Сиёсат
Президент мурожаатномаси 29 декабрь куни бўлиб ўтади
Давлат раҳбари мурожаатномада 2021 йилга ном бериши, мамлакатни янада ривожлантиришга қаратилган энг муҳим вазифалар, ички ва ташқи сиёсатга доир устувор йўналишларни белгилаши кутилмоқда.
Депутатлар президент хавфсизлик хизматига оид қонун лойиҳасини кўриб чиқди
Депутатлар кўриб чиққан президент хавфсизлик хизматига оид қонун лойиҳаси МДҲ ҳамкорлик келишуви асосида ишлаб чиқилган ҳамда АҚШ, Россия ва Корея тажрибаси ўрганилган. Ҳозирга қадар хизмат бир қанча қонуности ҳужжатлар асосида фаолият юритиб келмоқда. Қонун эса хизмат фаолиятида ҳуқуқий асосни яратиш мақсадида ишлаб чиқилган.
Шавкат Мирзиёев ёшлар билан учрашди
Президент Шавкат Мирзиёев биринчи марта ўтказилаётган Ўзбекистон ёшлари форумига ташриф буюриб, нутқ сўзлади. Давлат раҳбари ўз нутқида Учинчи Ренессанс, ёш волонтёрлар фаолияти, ёшлар билан ишлаш бўйича Тошкент тажрибаси, «Ёшлар: 1+1» дастури, Ёшлар кичик саноат зоналари, «Ёшлар мурожаати» электрон платформаси, тадбиркорликка ўқиган ёшларга 4 фоизлик кредитлар, ёш оилаларни уй-жой билан таъминлаш ва бошқа мавзуларга тўхталди.
Қонунга зид изоҳлар учун жавобгарлик жорий қилинди
ОАВ ва блогларда қолдирилган изоҳлар учун жавобгарлик жорий этилмоқда. АОКА қонунга зид изоҳлар ҳақида ресурс эгаси ва блогерларни огоҳлантиради, 24 соат ичида изоҳлар ўчирилмаса, судга мурожаат қилиши мумкин.
Коррупция ҳақида хабар берганлар тўғрисидаги маълумот давлат сири этиб белгиланиши мумкин
Коррупция тўғрисида ахборот бераётганларнинг шахси сир сақланиши, ўзи ва яқин қариндошларининг ижтимоий-ҳуқуқий ҳимоя қилиниши давлат томонидан кафолатланади. Бу борадаги қонун лойиҳаси Коррупцияга қарши курашиш агентлиги томонидан жамоатчилик муҳокамаси учун эълон қилинди.
Абдулазиз Камилов Мисрнинг янги элчисини қабул қилди
Абдулазиз Камилов Миср Араб Республикасининг янги элчиси Амира Фаҳмийни қабул қилиб, Ўзбекистонга тайинлангани билан табриклади ва масъулиятли дипломатик миссиясини бажаришида муваффақият тилади.
«Қарз олувчи тармоқ раҳбарлари масъулият ва жавобгарликни сезаяптими?» — президент
Шавкат Мирзиёев инвестициялар ва ташқи савдо соҳасидаги бағишланган йиғилишда молия институтларидан олинган қарзларнинг ҳолати ва натижаларига эътибор қаратди. «Қарз олувчи тармоқ раҳбарлари қарорларда белгиланган масъулият ва жавобгарлигини сезаяптими, йўқми? Ман ўйлайманки, ҳали йўқ», — деди президент.
Марказий Осиё давлатлари етакчи аёлларининг илк учрашуви бўлиб ўтди
Марказий Осиё давлатлари етакчи аёлларининг илк мулоқоти ташкил этилди. 2021 йилда мулоқотга раислик қилиш топширилган Танзила Нарбаева учрашувни «минтақавий ҳамкорликни ривожлантириш учун мутлақо янги маслаҳат майдончаси» бўлиб шаклланаётганини таъкидлади.
«Марказнинг босими ҳеч қаерда Ўзбекистондагидек кучли таъсир кўрсатмади» — Рафиқ Нишонов
Ўзбекистон ССР Коммунистик партия марказий қўмитасининг собиқ биринчи котиби Рафиқ Нишонов Шароф Рашидов билан бўлган муносабатлари, совет тузумининг сиёсати ва 1989 йилги Фарғона воқеалари ҳақида гапириб берди.
АЭС шартномаси деярли тайёр, фақат техник жиҳатлари қолди — Россия элчиси
Aтом электр станциясини қуриш бўйича Ўзбекистон ва Россия ўртасида шартнома «деярли тайёр ҳолатга келтирилган», фақат техник жиҳатлари қолмоқда. Хусусан, АЭС учун сув сарфини камайтириш масалалари муҳокама қилинмоқда, дея хабар берди Россиянинг Тошкентдаги элчиси Владимир Тюрденев.
Россия Ўзбекистонга меҳнат муҳожирлари учун 1 миллион доза «Спутник V» вакцинасини етказиб беради
Ўзбекистондан Россияга кетаётган меҳнат муҳожирлари учун 1 миллион доза «Спутник V» вакцинаси етказиб берилади, деди элчи Владимир Тюрденев. Бундан ташқари, келгуси йилда Россиядан коронавирусга қарши иккинчи «Эпиваккорона» вакцинасини сотиб олиш кутилмоқда.
Марказий банк ва Иқтисодиёт вазирлиги раҳбариятларида тайинловлар амалга оширилaди
Саидқаҳҳор Холхўжаев иқтисодий тараққиёт ва камбағалликни қисқартириш вазирининг биринчи ўринбосари, Акмалхон Ортиқов Давлат активларини бошқариш агентлиги директори, Аюбхон Камалов Марказий банк раисининг ўринбосари этиб тайинланди.
Ойбек Усманов Ўзбекистоннинг Покистондаги элчиси бўлди
Ойбек Усманов Ўзбекистоннинг Покистондаги элчиси лавозимига тайинланди.
Илҳомжон Неъматов МДҲ Ижрочи котибининг ўринбосари бўлди
Ўзбекистон ташқи ишлар вазирининг ўринбосари Илҳомжон Неъматов Мустақил Давлатлар Ҳамдўстлиги (МДҲ) Ижроия қўмитаси раиси — Ижрочи котибининг ўринбосари бўлди.
Сенат 2021 йил Давлат бюджетини маъқуллади
Сенат томонидан маъқулланган Давлат бюджетининг 2021 йилги харажатлари 165,8 трлн сўмни ташкил этиши кутилмоқда. Шунингдек, 2021 йилда Давлат бюджети даромадлари 147,2 трлн сўм миқдорида ёки жорий йилга нисбатан 13 фоизга ўсиши прогноз қилинмоқда.
Конституцияга ўзгартириш киритиш масаласи кўриб чиқилмайди — Танзила Норбоева
Сенат раиси Танзила Норбоева ўнинчи ялпида Конституцияга ўзгартириш киритиш масаласи кўриб чиқилмаслигини ва кун тартибидан ўрин олмаганини айтди. 11 декабрь куни ўтган Сенат Кенгаши мажлисида эса бу бўйича қонун кун тартибидан ўрин олгани ва кўриб чиқилиши маълум қилинган эди.
Тошкентда мустақилликнинг 30 йиллигига «Истиқлол» мажмуаси ташкил этилади
Тошкентда мустақилликнинг 30 йиллигига «Истиқлол» мажмуаси ташкил этилади. Шунингдек, пойтахтда қурилаётган ер усти метро ҳалқа йўли «Ўзбекистон мустақиллигининг ўттиз йиллиги» деб номланади.
Хонқа туманига янги ҳоким тайинланди
Молия вазирлигида бош бошқарма бошлиғи бўлиб ишлаб келаётган Мурадбек Давлатов Хоразм вилояти Хонқа туманига хоким этиб тайинланди.
Хивага ҳоким тайинланди
Хоразм вилояти ҳокимининг туризм ва спортни ривожлантириш масалалари бўйича ўринбосари Темур Давлетов Хива ҳокими этиб тайинланди.
Имо-ишора тилини ривожлантириш тўғрисидаги қарор лойиҳаси муҳокамага қўйилди
Вазирлар маҳкамасининг имо-ишора тилини ривожлантириш бўйича қарори лойиҳаси жамоат муҳокамасидан ўтмоқда. Унга кўра, ўзбeк имо-ишора тилининг ҳуқуқий мақоми белгиланиши ва имо-ишора таржимаси хизматлари муҳтожларга тақдим этилиши режалаштирилмоқда.
Энг кўп ўқилган хабарлар | Сўнгги янгиликлар
- Малайзия бош вазири Ўзбекистонга келди (фото)
- Зиёрат туризми, ислом молияси, «Ҳалол» сертификатлаштириш — Ўзбекистон ва Малайзия ўртасида қўшма баёнот имзоланди
- Сенатнинг эллик иккинчи ялпи мажлиси 18 май куни чақирилади
- Қозоғистон президенти «Марказий Осиё давлатларини бўлмоқчи бўлган ташқи кучларга» қаршилик кўрсатишга чақирди
Қўшимча имкониятларга эга булиш учун сайтда рўйхатдан ўтинг