Сиёсат
Инвестициялар вазири ўринбосари ва Техник тартибга солиш агентлиги раҳбари ишдан олинди
Ўз тизимидаги камчилик ва сусткашлик бўлгани учун инвестициялар, саноат ва савдо вазири ўринбосари Бадриддин Абидов ва Техник тартибга солиш агентлиги раҳбари Дилшод Сатторовни лавозимидан озод қилинди.
«Гап бутун миллат саломатлиги ҳақида кетяпти». Депутатлар Тошкент ҳавоси ифлосланиши юзасидан экология вазирининг ахборотини эшитади
Депутатлар мамлакат ва Тошкент ҳавосининг ифлосланиши ҳақидаги саволларга жавоб бериши учун экология вазири Азиз Абдуҳакимовни парламентга таклиф қилади. Бу мавзу экологиядан бутун халқнинг хавфсизлиги ва саломатлиги билан боғлиқ ижтимоий аҳамиятга эга бўлган даражага кўтарилди, деди депутат.
Қаҳрамон Қуронбоев Ўзбекистон маҳаллалари уюшмаси раиси бўлди
Янги ташкил этилган Ўзбекистон маҳаллалари уюшмасига Қаҳрамон Қуронбоев раис этиб сайланди. Шу муносабат билан у Президент администрацияси Ёшлар сиёсати департаментининг раҳбари лавозимидан озод этилди. Шунингдек, уюшма раисига ўринбосарлар ҳам сайланди.
Кармана туманига янги ҳоким тайинланди
Валижон Адизов Навоий вилоятининг Кармана туманига раҳбар бўлди. Бу туманнинг аввалги ҳокими майнинг ферма билан боғлиқ можаро туфайли ишдан олинганди.
Шамсиддин Сохибназаров бош прокурор ўринбосари — Иқтисодий жиноятларга қарши курашиш департаменти бошлиғи этиб тайинланди
Бош прокуратура ҳузуридаги Иқтисодий жиноятларга қарши курашиш департаменти бошлиғи Шамсиддин Сохибназаров қўшимча равишда бош прокурор ўринбосари этиб тайинланди.
Президент Еврокомиссия вице-президенти бошчилигидаги делегацияни қабул қилди
Президент ва Еврокомиссия вице-президенти Маргаритис Схинас Ўзбекистон ҳамда Европа Иттифоқи ўртасидаги шерикчиликни кенгайтириш масалаларини муҳокама қилди. Январь сўнггида Брюсселда ЕИ ва МО ўртасида транспорт-коммуникация алоқаларини мустаҳкамлаш бўйича инвесторлар форуми бўлиб ўтади.
9 та туман-шаҳар ҳокимлари инфляция масаласидаги сусткашлиги учун ишдан олиниши мумкин
Жойлардаги иқтисод бўйича ҳоким ўринбосарлари, вилоят ва туманлардаги иқтисодиёт бўлимлари раҳбарлари инфляцияни жиловлашни ўйламаяпти, дея таъкидланди президент йиғилишида. Шу сабабли бош вазирга 9 та туман-шаҳардаги ҳоким ва сектор раҳбарларининг лавозимига лойиқлигини кўриб чиқиш топширилди.
8 та туман ҳокимларининг лавозимига лойиқлиги кўриб чиқилади
Бош вазирга йил давомида аукционга умуман ер чиқармаган Балиқчи, Жалақудуқ, Бектемир, Миробод, Олмазор, Чилонзор, Юнусобод, Яккасарой туманлари ҳокимларининг лавозимига лойиқлигини ҳал қилиш топширилди.
Чироқчи тумани ҳокимига ҳайфсан берилди
2023 йил август ойидан буён Қашқадарёнинг Чироқчи туманига ҳокимлик қилиб келаётган Файзулла Юсуповга нисбатан ҳайфсан жазоси қўлланди. Вилоят ҳокимлиги унинг топшириқлар ижросида назоратни сусайтиргани ва камчиликларга йўл қўйганини билдирди.
«Тайван — Хитойнинг ажралмас қисми» — Ўзбекистон ТИВ Тайвандаги президентлик сайлови ҳақида
Тайванда ўтган президентлик сайловида ҳукмрон партия номзоди Лай Циндэ ғалаба қозонди. Ўзбекистон ТИВ жараёнга муносабат билдириб, мамлакат «Ягона Хитой» тамойилини қатъий қўллаб-қувватлаши ва Тайван Хитойнинг ажралмас қисми эканини таъкидлади.
Президент: «Одамларнинг янгилик ва таҳлилларга бўлган эҳтиёжини тўлдирмасак, буни бошқалар қилади» (видео)
Шавкат Мирзиёев Хавфсизлик кенгаши йиғилишида одамларнинг янгилик ва таҳлилий маълумотларга бўлган эҳтиёжи тўлдирилмаса, буни бошқа мамлакатлардаги манбалар амалга оширишини айтди. «Бунга мутлақо йўл қўйиб бўлмайди», — деди у. Видео.
Президент ҳарбий хизматчиларни Ватан ҳимоячилари куни билан табриклади
Ўзбекистон президенти Қуролли кучлар ташкил этилганининг 32 йиллиги ва Ватан ҳимоячилари куни муносабати билан ҳарбий хизматчиларга табрик йўллади. У «ҳозирги ўта мураккаб вазиятда» мамлакат хавфсизлиги ва манфаатларини ишончли таъминлаш муҳимлигини таъкидлади.
Президент ёшларни ҳарбий-ватанпарварлик руҳида тарбиялаш тизимини қайта кўриб чиқиш бўйича топшириқ берди
Президент Хавфсизлик кенгашининг кенгайтирилган йиғилишини ўтказди. Ёшларни ҳарбий-ватанпарварлик руҳида тарбиялаш тизимини такомиллаштириш, армияни ривожлантириш ва мамлакат мудофаа қобилиятини мустаҳкамлаш, ҳарбий-маъмурий сектор ва мудофаа саноати фаолиятини яхшилаш масалалари муҳокама қилинди.
Тошкент учун кураш, Бўстонлиқ алами, Ўзбекистондаги «қозоқ республикаси». Назарбоевнинг китобида ўзбек-қозоқ чегараси ҳақида нималар ёзилган?
Қозоғистон биринчи президенти Нурсултон Назарбоевнинг «Менинг умрим. Қарамликдан эркинликка» китобида давлат чегараси — бош мавзулардан бири. Муаллиф, хусусан, ўзбек-қозоқ чегараси, икки республика ўртасидаги ер олди-бердиси мавзуларига тўхталиб, баҳсли масалалар қандай ечилгани ҳақида ҳикоя қилади.
Дилшод Ахмедов инвестициялар, саноат ва савдо вазири ўринбосари этиб тайинланди
«Ўзметкомбинат» бошқаруви раисининг биринчи ўринбосари Дилшод Ахмедов инвестициялар, саноат ва савдо вазири ўринбосари этиб тайинланди.
Алишер Шадмановнинг бетоблиги сабабли ССВ раҳбарининг биринчи ўринбосари лавозими Даврон Султоновга юклатилди
Соғлиқни сақлаш вазирининг биринчи ўринбосари Алишер Шадманов узоқ муддатли даволаниш учун меҳнат таътилига чиқди. Унинг вазифасини вақтинчалик Президент администрацияси вакили Даврон Султанов бажаради.
Амрилло Иноятов Саломатлик ва стратегик ривожланиш институти директори бўлди
Собиқ соғлиқни сақлаш вазири Амрилло Иноятов 2023 йил кузида қайта ташкил этилган Саломатлик ва стратегик ривожланиш институти директори этиб тайинланди.
Президент қонунлар «қоғозда эмас, амалда» бажарилиши муҳимлигини таъкидлади
«Қонунлар қоғозда эмас, балки амалда қатъий бажарилганда», одамлар ҳаётида хотиржамлик ва рўзғорида фаровонлик бўлади, деди президент. «Бу мақсадга тўла эришиш мумкин», деди у прокуратура ходимларига йўллаган табригида.
Сирдарёда ёшлар етакчиси вилоятга вақтинча ҳоким бўлди
Сирдарё вилояти ҳокими Акмалжон Махмудалиев қисқа муддатли таътилда бўлгани сабабли унинг ўрнини ёшлар етакчиси Дилмурод Раҳимжонов вақтинча эгаллади. Ҳокимлик буни «ёшларга мотивация бериш» дея изоҳлади. Бундай амалиёт 2020 йилда Андижон вилоятида ҳам кузатилган.
Ўзбекистон Италия билан шартномаларни ратификация қилди
Ўзбекистон Италия билан ушлаб бериш, жиноий ишлар бўйича ўзаро ҳуқуқий ёрдам ва маҳкумларни топшириш тўғрисидаги шартномаларни ратификация қилди.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг