Швеция Қироллик Фанлар академияси томонидан физика бўйича Нобель мукофоти Рожер Пенроуз, Рейнхард Генцель ва Андреа Гезга қора туйнуклар борасида олиб борган тадқиқотлари учун топширилди.
6 октаябрдан бошлаб Бишкекдаги тартибсизликлар манзарасида Ўзбекистон Қирғизистондан киришга чекловлар қўйди, деб хабар қилмоқда Қирғизистон оммавий ахборот воситалари. Юк ташиш чекловларсиз амалга оширилмоқда. Ўзбекистон томони эса чекловлар йўқлигини эълон қилди.
Қирғизистон Марказий сайлов комиссияси 4 октябрда бўлиб ўтган Жогорку кенеш сайловларидаги овоз бериш натижаларини ҳақиқий эмас деб топди. 5 октябрда минглаб фуқаролар норозилик намойишига чиқиб, натижаларни бекор қилишни талаб қилган эди.
Бишкекда парламент сайловлари натижаларидан норози бўлган минглаб фуқаролар намойиш ўтказди. Улар Оқ уй, Миллий хавфсизлик давлат қўмитаси биноларини эгаллаб олди ва собиқ президент Алмазбек Атамбаевни озод қилди. Давлат раҳбари Сооронбай Жээнбеков сиёсий кучларни ақл билан иш кўришга чақирди ва овоз бериш натижалари бекор қилиниши мумкинлиги ҳақида айтди.
Тинч океанининг Камчатка ўлкаси қирғоқларида денгиз жониворларининг оммавий ҳалок бўлиш ҳолатлари кузатилди. Greenpeace буни экологик фалокат деб атади. Ўлка расмийлари содир бўлган воқеанинг учта версиясини, шу жумладан техноген ифлосланишни кўриб чиқмоқда.
Физиология ва тиббиёт соҳаси бўйича Нобель мукофоти гепатит С вирусини кашф этган Ҳарви Альтер, Майкл Хоутон ва Чарльз Райсга топширилди.
Қирғизистонда Жогорку Кенеш депутатлари сайлови бўлиб ўтди. Дастлабки маълумотларга кўра, ўринлар учун курашган 16 партиядан атиги 4 таси парламентга кира олди. Аҳолининг сайловда иштирок этиш кўрсаткичи 56,2 фоизни ташкил этди.
АҚШ президенти Дональд Трамп ва унинг рафиқаси Мелания Трампда COVID-19 инфекцияси аниқланди. Аввалроқ Трампнинг маслаҳатчиларидан бири Хоуп Хикснинг коронавирус билан касаллангани маълум бўлган эди.
АҚШда президентликка номзодлар Дональд Трамп ва Жо Байден ўртасида илк дебатлар бўлиб ўтди. Сиёсатчилар COVID-19 пандемияси, иқтисодиёт ва ирқчиликни муҳокама қилишди. Томонлар бир-бирларига гап бермасдан, бир-бирини ёлғончиликда айблашди.
Москва мэри Сергей Собянин Россия пойтахтида коронавирус тарқалиши билан боғлиқ вазият туфайли мактаб таътили давомийлигини икки ҳафтагача узайтирди. Болалар боғчалари эса «одатдаги жадвал бўйича» ишлашда давом этади.
Дунё бўйлаб COVID-19 касаллигидан вафот этган беморларнинг сони 1 млн дан ошди. Мамлакатлар орасида энг кўп қурбон АҚШ (205 минг киши), Бразилия (142 минг) ва Ҳиндистонга (96 минг) тўғри келмоқда.
Тоғли Қорабоғда ҳарбий ҳаракатлар яна кучаймоқда. Озарбайжон ва Арманистон ўртасидаги вазиятнинг кескинлашиши оқибатида бир кун ичида ушбу ҳудудда ўнлаб тинч аҳоли вакиллари, шунингдек, ҳар иккала томондан ҳам кўплаб ҳарбийлар ҳалок бўлган. БМТ, Европа Иттифоқи ва бир қатор мамлакатларнинг иккала томонни ҳаракатларни тўхтатиб, музокаралар йўлига ўтишга чорлашига қарамасдан, вазият ҳалигача кескинлигича қолмоқда.
Харьков вилоятида Ан-26 ҳарбий самолёти қулаб тушди. Бортда Украина ҳарбий ҳаво кучлари университети курсантлари ва экипаж бор эди. 25 киши вафот этди, яна икки киши оғир жароҳат олди.
Маблағларнинг ноқонуний йўл билан чет элга олиб чиқарилиши сабабли ҳукуматлар ҳар йили ижтимоий ривожланишга сарфланиши мумкин бўлган 500 млрд доллар миқдорда пул йўқотишади. Мамлакатлар расмийлари коррупция ва жиноий фаолиятдан олинган даромадларни легаллаштиришга қарши қатъийроқ курашишлари керак, дейишмоқда БМТ экспертлари.
Downdetector хизматининг маълум қилишича, Россия, Беларусь, Украина, Германия, Италия, Эстония, Латвия, Франция, Венгрия ва қисман Ўзбекистон ҳудудларида Telegram тармоғида носозликлар кузатилди. Хабар берилишича, ҳозирда тармоқ фаолияти барқарор ҳолатга қайтган.
Яна бир араб давлатининг Исроил билан муносабатларни яхшилаши, коронавируснинг одам миясига салбий таъсири, Дональд Трампнинг ҳокимиятни топшириш тўғрисидаги фикри ва бошқа янгиликлар — «Газета.uz»нинг жаҳон янгиликлари дайжестида.
Словакия, Литва ва Германия Александр Лукашенконинг инаугурациясини тан олмасликларини эълон қилган биринчи Европа давлатлари бўлди. Инаугурация якунлангач, Минскда ва бир қатор шаҳарларда дарҳол норозилик намойишлари бошланди.
Қозоғистоннинг тўртта ҳудудида парранда гриппи тарқалаётгани расман тасдиқланди. Инфекция умумий сув ҳавзалари орқали тарқалган бўлиб, фабрикаларда ва шахсий томорқаларда ҳаммаси бўлиб 54 минг парранда нобуд бўлган.
Қозоғистон ўлим жазосини бекор қилиш бўйича халқаро протоколга қўшилди. Мамлакатда ушбу жазони қўллаш 2003 йилдан бери тўхтатиб қўйилган эди.
Александр Лукашенконинг эълон қилинмаган инаугурацияси, 2020 йилнинг энг обрўли шахслари (Time), «Яндекс»нинг йирик хариди ва бошқа янгиликлар — «Газета.uz»нинг жаҳон янгиликлари дайжестида.
Қўшимча имкониятларга эга булиш учун сайтда рўйхатдан ўтинг