya ma’lum qildi Shavkat Mirziyoyev.
“Ekspat mo‘’jizasi”: Nima uchun ekspatlar va o‘zbek ishbilarmonlari bir-birining ishidan norozi?
TalentLab rekruting agentligi ekspatlar va o‘zbek ishbilarmonlari bir-birlarining umidlarini oqlamayotganini aniqladi. Xorijlik mutaxassislar vazifalarning noaniq belgilanishi va mahalliy kadrlar intizomining sustligidan norozi. Ish beruvchilar esa chet elliklar so‘rayotgan maosh va ularning ish natijalaridan.
O‘zbekiston, Qozog‘iston va Rossiya gaz ittifoqini muhokama qilishda oldinga siljishdi — Sergey Lavrov
Rossiya tashqi ishlar vaziri Sergey Lavrov O‘zbekistonga tashrifi chog‘ida O‘zbekiston, Qozog‘iston va Rossiya gaz ittifoqi loyihasini muhokama qilishda “jumladan, prezidentlar darajasida faol olg‘a siljishganini” aytdi.
Yanvarda sezilgan inflyatsiya 19,5 foizga yetib, rasmiy inflyatsiya bilan farq 7,3 foizni tashkil etdi
Markaziy bank aholi tomonidan sezilgan inflyatsiya ma’lumotlarini e’lon qilishni qayta boshladi. Yanvar oyida bu ko‘rsatkich 19,5 foizgacha o‘sgan, bu pandemiyasi cho‘qqisiga chiqqan 2020-yil iyul oyidan beri eng yuqori ko‘rsatkich. Ammo unda rasmiy inflyatsiya bilan farq kamroq bo‘lgandi.
Toshkent va Samarqand 2024-yilda MDH poytaxtlari bo‘ladi
2024-yilda Samarqandga MDHning madaniy poytaxti, Toshkentga esa yoshlar poytaxti maqomi beriladi. Qolaversa, Hamdo‘stlik davlatlari o‘rtasida imkoniyati cheklangan bolalar spartakiadasi o‘tkaziladi.
Activist sudga advokati kiritgan apellyatsiya shikoyatini qaytarib oldi
15 sutkaga qamalgan Activist loyihasi muallifi, bloger Hojiakbar Nosirov advokatining sudga kiritgan apellyatsiya shikoyatini ko‘rmasdan qoldirishni so‘rab ariza yozdi. Shu sabab sud apellyatsiya tartibida ish yuritishni tugatish haqida qaror chiqardi.
Andijon hokimligi Shuhrat Abdurahmonovga tegishliligi aytilgan video bo‘yicha munosabat bildirdi
Tarmoqlarda Shuhrat Abdurahmonovga tegishli deya taxmin qilinayotgan intim video tarqalgandi. Viloyat hokimligiga ko‘ra, video bo‘yicha prokuratura organlariga belgilangan tartibda shikoyat arizasi yuborilgan. Videoni tarqatgan shaxslarni aniqlash va ularga nisbatan chora ko‘rish bo‘yicha amaliy ishlar boshlangan.
Jahon banki O‘zbekistondagi jamoat binolarining energiya samaradorligini oshirish uchun 143 mln dollar ajratdi
Jahon banki jamoat binolarining energiya samaradorligini oshirish va “yashil” energiyaga investitsiyalarni jalb qilish uchun 143 mln dollar kredit ajratdi. Shuningdek, landshaftlar barqarorligini oshirish va o‘rmonlarni qayta tiklash uchun 142 mln dollar taqdim etdi.
O‘zbekistonga havoni monitoring qiluvchi 6 ta avtomatik stansiya keltirildi
O‘zbekistonga 6 ta havoni monitoring qilish avtomatik stansiyasi keltirildi. Endi havoning holati to‘g‘risidagi ma’lumotlar real vaqt rejimida monitoring.meteo.uz platformasida taqdim etib boriladi.
Ayrim qurilish materiallari importi 2025-yilgacha bojxona to‘lovlaridan ozod etildi
Prezident farmoni bilan O‘zbekistonga sement, fanera, qolip va boshqa qurilish materiallarini olib kirish 2025-yilgacha bojxona to‘lovlaridan ozod qilindi. Avvalroq davlat rahbari ushbu chora uy-joy qurilishi tannarxini pasaytirishga qaratilgani haqida aytgandi.
Buxoro va Navoiy viloyatlarida ham chang-to‘zonli ob-havo kuzatilmoqda. Video
14-aprel tonggida Xorazm viloyatida kuzatilgan kuchli shamol va chang-to‘zonli ob-havo Buxoro hamda Navoiy viloyatlariga ham o‘ta boshladi. Qiziqtepa tumanida noqulay havo natijasida ko‘runuvchanlik 100−150 metrgacha qisqardi.
O‘zbekistonda dam olish kunlari salqin bo‘ladi
Kaspiy dengizidan Turkmaniston orqali salqin va nam havo massalarining kirib kelishi munosabati bilan dam olish kunlari kunduzi havo harorati +25 darajagacha, kechasi esa +15 darajagacha pasayadi. Shamolning tezligi 25−28 m/s gacha kuchayishi mumkin.
Qoraqalpog‘istonda o‘quvchilarga berilayotgan yegulik ichidan tabletka chiqqani aytilmoqda. Bu birinchi marta emas
Ellikqal’a tumanidagi 5-maktabda o‘quvchilarga berilayotgan oziq ovqat mahsulotlari ichidan tabletka chiqqanidan norozi ota-onalarning xabari tarmoqlarda tarqaldi. Holat SES nazoratiga olindi. Avvalroq, Xo‘jayli hamda Kegeyli tumanidagi maktablardan birida ham yegulik ichidan turli buyumlar chiqqandi.
Banklarda dollar kurslari deyarli o‘zgarishsiz qoldi
Tijorat banklari 14-aprel kuni aholidan 1 AQSh dollarini 11 365 — 11 410 so‘mdan sotib olmoqda, sotish kursi esa 11 420 — 11 485 so‘m.
OAVlar Andijon viloyati hokimi ishdan bo‘shatilgani haqida yozdi, biroq xabar rasman tasdiqlanmadi
Qator internet nashrlari, jumladan, davlat OAVlari Andijon viloyatini qariyb 10 yil boshqargan Shuhrat Abdurahmonovning ishdan bo‘shatilgani haqida xabar berdi. Avvalroq unga tegishli deya taxmin qilingan intim video tarqalgandi. Ishdan olingani rasman tasdiqlanmadi. Nashrlar o‘z xabarlarini rad eta boshladi.
Haydovchilik guvohnomasini my.gov.uz orqali rasmiylashtirish tartibi joriy etiladi
Milliy haydovchilik guvohnomasini Yagona interaktiv davlat xizmatlari portali (my.gov.uz) orqali ham ariza beruvchilarning bevosita ishtirokisiz rasmiylashtirish tartibi joriy etiladi.
Afg‘onistonga qo‘shni davlatlar uning hududida yangi loyihalarni amalga oshirish tarafdori ekanini bildirdi
Afg‘onistonga qo‘shni davlatlar — O‘zbekiston, Eron, Xitoy, Pokiston, Rossiya, Tojikiston va Turkmaniston — TIV rahbarlari uchrashuvida tomonlar ushbu davlatdagi infratuzilma va ijtimoiy-iqtisodiy loyihalarda ishtirok etishga tayyor ekanligini bildirdi. Uchrashuvda Afg‘oniston TIV rahbari ham nutq so‘zladi.
Qo‘shimcha imkoniyatlarga ega bulish uchun saytda ro‘yxatdan o‘ting