Суриядаги террорчилар сафида жанг қилиб, жиддий жароҳатланган ўзбекистонлик 24 ёшли йигит Ўзбекистонга олиб келинди ва унга нисбатан жиноят иши очилди. У Сурияга қандай кетгани ҳамда бу даврдаги ҳаёти ҳақида гапириб берди.
Навоий, Самарқанд, Наманган ва Фарғона вилоятларида қўшни давлатлардан олиб кирилган наркотик моддалари савдоси билан шуғулланишда гумонланган шахслар қўлга олинди.
Гулистон шаҳрида 15 кунлик ўғлини 40 минг долларга, Термиз туманида 20 кунлик қизини 25 млн сўмга, Наманган шаҳрида 10 ёшли боласини 18 минг долларга сотмоқчи бўлган аёллар ушланди.
ДХХ Сирдарёда Миллий гвардия бўлими бош инспектори, Қашқадарёда «Ҳудудий электр тармоқлари» бош муҳандиси, Жиззахда «Тоза ҳудуд» бош ҳисобчиси, Навоийда эса Ҳакамлик судлари ассоциацияси судьясини фуқаролардан ваколатидан фойдаланиб, пул олган вақтида ушлади. Уларга нисбатан жиноят иши қўзғатилди.
Тошкент, Самарқанд ва Бухорода фуқароларни ноқонуний йўллар билан АҚШга жўнатиш билан шуғулланган шахслар ушланди.
ДХХ томонидан Мингбулоқ туман суди раиси ва Наманган давлат университетининг 3-босқич докторанти фуқаролардан пора олишда гумонланиб қўлга олинди. Уларга нисбатан фирибгарлик ва пора олиш моддалари билан жиноят иши қўзғатилган.
Наманганда «Зодак», «Анаферон», «Хилак Форте» ва «Витамин В6» номли қалбаки дори воситаларини тайёрлаш ҳамда сотиш билан шуғулланган тиббиёт ходими қўлга олинди. Яширин цех шароитида тайёрланган дори воситалари асосан Андижон, Фарғона ва Тошкент шаҳарларидаги дорихоналарда сотувга чиқарилган.
Тошкент ва Бухорода ҳужжатларни расмийлаштириб бериш учун пора талаб қилган бош мутахассис ва архитектор қўлга олинди. Уларга нисбатан фирибгарлик ва пора бериш моддалари билан жиноят ишлари қўзғатилди.
ДХХ Сирдарёда 46 сотих ерни 46,5 минг долларга, Наманганда 36 сотих ерни 25 минг долларга ва Қашқадарёда 25 сотих давлат захирасидаги ерни 300 миллион сўмга сотмоқчи бўлган шахсларни ушлади.
Ўзбекистон Давлат хавфсизлик хизмати раиси Абдусалом Азизов Афғонистон мудофаа вазири вазифасини бажарувчи Муҳаммад Ёқуб билан учрашди. Улар чегара ва икки томонлама муносабатларни мустаҳкамлаш масалаларини муҳокама қилди.
Боёвут туманида автомобилларга газ тўлдиришга ихтисослашган МЧЖ 41,6 млн куб метр табиий газдан ноқонуний фойдалангани аниқланди. Бунинг ортидан давлатга 62,4 млрд сўмлик зарар етган. Муассаса мансабдорларига нисбатан жиноят иши очилди.
Оҳангарон туманидаги манзил колонияси маҳкуми 28,5 минг доллар олаётганда қўлга олинди. Унга шерикликда гумонланган икки шахс аввалроқ 29 минг доллар олаётганида ушланган. Улар қурилиш компаниясига Хоразмда 72,5 млрд сўмлик сув тармоғи тортиш лойиҳасини тендерсиз олиб беришини айтган.
ДХХ Шайхонтоҳур туманида «логистика билан шуғулланувчи» уйда нарколаборатория ташкил этган икки шахсни ушлади. 26 килога яқин мефедрон, 400 килодан ортиқ кимёвий моддалар ҳамда асбоб-ускуналар расмийлаштириб олинди. Наркотик моддаларнинг қора бозордаги қиймати 900 минг долларга тенглиги айтилмоқда.
Самарқандда Инвестициялар, саноат ва савдо вазирлиги ходими фуқародан 10 минг доллар олганликда гумонланмоқда. У фуқарога АҚШ элчихонасидаги танишлари орқали виза олиб бериш ва уни Қўшма Штатларга юборишини айтган. ДХХ бундай ҳолатларни Жиззах ва Сирдарё вилоятларида ҳам аниқлади.
Самарқанд вилояти Оқдарё туманининг собиқ ҳокими ва яна 2 шахс 11,1 гектар ерни расмийлаштириб бериш учун фуқародан 6 млн АҚШ доллари талаб қилган. Улар пулнинг 200 минг долларини олаётган вақтда ушланди. Шунингдек, Тошкент, Андижон ва Навоий вилоятларида ер сотиш билан боғлиқ ҳолатлар аниқланди.
Тошкент шаҳри, Тошкент, Сирдарё, Фарғона вилоятларида пора олишга гумонланган шахслар қўлга олинди. Гумонланувчилар ишга жойлаб қўйиш, маҳкумни бошқа жазони ижро этиш муассасасига кўчириб бериш ва жиноят иши қўзғатмаслик учун пора олаётганда ушланган.
Наманган туман суди Ўзбекистондан Қирғизистонга 590 минг АҚШ долларини ўтказмоқчи бўлган 4 нафар шахсга ҳукм ўқиди. Айбланувчиларнинг 2 нафари 5 йилга, яна 2 нафари эса 5 йил 6 ойга озодликдан маҳрум қилинди.
ДХХ Россия ва Туркиядан келтирилган қалбаки 528 150 АҚШ доллари миқдоридаги купюраларни муомалага киритишга уринган шахсларни қўлга олди.
ДХХ ходимлари ва божхоначилар Тожикистондан контрабанда йўли билан олиб келинган 27,5 кг «гашиш» ва салкам 4 кг «опий»нинг Ўзбекистонда сотилишига чек қўйди. Бундан ташқари, Андижон вилоятида Қирғизистондан олиб келинган 4,5 кг дан ортиқ «Мефедрон» аниқланиб, мусодара қилинди.
ДХХ Қўқон, Самарқанд шаҳарлари ва Пастдарғом туманида АҚШга ноқонуний юбориш билан боғлиқ ҳолатларга чек қўйди. Хусусан, бир ҳолатда 25 минг доллар эвазига Мексика орқали Америкага юборишни ваъда қилган шахс пулдан 15 минг доллар олган вақтида қўлга тушди.
Қўшимча имкониятларга эга булиш учун сайтда рўйхатдан ўтинг