Сиёсат
Мирза Азизовни даволашда хорижлик шифокорлар ҳам иштирок этган — ССВ
Публицист Шуҳрат Ризаев Ўзбекистон халқ артисти Мирза Азизовнинг саккиз кишилик хонада ётгани, яхшироқ шифохонага ўтказиш бўйича ундан ёрдам сўраганини маълум қилган эди. ССВ вазиятга ойдинлик киритиш мақсадида артистни даволаган шифокорлар ва унинг турмуш ўртоғи фикр-мулоҳазаларини эълон қилди. Таъкидланишича, Мирза Азизовни хорижлик, жумладан, охирги марта россиялик профессор-реаниматолог тиббий кўрикдан ўтказган ва шу асосда муолажалар қилинган.
Шавкат Мирзиёев ва Садир Жапаров мулоқотни мустаҳкамлаш йўлларини кўриб чиқишди
Ўзбекистон ва Қирғизистон президентлари телефон орқали мулоқотда минтақавий ҳамкорликнинг муҳим масалалари ҳамда Қирғизистон-Тожикистон чегарасида юзага келган вазиятни тез фурсатда ҳал қилиш масалаларини муҳокама қилишди.
Шавкат Мирзиёев ва Эмомали Раҳмон тожик-қирғиз чегарасидаги вазиятни муҳокама қилди
Ўзбекистон ва Тожикистон президентлари телефон орқали тожик-қирғиз чегарасидаги вазиятни муҳокама қилишди. Шавкат Мирзиёев юзага келган вазиятни тез фурсатда ҳал қилиш ва унинг кескинлашувига йўл қўймаслик бўйича Тожикистон ва Қирғизистон томонлари эришган келишувларни қўллаб-қувватлади.
Навоий вилояти ҳокимига янги ўринбосарлар тайинланди
Тўлқин Атамуродов Навоий вилояти ҳокимининг иқтисодиёт ва тадбиркорлик масалалари бўйича биринчи ўринбосари бўлди. Бундан ташқари, вилоят ҳокимининг туризм, спорт, маданият, маданий мерос ва оммавий коммуникациялар масалалари бўйича ўринбосари вазифасига Саъдулла Мирзаев тайинланди.
Самарқандда Қозоғистон бош консулхонаси очилди
Самарқандда Қозоғистон бош консулхонаси очилди. Самарқанд, Бухоро, Жиззах, Сурхондарё, Қашқадарё вилоятлари ҳамда Қорақалпоғистон унинг консуллик округлари сифатида белгиланди.
Шавкат Мирзиёев Ашхобод шаҳридаги ифторликда иштирок этди
Ўзбекистон президенти пайшанба куни Ашхободда Туркманистон президентининг отаси — Маликгули Бердимуҳамедов хотирасига бағишлаб ўтказилган ифторликда иштирок этди. У апрель ойи ўрталарида вафот этган эди.
Ноширлар ва босмахоналарга нисбатан табақалаштирилган ҚҚСни қўллаш таклиф этилмоқда
Сенат қўмитаси китоб савдоси билан шуғулланувчиларга ҚҚС бўйича табақалаштирилган ставкаларни қўллаш, шунингдек, соҳага манзилли субсидиялар ажратиш таклифини билдирди. Қўмита раисининг сўзларига кўра, ноширлар ва босмахоналар учун солиқ имтиёзларининг бекор қилиниши ва ҚҚСнинг қўлланиши аксарият тадбиркорларни контрафакт маҳсулотлар ишлаб чиқаришга ундайди.
Шавкат Мирзиёев Гурбангули Бердимуҳамедов билан учрашди
Ашхободда Ўзбекистон ва Туркманистон президентлари учрашди. Учрашувда Халқаро транспорт ва транзит йўлагини яратиш тўғрисидаги Ашхобод битимини бундан буён ҳам биргаликда илгари суриш таъкидланди.
Нархини эшитиб, ҳоким ҳайдаворганди — депутат баланд байроқлар ўрнатилиши ҳақида
Депутат Дониёр Ғаниев Қаршида баландлиги 62,5 метрга тенг 1,35 млрд сўмлик байроқ ўрнатилишига муносабат билдириб, 2 йил аввал Фарғонадаги шунга ўхшаш ҳолатни ёдга олди. Ўшанда Фарғонада ўрнатилиши керак бўлган байроқнинг сарф-ҳаражатлари 1 млрд сўм атрофида бўлиши айтилган. «Нархини эшитиб, ҳоким ҳайдаворганди», — деди у.
Инвестициялар ва ташқи савдо вазирига ўринбосар тайинланди
Давлат божхона қўмитасининг Тошкент вилояти бўйича бошқармаси бошлиғи лавозимида ишлаб келган Отабек Чориев инвестициялар ва ташқи савдо вазирининг ўринбосари лавозимига тайинланди.
Ўзбекистон ва ХХР етакчилари вакцинация ва иқтисодий масалаларни муҳокама қилишди
Ўзбекистон президенти Шавкат Мирзиёев ва ХХР раиси Си Цзиньпин телефон орқали мулоқот вақтида аҳолини оммавий эмлаш, иқтисодий ҳамкорлик, қолаверса, Хитой етакчисининг Тошкентга ташрифига тайёргарлик кўриш масалаларини муҳокама қилишди.
Кунлик ишчилар ва ўзини ўзи банд қилганлар учун «Mening ishim» онлайн-майдони ишга туширилади
Президент қарори билан жорий йилда 457 мингдан ортиқ янги иш ўринлари яратилади. Шунингдек, кунлик ишчилар ва ўзини ўзи банд қилган шахслар учун «Mening ishim» онлайн-майдони ишга туширилади. Уларнинг фаолият турлари ҳамда хизматлари тўғрисидаги маълумотлар платформа орқали бепул эълон қилиб борилади.
Зойир Мирзаев коронавирусга чалингани маълум қилинди
Қашқадарё вилояти ҳокими Зойир Мирзаев COVID-19га чалинди.
Улуғбек Тошхўжаев Давлат персоналлаштириш марказининг директори этиб тайинланди
Президентнинг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси ўринбосари лавозимида ишлаган Улуғбек Тошхўжаев Вазирлар Маҳкамаси ҳузуридаги Давлат персоналлаштириш марказининг директори этиб тайинланди.
Қашқадарё ва Сурхондарё вилояти ҳокимларига ўринбосарлар тайинланди
Тошкент шаҳар давлат солиқ бошқармаси бошлиғининг биринчи ўринбосари вазифасида ишлаб келаётган Нодир Эркаев Қашқадарё вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимига тайинланди. Шунингдек, Сурхондарё вилояти ҳокимининг туризм ва спорт масалалари бўйича маслаҳатчиси лавозимида фаолият юритаётган Жўрабек Тўраев вилоят ҳокимининг туризм, спорт, маданият ва оммавий коммуникациялар масалалари бўйича ўринбосари этиб тайинланди.
Ўзбекистон президенти амалий ташриф билан Туркманистонда бўлади
Ўзбекистон президенти Шавкат Мирзиёев 29 апрель куни амалий ташриф билан Туркманистонда бўлади. Давлат раҳбарининг Туркманистон президентининг отаси Маликгули Бердимуҳамедов хотирасига бағишланган тадбирларда иштирок этади.
Пуллар халққа бориши керак, амалдорларнинг чўнтагига эмас — Танзила Норбоева
«Бюджет пули, бу — халқнинг пули. Бу халққа бориши керак, қандайдир амалдорларнинг чўнтагига боришига мутлақо йўл қўймаслик керак. Агар шундай бўлаётган бўлса, уларга аёвсиз қонуний чора кўришни таъминлашимиз керак», — деди Сенат раиси Танзила Норбоева
Ўзбекистон ва Россия мудофаа вазирлари стратегик ҳамкорлик дастурини имзоладилар
Ўзбекистон мудофаа вазири Баҳодир Қурбонов ва Россия мудофаа вазири Сергей Шойгу Бухорода 2021−2025 йилларда ҳарбий соҳада стратегик ҳамкорлик дастурини имзоладилар. РФ мудофаа вазири Ўзбекистонга фашизм устидан эришилган ғалабада ўзбек халқининг ҳиссаси тўғрисидаги архив ҳужжатларини тортиқ қилди.
Сенат тўхташ ёки тўхтаб туриш қоидаларини бузганлик учун жаримани камайтиришни маъқуллади
Сенаторлар ҳайдовчилар томонидан тўхташ ёки тўхтаб туриш қоидаларини бузганлик учун жарималарни камайтиришни ҳамда бошқа йўл ҳаракати қоидаларини бузишни назарда тутувчи қонунни маъқуллашди.
Эркин иқтисодий ва кичик саноат зоналари инфратузилмасини яхшилашга 1,6 трлн сўм ажратилади
Президент раислигида ўтган йиғилишда эркин иқтисодий ва кичик саноат зоналарида асосий эътиборни импортни қисқартириб, рақобатдош маҳсулотларни ишлаб чиқаришга қаратиш лозимлиги таъкидланди. Қолаверса, тадбиркорларни қийнаб келаётган мауаммо — инфратузилма масалаларини ҳал этиш кераклиги айтилди. Бунинг учун эса 1,6 трлн сўм маблағ ажратилаётгани маълум қилинди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг