Сиёсат
Шавкат Мирзиёев Қирғизистон президенти в.б. билан телефон орқали мулоқот қилди
Ўзбекистон ва Қирғизистон президентлари телефон орқали мулоқот қилишди. Садир Жапаров «Қирғизистон учун қийин даврда» кўрсатган инсонпарварлик ёрдами учун Ўзбекистонга миннатдорчилик билдирди.
Боғчадан олий таълимгача — ўғил-қизларга жинсий тарбиядан таълим берилади
Сенат раиси Танзила Нарбаева жинсий тарбияни ёшликдан бошлаш зарурлигини таъкидлади. Жумладан, мактабгача таълимда ёшга мос қилиб, юқори синфлар ва олий таълимда йигит-қизларни оилага тайёрлаш, репродуктив саломатликка ўқитиш кераклиги айтилди. «Биз ёпганимиз сари интернет очиқ. У салбий оқибатларга олиб келаяпти», — деди юқори палата раиси.
10 ойда қарийб 8,5 минг хотин-қизга ҳимоя ордери берилди
10 ой мобайнида қарийб 8,5 минг хотин-қиз давлат ҳимоясига олинди. Улар орасида оилада отаси ёки онаси томонидан зўравонликка дуч келган қизлар ҳам бор. Шунингдек, ҳимоя ордери олиниши натижасида 418 та оила ажрашиб кетди.
Гулнора Каримова коронавирусга чалинмаган ва у ўз жазосини ўтамоқда — ИИВ ЖИЭББ
ИИВ Жазони ижро этиш бош бошқармаси Гулнора Каримованинг COVID-19`га чалинмаганини маълум қилди. Унинг ўз жонига қасд қилгани ҳақидаги гаплар ҳам асоссиз экани айтилмоқда. Шунингдек, Сенат раиси Танзила Нарбаева Гулнора Каримовага оид гап-сўзлар юзасидан ўз муносабатини билдириб, «Ҳозир гендер тенглиги ҳақида гапиряпмиз, аёлми, эркакми, жиноят қилса тенг жавоб бериши керак», — деди.
«Ўша даврда гендер тенглиги масаласи ҳақида гапира олмасдик» — Танзила Нарбаева
«Ўзбекистонда аёллар ва эркакларга тенг имкониятлар тўғрисидаги қонунни ишлаб чиқиш керак, деб неча йиллардан бери айтсак ҳам, бизнинг гапимизга ҳеч ким қулоқ солмаган. Ўша пайтлар шунақа давр эди» — Танзила Нарбаева Вазирлар Маҳкамасида ишлаган вақтида гендер тенглиги масаласига қандай ёндашув бўлганини сўзлаб берди.
Президент Шаҳрисабзда синтетик аралашмали ип ва мато ишлаб чиқариш жараёни билан танишди
Президент Шавкат Мирзиёев Қашқадарёга сафарини Шаҳрисабздаги Oqsaroy Vortex МЧЖда синтетик аралашмали ип ва мато ишлаб чиқариш жараёни билан танишишдан бошлади.
Янгиҳаёт тумани ҳокимлиги ташкил этилди
Президент қарори билан Тошкент шаҳри таркибида Янгиҳаёт тумани ҳокимлиги ташкил этилди.
Ўзбекистон ва Қозоғистон қирғиз халқига иқтисодий ва гуманитар ёрдам кўрсатади
Шавкат Мирзиёев Қозоғистон президенти Қасим-Жомарт Тоқаев билан телефон орқали мулоқот қилди. Давлат раҳбарлари икки томонлама муносабатлар, минтақавий ҳамкорлик ва қирғиз халқига иқтисодий ёрдам кўрсатиш масалаларини муҳокама қилишди.
Шавкат Мирзиёев Афғонистон Миллий ярашув олий кенгаши раисини қабул қилди
Шавкат Мирзиёев Ўзбекистонда амалий ташриф билан бўлиб турган Афғонистон Ислом Республикаси Миллий ярашув олий кенгаши раиси Абдулла Абдуллани қабул қилди.
Экология қўмитаси раиси лавозимига янги номзод маъқулланди
Экология ва атроф муҳитни мухофаза қилиш давлат қўмитаси раиси лавозимига Алишер Мақсудов номзоди депутатлар томонидан маъқулланди.
Ўзбекистон касаба уюшмалари Федерациясига раис сайланди
Ўзбекистон касаба уюшмалари Федерацияси раиси этиб Қудратилла Рафиқов бир овоздан сайланди. Унинг номзоди Оқсоқоллар кенгаши томонидан тавсия қилинди.
Меҳнат вазирлиги: қарийб 900 нафар бангладешликка Ўзбекистонда ишлаш ҳуқуқи берилмаган
Бандлик ва меҳнат муносабатлари вазирлиги қарийб 900 нафар бангладешликка Ўзбекистонда ишлаш учун рухсат берилмаганини айтди. Uzbekistan GTL ва ENTER Engineering ишлаш ҳуқуқи учун тасдиқномани олиш юзасидан мурожаат қилмаган. Мазкур ҳолатга Қонунчилик палатаси депутати муносабат билдириб, «Ўзимизникиларнинг ризқини қирқиши қанчалик тўғри бўларкин?» — деди.
Сирдарёда соғлом турмуш тарзини юритиш бўйича эксперимент ўтказилади
Президент қарори билан Сирдарё вилоятидаги кўп тармоқли поликлиникаларда тажриба тариқасида «Тўғри овқатланиш ва соғлом турмуш тарзи» хоналари ташкил этилади. Ўрганишлар натижасида бу амалиёт бутун республикада ҳаётга тадбиқ этилади.
Афғонистонни Марказий Осиёдаги интеграцияга жалб қилиш масаласи муҳокама қилинди
Ташқи ишлар вазири Абдулазиз Камилов Афғонистон Ислом Республикаси Миллий ярашув олий кенгаши раиси Абдулла Абдулла билан учрашди. Суҳбатда асосий эътибор Афғонистонни Марказий Осиёдаги интеграция жараёнларига жалб қилиш ҳамда мустаҳкам тинчлик ўрнатишга қаратилди.
Конституцияга сайловга оид ўзгартириш киритиш таклиф этилмоқда
Марказий сайлов комиссияси бир вақтнинг ўзида бир нечта жойга номзод кўрсатилганида, сайловолди тарғиботи ҳамда учрашувлар ўтказишда муаммолар юзага келганини маълум қилди. Шунга кўра, Конституциянинг 117-моддасига тегишлича ўзгартириш киритишни таклиф этмоқда.
Мактаб ўқувчилари дарсдан олдин мадҳия куйлашади
Мактабларда дарсдан олдин мадҳия куйлаш, танаффусда ватан мавзусидаги шеър ва қўшиқлар эшиттириш сўралди. Ушбу мазмундаги хат Халқ таълими вазирлиги тасарруфидаги мактаблар раҳбарларига юборилган.
Қорақалпоғистонни ривожлантириш бўйича уч йиллик дастур амалга оширилади
Президент раислигида Қорақалпоғистонни ривожлантириш масалаларига бағишланган видеоселектор бўлиб ўтди. Унда 856 км автомобиль йўлларини таъмирлаш, ичимлик суви таъминотини 70 фоизга етказиш ҳамда 9 мингдан ортиқ арзон уйлар бунёд этиш таъкидланди. «Умуман олганда, Қорақалпоғистонда ишларни янгича ташкил этиш ва назорат тизими ўрнатилади», — деди президент.
Шавкат Мирзиёев ШҲТ видеоанжуманида нутқ сўзлади
Шавкат Мирзиёев Шанхай ҳамкорлик ташкилотига аъзо давлатлар раҳбарлари кенгаши мажлисида Тоғли Қорабоғ бўйича келишувга эришилганини қўллаб-қувватлашини таъкидлаб, келгусида вазият янада барқарорлашишига умид билдирди. Президент ташкилотга аъзо мамлакатларни муҳтож аҳоли қатламига ёрдам кўрсатиш, инқирозга қарши кураш борасида умумий дастур ишлаб чиқишда ҳамкорликка чақирди.
Лойиҳа-қидирув ва қурилиш-пудрат ташкилотлари электрон рейтинги юритилади
Ҳукумат қарори билан лойиҳа-қидирув ва қурилиш-пудрат ташкилотлари рейтинги юритилиши белгиланмоқда. Тендер савдолари айнан мазкур рейтинг натижаларига кўра ўтказилади ва савдоларда юқори ўринда турувчи ташкилотлар устунликка эга бўлади.
Давлат кадастрлари палатасига раис тайинланди
Мохир Валиев Кадастр агентлигининг Давлат кадастрлари палатаси раиси этиб тайинланди.
Қўшимча имкониятларга эга булиш учун сайтда рўйхатдан ўтинг