Навоий вилоят телерадиокомпаниясининг муҳаррири, журналист Рухсора Каримова аварияга учраб, вафот этди. Бахтсиз ҳодиса жуналист иш юзасидан Тошкент шаҳрига келаётганда юз бергани айтилмоқда.
Тошкент вилоятида икки фуқаро 3 гектар ер майдонини 350 минг долларга сотишга уринганликда гумонланмоқда. Улар келишилган пулдан 10 минг долларини олганида ҳуқуқ-тартибот органлари ходимлари томонидан ушланган. Гумондорларга нисбатан жиноят иши қўзғатилди.
Прокуратурада бир вақтнинг ўзида тергов функцияси мавжудлиги одил судловни амалга оширишга ҳалақит беради, деган фикрда Расул Кушербаев. Депутат ДХХ, ИИВ ва прокуратурадан мустақил бўлган тергов органини ташкил этиш вақти келгани ва буни Конституцияда акс эттириш зарурлигини таъкидлади.
Тошкентдаги Шота Руставели кўчасини ободонлаштириш, дренаж ва суғориш тизими, йўл бўйида пиёдалар ва велосипедчилар йўлакларини барпо этиш орқали реконструкция қилиш режалаштирилмоқда. Пойтахт ҳокими Жаҳонгир Ортиқхўжаев тегишли қарорни имзолади.
Қарши шаҳар суди «Жиҳодчилар» оқими ғояларини тарғиб қилган 29 ёшли аёлни 9 ойлик фарзанди борлигини ҳисобга олиб, 3 йилга уй қамоғига ҳукм қилди. Бундан ташқари, ДХХ экстремистик оқим ғояларини тарқатганликда гумонлаб, яна икки нафар фуқарони қўлга олди. Уларга нисбатан жиноят иши қўзғатилди.
Президент қарори билан 2022−2026 йилларга мўлжалланган «Хавфсиз ва равон йўл» умуммиллий дастури тасдиқланди. Унга кўра, йўл инфратузилмасини такомиллаштириш ва хавфсиз ҳаракатланиш шароитларини яратиш орқали йўлларда авария ва ўлимлар сонини қисқартириш кўзда тутилмоқда.
«Ўзнефтгазинспекция» айрим АЁҚШларда бензин кам қуйилаётгани, сифатсиз ёқилғи сотилаётгани ҳамда бошқа қонун бузиш ҳолатларини аниқлади. Жумладан, 10 та ҳолатда истеъмолчилар ҳақидан ҳар 10 литрда 750 миллилитргача кам қуйиб берилаётгани маълум бўлди.
Метронинг «Ерусти ҳалқа йўли» йўналишидаги 7-бекати йўл ўтказгич ўрнатилиши туфайли метро ҳаракати вақтинча тўхтатилди ва унинг ўрнига «Роҳат 5-метро бекати — Қўйлиқ 7-метро бекати» оралиғида вақтинча иккита автобус қатнайди.
2024 йил 1 декабрга қадар жиноят содир этганликда гумонланиб ушлаб турилган шахсларнинг қочишига йўл қўймаслик мақсадида электрон браслетдан фойдаланиш тизими жорий этилади.
Ўзбекистонда 9 та янги музей ташкил этилади, улардан 7 таси Самарқанддаги «Музейлар квадрати»да жойлашади. Қўқонда Замонавий санъат музейи, Урганчда Лазги музейи ташкил этилади.
Президент фармони билан хонанда ва ижрочиларга даромад солиғини декларация асосида тўлаш тартиби белгиланди. Шунингдек, тўйхона ва ресторанларда хизмат кўрсатувчи ижрочилар 2024 йил 1 январгача даромад солиғини тўлашдан озод этилади.
Ўзбекистондаги 50 дан ортиқ чегара божхона постларида электрон навбатлар жорий этилади, ҳайдовчи ўтказиш пунктига келмасдан туриб телефон орқали ҳам навбатга ёзилиши мумкин. Бунда биринчи навбатда тез бузилувчан бўлгани учун қишлоқ хўжалиги маҳсулотларини ортган автомобилларга устунлик берилади.
Қорақалпоғистонда қисқартирилган комендантлик вақти, 200 минг сўмлик банкнота, кутилаётган жазирама кунлар, ЙПХ постларида жаримали транспортларнинг тўхтатилиши, Ўзбекистонга келадиган Туркманистон президенти, сохта экспонат ва бошқалар — «Газета.uz»нинг 13 июлдаги энг муҳим хабарлари дайжестида.
Тошкентда электросамокат бошқарувини йўқотган фуқаро ариққа йиқилиб тушиб, олган тан жароҳатлари оқибатида шифохонада ҳаётдан кўз юмди.
Фарғона вилояти тарихи ва маданияти давлат музейида ўтказилган назорат тадбирларида умумий баҳоси 2,5 млрд сўмлик 70 дона ноёб экспонат қалбакилари билан алмаштирилгани аниқланди.
Жазирама иссиқ кўпчиликнинг ҳаётига хавф солиши мумкин. Бундай шароитда танани, хонадонимизни қандай салқин ҳолда сақлашимиз ва соғлиғимизни қандай ҳимоя қилишимиз мумкин? «Газета.uz» ушбу мақолада бу борадаги тавсияларни эътиборингизга ҳавола этади.
Ҳукумат қарори билан Хива реставрация мактаби ташкил этилади. Соҳа мутахассисларининг малакасини ошириш, «устоз-шогирд» анъаналарини ривожлантириш, илмий тадқиқот олиб бориш ҳамда хорижлик экспертлар иштирокида илмий анжуманлар ташкил этиш мактабнинг асосий вазифалари ҳисобланади.
17−22 июль кунлари Ўзбекистоннинг турли ҳудудларида ҳаво харорати +41 даражадан +47 даражагача, хусусан, Тошкент шаҳрида +45 даражагача кўтарилиши кутилмоқда. Буни синоптиклар минтақадан жазирамани «суриб ҳайдаб юборадиган» совуқ антициклон оқимлари мавжуд эмаслиги билан изоҳлашмоқда.
Қорақалпоғистонда комендантлик вақти 23 дан соат 5 га қадар этиб қисқартирилмоқда, бунга қадар соат 21 дан соат 7 гача эди. Республикадаги вазият барқарорлашгани туфайли президент ҳудудда фавқулодда ҳолат режимини юмшатиш тўғрисидаги фармонни имзолади.
Тойлоқ туманида 30 ёшли аёл ўз жонига қасд қилганди. Суд-тиббий экспертиза марҳуманинг танасида енгил тан жароҳатлари мавжудлигини аниқлади. Марҳуманинг турмуш ўртоғига нисбатан ўзини ўзи ўлдириш даражасига етказиш моддаси билан жиноят иши очилди.
Қўшимча имкониятларга эга булиш учун сайтда рўйхатдан ўтинг