Koronavirus
Pfizer`ning buster dozasi Omikron shtammidan yanada yaxshiroq himoya qila oladi — ishlab chiqaruvchi
Pfizer-BioNTech kompaniyasi koronavirusning Omicron shtammidan himoya qila oladigan uchinchi doza ustida ishlamoqda. Ushbu doza bilan emlash antitanachalar himoyasini dastlabki ikki dozaga nisbatan 25 baravarga oshiradi. Pfizer mutasaddi tashkilotlar ruxsat bergach, 2022 yildan Omicron`ga qarshi 4 mlrd buster doza ishlab chiqarishni reja qilgan.
Zangiota 1-son shifoxonasida 11 oyda 422 nafar chaqaloq dunyoga kelgan
Zangiota 1-son yuqumli kasalliklar shifoxonasi direktori o‘rinbosari Hilola Alimova yil davomida markazda 422 nafar chaqaloq dunyoga kelganini ma’lum qildi. Hozirgi kunda yana 64 nafar homilador ayol davolanmoqda, ularning 3 nafari reanimatsiya bo‘limida. Qolaversa, shifoxonada 7 nafar chaqaloq va 18 yoshgacha bo‘lgan 97 nafar bola davo muolajalarini olmoqda.
AQSh O‘zbekistonga yana 300 ming doza Pfizer vaksinasini yubordi
O‘zbekiston COVAX dasturi doirasida AQShdan yana 300 ming doza Pfizer vaksinasini qabul qildi.
Janubiy Koreyada O‘zbekiston fuqarosi koronavirusning «Omisron» shtammini yuqtirib oldi
Janubiy Koreyaga Nigeriyadan tashrif buyurgan er-xotin va ularni kutib olgan O‘zbekiston fuqarosida koronavirusning «Omisron» shtammi aniqlandi. Koreyaliklar 270 ga yaqin kishi bilan muloqotda bo‘lgani, O‘zbekistonlik fuqaro esa tashxis qo‘yilishidan bir kun avval 400 kishi yig‘ilgan diniy muassasaga borgani aytilmoqda.
Yangi yil bayramini oila davrasida nishonlash tavsiya etildi
Respublika maxsus komissiyasi o‘zbekistonliklarga yangi yil bayramini oila davrasida nishonlashni tavsiya etdi.
Germaniya, Buyuk Britaniya, Italiya, Misr va boshqa davlatlardan kelganlar karantinga joylashtiriladi
Respublika maxsus komissiyasi qarori bilan Belgiya, Buyuk Britaniya, Germaniya, Isroil, Italiya, Misr va boshqa ayrim davlatlardan O‘zbekistonga kirib kelayotganlar o‘n kun davomida majburiy uy karantini yoki o‘z hisoblaridan mehmonxonaga karantinga joylashtiriladi. Xorij davlatlaridan mamlakatga keluvchilarning barchasi koronavirusga PZR test natijasi manfiy ko‘rsatkichga ega ma’lumotnomaga ega bo‘lishi lozim.
O‘zbekiston 10 ta davlat bilan xalqaro aviaqatnovlarni to‘xtatdi
Koronavirusning yangi «omikron» shtammi O‘zbekistonga kirib kelishining oldini olish uchun Janubiy Afrika Respublikasi, Botsvana, Namibiya, Zimbabve, Mozambik, Madagaskar, Lesoto, Esvatini, Tanzaniya va Gonkong xalqaro aviaqatnovlar to‘xtatildi. Mazkur davlat fuqarolari va so‘nggi 2 hafta ichida ushbu davlatlarda bo‘lganlar O‘zbekiston hududiga kiritilmaydi.
JSST yangi koronavirus shtammining umumiy global xavfini juda yuqori deb baholadi. U hozirgacha «yengil alomatlar» bilan kuzatilgan
JSST koronavirusning omikron varianti bilan bog‘liq umumiy global xavfni juda yuqori deb baholadi. Bu ikki yillik pandemiyadan keyingi iqtisodiy tiklanishni xavf ostida qoldirishi mumkinligi aytilmoqda. Omikron shtammi hozirgacha «yengil alomatlar» bilan kuzatilgan va uni uy sharoitida davolashga muvaffaq bo‘lishgan. JSSTga ko‘ra, avval COVID-19 bilan og‘rigan bemorlarning yangi shtamm bilan zararlanish ehtimoli yuqori.
JSST COVID`ning yangi shtammini Omikron deb nomlab, uni «xavotirli variant» deb e’lon qildi
JSST Janubiy Afrikada aniqlangan koronavirusning B.1.1.529 shtammini «xavotirli variant» deb tasnifladi. Tashkilot unga Omikron deb nom berib, uni virusning boshqa shakllariga qaraganda tezroq tarqalishi mumkinligini qayd etdi. 27 noyabr holatiga virusning yangi shtammi 100 ta holatda qayd etilgan.
Afrikada koronavirusning yangi, tezroq tarqaluvchi shtammi aniqlandi. JSST yangi shtamm yuzasidan favqulodda yig‘ilish chaqirdi
JSST dastlab Janubiy Afrika va Botsvanada aniqlangan va kutilganidan ko‘ra tezroq tarqalayotgan koronavirusning yangi shtammini muhokama qilish uchun favqulodda yig‘ilish chaqirdi. FT`ning xabar berishicha, hozirda yangi shtamm jami 82 kishida qayd etilgan.
«Sputnik V» bilan emlanganlarning atigi 31 foizida antitanachalarning yetarli darajasi saqlanib qolgan — tadqiqotlar
Argentinalik olimlarning kuzatuvlariga ko‘ra, olti oy muddatda «Sputnik V» bilan emlanganlarning atigi 31 foizida COVID-19 ga immun javob berish uchun yetarli miqdorda antitanachalar saqlanib qolgan.
Niqob taqish COVID-19`ga chalinish xavfini 53% gacha qisqartiradi — Global tadqiqotlar
Dunyo bo‘ylab o‘tkazilgan tadqiqotlar natijalari COVID-19 bilan kasallanish holatlari niqob taqish natijasida 53 foizgacha va jismoniy masofa saqlash orqali 25 foizgacha kamayishini ko‘rsatdi. Tadqiqotchilarning xulosasiga ko‘ra, niqob taqish, ijtimoiy masofalanish va qo‘llarni yuvish amaliyoti vaksinatsiya dasturlari bilan parallel ravishda davom ettirilishi zarur.
Koronavirusga qarshi qo‘shimcha doza bilan emlashga ruxsat berildi
O‘zbekistonda to‘liq emlash kursini tamomlagan fuqarolarga koronavirusga qarshi ixtiyoriy buster doza bilan emlashga ruxsat berildi.
Mehnat vazirligi emlanmagan xodimlarni ishdan chetlatish tartibini tushuntirdi
Mehnat vazirligi ish beruvchilarga vaksina olmagan xodimlarini ishdan chetlashtirish tartibini tushuntirdi. Unga ko‘ra, xodimdan emlashni rad etish bo‘yicha yozma ariza olinadi. Agar u yozma ariza berishdan bosh tortsa, dalolatnoma tuziladi. Sog‘lig‘i holatiga ko‘ra emlanmaydiganlar masofaviy ish rejimiga o‘tkazilishi mumkin.
Koronavirusga qarshi emlanuvchilarning 75 foizdan ortig‘i vaksinaning birinchi dozasini oldi
18 noyabrda O‘zbekiston hududlari bo‘ylab 297 753 doza COVID-19ga qarshi vaksina qo‘llanildi. Shu kungacha birinchi doza bilan emlanish ko‘rsatkichi emlanishi rejalashtirilgan qatlamga nisbatan 75,3 foizni tashkil qilmoqda.
O‘zbekistonda emlanishdan bosh tortgan 26 mingdan ortiq xodim ishdan chetlatildi
O‘zbekistonda tadbirkorlik subyektlari va budjet tashkilotlarida emlanishdan bosh tortgan jami 26 008 nafar shaxslar ishdan vaqtinchalik chetlatildi. Yana 2 225 ta xolatda ish beruvchiga nisbatan jarima chorasi, 175 ta obyektga nisbatan esa faoliyatini vaqtinchalik muddatga to‘xtatish chorasi qo‘llanildi.
USAID O‘zbekistonga COVID-19 bilan kurashish uchun qo‘shimcha 2,5 mln dollar ajratdi
AQSh Xalqaro taraqqiyot agentligi O‘zbekistonga qo‘shimcha 2,5 mln dollar ajratdi. Bu mablag‘ dori vositalari sifatini ta’minlash va mamlakatda vaksinaga nisbatan ishonchsizlikni bartaraf etish uchun sarflanadi.
JSST koronavirus pandemiyasini yengib o‘tishning shartlarini ma’lum qildi
JSST rahbari Tedros Gebreisus vaksinatsiya yordamida COVID-19 pandemiyasini yengib o‘tishining uchta asosiy shartini sanab o‘tdi.
Singapurda emlanishdan bosh tortgan koronavirus bemorlariga tibbiy xizmatlar pulli bo‘ladi
Singapur o‘z xohishi bilan COVID-19`ga qarshi emlanishdan bosh tortganlarga virusni davolash bilan bog‘lik tibbiy to‘lovlarni to‘lashni to‘xtatadi. Mamlakatda hozirda emlanmagan odamlar intensiv statsionar yordamga muhtoj bo‘lganlarning aksariyatini tashkil qilmoqda.
COVID-19 ga qarshi kurash xarajatlari 3 trln so‘mdan 4,3 trln so‘mga yetkazildi
Epidemiologik vaziyat yomonlashganligi sababli COVID-19 ga qarshi kurash tadbirlari uchun ajratiladigan mablag‘lar miqdori qayta ko‘rib chiqildi va ko‘zda tutilgan 3 trln so‘mdan 4,3 trln so‘mga yetkazildi. Qo‘shimcha mablag‘lar respublika budjetidan ajratib kelinmoqda.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting