«talaba» tegli maqolalar
O‘zbekistonda rasmiy ijarada turadigan talabalar soni 80 mingdan oshgan — DSQ
DSQ O‘zbekistonda qancha talaba shartnoma tuzib ijarada turganini ma’lum qildi. 2023 yil 1 mart holatiga ko‘ra, 50 976 ta ijara shartnomalari tuzilgan. Ushbu shartnomalar bo‘yicha ijarada turuvchi talabalar soni 83 018 nafarga yetgan.
Qarshida 22 yoshli yigit o‘zini 10-qavatdan tashlab, joniga qasd qildi
22 yoshli yigit Qarshi city`dagi ko‘p qavatli uyning 10-qavatidan o‘zini tashlab yuborib, joniga qasd qildi. Tergovga qadar tekshiruvda u 2019 yilda ruhiy muammolar sababli davolangani, o‘sha davrda ham joniga qasd qilishga uringani aniqlandi.
Namanganda o‘ziga o‘t qo‘yib, joniga qasd qilgan talaba vafot etdi
Namangan muhandislik-qurilish institutining 3-kurs talabasi oraliq nazoratni topshirmagani uchun otasidan tanbeh eshitgani sabab o‘ziga o‘t qo‘yib, yoqib yubordi. Tanasi chuqur kuygani tufayli shifoxonada vafot etdi. Hozirda holat bo‘yicha «o‘zini o‘zi o‘ldirishga undash» moddasi bilan jinoyat ishi qo‘zg‘atildi.
Yotoqxonaga ta’til tugashidan oldin kelgan talabalarga sharoit yaratiladi
Oliy ta’lim, fan va innovatsiyalar vazirligi qishki ta’til uzaytirilishidan oldin OTM yotoqxonalariga kelgan talabalarga uzaytirilgan ta’tilni ota-onalari bilan o‘tkazishni tavsiya qildi. Qaytishga imkoniyati bo‘lmaganlarga esa yotoqxonada sharoit yaratilishi mumkinligi aytildi.
Qashqadaryoda tanqidlarga javob qaytaruvchi jamoa tuzishni taklif qilgan talaba hokimlikka ishga olinadigan bo‘ldi
Qarshi davlat universiteti talabasi viloyat hokimi bilan uchrashuvda tanqidlarga javob qaytaruvchi blogerlar jamoasini tuzish taklifini berdi. Qashqadaryo rahbari Murotjon Azimov esa uning shu taklifi uchun hokimlikka ishga olinishini ma’lum qildi.
Talabalarga poyezd chiptalarini sotib olish uchun 50% chegirma e’lon qilindi
«O‘zbekiston temir yo‘llari» kompaniyasi 22 dekabrdan 10 yanvargacha davlat OTMlarida o‘qiydigan talabalar uchun mahalliy yo‘nalishdagi poyezdlarga 50% chegirma e’lon qildi. Ularni temiryo‘l kassalaridan yoki railway.uz saytidan xarid qilish mumkin.
2022 yilda maktabni bitirganlarning 23 foizi talaba bo‘ldi
2022 yilda maktabni bitirgan 295 393 nafar o‘quvchi OTMga hujjat torshirdi. Ularning 85 869 nafari (23%) talaba bo‘ldi. Bu ko‘rsatkich 2021 yilga nisbatan 4 foizga, 2020 yilga nisbatan 12 foizga oshgan. O‘quvchilari o‘tish balini to‘play olmagan 519 ta umumta’lim maktabi alohida nazoratga olindi.
2022/2023 o‘quv yilida ta’lim kreditining 76 foizini ayollar oldi — Markaziy bank
2022/2023 o‘quv yilida shu vaqtgacha 27,8 ming nafar talabaga berilgan 317 mlrd so‘mdan ziyod imtiyozli kreditning 242 mlrd so‘mini ayollar oldi. Avvalroq, prezident oliy hamda o‘rta maxsus va professional ta’limda o‘quvchi xotin-qizlarning 7 yilga foizsiz ta’lim kreditini olishi haqida qaror chiqargandi.
O‘zJOKUda xodim talabani rektorga salom bermagani uchun kaltaklagani aytildi
O‘zJOKU talabasi universitetda rektorga salom bermagani uchun xodim tomonidan kaltaklangani aytilmoqda. Universitet rektori esa holatdan xabari yo‘qligini, biroq, nohaq harakat qilganlar jazolanishini aytdi. Talabaning salom berish-bermasligi bu ixtiyoriy, deya ta’kidladi Sherzodxon Qudratxo‘ja.
O‘zbekistonda 190 mingdan ortiq abituriyent talaba bo‘ldi — DTM
Davlat test markazi 2022−2023 o‘quv yili uchun 190 375 nafar abituriyent talabalikka tavsiya etilganini ma’lum qildi. Xususan, 39 962 nafari davlat granti, 150 413 nafari esa to‘lov-kontrakt asosida o‘qishga kirdi. OTMga qabul qilinganlarning 13 mingdan ko‘prog‘i imtiyozga ega nomzodlar hisoblanadi.
Talabalar uchun to‘lov-shartnomani onlayn yuklab olish imkoniyati yaratildi
5 sentabrdan barcha bosqich talabalari kontrakt.edu.uz platformasidan foydalangan holda to‘lov-shartnomalarni onlayn yuklab olishlari mumkin bo‘ladi.
Endi faqat 2 toifadagi talabalarga o‘qishni ko‘chirishga ruxsat beriladi — Abduqodir Toshqulov
Oliy ta’lim vaziri endi faqat ikki toifadagi talabalarga o‘qishni ko‘chirishga ruxsat berilishi, qolgan hollarda esa akademik mobillik qo‘llanilishini ta’kidladi. «Talaba turmush qursa va davlat xizmatchisi boshqa ish joyiga o‘tsa, vazirning xati bilan ko‘chirishga ruxsat beriladi», — dedi Abduqodir Toshqulov.
2023-yildan faqat davlat granti bo‘yicha kvotalar e’lon qilinishi mumkin
Jamoatchilik muhokamasiga qo‘yilgan prezident qarori loyihasiga ko‘ra, 2023-yildan boshlab davlat OTMlariga kvotalarni faqat davlat granti asosida e’lon qilish taklif etilmoqda. Shunga ko‘ra, 2023/2024-o‘quv yilidan barcha OTMlar to‘lov-kontrakt bo‘yicha kvotani mustaqil belgilashi mumkin bo‘ladi.
Talabalar turar joylari qurmoqchi bo‘lgan tadbirkorlarga 50% subsidiya beriladi
Davlat xususiy sherikchilik asosida talabalar turar joylarini qurishni istagan tadbirkorlarga bajarilgan ishning 50 foizi miqdorida subsidiya beriladi. TTJlar loyihasi tender orqali aniqlanadi.
Ukrainadan qaytgan talabalarning o‘qishini soddalashtirilgan tartibda ko‘chirish boshlandi
15 martdan Ukrainadan qaytgan talabalar o‘qishini soddalashtirilgan tartibda ko‘chirish boshlandi. Hujjatlar hududiy ishchi guruhlar tomonidan qabul qilinmoqda.
4 mart kuni O‘zbekistonda sodir bo‘lgan eng muhim xabarlar dayjesti
Ukrainadan evakuatsiya qilingan talabalar o‘qishini O‘zbekistonda davom ettirishi, rublning so‘mga nisbatan kursini mustaqil belgilayotgan tijorat banklari, davlat tashkilotlarida ishlashiga ruxsat berilgan talabalar, Yaponiyaga 5 yildan keyin oilasini ham olib ketishi mumkin bo‘lgan maxsus maqomdagi migrantlar va boshqalar — «Gazeta.uz» ning 4 martdagi eng muhim xabarlari dayjestida.
5 baho uchun somon tashittirgan ustozimni ikkita shart bilan ishga olgandim — Abduqodir Toshqulov
Oliy ta’lim vaziri Abduqodir Toshqulov o‘zining talabalik yillari, ilgari OTMga hujjat topshirishda kuzatilgan qiyinchiliklar, talabalar o‘rtasidagi mahalliychilik, pul topish uchun qora ish qilishga to‘g‘ri kelgani haqida so‘zlab berdi. Qolaversa, sessiyada fanlarni yopib yurgan yillarini esga olar ekan, 5 baho evaziga 4 «telejka» somon tashittirgan ustozini universitetga rektor bo‘lgach, ikkita shart bilan ishga olganini aytdi.
Talabalar 2-kursdan ishlashi mumkin bo‘ladi — Oliy ta’lim vaziri
Oliy va o‘rta maxsus ta’lim vaziri Abduqodir Toshqulov qoraqalpog‘istonlik talabalar bilan uchrashuvda OTMlarda 2 kursdan boshlab ishlashga ruxsat beruvchi yangi tizim yaratilishini ma’lum qildi. «Ishlaganda ham o‘zining sohasida ishlasin. Men buni hurmat qilaman», — dedi u. Qolaversa, OTMlarda ta’lim jarayoni 70 foiz amaliyotga o‘tish kerakligi ta’kidlandi.
36,7 ming nafar talaba hududlardan Toshkent shahriga yetib kelgan
7 fevraldan an’anaviy ta’lim bosqichma-bosqich boshlangach, hududlardan poytaxtga 36 738 nafar talaba yetib keldi. Ularning qariyb yarmi ijara uylariga, 27 foizi talabalar yotoqxonasiga, 23 foizi esa yaqin qarindoshlarinikiga joylashgan.
Toshkentda Suriyaga ketmoqchi bo‘lgan ikki o‘quvchi va bir talabaga sud hukmi o‘qildi
Poytaxtda 20 yoshli bir talaba va 18 yoshli ikki maktab o‘quvchisi diniy ekstremistik g‘oyalar ta’siriga tushib, Suriyaga ketmoqchi bo‘lganida qo‘lga olingan. Ushbu jinoyat ishi sudda ko‘rib chiqildi. Yigitlardan biri 5 yarim yilga, ikki nafari esa 6 yilga qamoq jazosiga hukm qilindi.
ENG KO‘P O‘QILGAN XABARLAR
Qo‘shimcha imkoniyatlarga ega bulish uchun saytda ro‘yxatdan o‘ting