Жаҳон
Жанубий Корея президенти давлат ташрифи билан Ўзбекистонга келади
Жанубий Корея президенти Юн Сок Ёль кейинги ҳафтада давлат ташрифи билан Ўзбекистон, Қозоғистон ва Туркманистонга келади. Ташрифлар 10−15 июнь оралиғида бўлиб ўтади ва Корея етакчисига мамлакат биринчи хоними ҳамроҳлик қилади.
Россия Украина энергетика тизимининг ярмидан кўпини ишдан чиқарди — FT
Россия 2022 йилда босқин бошланганидан бери Украина электр станцияларининг ярмидан кўпини ишдан чиқарди ёки эгаллади ва бу орқали мамлакат энергия ишлаб чиқариш қуввати 20 ГВт дан пастга тушиб кетди, деб ёзди Financial Times.
Сўнгги 12 ой тарихдаги энг иссиқлари бўлди
Охирги 12 ой ичида глобал ҳарорат кузатувлар тарихидаги энг юқориси бўлди. БМТ бош котиби Антониу Гутерриш мамлакатларни шошилинч чоралар кўришга чақирди. «Иқлим жаҳаннамига олиб борадиган йўлдан чиқишимиз керак», — деди у.
«Газпром» урушдан олдинги ҳолатига қайтиши учун камида 10 йил керак — Financial Times
Financial Times Россиянинг «Газпром» компанияси раҳбарияти учун тайёрланган ҳисоботга таяниб, корхонага газ савдосини урушгача бўлган ҳажмга қайтариш учун камида 10 йил вақт керак бўлишини ёзди. Ҳисобот муаллифлари давлатнинг сезиларли ёрдамисиз янги бозорларни топиш қийин бўлишини айтган.
Украинадаги уруш давомида 210 мингга яқин бино вайрон бўлди — NYT
Украинадаги икки йиллик уруш давомида 210 мингга яқин турли бино, жумладан, 900 дан ортиқ мактаб, касалхона ва черковлар шикастланган ёки вайрон бўлган, дейилади New York Times таҳлилида. Ҳарбий ҳаракатлардан энг кўп жабр кўрган шаҳарлар Мариуполь, Харьков, Ирпень, Рубежное ва Марьинка бўлди.
Ҳиндистонда бош вазир Нарендра Моди партияси парламентдаги устунликни йўқотди
Ҳиндистонда дунёдаги энг йирик парламент сайловлари натижалари сарҳисоб қилинди. Нарендра Моди учинчи бор бош вазир лавозимини эгаллайди, бироқ унинг партияси парламентдаги мутлақ устунликни йўқотди ва энди коалицион ҳукумат тузишга мажбур.
АҚШ Мексика билан чегарани ноқонуний кесиб ўтганларга бошпана беришга вақтинча чеклов киритди
АҚШ президенти Жо Байден Мексикадан чегарани ноқонуний кесиб ўтган муҳожирларга бошпана беришни вақтинча тақиқлади. Бу чоралар уларни депортация қилишни осонлаштиради, деди Оқ уй. Тақиқ АҚШ жанубий чегарасидаги тирбандлик юзага келган даврда ҳам амал қилади.
Японияда автоконцернлар иштирокидаги можаро авж олмоқда, Toyota ва Mazda етказиб беришни тўхтатди — Reuters
Японияда Toyota, Suzuki, Mazda, Honda ва Yamaha компаниялари иштирокида можаро келиб чиқди. Расмийлар компаниялар автомобиль сертификати маълумотларини сохталаштирганини аниқлади. Концернлар баъзи моделларни етказиб беришни тўхтатди.
Клаудия Шейнбаум Мексиканинг илк аёл президентига айланади
Мексикадаги президентлик сайловларида ҳукмрон партия вакили, физик олим Клаудия Шейнбаум ғалаба қозонди. У мамлакатнинг 200 йиллик тарихида давлат раҳбари лавозимини эгаллаган биринчи аёл бўлади.
Қозоғистон «Толибон»ни террорчилар рўйхатидан чиқарди
Қозоғистон президенти Қосим-Жомарт Тоқаев мамлакат «замонавий Афғонистон билан савдо-иқтисодий ҳамкорликни ривожлантириш муҳимлиги ва бу режим узоқ муддатли омил эканини англаган ҳолда» «Толибон»ни террорчилар рўйхатидан чиқарганини айтди.
Грузия парламенти спикери «хорижий агентлар» тўғрисидаги қонунни имзолади
Грузия парламенти спикери оммавий норозиликларга қарамай, президент Саломе Зурабишвили вето қўйган «Хорижий таъсирнинг шаффофлиги тўғрисида»ги баҳсли қонунни имзолади. Ҳужжат имзолангандан кейин дарҳол кучга киради.
Словения Фаластинни мустақил давлат деб тан олишга қарор қилди
Словения ҳукумати Фаластиннинг мустақиллиги ва суверенитетини тан олмоқчи. «Фаластинни тан олиш икки давлат ва халқнинг тинч-тотув яшаши учун ягона йўлдир», — деди Словения ташқи ишлар вазири. Бир неча кун аввал Европанинг учта давлати ҳам Фаластинни мустақил давлат сифатида тан олганди.
Хитой дўстлик элчилари бўлмиш пандаларни АҚШга қайтармоқда
Хитой йирик пандаларни Вашингтон ҳайвонот боғига қайтаради — йил охиригача у ерга пандалар жуфтлиги етказилади: Бао Ли ва Цин Бао. АҚШнинг биринчи хоними буни тарихий лаҳза деб атади. АҚШ ОАВ Хитой ва Қўшма Штатлар ўртасидаги тарангликни инобатга олиб, бу кутилмаган янгилик бўлганини таъкидламоқда.
Ҳакамлар ҳайъати Трампни ноқонуний тўловлар бўйича айбдор деб топди
Нью-Йорк ҳакамлар ҳайъати Доналд Трампни порноактрисага тўланган пулни яшириш учун ҳужжатларни қалбакилаштиришда айбдор деб топди. Шу тариқа, у жиноий ишда айбдор деб топилган биринчи АҚШ президенти бўлди. Ҳукм 11 июль куни эълон қилинади.
Иқлим инқирози сабаб 2023 йилда бир ойлик аномал иссиқлик кузатилди — тадқиқот
Дунё аҳолисининг деярли 80 фоизи 2023 йилда камида 31 кун давомида аномал иссиқликни бошдан кечирди. Тадқиқотчиларнинг таъкидлашича, антропоген омиллар таъсирида юзага келган иқлим инқирози бўлмаганда, бу кунлар анча кам бўлар эди.
АҚШ ва Украина хавфсизлик шартномасини имзолашга яқин — FT
АҚШ ва Украина июнь ойида Италияда бўлиб ўтадиган G7 саммити доирасида хавфсизлик бўйича икки томонлама битим имзолаши кутилмоқда. Бу Киевнинг НАТО давлатлари билан тузган икки томонлама келишувлари ичида энг муҳимига айланади, деб ёзмоқда Financial Times.
Шимолий Корея Жанубий Кореяга чиқиндидан иборат 200 дан ортиқ шар учирди
Шимолий Корея Жанубий Кореяга пластик бутилкалардан тортиб гўнггача бўлган турли хил ахлатларга тўлдирилган 200 дан ортиқ шарни учирди. КХДР буни жанубий кореялик фаоллар томонидан Пхеньянга қарши қаратилган варақаларга жавоб дея атади.
Грузия парламенти президентнинг «хорижий агентлар тўғрисида»ги қонунга қўйган ветосини четлаб ўтди
Грузия парламенти мамлакат президенти Саломе Зурабишвилининг «хорижий агентлар тўғрисида»ги резонансли қонунга қўйган ветосини четлаб ўтди. Ҳукмрон партия оммавий норозиликларга қарамай, ҳужжатни қабул қилди. Европа Иттифоқи бундан «чуқур афсусдалигини» билдирди.
Таиланд Ўзбекистон учун визасиз режим жорий қилмоқда
Таиланд 1 июндан мамлакатга визасиз кириш ҳуқуқига эга давлатлар сонини 57 дан 93 тага оширмоқда, улар орасида Ўзбекистон ҳам бор. Шунингдек, ташриф буюрувчиларнинг қолиш муддати 60 кунгача узайтирилмоқда.
Исроил қўшинлари Рафаҳ марказигача кириб борди
Исроил танклари Ғазо сектори жанубидаги Рафаҳ шаҳри марказига кириб борди, шаҳар бўйлаб ҳаво ҳужумлари ҳам уюштирилмоқда. БМТ Халқаро суди мамлакатга ҳужумни зудлик билан тўхтатишни буюрганига қарамай, Исроил Рафаҳдаги ҳарбий амалиётини давом эттирмоқда.
Энг кўп ўқилган хабарлар | Сўнгги янгиликлар
- «Демократия ҳар қандай унвондан муҳимроқ». Байден сайловдан нега воз кечганини изоҳлади
- КХДР Жанубий Кореяга чиқинди шарларини учиришда давом этмоқда, улардан бири президент қароргоҳига тушди
- АҚШ Махфий хизмати раҳбари Трампга суиқасддан сўнг истеъфога чиқди
- «Исроил тўлиқ ғалабагача курашади». Нетаньяҳу АҚШ Конгрессида нутқ сўзлади
Қўшимча имкониятларга эга булиш учун сайтда рўйхатдан ўтинг