Жамият
Тошкентда 5 та машина иштирокидаги ЙТҲда икки киши жароҳатланди (+фото)
Фурқат кўчасидаги туннелда 5 та машина тўқнашди. Ҳодиса оқибатида йўл четидаги Matiz`ни таъмирлаётган икки киши енгил жароҳат олди.
2 февраль куни эълон қилинган энг муҳим янгиликлар дайжести
МТРК ва Маънавият марказида алмашган раҳбарлар, пойтахт ҳавосини ифлослантираётган «Тошкент ИЭС», Эронга киришда визасиз режим, оилаларнинг бахтлилик даражаси ва бошқалар — «Газета.uz»нинг кунлик дайжестида.
Андижонда кўп қаватли уйда содир бўлган ёнғинда бир киши ҳалок бўлди
Андижон шаҳридаги кўп қаватли уйлардан бирида ёнғин чиқди. Оқибатда бир киши ҳалок бўлди, яна бир киши жароҳатланди. Ёнғинга газ-ҳаво аралашмасининг чақнаши сабаб бўлган, деб хабар берди вилоят ФВБ.
Ўтган ой Ўзбекистон тарихидаги энг илиқ январлардан бири бўлди
2024 йилнинг январь ойида ҳарорат жуда илиқ бўлди. Иқлим меъёридан юқори бўлган ҳарорат деярли ой давомида сақланиб турди. Ўзгидрометнинг маълумот беришича, ўтган ой метеорологик кузатувлар тарихидаги энг илиқ январь ойлари учлигига кирди.
«Тошкент ИЭС» ҳаво ва тупроқни ифлослантиргани учун жаримага тортилди (+фото, видео)
Январь ойида экологлар Тошкент иссиқлик электр станцияси (ТошГРЭС)нинг ҳаво ва тупроққа таъсирини ўрганди. Аниқланган зарар 1 млрд сўмга баҳоланмоқда, деб хабар қилди Экология вазирлиги. ИЭС асосий ёқилғи сифатида газдан фойдаланади, лекин баъзида мазут ёқади, шунинг учун пойтахтни тутун қоплаган.
Сирдарё, Наманган ва Қашқадарёда ер майдонларини ноқонуний сотмоқчи бўлганлар ушланди
ДХХ Сирдарёда 46 сотих ерни 46,5 минг долларга, Наманганда 36 сотих ерни 25 минг долларга ва Қашқадарёда 25 сотих давлат захирасидаги ерни 300 миллион сўмга сотмоқчи бўлган шахсларни ушлади.
Хотин-қизлар масалалари бўйича инспекторларга қонунбузарларни жавобгарликка тортиш ваколати берилди
Ички ишлар органларининг вояга етмаганлар ва хотин-қизлар масалалари бўйича инспекторларига Маъмурий жавобгарлик тўғрисидаги кодекснинг айрим моддалари талабларини бузган шахсларни жавобгарликка тортиш ваколати берилди.
Дам олиш кунлари Тошкентда қаерларга бориш мумкин? (3−4 февраль)
Саккизта фильм премьераси, театрлаштирилган томошалар, «Саҳна» стендап клубида юмористик тадбирлар, болалар маҳорат дарслари ва шоулари, мусиқий кечалар ва дам олиш кунларидаги бошқа тадбирлар — Afisha.uz жамланмасида.
Тошкент метросида қизга шилқимлик қилган эркак 5 суткага қамалди
Тошкентда метро вагонида қизга шилқимлик қилган эркакка нисбатан 5 сутка маъмурий қамоқ жазоси тайинланди. Судда эркак ўз айбини тан олмаган. Қиз эркакнинг ҳаракатлари атайин амалга оширилгани ва «Буюк ипак йўли» бекатида уни таъқиб қилганини маълум қилган.
Ўзбекистонда оилаларнинг бахтлилик даражаси ўрганилди
Оила институти 3 мингдан ортиқ одам ўртасида оилаларнинг бахтлилик даражасини таҳлил қилди. Индексда Хоразм, Сирдарё, Наманган вилоятлари ва Қорақалпоғистон Республикаси энг юқори, Тошкент шаҳри, Жиззах ва Фарғона вилоятлари эса қуйи ўринни эгаллади. Таҳлил натижалари.
Дам олиш кунлари Бўстонлиқ тоғларига ҳаракат бир томонлама ташкил этилади
3−4 февраль кунлари Тошкент вилояти Бўстонлиқ тоғларидаги дам олиш масканларига бориш учун транспорт ҳаракати бир томонлама ташкил этилади. Бунда об-ҳаво шароити, фуқароларнинг ташрифи ортиши ва йўллардаги тирбандлик инобатга олинган.
Эронга киришда Ўзбекистон фуқаролари учун визасиз режим 4 февралдан амал қилади
Эрон ТИВ мамлакатга сайёҳ сифатида келадиган 28 та давлат, жумладан, Ўзбекистон фуқаролари 4 февралдан визасиз кира олишини маълум қилди. Бундай қарор орқали Эрон ҳақидаги салбий пропаганда ва эронофобияга чек қўйилиши билдирилган.
Қашқадарёда 150 туп дарахт қўпориб олингани аниқланди
Касби туманида Toʼpalang HPD Holding МЧЖ масъуллари канал қирғоғидаги 150 туп дарахтни илдизлари билан қўпориб олди. Бунинг оқибатида табиатга 1,1 млрд сўм зарар етган. Айбдорларга чора кўриш мақсадида ҳужжатлар прокуратурага юборилди.
Дам олиш кунлари баъзи ҳудудларда қор ва ёмғир ёғади
Шанба куни Ўзбекистонга нам ҳавонинг янги қисми кириб кела бошлайди. Жойларда асосан ёмғир ёғади. Якшанбада баъзи ҳудудларда ёмғир, қор ёғиши, туман тушиши кутилмоқда. Ҳарорат кундузи +3…+8 даража илиқ, кечаси 0…-5 даража совуқ бўлади.
Рақамли технологиялар халқаро маркази ташкил этилди
Президент фармони билан Ўзбекистонда Рақамли технологиялар халқаро маркази (International Digital Technology Center) ташкил этилди. Марказда 2024 йил 1 июндан 5 йилгача бўлган муддатга хорижий компаниялар учун қўлланиладиган махсус ҳуқуқий режим эксперимент тариқасида жорий қилинади.
Тошкентдаги иссиқхоналарнинг бирида автомобиль шиналари ёқилгани аниқланди
Бектемир туманидаги «Бекуз келажак» иссиқхонаси олов ёқишда автомобиль шиналаридан фойдалангани ва фильтрловчи мосламалари носоз экани аниқланди. Ҳозирда ҳолат юзасидан атроф-муҳитни ифлослантирганлик бўйича ҳисоб-китоб ишлари олиб борилмоқда.
Тошкентда ППХ ходимлари 13 ёшли болани машинага мажбурлаб ўтирғизди (видео)
Чилонзор туманида 13 ёшли боланинг ёнидан пиротехника воситаси чиққач, ППХ ходимлари уни машинага мажбурлаб ўтирғизди. Бола бошидан лат еган ва қаттиқ қўрққан. Икки ходимга ҳайфсан берилди. Болалар омбудсмани сўровига кўра ҳолатни прокуратура ўрганмоқда.
Тошкентда автобус ҳайдовчисининг эҳтиётсизлиги сабаб икки йўловчи жароҳатланди
Тошкентда 52-сонли автобус ҳайдовчиси йўловчилар автобусга чиқиб улгурмасидан эшикларини ёпиб олди. Оқибатда аёл ва унинг қизи жароҳатланди. Ҳайдовчи билан тузилган меҳнат шартномаси бекор қилинди.
«Қор қоплами эригач, таъмирлаш ишлари бошланади». Сурхондарё ҳокимлиги мактабга олиб борувчи қониқарсиз йўл ҳақида
Тармоқларда Сурхондарёда мактаб болалари қониқарсиз йўлдан мактабга кетаётгани видеоси тарқалди. Вилоят ҳокимлиги йўлдаги қор қоплами эригач, таъмирлаш ишлари бошланишини маълум қилди.
Ўзбекистонда 2021 йилдан бери биринчи марта ўлим даражаси ошди
Ўзбекистонда 2021 йили бошланган ўлим даражасининг камайиш тенденцияси 2023 йилга келиб тўхтади. Аммо болалар ва ўсмирлар ўлимининг улуши 2,3 баробар камайди. Ўлим ҳолатларининг асосий сабаби — ҳали ҳам қон айланиш касалликлари. Респиратор касалликлар улуши қисқарган, онкология улуши эса ортган.
Энг кўп ўқилган хабарлар | Сўнгги янгиликлар
- «Камолон ош» маркази асосчиси Саъдулло Саидов вафот этди
- «Аёллар кетиш учун куч топиши керак». Диёра Усмонова биринчи турмушида калтаклангани ҳақида гапирди
- Автомашинани қайта рўйхатдан ўтказиш йиғими аввалги миқдор — БҲМнинг 10 фоизига қайтарилди
- Аёлларни ҳимоя қилиши керак бўлган қонун уларни жазолаш учун ҳам хизмат қилмоқда
Қўшимча имкониятларга эга булиш учун сайтда рўйхатдан ўтинг