Сиёсат
Шерзод Aсадов президент матбуот котиби этиб тайинланди
Ташқи ишлар вазирининг ўринбосари бўлиб ишлаган Шерзод Aсадов президент Aдминистрацияси раҳбарининг ўринбосари — президент матбуот котиби этиб тайинланди.
«Обод қишлоқ» ва «Обод маҳалла» дастурларини молиялаштириш ҳажмини ошириш режалаштирилмоқда
Президент «Обод қишлоқ» ва «Обод маҳалла» дастурларини молиялаштириш ҳажмини ошириш ниятида. Жумладан, қарийб 3 минг км ички йўлларни таъмирлаш, 60 фоиз маҳаллаларда электр таъминотини яхшилаш кўзда тутилмоқда.
Қасддан одам ўлдирганлик учун жавобгарликка тортиш ёшини узайтириш таклиф этиляпти
Бош прокуратура Хотин-қизлар ва болалар ҳуқуқларининг кафолатларини таъминлашга оид президент қарори лойиҳасини жамоатчилик муҳокамасига қўйди. Унга кўра, Ўзбекистонда қасддан одам ўлдирганлик учун жавобгарликка тортиш ёшини 13 ёшдан 14 ёшгача узайтириш таклиф этиляпти. Бундан ташқари, Жиноят кодексига самосуд жиноятига оид нормани киритиш, 128-, 129-моддалари санкцияларини ошириш мақсад қилинган.
Хоразм вилоятида 812 та инвестиция лойиҳаси амалга оширилади
Президент Хоразм вилоятида амалга оширилиши режа қилинган 1,3 млрд долларлик 812 та инвестиция лойиҳаси тақдимоти билан танишди. Уларнинг 273 таси саноат, 277 таси хизмат кўрсатиш, 262 таси қишлоқ хўжалигига оид. Уларни ҳаётга тадбиқ этиш натижасида 23 мингдан ортиқ иш ўрни яратилиши кутилмоқда.
Шухрат Холмуҳаммедов мудофаа вазирининг биринчи ўринбосари бўлди
Мудофаа вазирининг биринчи ўринбосари этиб Шухрат Холмуҳаммедов тайинланди. Унга президент фармони билан генерал-майор ҳарбий унвони берилди. Бундан ташқари, Қуролли Кучлари академиясига бошлиқ ҳам тайинланди.
ИТСВ тузилмасида Россия билан ҳамкорлик бошқармаси ташкил этилди
Инвестициялар ва ташқи савдо вазирлиги тузилмасида Россия Федерацияси билан ҳамкорликни ривожлантириш бошқармаси ташкил этилди. Москвада ИТСВ ваколатхонаси очилади.
«Кенг кўламли ислоҳотларимизни бундан кейин ҳам жадал давом эттирамиз» — Шавкат Мирзиёев
«Халқимизнинг фидокорона меҳнати, қатъий сиёсий иродамиз билан кенг кўламли ислоҳотларимизни бундан кейин ҳам жадал давом эттирамиз», — деди президент ўзининг байрам табригида. Шавкат Мирзиёев халқ сайилларида ҳам иштирок этди.
Наврўз байрамига нима тайёрлаймиз?
Zira.uz барчани яқинлашиб келаётган Наврўз байрами билан табриклайди ва байрам дастурхони учун бир нечта ўзига хос таомларни тайёрлаб қўйган.
Президент 140 нафар маҳкумни афв этди
«Наврўз» арафасида Шавкат Мирзиёев 140 нафар маҳкумни афв этиш тўғрисидаги фармонни имзолади. Улар орасида 12 нафар чет эллик ҳам бор.
Чорвоқдан сув етказиб бериш чекланади — президент
Шавкат Мирзиёeв Тошкент вилоятидаги экин ерларини суғориш учун Чорвоқ сув омборидан сув таъминоти чекланишини таъкидлади. «Сизларга фақат Чорвоқни очиб берса. Канал сувга тўлса, кейин 24 соат сув оқади. Сиз ҳаттоки икки соат ҳам сувни назорат қилмайсиз», — дея президент ҳокимларга юзланди. Давлат раҳбари чинозлик тадбиркордан ўрнак олиш зарурлигини айтди.
Шавкат Мирзиёев Тошкент вилояти иккига бўлиниши мумкинлигини маълум қилди
Президент Тошкент вилоятини иккига бўлишни ўйлаётганини маълум қилди. «Иккита ихчамгина вилоят бўлади», — дея таъкидлади у Нуравшонда бўлиб ўтган йиғилишда.
«Биз битта маҳалла раисини ҳам адолатли сайлай олмаймиз-ку» — президент ҳокимлар сайлови ҳақида
Нурафшонда бўлиб ўтаётган йиғилишда президент ҳокимлар сайлови ҳақида гапирар экан, «Биз битта маҳалла раисини ҳам адолатли сайлай олмаймиз-ку» — дея таъкидлади. «Жамият тайёр бўлмаган муҳитга сайловларни қўйиш хиёнат эмасми?», — бу хиёнат деди давлат раҳбари.
Даврон Хидоятов президент таклифига биноан Тошкент вилояти ҳокими лавозимига тасдиқланди
Даврон Хидоятов Тошкент вилояти ҳокими лавозимига тасдиқланди. Шавкат Мирзиёев вилоят янги раҳбарининг «ҳаракатчанлиги, билими ва ўз устида ишлашини» таъкидлаб ўтди. «Бундай кадрлардан ҳар бир вилоятда 4−5 тадан бўлганида эди, яна анча ривожланиб кетардик. Минг афсуски йўқ», — деди у.
«Рустам Холматов ўзи ариза ёзди, ҳеч ким унга кет дегани йўқ» — президент
Президент раислигида халқ депутатлари Тошкент вилояти кенгашининг навбатдан ташқари сессияси бўлиб ўтмоқда. Унда давлат раҳбари вилоятнинг собиқ ҳокими Рустам Холматовнинг ишдан кетиш масаласига ҳам тўхталиб ўтди. «Рустам Холматов ўзи ариза ёзди, ҳеч ким унга кет дегани йўқ», — деди у. Бундан ташқари, президент ҳозирга қадар ҳеч ким шаҳар ёки туман ҳокими ўзи ариза ёзмаганини қайд этди.
«У давлатнинг жойи» — президент «Шоввозсой» ҳақида
Ижтимоий тармоқларда «Шоввозсой» дам олиш маскани Ўзбекистон раҳбари учун қурилгани ҳақида таҳминлар пайдо бўлган эди. 18 март куни Президентнинг Қуйи Чирчиқ туманидаги кластерга ташрифи мобайнида журналистлар ундан шу ҳақида сўради. «У давлатнинг жойи. Президентнинг нима алоқаси бор унга?», — дея муносабат билдирди давлат раҳбари.
Чирчиққача «электричка» қўйилади, агар у ҳам маъқул бўлмаса ерусти метроси қурилади — президент
Президент Шавкат Мирзиёев Чирчиқнинг Ифтихор маҳалласи аҳолиси билан учрашувдан Чирчиққача «электричка» қўйилиши, агар у маъқул келмаса ерусти метроси қурилишини маълум қилди. «Чирчиқ анча чарчаб қолди. Яъни, сув қувурлари, электр энергия таъминоти чарчаган», — деди давлат раҳбари.
Президент Чирчиқда қурилган 4 та 16 қаватли уйни кўздан кечирди
Президент Шавкат Мирзиёев Тошкентдаги айрим ишлаб чиқариш корхоналарини Чирчиққа кўчириш ҳамда янги лойиҳаларни жойлаштириш бўйича кўрсатмалар берди. Давлат раҳбари шаҳарда қурилган 4 та 16 қаватли уйни ҳам кўздан кечирди.
«Тошкент вилоятини ишсизлик минимал даражада бўлган ҳудудга айлантирмоқчимиз» — президент
Президент Қуйи Чирчиқдаги кластерни бориб кўрди. Кластерда 8 минг 750 нафар, шолини қайта ишлаш корхонасида 365 нафар аҳоли меҳнат қилмоқда. Давлат раҳбари асосий эътибор ва ҳаракат аҳолини иш билан таъминлашга қаратилганини айтди. «Тошкент вилоятини ишсизлик минимал даражада бўлган ҳудудга айлантирмоқчимиз», — деди президент.
«Ўзгаришларни истасак, ҳаммамиз онгли равишда ўзгаришимиз керак» — Шавкат Мирзиёев
Президент Чиноз туманида Эшонобод маҳалласи аҳолиси билан суҳбатлашди. Давлат раҳбари айтишича, «Чиноз туманида ишсиз бўлиши керак эмас. Ери кенг, одамлари меҳнаткаш». «Ўзгаришларни истасак, ҳаммамиз онгли равишда ўзгаришимиз керак», — деди Шавкат Мирзиёев. Шундан сўнг, президент текстил корхонасини ҳам кўздан кечирди.
«Тошкент вилоятида „туманбай“ ишлаш бўйича тажриба ўтказамиз» — президент ОАВ вакиллари билан суҳбатлашди
Президент Шавкат Мирзиёев Тошкент вилоятига ташрифи чоғида ОАВ вакиллари билан суҳбатлашди. У яна бир бор уларга ишонишини ва бор ҳақиқатни рўю-рост айтишлари лозимлигини таъкидлади. Бундан ташқари, вилоятга ташрифдан асосий мақсад нимада эканлигини очиқлади. «Тошкент вилоятида „туманбай“ ишлаш бўйича тажриба ўтказамиз», — деди президент.
Энг кўп ўқилган хабарлар | Сўнгги янгиликлар
- «Сунъий кооперативлар вазирлиги». Қуйи палата спикери кооперативлар тўғрисидаги қонундаги нормага қарши чиқди
- Ўзбекистон Исроилдан қўшинларини Фаластиндан олиб чиқишни талаб қилувчи БМТ резолюциясини ёқлади
- Ўзбекистоннинг Франциядаги элчиси Эммануэль Макронга ишонч ёрлиқларини топширди
- Олти йилда қишлоқ хўжалиги ва озиқ-овқат секторига 2,5 млрд долларлик халқаро инвестиция ва грантлар жалб этилди
Қўшимча имкониятларга эга булиш учун сайтда рўйхатдан ўтинг