Муборак туманида яшовчи шахс Қозоғистондан олиб келинган 5 минг АҚШ долларини 25 миллион сўмга сотаётган вақтида гумонланувчи сифатида қўлга олинди. Ҳолат юзасидан жиноят иши қўзғатилди.
Яккабоғ тумани ҳокимлиги ходими 5 млрд сўмлик тендерда ютиши учун қурилиш фирмаси вакилидан 370 млн сўм олаётган вақтда ушланди. Тезкор суриштирув ҳаракатлари давомида ишга алоқадор бўлган мактабгача таълим бўлими ходими ҳам қўлга олинди.
ДХХ Самарқанд, Жиззах ва Тошкент вилоятларида гиёҳванд моддалари савдоси билан боғлиқ ҳолатларни аниқлади. Барча ҳолатда гиёҳвандлик воситалари мамлакатга Тожикистондан контрабанда йўли билан олиб келинган. Гумонланувчиларга нисбатан жиноят иши қўзғатилган.
ДХХ Сирдарё ва Андижон вилоятларида ерни мос равишда 12,5 минг доллар ва 148,2 млн сўмга ноқонуний сотишга уринганликда гумонланганларни қўлга олди. Уларга нисбатан жиноят иши қўзғатилган.
Самарқандда фуқарони 15 минг доллар эвазига Мексика орқали АҚШга жўнатмоқчи бўлган шахс ушланди. У пулдан уч минг долларини олаётган пайтда ДХХ ва ИИБ ходимлари томонидан қўлга олинди.
Самарқандда фуқаро 2 кг опий гиёҳвандлик моддасини сотаётган вақтда қўлга олинди. Унинг хонадони текширилганда яна 8 кг шундай модда топилди. Ҳолат юзасидан жиноят иши қўзғатилиб, тергов олиб борилмоқда.
Ҳуқуқни муҳофаза қилиш органлари Камбағалликни қисқартириш ва бандлик вазирлиги матбуот котиби Мавжуда Мирзаевани ҳибсга олди. Унинг қизи Зарина Мирзаевага кўра, онаси билан уч кундан бери алоқа йўқ. Журналист Kompromatuzb Telegram-канали иши доирасида ДХХ тергов ҳибсхонасида тергов қилинмоқда.
Сирдарёда 2 фуқаро вилоят ҳокимлиги баённомаси асосида вақтинчалик фойдаланиш учун берилган 5 гектар ерни 40 минг долларга сотмоқчи бўлди. Улар харидордан олдинган келишиган 20 минг долларни олаётганда ушланди.
Давлат хавфсизлик хизмати Human.uz сайти директори Хуршид Далиев ва Kompromatuzb Телеграм каналига алоқадорлиги айтилаётган бошқа шахсларга нисбатан товламачилик бўйича жиноий иш қўзғатилганини маълум қилди.
Фарғона ва Сирдарё вилоятларида гиёҳвандлик воситалари савдосига чек қўйилди. Тожикистон ва Қирғизистондан олиб кирилгани аниқланган ушбу гиёҳвандлик воситалари мусодара қилиниб, гумонланувчиларга нисбатан жиноий иш очилди.
Поп туманида тўхтатилган икки машинадан салкам 3 килограмм опий мусодара қилинди. ДХХ маълумотига кўра, наркотик моддалар Тожикистон ва Қирғизистондан олиб кирилган. Ҳолатлар юзасидан жиноят иши қўзғатилиб, тергов олиб борилмоқда.
ДХХ гиёҳванд моддаларнинг ноқонуний айланмасига қарши кўп босқичли тезкор тадбир ўтказди. Жараёнда Навоий ва Самарқанд вилоятларида Тожикистондан кириб келган 5 килограммга яқин гашиш ва опий моддалари аниқланди. Ҳолатлар юзасидан жиноят иши қўзғатилиб, тергов ҳаракатлари олиб борилмоқда.
Жарқўрғон туманида 2 шахс нодавлат университет очиб, 18 кишининг 152,9 млн сўмини олиб, ўз эҳтиёжига ишлатиб юборганликда гумонланмоқда. Деновда эса яна бир фуқаро ўқишга киритиб қўйиш учун пора олгани айтилмоқда. Уларга нисбатан жиноят иши очилди.
ДХХ Навоийда тошкентлик фуқаронинг Cobalt автомобилида 221,1 млн сўм миқдорида қалбаки 100 минг сўмлик пуллар борлигини аниқлади. Тадбир давомида жами 360,9 млн сўмлик қалбаки пулларнинг муомалага чиқарилишига чек қўйилди.
23 ёшли жиззахлик фуқаро «Тавҳид ва жиҳод катибаси», «Туркистон ислом ҳаракати» террористик ташкилотлар тарафдорлари таъсирига тушиб, уларнинг ғояларини интернетда улашиб келган. Улар орасида Конституцияни хилоф тарзда ўзгартиришга даъват этувчи материал ҳам аниқланди. Фуқаро 3 йил 6 ойга қамалди.
ДХХ Самарқандда фуқародан ишга киритиб қўйиш учун 1000 доллар олаётган туман ФВБ бошлиғини, Фарғонада эса қарздорликни ёпиб бериш учун фуқародан 3500 доллар олаётган банк бошқарувчисини қўлга олди. Ушбу шахсгларга нисбатан Жиноят Кодексининг тегишли моддалари билан жиноят иши қўзғатилди.
Ҳуқуқ-тартибот органлари ходимлари Самарқандда 1,4 кг опий ва 1,7 кг гашиш, Андижонда эса салкам 1 кг гашиш гиёҳванд моддасини сақлаганликда гумонланган шахсларни қўлга олди. Уларга нисбатан жиноят ишлари қўзғатилди.
Самарқандда фуқарони 30 минг доллар эвазига Мексика орқали АҚШга жўнатмоқчи бўлган шахс ушланди. У аванс учун 10 минг доллар олаётган пайтда ДХХ ва ИИБ ходимлари томонидан қўлга олинди.
Юқори Чирчиқ туманида 2 фуқаро томонидан ташкил этилган яширин нарколаборатория аниқланди. Текширувлар натижасида жами 1,21 кг «Мефедрон» синтетик гиёҳвандлик воситаси, 18 грамм «опий» ва 41 грамм «гашиш» моддаси айланмасининг олди олинди.
ДХХ ва Бухоро вилояти ИИБ ходимлари томонидан Ромитан туманида 456 дона майнинг қурилмаларини ўрнатган ферма аниқлади. Электр энергиясидан ноқонуний фойдаланиш оқибатида ферма давлатга 2 млрд 530 млн сўм миқдорида зарар етказгани маълум бўлди.
Қўшимча имкониятларга эга булиш учун сайтда рўйхатдан ўтинг