Ҳукумат қарори билан 13 июлдан ЙПХ постларида транспортлар жарималари бор ёки йўқлигига қараб, «яшил» ва «қизил» йўлакларга йўналтирилади. Қарздорлиги бор ҳайдовчилар шу жойнинг ўзида тўловни амалга оширса, ҳаракатда давом этишига рухсат берилади, акс ҳолда эса машина жарима майдончасига қўйилади.
Самарқандда 17 ёшли йигит синглисининг дугоналарини Cobalt автомобилида олиб кетаётганда ЙТҲ содир этди, бунинг оқибатида икки нафар қиз вафот этди. Бошқа бир аварияда эса двигатели ўчиб қолган Damas`ни итариб кетаётган ҳайдовчи орқадан юк машинаси уриши оқибатида ҳалок бўлди.
Чорвоқ парадроми дунёда парапланда учиш осон бўлган кам сонли жойлардан биридир. Парвоз қилиш истагидагиларга бу бахтни ўзбек парапланеризми кашшофи Вячеслав Чесенко тортиқ этмоқда. «Газета.uz» ундан шогирдлари, кўзи ожиз йўловчилар, ўзбек парапланеризми тарихи ва ривожланиши ҳақида сўради.
Эрон ҳудудларидан иссиқ ва қуруқ ҳаво кириб келиши натижасида пайшанба кунидан бошлаб ҳафта якунигача Ўзбекистонда ҳарорат +41 даражагача кўтарилади. Жануб ва чўл ҳудудларда 43 даражагача иссиқ бўлиши кутилмоқда.
Мирзаобод туманида 18−24 ёшлар орасидаги тўрт нафар фуқаро «Тавҳид ва жиҳод катибаси» террорчилик ташкилоти таъсирида экстремистик мазмундаги аудио-видео материалларни танишлари орасида тарғиб қилиб келганликда айбланмоқда. Суд гумондорларни айбдор деб топса, 5 йилдан 8 йилгача қамалиши мумкин.
Экология қўмитаси Фарғона вилоятида ҳавони ифлослантираётган бешта гипс ишлаб чиқарувчи корхона фаолиятини вақтинча тўхтатиб, мажбурий кўрсатмалар берганди. Қўмита корхоналар берилган муддатда кўрсатмани бажармагани учун уларни судга берди.
Қашқадарёда аёл ўзининг эри ва унинг қариндошлари томонидан калтакланди. Вилоят ИИБ бунга аёл бошқа фуқаро билан ишқий муносабатда бўлиб юргани сабаб бўлганини айтмоқда. Аёлни боғлаб қўйиб, сочини кесиб, калтаклагани ва қамчи билан муттасил ургани учун гумондорларга нисбатан жиноят иши қўзғатилди.
Ўзбекистоннинг тўрт йилга мўлжалланган инновацион ривожланиш стратегияси тасдиқланди. Бу вақт давомида инновацион технологиялар яратишнинг ғоядан якуний истеъмолчигача бўлган комплекс тизими яратилади. 26 та туман ва битта шаҳарда инновация бўйича ҳоким ўринбосари лавозими жорий этилади.
Айрим ОТМларда президент фармонига зид равишда талабалардан «айланма варақа»ни қоғоз шаклда тўлдириб келиш талаб этилмоқда. Адлия вазирлиги ўтказган текширувларда бу ўз тасдиғини топди. Олий таълим вазирлиги ва тегишли ОТМларга президент фармони ижросини сўзсиз таъминлаш бўйича тақдимнома киритилди.
Сентябрь ойида Тошкент ва Бухорода халқаро адабий фестиваль ўтказилиши кутилаётганди. Бироқ, тадбир дастури, иштирокчилар рўйхати шакллантирилган бўлишига қарамай, маҳаллий ҳамкор — Ёзувчилар уюшмаси ташкилотчилар сафидан чиқди ва фестиваль тўхтатилди. «Газета.uz» Ёзувчилар уюшмасидан изоҳ ололмади.
Mastercard компанияси дастурий муҳандиси Азамат Тоштемиров — «Хориждаги ўзбекистонликлар» лойиҳасининг навбатдаги меҳмони. Биз ундан давлат органлари ва хусусий секторда ишлаш ўртасидаги фарқлар, АҚШдаги ўқиш ва Mastercard`даги иши, шунингдек, ёшларга берадиган маслаҳатлари ҳақида сўрадик.
Андижон вилояти Қўрғонтепа туман прокурори ёрдамчиси 1500 долларни пора тариқасида олган вақтида ҳуқуқ-тартибот органлари томонидан ушланди. Гумондорнинг айби судда ўз тасдиғини топса, у 5 йилгача қамалиши мумкин.
Ўзбекистон ва Қозоғистонни боғлайдиган «Малик» ва «Оқолтин» чегара божхона пунктлари фаолияти қайта тикланди. Улар фақат куннинг ёруғ вақтлари ишлайди.
Ўзбекистонда давлат олий таълим муассасаларига иккинчи ва ундан кейинги олий маълумот бўйича ўқишга кириш учун ҳужжатларни қабул қилиш бошланди.
«Тошкент-Ўш» автомобиль йўлининг Фарғона вилояти Олтиариқ туманидан ўтувчи қисмида юзага келган ЙТҲ оқибатида «Исузу» юк машинасининг ҳайдовчиси ва йўловчиси ҳалок бўлди. Ҳайдовчи ҳаракат вақтида ухлаб қолгани айтилмоқда.
Сенат фавқулодда вазиятларда аҳолини ва ҳудудларни муҳофаза қилиш тўғрисидаги қонунни маъқуллади. Ҳужжат билан фавқулодда вазиятларнинг олдини олиш, чора-тадбирларни мувофиқлаштириш, унинг оқибатларини бартараф этиш, молиявий ва моддий ресурслар ажратиш тартиби белгилаб берилган.
Тошкентда 28 ёшли аёл салкам бир ойлик чақалоғини 35 минг долларга сотишга уринганликда гумонланмоқда. Сирдарёда эса 29 ёшли аёл 4 ёшли фарзандини 16 минг долларга сотаётган вақтида ушлангани айтилмоқда. Гумондорларга нисбатан жиноят иши қўзғатилди.
Венгрияда ўтган «Катта дубулға» туркумидаги турнирда ўзбекистонлик Шохруҳ Бахтиёров (бронза) ва Раҳимжон Субхонов (кумуш) медалларга эга чиқди.
Ўнлаб турдаги салқин ширинликлар, танловлар, томошалар, концертлар ва совғаларни ўз ичига олган кенг кўламли уч кунлик байрам меҳмонларни кутмоқда.
Олий таълим вазирлиги Қорақалпоғистондаги интернет билан боғлиқ муаммолар туфайли республикадаги абитуриентлар учун ОТМларга қабул муддати узайтирилишини маълум қилди. Вазият ҳукумат томонидан назоратга олинган, қабул санаси эса тез орада SMS-хабарнома ҳамда телеканаллар орқали етказилади.
Қўшимча имкониятларга эга булиш учун сайтда рўйхатдан ўтинг