15 июлдан «Ташаббусли бюджет» жараёнининг иккинчи мавсумига старт берилди. Бу сафар қарийб 900 млрд сўм маблағ ажратилиши кутилмоқда. Навбатдаги мавсумда ҳар бир босқичга 20 кундан — жами 60 кун муддат берилади. Қорақалпоғистонда эса ташаббусли бюджет жараёни бир ой фарқ билан ўтказилади.
ФВВнинг янгиланган маълумотларига кўра, Қозоғистонда содир бўлган ЙТҲда ҳалок бўлганлар орасида Ўзбекистон фуқаролари йўқ. Ҳозирда Оқсув-Аюли касалхонасида жароҳатланган беш нафар ўзбекистонлик даволанмоқда.
Бош вазирнинг инвестициялар ва ташқи иқтисодий масалалари бўйича ўринбосари — инвестициялар ва ташқи савдо вазири лавозимига Жамшид Ходжаев номзоди маъқулланди. Бунгача у қишлоқ хўжалиги вазири лавозимида ишлаб келаётганди.
Сардор Умурзаков президент Администрацияси раҳбари лавомизига тайинланди, шу муносабат билан у бош вазирнинг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири лавозимидан озод этилди.
IX Тошкент халқаро замонавий санъат биенналеси 24−28 октябрь кунлари бўлиб ўтади. Форум мавзуси: «Рассом ва жамият: келажак санъати концепцияси». 2020 йилда коронавирус пандемияси туфайли биеннале ўтказилмаганди.
CSI компаниясининг self service маҳсулотлари менеджери Игорь Чечулин ритейлерлар нима учун ўзига ўзи хизмат кўрсатиш кассаларини ўрнатиши кераклиги ҳақидаги фикрлари билан ўртоқлашди.
Волгоград вилоятида тадбиркор ўзбекистонлик меҳнат мигрантларига куч ишлатиб, уларнинг ҳужжатларини олиб қўйгани ва ойлик маошини ҳам тўлмагани аниқланди. Ўзбекистон Ташқи меҳнат миграцияси агентлиги Россия ҳуқуқ-тартибот органлари билан иш берувчини жиноий жавобгарликка тортишга эришди.
Янгиер шаҳридан оқиб ўтувчи Жанубий Мирзачўл каналига тушиб кетган 13 ёшли ўсмир ФВВ ходимлари томонидан қутқариб қолинди. Апрель ойида мазкур каналда чўмилган 17 ёшли бола чўкиб кетганди.
Қозоғистоннинг Қарағанда вилоятида Ўзбекистон фуқаролари бўлган микроавтобус ЙТҲга учради. Икки нафари вафот этган, уч нафари шифохонада. Ўзбекистон ФВВ жабрланганларга ёрдам кўрсатиш учун Қозоғистон расмийлари билан алоқада.
Менемен, скрембл, круассан сендвичлар, пишлоқ ва картошкали чалпак, творогли панкейклар, тухумли лаваш, мини панкейклар — Zira.uz турли хил мазали нонушталар рецептлари рўйхатини тақдим этади.
2022−2023 йилларда Қозоғистон билан чегарадаги «Довут-ота», «Ғишткўприк», «Навоий», «С.Нажимов» божхона постлари тўлиқ реконструкция қилинади. Таъмирлаш жараёни қўшни мамлакат билан бир вақтда амалга оширилади.
Прокуратура Ўзбекистон-Ироқ футбол учрашувида Sevimli телеканали журналисти ички ишлар ходимлари томонидан калтакланган ҳолат юзасидан жиноят иши қўзғатди. Терговни Бош прокуратура назорат қилади.
Сенат ва Қонунчилик палатаси Қорақалпоғистонда юз берган воқеаларни ўрганиш ҳамда улар юзасидан мустақил текширув ўтказиш бўйича қўшма комиссия тузди. Унга омбудсман Феруза Эшматова раҳбарлик қилади.
Самарқандни зиёрат қилган Мирзиёев ва Бердимуҳамедов, метаннинг нархи ошганига изоҳ, антикоррупция бўйича ишлари баҳоланган ташкилотлар, муҳокамаси яна чўзилган Конституциявий қонун лойиҳаси, ўқишни кўчиришга онлайн қабул ва бошқалар — «Газета.uz» нинг 15 июлдаги энг муҳим хабарлари дайжестида.
Ҳукумат қарори билан давлат олий таълим муассасаларига абитуриентларни онлайн рўйхатдан ўтказиш муддати 27 июлгача, чет тилидан ижодий имтиҳон ўтказиладиган йўналишлар учун эса 17 июлгача узайтирилди.
Туркманистон президенти Сердар Бердимуҳамедов Шавкат Мирзиёев ҳамроҳлигида Самарқандга ташрифини Ислом Каримов мақбарасини зиёрат қилишдан бошлади. Ундан сўнг, икки давлат етакчилари Мирзо Улуғбек музей-мажмуаси, Гўри Амир мақбараси, Регистон майдонига ҳам боришди.
Интернетда ёқилғи қуйиш шохобчаларида метан нархи 3000−3100 сўмгача оширилгани ҳақида хабарлар тарқалди. Энергетика вазирлиги газ нархи эски тарифда қолганлиги сабабли «метан нархи ошганига объектив сабаблар йўқлигини» маълум қилди. Вазиятга «Ўзтрансгаз» ва Солиқ қўмитаси ҳам муносабат билдирди.
Дам олиш кунлари ҳаво ҳарорати +36 даражадан +45 даражагача кўтарилади. Шанба куни шимолий ва чўл ҳудудларда, якшанба куни эса мамлакатнинг айрим жойларида чанг-тўзонлар кўтарилади, шамол тезлиги 22−25 м/с гача кучайиши кутилмоқда.
Эксперимент тариқасида 24 та давлат ташкилотининг коррупцияга қарши курашиш ишлари самарадорлиги баҳоланди. Рейтинг натижасига кўра, Божхона қўмитаси фаолияти «яхши», Адлия вазирлиги ва пойтахт ҳокимлиги фаолияти «қониқарли», ХТВ, ССВ, Қурилиш, Молия вазирликлариники эса «қониқарсиз» деб топилди.
Сирдарё вилоятида яшовчи фуқаро Сибир ярасини (куйдирги) юқтириб олгани аниқланди. Вилоят СЭС бошқармаси касаллик одамдан одамга юқмаслигини айтиб, ҳозирда эпидемиологик вазият барқарорлиги ва хавотирга ўрин йўқлигига ишонтирмоқда.
Қўшимча имкониятларга эга булиш учун сайтда рўйхатдан ўтинг