ДХХ кучли таъсир қилувчи дори воситаларини ноқонуний равишда сотаётган шахсларни қўлга олди. Уларга нисбатан суд томонидан 3 йилдан 8 йилгача озодликдан маҳрум қилиш жазоси тайинланди.
ДХХ Фарғона вилоятида гиёҳванд моддаларининг ноқонуний савдоси билан шуғулланган шахсларни аниқлади. Улардан 30 кгдан ортиқ тақиқланган моддалар мусодара қилинди.
Самарқандда фуқарони 25 минг доллар эвазига Мексика орқали АҚШга жўнатмоқчи бўлган шахс ушланди. У ҳужжатларни расмийлаштириш учун олдиндан 10 минг доллар олаётганда пайтда ДХХ ва ИИБ ходимлари томонидан қўлга олинди. Ҳозирда гумонланувчига нисбатан тегишли моддалар билан жиноят иши қўзғатилди.
Навоийда қозоғистонлик наркокуръерлар вилоятнинг Учқудуқ тумани Қизилқум чўли ҳудудига хуфиёна тарзда 12 минг дона «Трамадол» дори воситалари кўмиб кетгани аниқланди. Тошкентда эса тиш доктори психотроп дорилар савдосига аралашиб қолди. Бошқа уринишлар ҳам фош қилинди.
Хонобод шаҳридан ўтувчи «Хонобод-Туркобод» автомобиль йўлининг 7 км қисмидаги асфальтбетонни меъёрдан кам ётқизилганига ижобий хулоса берган пудратчи ташкилот давлатга қарийб $87 минглик зарар етказгани аниқланди. Ҳозирда бошқарма ҳодимларига нисбатан жиноят иши очилди.
Икки қизни Индонезияга фоҳишалик қилиш учун юборишни режалаштирган икки фуқаро 5 йилу 1 ойдан қамоқ жазосига ҳукм қилинди.
ДХХ «Сирдарё йўллардан мунтазам фойдаланиш» унитар корхонаси мансабдорларининг 1 млрд сўмдан ошиқ маблағни талон-торож қилганини аниқлади. Суд ҳукмига кўра, уларга озодликдан маҳрум қилиш, аҳлоқ тузатиш ишлари ҳамда бошқа жазо турлари тайинланди.
Жиззах вилоятининг Шароф Рашидов туманида ҳоким ёрдамчиси 2000 доллар олаётган вақтда қўлга олингани айтилмоқда. У тадбиркорларга қурилмаган 10 та иссиқхона учун 330 млн сўм маблағни жамият ҳисоб-рақамига ўтказишда ёрдам беришини ваъда қилган.
Террорист сифатида гумонланган фарғоналик эркак Ўзбекистонга олиб келинди. У 2019 йилда Сурияга бориб, «Тавҳид ва жиҳод катибаси» ташкилоти сафига қўшилган ҳамда жанговар ҳаракатларда қатнашган. Ҳозирда унга нисбатан қўзғатилган жиноят иши доирасида тергов ҳаракатлари олиб борилмоқда.
ДХХ томонидан Тошкент шаҳри, Сирдарё, Фарғона ва Наманганда ўтказилган тезкор рейд тадбирларида жами 900 граммга яқин «опий» ва 4 кгдан ортиқ «гашиш»ни сотишда гумон қилинаётган шахслар ушланди. Уларнинг аксарияти муқаддам судланган.
ДХХ томонидан Олмалиқ шаҳар адлия бўлими ходими ва Тошкентдаги адвокатлик фирмаси адвокати фуқаролардан пора олишда олишда гумонланиб қўлга олинди. Уларга нисбатан жиноят иши қўзғатилди.
Ҳуқуқ-тартибот идоралари ходимлари Давлатобод туманида ўтказилган тезкор тадбирда ўзини ДХХ ходими дея таништирган шахсни ҳибсга олгани айтилмоқда. Гумондор фуқародан 5,5 минг доллар олган вақтида қўлга тушган.
Сурхондарё вилоятида 11 кг «гашиш» гиёҳвандлик моддасини мамлакатга олиб ўтишга уринганликда гумонланган 11 нафар шахс қўлга олинди. Уларга нисбатан жиноят иши қўзғатилди.
«Наманган-Нанай» йўналиши бўйлаб ҳаракатланаётган Cobalt автомобили тўхтатилганда, салон қисмида 200 минг АҚШ доллари борлиги аниқланиб, процессуал тартибда расмийлаштириб олинди. Фуқаро пулларни ноқонуний равишда Қирғизистонга ўтказмоқчи бўлгани айтилмоқда.
Тошкент вилоятидаги яшаш хонадонида яширин цех ташкил этиб, хорижда ишлаб чиқарилган ва яроқлилик муддати ўтган дори воситаларини қайта қадоқлаш орқали сотувга чиқариш билан шуғулланган шахс аниқланди. Цехдан қадоқлаш ва дориларининг муддатини ўзгартириш ускуналари, қалбаки муҳрлар топилди.
6 октябрь куни пойтахтда божхоначилар ва ДХХ ходимлари олдиндан кузатувга олинган шахс бошқарувидаги Isuzu юк машинасини тўхтатганда ундан 433 млн сўмлик пиротхеника воситалари топилди. Орган ходимлари ҳодиса бўйича терговга қадар текширув бошлади.
ДХХ Фарғонадан Тошкентга келаётган фуқаро машинасида психотроп дори воситалари борлигини аниқлади. Гумонланувчи «Регапен» ва «Тропикамид» таблеткаларини вояга етмаган қизи орқали олиб ўтмоқчи бўлган. Ҳолат юзасидан жиноят иши қўзғатилди.
ДХХ Тошкент ва Сурхондарёда жами 95 кг гиёҳванд моддаларни айланмаси билан шуғулланганликда гумонланган шахслар ушлади. Моддалар афғонистонлик наркокурьерлар томонидан контрабанда йўли билан мамлакатга олиб кирилгани аниқланди.
Тошкентда адвокат солиқ текширувидаги ҳуқуқбузарлик учун молиявий жарима қўлламаслик эвазига тадбиркордан 23 минг доллар олганликда гумонланмоқда. Яна икки ҳолатда адвокатлар маҳбуслар жазосини енгилроғига алмаштиришни ҳал қилиб бериш учун 22 минг доллар олганликда гумонланиб, қўлга олинган.
ДХХ томонидан Наманганда 2 млн доллардан ортиқ валютанинг Қирғизистонга ноқонуний олиб чиқиб кетилишига чек қўйилди. Гумонланувчи икки шахсга тегишли автоуловдан 1,8 млн доллар, уларга валюта етказиб берувчи шахс автомобилидан эса 167 минг доллар топилгани айтилмоқда.
Қўшимча имкониятларга эга булиш учун сайтда рўйхатдан ўтинг