Олимларнинг фикрича, жорий 2024 йил 2023 йилдаги рекорд даражадан ҳам иссиқроқ бўлиши мумкин. Бу Эль-Ниньо, яъни Тинч океанининг экваториал қисмида сув сатҳидаги ҳароратнинг аномал кўтарилиши билан боғлиқ. Ушбу ҳодиса ўтган йилги ҳароратга ҳам таъсир қилганди.
Эквадорда телеканалга жонли эфир вақтида қуролли шахслар бостириб кириб, ходимларни гаровга олди ва «мафия билан ўйнашмасликни» айтди. Мамлакатда ҳужумлар сабаб 10 киши ҳалок бўлди. Президент «ички қуролли конфликт» режимини эълон қилди. Аввалроқ йирик жиноий гуруҳ раҳбарлари қамоқдан қочганди.
Колумбия университети (АҚШ) кимёгарлари томонидан ўтказилган тадқиқотга кўра, пластик идишлар («баклажка»)даги сув аввал тахмин қилинганидан 100 баробар кўп нанопластик зарраларни ўз ичига олиши мумкин, уларнинг инсон саломатлиги учун хавфи «тарихий жиҳатдан етарлича баҳоланмаган».
Исроил армияси Ғазо секторидаги урушнинг «нисбатан йўналтирилган босқичига» ўтмоқда, деб ёзади New York Times. Бу анклавдаги қўшинлар ва ҳаво ҳужумлари сонини камайтириш ҳамда ҲАМАС етакчиларини йўқ қилиш, гаровга олинганларни қутқариш бўйича мақсадли операцияларни ўз ичига олади.
Жанубий Корея парламенти озиқ-овқат истеъмоли учун итларни кўпайтириш ва сўйишни тақиқловчи ҳужжатни маъқуллади. Қоидабузарларга нисбатан қамоқ ва жарима жазоси бор. Тақиқнинг киритилиши мамлакат президентининг сайловолди ваъдаларидан бири саналади.
Қозоғистон ҳукумати 2022 йил январида бўлиб ўтган намойишлар чоғида маҳбусларни қийноқларга солган 40 дан ортиқ ҳуқуқ-тартибот органи ходимларини жиноий жавобгарликка тортди. Яна 20 га яқин иш юзасидан тергов ҳаракатлари олиб борилмоқда.
АҚШ, Европа ва Туркияда Boeing 737 MAX 9 самолётидан фойдаланиш вақтинча тўхтатилди. Бунга Alaska Airlines`га тегишли шу русумдаги самолёт фавқулодда чиқиш эшигининг парвоз вақтида ажралиб тушгани сабаб бўлди. Бортда 177 киши бор эди, улардан бир қанчаси жароҳатланган.
Европа кенгаши президенти Шарль Мишель июлда бўлиб ўтадиган Европарламент сайловларида иштирок этмоқчи. Шу сабабли у ўз лавозимини муддатидан олдин тарк этишга қарор қилди. Гап шундаки, бир пайтда Европа кенгаши раҳбари ва Европарламент аъзоси лавозимларини эгаллаш мумкин эмас.
АҚШ президенти Жо Байден сайловолди ташвиқотидаги ОАВ томонидан кескин дея таърифланган нутқида эҳтимолий рақиби Дональд Трампни Америка демократиясига таҳдид деб атади. Трамп бунга жавобан Байденнинг нутқини «таъсирли, қўрқув уйғотувчи тарғибот тадбири» дея баҳолади.
Япония ҳукумати 1 январь куни содир бўлган кучли зилзила оқибатида камида 126 киши ҳалок бўлганини тасдиқлади. Яна 500 дан ортиқ одам жароҳатланган, 200 га яқин киши бедарак йўқолган. Бузилган йўллар ва ноқулай об-ҳаво туфайли қутқариш ишлари қийин кечмоқда.
Сўнгги ҳафталарда кўплаб мамлакатларда COVID-19 билан касалланиш ҳолатлари кўпайгани сабабли Жаҳон соғлиқни сақлаш ташкилоти одамларни яна ниқоб тақиш ва вакцина олишга чақирди.
БМТга кўра, 2024 йилда глобал иқтисодиётнинг ўсиш суръати 2,4% гача секинлашади. Ҳисоботда айтилишича, тўсиқлар сирасига юқори фоиз ставкалари, конфликтларнинг кучайиши, суст халқаро савдо ва иқлим фалокатлари кабилар киради.
АҚШ Меҳнат муносабатлари кенгаши SpaceX компаниясини Илон Маскнинг оммавий хатти-ҳаракатларини танқид қилиб хат ёзган бир қанча ходимларни ноқонуний равишда ишдан бўшатишда айблади.
Туркияда кучли зилзиладан деярли бир йил ўтиб бино қулаши бўйича биринчи суд жараёни бошланди. Адиямандаги меҳмонхона қурилишида совуққонликка йўл қўйганликда айбланган 11 нафар шахс судланмоқда. Меҳмонхона вайрон бўлиши оқибатида 72 киши, жумладан, 24 бола ҳалок бўлган.
КХДР Жанубий Кореянинг Пенгнёнг ва Ёнпёнг ороллари томон 200 га яқин снаряд учирди. Жанубий Корея ҳукумати буни «провокация» деб атади ва маҳаллий аҳоли эвакуация қилинишини билдирди.
Токио аэропортида Japan Airlines самолёти бир неча дақиқада аланга ичида қолди. Шунга қарамай бортдаги 379 кишининг барчаси қутқарилди. Муваффақиятли эвакуация экипажнинг тайёргарлиги ва йўловчиларнинг намунали хулқи туфайли амалга оширилди. Bloomberg, New York Times ва CNN материалларидан жамланма.
Владимир Путин Украинадаги уруш даврида Россия Қуролли кучларида ҳарбий хизматни ўташ учун шартнома имзолаган хорижликларга мамлакат фуқаролигини соддалаштирилган тартибда олишга рухсат берувчи фармонни имзолади.
Исроил Олий суди уни парламент ва бош вазирнинг қарорлари «оқилоналик тамойилига» зид бўлса, уларни бекор қилиш ҳуқуқидан маҳрум қилувчи қонунни бекор қилди. Ўзгартириш Беньямин Нетаньяху ҳукумати томонидан амалга оширилган ва мамлакатда оммавий норозиликларга сабаб бўлган.
Қозоғистон президенти Конституцияни ўзгартириш ва 2026 йилги сайловда номзодини қўйиш ниятида эмаслигини айтди. Шунингдек, у Назарбоев кетганидан кейин қўшҳокимият моделини жорий этишга уринишлар бўлганини ва унинг шериклари «сиёсий ўйинлари» сабаб «мамлакатни деярли парчалаб ташлаганини» тан олди.
Япониянинг Ишикава префектурасида юз берган 7,6 магнитудали зилзила оқибатида камида 64 киши ҳалок бўлди. Қўшни ҳудудларда ҳам вайронагарчиликлар қайд этилган. Давом этаётган зилзилалар қутқарув ишларига тўсқинлик қилмоқда. Фото.
Қўшимча имкониятларга эга булиш учун сайтда рўйхатдан ўтинг