Veolia Energy Tashkent компанияси кенгашга Тошкент шаҳри аҳолиси учун иссиқ сув ва иссиқлик таъминоти тарифини 15 фоизга оширишни таклиф қилди. Корхона раҳбарининг айтишича, ҳозирда шаҳар аҳолиси базавий тарифнинг атиги 14 фоизини тўлайди, қолгани эса шаҳар бюджетидан субсидия шаклида қопланади.
Сохта мотиваторларни тартибга солиш таклифи, боласи мактабга бормагани учун огоҳлантириш олаётган ота-оналар, ҳаво ифлосланишида «айбсиз» бўлган мазут, Minerva city масаласига тўхталган ЎзЛиДеП ва бошқалар — «Газета.uz»нинг кунлик дайжестида.
Энергетика вазирлиги иссиқлик станциялари ва иссиқлик марказлари мазутдан фойдаланишининг Тошкентдаги ҳаво ифлосланиши билан боғлиқлигини рад этди. Вазирлик Тошкент ИЭСда (ТошГРЭС) белгиланган техник кўрсаткичларга мос келадиган фильтрлар ўрнатилганини маълум қилди.
Шофирконда Taftish.uz интернет нашри мухбири таниши билан келишмовчилик пайтида пичоқланди. Жабрланувчи шифохонага ётқизилди, гумонланувчига нисбатан эса жиноят иши қўзғатилди.
Йўл қоидалари бузилганда, автомобилнинг эгаси эмас, уни бошқарган шахс (ижарага берилган шахслар, яқин қариндошлар ва бошқалар) жавобгарликка тортилиши кўзда тутилган қонун лойиҳаси депутатлар томонидан рад этилди. Ўзгартириш коррупцияга йўл очиб бериши таъкидланди. Қонун муҳокамаси тафсилоти.
Tасвирий санъат галереясида жадидчилик ҳаракатига бағишланган «Хотира йўлаги» кўргазмаси очилган бўлиб, у 18 февралга қадар давом этади. Унда 42 экспонат намойишга қўйилган. Экспонатлар орасида Фитрат ва Беҳбудий томонидан ёзилган дарсликлар, журналлар ва ўқув қўлланмалари ҳам бор.
Қамчиқ довонида DAF ва Isuzu юк машиналари тўқнашди. Оқибатда иккала ҳайдовчи ва уч йўловчи воқеа жойида вафот этди. DAF юк транспорт воситасига ортилган бир қанча енгил автомобиллар пастликка тушиб кетди.
Қонунчилик палатаси депутатлари — Шаҳноза Холмахматова ва Гулруҳ Агзамова «сохта психологлар» кўпайиб қолгани, уларга қарши курашиш зарурлигини таъкидлаб, бундай тренерлар фаолиятини тартибга солишга қаратилган ҳужжатларни ишлаб чиқиш кераклигини билдирди.
Мактаб дарсларига сабабсиз қатнашмаётган болаларнинг ота-оналарига огоҳлантириш хатлари юборилмоқда, унда ота-оналар фарзандларининг таълим олишида жавобгар экани эслатилган. Таълим вазирлиги бундай чораларнинг моҳиятини тушунтирди.
Вазирлар Маҳкамасининг тегишли қарори билан аёлларга автобус ва юк автомобилларини бошқаришга рухсат этилди. Қайд этилишича, замонавий автотранспорт воситаларининг техник хусусиятлари аёлларга ушбу соҳаларда қулай ва соғлиқларига зарарсиз меҳнат фаолиятини олиб бориш имконини беради.
12 февралдаги суд музокарасида прокурор Фармагентликнинг собиқ раҳбари Кариев, унинг икки ўринбосари ва Давлат марказининг бир ходимига нисбатан 18 йил, Quramax Medical директорига 20 йилга озодликдан маҳрум қилиш жазосини сўради. «Газета.uz» барча судланувчиларга сўралган жазони тўлиқ тақдим этади.
Қорақалпоғистондаги Жилтирбас кўли халқаро аҳамиятга эга бўлган сувли-ботқоқли ерлар рўйхатига киритилди. 15 йил давомида ўрганилган кўл Рамсар конвенциясига киритилган бешинчи табиий объект бўлди.
ДХХ Сирдарёда Миллий гвардия бўлими бош инспектори, Қашқадарёда «Ҳудудий электр тармоқлари» бош муҳандиси, Жиззахда «Тоза ҳудуд» бош ҳисобчиси, Навоийда эса Ҳакамлик судлари ассоциацияси судьясини фуқаролардан ваколатидан фойдаланиб, пул олган вақтида ушлади. Уларга нисбатан жиноят иши қўзғатилди.
Педагоглар касбий сертификат назорат синовида қатнашиш учун давлат хизматлари марказларига шахсан бориб ёки ЯИДХП (my.gov.uz)да тўлдирган ҳолда рўйхатдан ўтиши мумкин бўлди. Биринчи марта касбий сертификат олиш бўйича назорат синовида иштирок этиш учун талабгордан тўлов ундирилмайди.
Ўзбекистонда Халқаро табиатни муҳофаза қилиш иттифоқининг офиси очилди. У янги Марказий Осиё атроф-муҳит ва иқлим ўзгаришини ўрганиш университетида жойлашган. IUCN бош директори Гретел Агилар офис ва университетнинг очилиш маросимида иштирок этди.
Бир ҳафта давомида Ўзбекистондаги ахборот тизимларига 32 156 та кибертаҳдид уюштирилгани аниқланди. Улардан энг кўпи ҳукуматга тегишли ахборот тизимларига нисбатан уюштирилган бўлиб, жами кўрсаткичнинг 52,7 фоизини ташкил этади.
Уйчи тумани орқали Учқўрғон ва Норин туманларини Наманган вилояти маркази билан боғловчи янги йўл ва Норин дарёси устига кўприк қурилади, мазкур лойиҳаларнинг умумий узунлиги 17,5 километрни ташкил этади. Кўприкнинг қиймати 53,6 млрд сўм бўлиб, унинг узунлиги 482 метр бўлади.
Шанба куни Юнусобод туманидаги 259-мактабнинг футбол майдони олдидан ҳушсиз ҳолда топилган 3-синф ўқувчиси шифохонада вафот этди. Ҳолат юзасидан суд-тиббий экспертиза тайинланиб, терговга қадар текширув олиб борилмоқда.
2023 йилда Тошкент шаҳрида ЙТҲлар оқибатида 95 киши ҳалок бўлди, улардан 10 нафари — болалар. 1248 киши (235 бола) жароҳат олди, хусусан, 10 нафари умрбод ногирон бўлиб қолди. Пойтахт прокурори фуқароларга мурожаатида шаҳарда йўл ҳаракати хавфсизлиги соҳасидаги аянчли вазият ҳақида гапирди.
«Тошшаҳартрансхизмат» раҳбари иши доирасида ушланган шахслар, мактаблардаги давоматни текширадиган Миллий гвардия, «Док-1 Макс» судининг музокара босқичи, қайта ташкил этилган ТДИУнинг вазифалари ва бошқалар — «Газета.uz»нинг кунлий дайжестида.
Қўшимча имкониятларга эга булиш учун сайтда рўйхатдан ўтинг