Мартнинг сўнгги кунларида Венгрия бош вазири Виктор Орбан расмий ташриф билан Ўзбекистонда бўлади. Олий мақомдаги учрашувлар чоғида иқтисодиёт, энергетика, таълим ва кадрлар тайёрлаш, маданият, ҳудудлараро ҳамкорлик, бандлик ва меҳнат муносабатлари соҳаларида 10 дан ортиқ келишувлар имзоланиши кутилмоқда. Қолаверса, президент Шавкат Мирзиёев 31 март куни Туркий тилли давлатлар ҳамкорлик кенгашининг (Туркий кенгаш) видеоанжуман шаклида ўтадиган норасмий саммитида қатнашади.
Венгрия бош вазири Виктор Орбанни аэропортда Ўзбекистон бош вазири Абдулла Арипов кутиб олди. Олий мартабали меҳмон Мустақиллик майдонига ташриф буюрда ҳамда Мустақиллик ва эзгулик монументи пойига гул қўйди. Шундан кейин Венгрия делегацияси ўзи учун ажратилган қароргоҳга йўл олди.
Президент «Маънавий-маърифий ишлар тизимини тубдан такомиллаштириш тўғрисида"ги қарорни имзолади. Барча шаҳар ва туманларда «Маънавият ва маърифат маскани» яратилади, университетларда «Маънавиятшунослик», «Касбий маънавият» фанлари жорий этилади.
Aндижон вилояти ҳокими Шуҳрат Aбдураҳмонов президентга нисбатан кўп маротаба «муҳтарам» сўзини ишлатишига тўхталиб ўтди. «Президент юртнинг отаси… фақат мен эмас, ҳамма шунақа бўлиши керак», дея таъкидлади у.
Сиёсий партиялар раҳбарлари 2020 йилда партия фаолиятининг молиялаштирилиши ва унинг манбалари тўғрисида ҳисобот беришди. ЎзЛиДеП партиясига 35,3 млрд сўм келиб тушган, бу партияларга ўтказилган энг кўп маблағ ҳисобланади. Миллий тикланиш ва ЎзЛиДеП партияларининг асосий молиялаштириш манбалари давлат бюджети бўлган. ХДП харажатларининг 48 фоизи ўз маблағлари ҳисобига тўғри келади.
Венгрия бош вазири Виктор Орбан 30 март куни расмий ташриф билан Ўзбекистонда бўлади. Ташриф давомида мамлакатлар ўртасидаги алоқаларни мустаҳкамлаш ва коронаиврус пандемиясининг оқибатларига қарши глобал кураш масалалари муҳокама қилинади.
Қирғиз-ўзбек чегараларидаги барча баҳсли ҳудудлар ҳал қилинди, дея таъкидлади Қирғизистон Миллий хавфсизлик давлат қўмитаси раиси Қамчибек Ташиев. Унинг айтишича, икки мамлакат делегациялари Тошкентда бу тўғрисида келишувга эришган. Томонларнинг қандай шартлар асосида келишувга эришгани ҳам маълум қилинди.
Президент фармони билан «Саховат» ва «Мурувват» интернат уйлари ҳамда Уруш ва меҳнат фахрийлари учун пенсия миқдори 10 фоиздан 20 фоизгача оширилмоқда. Бундан ташқари, «Саховат» ва «Мурувват» уйлари раҳбар ходимларининг ойлик маошлари 1,2 баравардан 2 бараваргача оширилади.
Президент фармони билан ССВ ҳузурида Тиббий-ижтимоий хизматларни ривожлантириш агентлиги ташкил этилди. «Саховат» ва «Мурувват» интернат уйлари, Ногиронлиги бўлган шахсларни реабилитация қилиш марказлари ва пансионатлар агентлик тизимига ўтказилади. Муассасалар реконструкциясига 428 млрд сўм ажратилади.
Шавкат Мирзиёев таъкидлашича, электр энергия ва газ соҳаси «коррупция қилиш учун ислоҳ қилинмаган». У 2021 йилда 5377 маҳаллада (60%) 15 минг км электр узатиш тармоқлари ва 4000 та трансформаторларни таъмирлаш бўйича кўрсатма берди. Энергетика вазири ўтган 25 йиллик даврга қараганда сўнгги 4 йилда 2,5 бараварга кўпроқ электр тармоқлари қурилганини маълум қилди.
Халқ таълими вазири Шерзод Шерматов мажбурий мехнат бўйича халқ таълими ходимларига топшириқ берганларга ҳам чора кўриш кераклигини таъкидлади. Сенат раиси Танзила Нарбаева эса мажбурий меҳнатга жалб қилиш занжирининг ортида ҳокимлар турганига ишора қилди.
Шавкат Мирзиёев бюджет маблағларининг манзилли ва самарали сарфланишини прокуратура тизими назорат қилиб боришини маълум қилди. 2020 йилда «манзилли дастур"ларга йўналтирилган бюджет маблағларининг 8 фоизи талон-тарож қилинган. «Нимага биз пешона теримиз билан топаётганимизни улар талон-тарож қилаяпти?», — деди президент.
Монополияга қарши курашиш қўмитаси раиси Нажмиддинхўжа Шарипов Тошкент вилояти ҳокимининг инвестиция ва ташқи савдо масалалари бўйича ўринбосари вазифасига тайинланди.
Қирғизистон Бош вазири Улугбек Марипов Тошкентга икки томонлама ҳамкорлик бўйича ҳукуматлараро комиссия йиғилишига ташриф буюрди. Аэропортда уни Ўзбекистон ҳукумати раҳбари Абдулла Арипов кутиб олди.
Президент раислигида ўтказилаётган видеоселектор йиғилишида бош прокурор ўринбосари 2020 йилда Ўзбекистонда манзилли дастурларга йўналтирилган 10 трлн сўмнинг 845 млрд сўми талон-торож қилинганига эътибор қаратди.
Жорий йилда «Обод қишлоқ» ва «Обод маҳалла» дастурлари ҳамда ипотека дастурларини молиялаштиришга 3 млрд доллардан зиёд маблағ йўналтирилади. Президент ушбу маблағлар ташқи қарз кўпаймаган ҳолда ажратилишини маълум қилди.
Президент республикада энг оғир аҳволга тушиб қолган 796 та қишлоқ ва 188 та шаҳар маҳаллалари мавжудлигини айтди. 4 мингдан зиёд маҳалланинг электр таъминоти қониқарсиз аҳволда.
Ташқи ишлар вазирининг ўринбосари бўлиб ишлаган Шерзод Aсадов президент Aдминистрацияси раҳбарининг ўринбосари — президент матбуот котиби этиб тайинланди.
Президент «Обод қишлоқ» ва «Обод маҳалла» дастурларини молиялаштириш ҳажмини ошириш ниятида. Жумладан, қарийб 3 минг км ички йўлларни таъмирлаш, 60 фоиз маҳаллаларда электр таъминотини яхшилаш кўзда тутилмоқда.
Бош прокуратура Хотин-қизлар ва болалар ҳуқуқларининг кафолатларини таъминлашга оид президент қарори лойиҳасини жамоатчилик муҳокамасига қўйди. Унга кўра, Ўзбекистонда қасддан одам ўлдирганлик учун жавобгарликка тортиш ёшини 13 ёшдан 14 ёшгача узайтириш таклиф этиляпти. Бундан ташқари, Жиноят кодексига самосуд жиноятига оид нормани киритиш, 128-, 129-моддалари санкцияларини ошириш мақсад қилинган.
Қўшимча имкониятларга эга булиш учун сайтда рўйхатдан ўтинг