Сиёсат
Сенат тўхташ ёки тўхтаб туриш қоидаларини бузганлик учун жаримани камайтиришни маъқуллади
Сенаторлар ҳайдовчилар томонидан тўхташ ёки тўхтаб туриш қоидаларини бузганлик учун жарималарни камайтиришни ҳамда бошқа йўл ҳаракати қоидаларини бузишни назарда тутувчи қонунни маъқуллашди.
Эркин иқтисодий ва кичик саноат зоналари инфратузилмасини яхшилашга 1,6 трлн сўм ажратилади
Президент раислигида ўтган йиғилишда эркин иқтисодий ва кичик саноат зоналарида асосий эътиборни импортни қисқартириб, рақобатдош маҳсулотларни ишлаб чиқаришга қаратиш лозимлиги таъкидланди. Қолаверса, тадбиркорларни қийнаб келаётган мауаммо — инфратузилма масалаларини ҳал этиш кераклиги айтилди. Бунинг учун эса 1,6 трлн сўм маблағ ажратилаётгани маълум қилинди.
Туризм ва спорт вазирига янги ўринбосар тайинланди
Туризм ва спорт вазирининг маънавий-маърифий масалалар ва давлат тили бўйича маслаҳатчиси бўлиб ишлаб келаётган Ўткир Саидов Туризм ва спорт вазирининг зиёрат туризми бўйича ўринбосари этиб тайинланди.
Садир Жапаров — Кампир-Обод сув омборининг бир қисми Ўзбекистонга берилишига қарши митинглар тўғрисида
«Ҳозирда фақат музокаралар бошланган. Ҳеч қандай ҳужжат имзолангани йўқ. Тўрт босқич ўтади, ўшандан кейингина имзоланади», — деди Қирғизистон президени Садир Жапаров Кампир-Обод сув омборининг бир қисми Ўзбекистонга берилишига қарши намойишлар ҳақида. Унинг сўзларига кўра, чегараларни делимитация ва демаркация қилиш комиссияси таркибига маҳаллий аҳолидан ҳам киритиш режалаштирилмоқда.
Юсуп Кабулжанов Ташқи ишлар вазирлигининг расмий вакили этиб тайинланди
Ўзбекистониннг Новосибирскдаги бош консули бўлиб ишлаган Юсуп Кабулжанов Ташқи ишлар вазирлигининг матбуот котиби ва расмий вакили этиб тайинланди.
Инновацион ривожланиш вазирлигида ўзгаришлар амалга оширилди
Шахлохон Турдикулова инновацион ривожланиш вазирининг биринчи ўринбосари лавозимидан озод этилиб, инновацион ривожланиш вазирининг ўринбосари этиб тайинланди. Шунингдек, Олимжон Тўйчиев инновацион ривожланиш вазирининг ўринбосари лавозимидан озод этилди.
Президент шу ҳафта қурилиш материаллари саноатини ривожлантиришга бағишланган видеоселектор ўтказади
Президент апрель ойининг сўнгги ҳафтасида қурилиш материаллари саноатини ривожлантиришга бағишланган кенгайтирилган йиғилиш ўтказади. Унинг матбуот котиби маълум қилишича, яна 3 та тақдимот ўтказилиши ҳамда Хитой Раиси Си Цзиньпин ва Туркманистон президенти Гурбангули Бердимуҳамедов билан мулоқоти ҳам режа қилинган.
«Тошкент намуна бўлиши керак». Президентнинг пойтахтдаги объектларга ташрифидан фоторепортаж
Президент Шавкат Мирзиёев 23 апрель куни хорижий мамлакатлар элчиларини қабул қилгач, Тошкентдаги бир қатор объектлар, жумладан, Электр энергиясини ҳисобга олишни автоматлаштириш маркази ва Технопаркдаги янги корхоналарни бориб кўрди. Ундан кейин эса Яшнобод туманидаги Парвоз маҳалласи аҳолиси билан суҳбатлашди. «Тошкент намуна бўлиши керак», — деди президент. «Газета.uz» фоторепортажи.
Президент етти нафар элчининг ишонч ёрлиқларини қабул қилди
Шавкат Мирзиёев Бангладеш, Чехия, Миср, Иордания, Туркия, Россиянинг янги элчилари ва Европа Иттифоқи делегацияси раҳбарининг ишонч ёрлиқларини қабул қилиб олди.
«Раҳбарлар коррупцияга берилиб кетган». Президент раҳбарларни охирги марта огоҳлантирди
Шавкат Мирзиёев «жуда катта коррупцияга берилиб кетган» раҳбарларни охирги марта огоҳлантирди. Президент Самарқанд ва Андижон мисолида мутасаддиларни коррупцияга қарши етарлича кураш олиб борилмаётгани учун танқид қилди.
Июнь ойида Ўзбекистон президентининг Тожикистонга ташриф буюриши кутилмоқда
Ўзбекистон президенти Шавкат Мирзиёевнинг Тожикистонга расмий ташриф буюриши режалаштирилмоқда. Ташриф июнь ойи ўртасида амалга оширилиши кутилмоқда.
«Ўзбекистонда 12 та янги кодексни ишлаб чиқиш устида ишлар кетмоқда» — Акмал Саидов
Халқаро юридик форумда Акмал Саидов нутқ сўзлаб, янги Ўзбекистонда янги ҳуқуқий асослар яратила бошланганини айтди. Унинг фикрича, илгари номи айтилмаган ташкилотларга тегишли қонунлар ҳам ишлаб чиқилган. У шунингдек, айни вақт мамлакатда 18 та кодекс мавжудлиги, яна 12 та янги кодекс ишлаб чиқиш жараёнида эканлигини қўшимча қилди.
«Амалдорларнинг кўчмас мулклари ва машиналари тўғрисидаги маълумотлар очиқланиши керак» — адлия вазири
Русланбек Давлетов халқаро юридик форум очилишида эскича ишлашга ўрганган айрим мансабдорлар ва ташкилотлар ҳануз рақамлаштиришга қарши эканини қайд этди. Уларга қарши курашиш учун эса соҳаларда очиқликни таъминлаш стандартларини яратиш кераклиги айтилди. «Амалдорларнинг кўчмас мулклари ва машиналари тўғрисидаги маълумотлар очиқланиши керак», — дея қўшимча қилди вазир.
Ички ишлар вазирига янги ўринбосарлар тайинланди
Азизбек Икрамов Ички ишлар вазирининг ўринбосари — кадрлар билан ишлаш департаменти бошлиғи лавозимига тайинланди. Миллий гвардия қўмондонининг биринчи ўринбосари Б.Абдуллаев ИИВ жамоат хавфсизлиги департаменти бошлиғи, вазир ўринбосари этиб тайинланди.
Қирғизистон аҳолиси Ўзбекистон билан ер алмашиш бўйича келишувлардан норози
Қирғизистоннинг Ўш вилояти аҳолиси расмийларнинг Кампир-Обод сув омбори яқинидаги 50 гектар майдонни Ўзбекистонга бериш режаларига қарши чиқишмоқда. Улар билан учрашган Миллий хавфсизлик давлат қўмитаси раҳбари Қамчибек Ташиев яна музокаралар учун Тошкентга боришга ваъда берди.
Депутатлар участка нозирлари ваколатларини кенгайтириш тўғрисидаги қонун лойиҳасини маъқуллашмади
Қонунчилик палатаси профилактика инспекторларига электр энергияси, иссиқлик ва газдан фойдаланиш қоидаларини бузганлик учун жарима солиш ҳуқуқини берувчи қонун лойиҳасини рад этди. Депутатларнинг фикрига кўра, бу участка нозирлари асосий ишидан ташқари уларнинг иш кўлами ортишига, манфаатлар тўқнашуви, коррупцион ҳолатлар кўпайишига сабаб бўлиши мумкин.
Сурхондарё вилояти ҳокимига янги ўринбосар тайинланди
Илҳом Сапаров Сурхондарё вилояти ҳокимининг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари этиб тайинланди.
Президент шу ҳафта олти мамлакат элчиларини қабул қилади
Президент Шавкат Мирзиёев шу ҳафтада олти давлат ва Европа Иттифоқининг янги элчиларини қабул қилади. Бундан ташқари, Хизмат кўрсатиш соҳасини ривожлантириш бўйича видеоселектор йиғилишини ўтказиш ҳам режалаштирилган.
Қонун ишлаб чиқишда парламентга ресурс етишмайди — адлия вазири
Адлия вазири Русланбек Давлетов қонун лойиҳасини ишлаб чиқиш жараёнида ижро ҳокимиятининг фаоллиги тизимнинг ресурларига боғлиқлигини таъкидлади. Вазирнинг айтишича, депутатларда бундай ресурс йўқлиги учун улар қийналади. «Депутатларда ҳар доим ҳам соҳа бўйича таҳлил бўлмайди. Депутатнинг ёрдамчиси ҳам йўқ», — дейди у.
«Сайловлар бўйича бизга холисона баҳо керак» — Шавкат Мирзиёев
Президент ЕХҲТнинг Демократик институтлар ва инсон ҳуқуқлари бўйича бюроси ва Парламент ассамблеяси тўлақонли миссиясини октябрда бўлиб ўтадиган сайловларни кузатишга таклиф қилди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг