Сиёсат
Президент мамлакат мафкурасининг асосий ғояси нималардан иборатлигини маълум қилди
Шавкат Мирзиёев мамлакат мафкурасининг асосий ғоясини нималар ташкил этишини санаб ўтди. «Биз яратаётган янги Ўзбекистоннинг мафкураси эзгулик, одамийлик, гуманизм ғояси бўлади», — деди президент.
Маънавият ва ижодни қўллаб-қувватлаш фонди ташкил этилади — Шавкат Мирзиёев
«Ижод» жамоат фонди негизида Маънавият ва ижодни қўллаб-қувватлаш фондини ташкил этилади. 120 млрд сўм ажратилиши таъкидланди. Йиғилишда маънавият ва маърифат соҳаси ихтисосликларини фанлар классификаторига киритиш, бу йўналиш бўйича етук кадрлар тайёрлаш бўйича топшириқлар ҳам берилди.
Энг катта хавф лоқайдлик ва бепарволик кучайиб бораётганида — президент
Шавкат Мирзиёев «энг катта хавф — бу аксарият одамларимизда лоқайдлик ва бепарволик кучайиб бораётганида», дея таъкидлади. Ҳозирги замонда маънавий нуқтаи назардан «ухлаб ётиш»га, лоқайд бўлишга ҳеч кимнинг ҳаққи йўқлиги айтилди.
Ташқи сиёсат концепциясига ўзгартириш киритилиши мумкин
2021 йилги Давлат дастури лойиҳасига кўра, Ташқи сиёсий фаолият концепцияси такомиллаштирилиши кўзда тутилган. Ҳужжат 2012 йил сентябрь ойида қабул қилинган, лекин ҳозир Миллий қонунчилик базасида мавжуд эмас.
Президент ҳужжатлари ижросининг 4 босқичли тизими жорий этилади
Лойиҳадан тортиб назоратгача — президент ҳужжатлари ижросининг янги тўрт босқичли тизими жорий этилади. «Ижро тизимидаги энг катта муаммо — дунёқараш ўзгармаётгани, билимсизлик ва масъулиятсизлик», — дея таъкидлади давлат раҳбари.
«Аравани тортмаса, кетиши керак». Президент амалдорларнинг ишдан олиниши ҳақида
Шавкат Мирзиёев 10 кун ичида икки нафар вазир ҳамда бир қанча вазир ўринбосарлари ишдан бўшатилганига тўхталди. Қолаверса, давлат раҳбари икки нафар бош вазир ўринбосарининг «охирги хайфсан билан зўрға ишда қолганини» айтди. «Аравани тортмаса, кетиши керак», — деди президент.
Вилоят ҳокимлари қисқа муддатли таътилга чиқмоқдалар
Президент администрацияси тасдиқлаган жадвал асосида вилоят ҳокимлари босқичма-босқич қисқа муддатли таътилга чиқмоқдалар. Улар таътилда профилактик тиббий кўрикдан ўтказилади.
Барча вилоят судлари раислари тайинланди
Президент фармойиши билан 5 йил муддатга барча вилоятлар судлариниг раислари тайинланди. Улар вилоятларнинг жиноят, фуқаролик ва иқтисодий судлари негизида ташкил этилган.
Президент Жаҳонгир Ортиқхўжаевга «бошқаларга адвокатлик қилмасликни» буюрди
Шавкат Мирзиёев Тошкентнинг Чилонзор тумани ҳокими Сарвар Махаметовни лавозимидан озод этиш нияти бўлганлигини маълум қилди, аммо у «уч ой ичида топшириқни бажара олишини» айтган. Президент, шунингдек, пойтахт ҳокими Жаҳонгир Ортиқхўжаевга «бошқаларга адвокатлик қилмасликни» буюрди.
«Жиззах вилояти ҳокими ўринбосари сиёсатимизга хиёнат қилди» — президент
Шавкат Мирзиёев Тошкент шаҳрининг барча туман ҳокимларини «ҳалол ва порасиз» ишлашлари зарурлиги ҳақида огоҳлантирди. У «президент сиёсатига хиёнат қилган» Жиззах вилояти ҳокимининг қурилиш масалалари бўйича ўринбосарини мисол қилиб кўрсатди.
Ерни ноқонуний олиб қўйган мансабдорлар 8 йилгача қамалиши мумкин
Ерни ноқонуний олиб қўйганлиги учун маъмурий жазо қўлланилган мансабдор шахслар такроран шу ҳуқуқбузарликни содир этса, жиноий жавобгарликка тортилади. Улар 3 йилдан 8 йилгача озодликдан маҳрум қилиниши ҳам мумкин.
Шавкат Мирзиёев Сенатнинг янги биносини бориб кўрди
Президент Сенатнинг янги биносини бориб кўрди. 6 қаватли эски бино тубдан реконструкция қилиниб, қўшимча объектлар қурилмоқда. Янги бинода шунингдек, Олий Мажлис палаталарининг қўшма мажлисини ўтказиш учун 280 ўринли зал ҳам ташкил этиляпти.
Ўзбекистонда мактабларда 2−4-синф ўқувчиларига шахмат ўйнашни ўргатишга 20 млрд сўм ажратилади
Президент фармони билан барча мактабларда 2−4 синф ўқувчиларига «Жисмоний маданият» дарсида шахмат сабоқлари берилади. Бунинг учун 20 млрд сўм ажратилади. Мамлакатда шахмат ўйнайдиганлар сонини 3 фоизга, шахмат тўгараклари сонини 20 фоизга ошириш кўзда тутилмоқда. Аввалроқ дунёнинг энг ёш халқаро гроссмейстерларидан бири Жавоҳир Синдоров Ўзбекистон шахмат федерациясини эътиборсизликда, шахматчиларни қўллаб-қувватламасликда айблаган эди.
Жаҳонгир Иброҳимов Юнусобод туманига ҳоким этиб тайинланди
Бектемир тумани ҳокими лавозимида фаолият юритган Жаҳонгир Иброҳимов Юнусобод туманига ҳоким бўлди.
Ёш тадбиркор қурилиш вазирининг биринчи ўринбосари бўлди
Президент қарори билан «Gold Step Invest» МЧЖ директори ўринбосари Давронжон Адилов қурилиш вазирининг биринчи ўринбосари бўлди.
Олий таълим вазири ва Уй-жой коммунал хизмат кўрсатиш вазири лавозимларига номзодлар маъқулланди
Қонунчилик палатаси депутатлари Абдуқодир Тошқуловнинг номзодиниа Олий таълим вазири лавозимига, Шерзод Ҳидоятовни Уй-жой коммунал хизмат кўрсатиш вазири лавозимига маъқуллашди.
Олий ва ўрта махсус таълим вазирининг биринчи ўринбосари лавозимини тарк этди
Олий ва ўрта махсус таълим вазирининг биринчи ўринбосари Ўктам Саломов «бошқа ишга ўтиши муносабати билан» лавозимидан озод этилди.
Сув хўжалиги вазирининг биринчи ўринбосари ишдан олинди
Сув хўжалиги вазирининг биринчи ўринбосари Баходир Рўзибоев ўз лавозимидан озод этилди.
Қишлоқ хўжалиги вазирининг 2 нафар ўринбосари лавозимидан озод этилди
Қишлоқ хўжалиги вазири ўринбосарлари Саидкамол Ходжаев ва Ботиржон Сулаймонов ўз лавозимидан озод этилди. Маълумотга кўра, Саидкамол Ходжаев бошқа ишга ўтади. Ботиржон Сулаймонов эса Тошкент давлат аграр университети ректори лавозимида қолади.
Шавкат Мирзиёев Хавфсизлик кенгашининг кенгайтирилган йиғилишини ўтказди
Президент раислигида ўтган Хавфсизлик кенгашининг кенгайтирилган йиғилишида Қуролли Кучлар ва ҳарбий-маъмурий секторлар фаолиятининг 2020 йилги сарҳисоби ва келгусидаги устувор вазифалар муҳокама қилинди. Олий бош қўмондон миллий ҳарбий санъат тарихини чуқур ўрганиб, қўшинларнинг тайёргарлик усул ва услубларини янада такомиллаштириш вазифаси қўйди.
Энг кўп ўқилган хабарлар | Сўнгги янгиликлар
- Президент «Матонат мадҳияси» ёдгорлик мажмуасига гулчамбар қўйди (фото)
- Агросаноат, иқлим ўзгариши, мигрантлар ва туризм: Шавкат Мирзиёев ЕОИИ билан ҳамкорликни кенгайтирмоқчи
- «Ўзбекистондан мева-сабзавотларни кутамиз». Мирзиёев ва Путин қишлоқ хўжалиги маҳсулотларини етказиб беришни муҳокама қилди
- Шавкат Мирзиёев 5 та давлат элчиларидан ишонч ёрлиқларини қабул қилди (фото)
Қўшимча имкониятларга эга булиш учун сайтда рўйхатдан ўтинг