Жамият
«Маданият соҳасида иқтисодий манфаатдорлик абгор аҳволда» — Озодбек Назарбеков
Ўзбекистон Маданият вазири Озодбек Назарбеков соҳани тўлиқ рақамлаштириш ва иқтисодий манфаатдорликни яхшилаш зарурлигини айтди. «Бу икки масала бутунлай ечим топса, шундан кейин соҳа ғояга ишлайди», — деди у. Унга кўра, соҳада сифатни таъминлашда иқтисодий манфаатдорлик ҳам муҳим омил ҳисобланади.
Uzum IT-академияси янги таълим йўналишларини ишга туширмоқда
Uzum IT-академиясида ўқишнинг иккинчи оқимида хоҳловчилар «Лойиҳа менежери» ва Customer Support йўналишлари, шунингдек, Java `да ишлаб чиқиш ҳамда тизимларни таҳлил қилиш курсларини танлашлари мумкин.
Маҳаллаларга мини трактор ва мотокультиваторлар олиб берилади
Президент Сайхунободдаги 19 та маҳаллага 1 тадан мини трактор, 4 тадан мотокультиватор олиб берилганини маълум қилди. Ҳоким ёрдамчилари агрономлар билан бирга ушбу техникалар ҳисобидан томорқа ерларини ҳайдаш ва экин экиш хизматларини кўрсатади. Бу тажриба бутун республикада оммалаштирилади.
Президент раҳбарлар Сайхунободдаги аҳволни яхшилашга эътибор қаратмагани ва пастга тушиб ишламаганини танқид қилди
Шавкат Мирзиёев Сайхунобод туманида бўлиб ўтган йиғилишда жойлардаги раҳбарлар Сайхунободдаги аҳволни яхшилашга эътибор қаратмаганини, Сирдарё вилояти ҳокимининг биринчи ўринбосари, Сайхунобод тумани ҳокими ва унинг биринчи ўринбосари шу сабабдан лавозимидан озод этилганини таъкидлади.
Президент Сирдарёга кетаётиб муфтий билан Рамазон ойи ҳақида суҳбатлашди
Шавкат Мирзиёев Сирдарёга поездда борди. Йўл-йўлакай Ўзбекистон мусулмонлари идораси раиси, муфтий Нуриддин Холиқназаров билан Рамазон ойи, унинг фазилатлари, бу ойни юксак даражада ўтказиш ва муҳтож инсонларни қўллаб-қувватлаш ҳақида суҳбатлашди.
Президент ўрмонларда ёнғин чиқарганлик учун алоҳида маъмурий жавобгарлик белгилаш бўйича қонунни имзолади
Шавкат Мирзиёев ёнғинлар профилактикаси бўйича қонунни имзолади. Ҳужжат билан Маъмурий жавобгарлик тўғрисидаги кодексга ўрмонларда ёнғин хавфсизлиги талабларини бузиш орқали ёнғин чиқишига сабаб бўлганларга алоҳида маъмурий жавобгарлик белгилаш назарда тутилган.
Ўзбекистоннинг 6 та вилоятида қор кўчиши хавфи эълон қилинди
15−20 март кунлари кутилаётган ёғингарчилик ҳамда ҳаво ҳароратининг ўзгариши сабабли Ўзбекистоннинг 6 та вилоятида қор кўчиши хавфи эълон қилинди.
Тошкентда баҳорги қор бўрони — суратларда
Пайшанба куни эрталаб кучли қор бўрони Тошкент аҳолисини ҳайратда қолдирди. Ярим соат ичида шаҳар қор билан қопланди. Кўриш даражаси бироз вақтга ёмонлашди. Светофорнинг ишламай қолгани сабаб айрим чорраҳаларда тирбандлик юзага келди. Баъзи жойларда дарахтлар қулаб тушди. «Газета.uz» фоторепортажи.
Рақамли технологиялар вазири мактаблардаги интернет ва компьютер масаласи ҳақида гапирди
Рақамли технологиялар вазири Шерзод Шерматов Ўзбекистондаги деярли барча мактабларда интернет тармоғига уланиш учун оптик толали ва радиореле алоқа линиялари мавжудлигини айтди. Унинг сўзларига кўра, линияларни компьютерлар билан жиҳозлаш масаласи эса бюджетдан ажратиладиган маблағга боғлиқ.
Ўзбекистон БМТга аъзо давлатлар билан аёлларнинг ижтимоий ва сиёсий ҳаётдаги иштироки бўйича тажриба алмашишдан манфаатдор
Сенат раиси Танзила Нарбаева БМТ минбарида аёллар ўртасида, айниқса, қишлоқларда STEM таълимини тарғиб қилиш, ҳудудларда рақамли тафовутни бартараф этиш ва дискриминацияга учраганларга ҳуқуқий ёрдам бериш ҳақида сўзлади. У МО мамлакатларида гендер тенглиги бўйича ёндашувлар ишлаб чиқилганини айтди.
Фарғона вилоятида зилзила содир бўлди
Фарғона вилояти Қува туманида зилзила содир бўлди. Унинг кучи 2−3 баллни ташкил этди. Ер силкиниши Андижон вилоятининг айрим туманларида ҳам сезилди.
Фарғона вилояти ҳокимига янги ўринбосар тайинланди
Шерзод Раҳимов Фарғона вилояти ҳокимига ўринбосар бўлди. У тайинловга қадар Қонунчилик палатаси Аграр ва сув хўжалиги масалалари қўмитаси аъзоси бўлган.
«Қўйлиқ» бозори фаолияти тугатилди
Давлат эҳтиёжлари учун ҳудуди тортиб олинаётган «Қўйлиқ» бозори фаолияти тугатилди. Тадбиркорларга фаолиятини Food City, Tashkent Index ва бошқа савдо мажмуаларида давом эттириш таклиф қилинмоқда.
13 март куни эълон қилинган энг муҳим янгиликлар дайжести
Техник носозлик туфайли кечиктирилган «Ташаббусли бюджет» жараёнлари, Афғонистон бизнеси учун яратиладиган «шарт-шароитлар», «маданиятли инсонлар» учун бепул чипталар, Uzbekistan Airways`нинг бўёғи кўчиб кетган самолётлари ва бошқалар — «Газета.uz»нинг кунлик дайжестида.
Uzbekistan Airways Boeing 787 Dreamliner самолёти қанотидаги бўёқ кўчиб кетганига изоҳ берди
Uzbekistan Airways`нинг хабар беришича, Boeing 787 Dreamliner самолётининг композит қисмларида бўёқнинг кўчиб кетиши муаммоси бир неча йиллардан буён кузатилмоқда. Boeing тавсиясига кўра, эксплуатантлар самолёт қайта бўялгунига қадар вақтинча махсус ёпишқоқ лентадан фойдаланмоқда.
Январь-февраль ойларида табиий газ ва электр энергиядан фойдаланиш бўйича 215,6 млрд сўмлик зарар аниқланди
2024 йилнинг январь-февраль ойларида истеъмолчилар 88,5 млн метр куб табиий газ (132,7 млрд сўм) ва 77,3 млн киловатт⋅соат электр энергиясидан (қарийб 83 млрд сўм) ноқонуний фойдалангани аниқланди. Унинг натижасида 215 млрд 648 млн сўм зарар етказилган.
Хоразмда биринчи синф ўқувчисини калтаклаган ўқитувчи ишдан бўшатилиб, жаримага тортилди
Хонқа туманидаги мактабларнинг бирида биринчи синф ўқувчисини калтаклаган ўқитувчи ишдан олинди ва маъмурий жавобгарлик бўйича жаримага тортилди.
Фирибгарлик учун қидирилаётган шахс Туркиядан Ўзбекистонга депортация қилинди
Фирибгарликда айбланиб қидирувда бўлган 35 ёшли эркак Туркиядан Ўзбекистонга депортация қилинди. Ушбу шахснинг хатти-ҳаракатларидан жабр кўрган фуқаролардан Ички ишлар вазирлигига мурожаат қилишлари сўралади.
Президент «Янги Ўзбекистон» массивлари қурилишини жадаллаштириш бўйича кўрсатмалар берди
Айрим вилоятларда «Янги Ўзбекистон» массивларини қуришда кечикиш кузатилмоқда. Президент 1 июлга қадар қурилиш ишларини жадаллаштириш ва 474 та уйни фойдаланишга топшириш бўйича топшириқ берди. «Улкан марраларга эришиш учун уй-жой қурилиши ҳажмини ҳар йили 20 фоизга ошириб боришимиз керак, — деди у.
Маданият вазирлиги «маданиятли инсонлар»га кўнгилочар тадбирлар учун бепул чипталар совға қилмоқчи
Маданият вазирлиги газ ва электрдан қарзи йўқ, маъмурий жавобгарликка тортилмаган «намунали ва маданиятли инсонлар»ни аниқлаб, уларга кўнгилочар тадбирларга бепул чипталар совға қилмоқчи. «Лойиҳа ҳали тўлиқ ишлаб чиқилмаган, бунинг учун бироз вақт керак», — деди вазирлик ходими.
Энг кўп ўқилган хабарлар | Сўнгги янгиликлар
- Сурхондарёда Tracker юк машинасига урилиши оқибатида 5 киши ҳалок бўлди (2)
- Дубайда икки ўзбекистонлик йўловчи аёл самолётда жанжаллашди
- Хоразмда 72 ёшли эркак хотинини болта билан чопиб ўлдирди
- Jurabek Laboratories «Док-1 Макс»дан жабрланганларга 75,6 млрд сўм миқдорида маънавий зарарни қоплаб бериш таклифи билан чиқди
Қўшимча имкониятларга эга булиш учун сайтда рўйхатдан ўтинг