«tabiiy gaz» tegli maqolalar


25 oktabr 2022, 13:18

«Hech kim eshitishni xohlamadi». Gazdan uzilgan issiqxonachilar Vazirlar Mahkamasi binosi oldida to‘plandi

Seshanba kuni issiqxonalari gazdan uzilgan tadbirkorlar norozilik bildirib, Toshkentda to‘plandi. «Gazeta.uz» muxbirining xabar berishicha, turli hududlaridan kelgan o‘nlab tadbirkorlar dastlab prezident Administratsiya rahbari bilan ko‘rishishga uringan, biroq ular Vazirlar Mahkamasiga yo‘naltirilgan.

5 oktabr 2022, 12:31

5-oktabr kuni Toshkent shahri va viloyatining bir qator tumanlari vaqtincha tabiiy gazdan uziladi

5 oktabr kuni ta’mirlash ishlari sabab poytaxtda Mirobod, Bektemir, Chilonzor tumanlarining turli ijtimoiy obyektlari va ishlab chiqarish korxonalari tabiiy gazdan uziladi. Toshkent viloyatining ayrim tumanlarida 45 mingga yaqin aholi xonadonlariga vaqtincha tabiiy gaz yetkazib berilmaydi.

18 avgust 2022, 11:37

Iste’molchilar gazdan uzilishi mumkinligi haqida SMS-xabarnoma olayotganiga izoh berildi

Shu kunlarda tabiiy gaz iste’molchilariga tarmoqdan uzilishi haqida SM-xabarnomalar kelmoqda. «Hududgazta’minot» ma’lum qilishicha, gaz uskunalarini masofadan nazorat qiluvchi yangi dasturiy ta’minot ishga tushgan va uning yordamida uskunalari texnik nazoratdan o‘tmagan xonadon egalari ogohlantirilmoqda.

1 iyul 2022, 18:35

15 iyuldan biznes uchun elektr energiyasi va tabiiy gaz iste’moli narxi oshiriladi

15 iyuldan boshlab O‘zbekistonda budjet tashkilotlari, kompaniyalar, issiqlik elektr stansiyalari va boshqa yuridik shaxslar uchun elektr energiyasi va tabiiy gaz iste’moli uchun narxlar oshiriladi. Aholi uchun tariflar o‘zgarishsiz qoldiriladi. Ijtimoiy me’yor hozircha joriy qilinmaydi.

21 iyun 2022, 17:18

Tabiiy gazni markazlashgan tarzda xarid qilish va sotish uchun UzGasTrade kompaniyasi tashkil etilmoqda

O‘zbekistonda tabiiy gazni markazlashgan tartibda xarid qilish va sotish, shuningdek, yagona eksportchi vazifasini bajarish uchun UzGasTrade kompaniyasi tashkil etilmoqda. Hozir bu bilan «O‘ztransgaz» shug‘ullanadi. UzGasTrade ustav kapitali davlat budjetidan ajratiladigan subsidiya hisobidan shakllantiriladi.

31 may 2022, 15:36 3

1 iyuldan elektr energiya va gaz narxini «ijtimoiy norma» asosida oshirish taklif etilmoqda

1 iyuldan elektr energiya va gaz iste’moli uchun narxlarni «ijtimoiy norma» asosida belgilash kutilmoqda. Muhokamaga e’lon qilingan hukumat qarori loyihasiga ko‘ra, amaldagi narxlar oshadi. Shuningdek, belgilangan normadan ko‘proq ishlatganlar har bir qo‘shimcha kVt soat elektr energiya uchun — 2 baravar, har bir qo‘shimcha kub metr gaz uchun esa — 5 baravar miqdorida to‘lov qiladi. Narxlar 2024−2025 yillardan inflyatsiya darajasiga indeksatsiya qilinadi, 2026 yildan esa erkinlashtiriladi.

18 may 2022, 19:03

O‘zbekistonda gaz va elektr energiya uchun «ijtimoiy norma» joriy etiladi

Yaqin kunlarda energetika sohasini isloh qilish bo‘yicha hujjat loyihasi jamoatchilik muhokamasiga qo‘yiladi, deyiladi Iqtisodiy taraqqiyot, Moliya va Energetika vazirliklari qo‘shma bayonotida. 2021 yilni O‘ztransgaz — 2,5 trln so‘m, Milliy elektr tarmoqlari — 2,1 trln so‘m zarar bilan yakunlagan, subsidiyalash siyosati esa yetarli samarani bermayapti. Energoresurslar bo‘yicha qo‘shimcha quvvatlarni yaratish uchun esa 25 mlrd dollar zarur. Shundan kelib chiqib, energoresurslar narxini erkinlashtirish hamda «ijtimoiy norma» tizimini joriy etish rejalashtirilmoqda.

16 may 2022, 11:01

«O‘zbekneftgaz» tomonidan Ustyurtdagi gaz zaxiralari hajmi 395,6 mlrd kub metrga yetkazildi

«O‘zbeknetgaz» tomonidan Ustyurt hududida 5 ta yangi gazkondensat koni ochilib, ular soni 25 taga yetkazildi. Mazkur hududdagi umumiy zaxiralar hajmi 395,6 mlrd kub metr tabiiy gaz, 96 mln tonna neft va 14,6 mln tonna gaz kondensatini tashkil qilmoqda.

6 aprel 2022, 10:53

O‘tgan 3 oyda 25 mlrd so‘mdan ortiq tabiiy gazdan noqonuniy foydalanilgan

Yanvar-mart oylarida ulgurji iste’molchilar tomonidan 28 mln kubdan ortiq tabiiy gaz noqonuniy ishlatilgani ma’lum qilindi. Bu bilan gaz ta’minoti korxonalari manfaatlariga 25 mlrd so‘mdan ortiq zarar yetkazilgan.

31 yanvar 2022, 13:32

Tadbirkorlar 5,5 mlrd so‘mlik tabiiy gazdan noqonuniy foydalangani aniqlandi

Energetika vazirligi yanvar oyining 25 kunida tadbirkorlar 4,9 mln kub metr hajmdagi tabiiy gazdan noqonuniy foydalanganini aniqladi. Bu 280 ming xonadonning bir kunlik iste’moliga teng degani. Yetkazilgan zarar miqdori esa 5,5 mlrd so‘mni tashkil etdi.

25 yanvar 2022, 19:41

Gazdan qarzi borlar vaqtincha tarmoqdan uzilmaydi

«Xududgazta’minot» kompaniyasi tabiiy gazdan qarzdorlik uchun avtomatik ravishda o‘chirish vaqtinchalik to‘xtatilganini ma’lum qildi.

6 yanvar 2022, 22:26

O‘zbekiston Rossiyaga tabiiy gaz eksportini qayta tiklashni rejalashtirmayapti — Energetika vazirligi

O‘zbekiston COVID-19 pandemiyasi boshidan beri to‘xtatilgan Rossiyaga tabiiy gaz eksportini qayta tiklashni reja qilmayapti. Hozircha gaz Xitoyga yetkazib berilmoqda. Avvalroq, 2025 yilga borib tabiiy gaz eksporti to‘liq to‘xtatilishi ma’lum qilingandi.

23 noyabr 2021, 17:22

Toshkent viloyatida ikki tadbirkor 100 ming xonadonning bir kunlik iste’moliga teng tabiiy gazdan noqonuniy foydalangan

Chirchiqdagi SHIRINA PETROL va Toshkent tumanidagi CLEAN GAS SERVICE MCHJlariga qarashli avtomobillarga gaz to‘ldirish shoxobchalari 1,635 mln kub metr gazdan noqonuniy foydalanib kelgani aniqlandi. Ushbu miqdordagi gaz 100 mingta xonadonning bir kunlik iste’moliga teng ekani aytildi.

23 noyabr 2021, 14:52

Yanvar-oktabr oylarida O‘zbekiston Xitoyga 2,6 mln tonna gaz eksport qilgan

O‘zbekiston yanvar-oktabr oylarida Xitoyga umumiy qiymati 601,3 mln dollarga teng 2,6 mln tonna gaz eksport qilgan. Bu O‘zbekiston 10 oy davomida eksport qilgan jami gaz narxi bilan deyarli teng.

15 noyabr 2021, 13:53

Energetika vazirligi elektr ta’minotidagi uzilishlarga izoh berdi

Energetika vazirligi energoresurslarga bo‘lgan mavsumiy talab bilan bir vaqtda ularni yetkazib berish hajmining o‘sishi elektr ta’minotidagi uzilishlarga sabab bo‘layotganini ma’lum qildi. Shuningdek, chang bo‘roni, suv resurslari tanqisligi, energoresurslardan oqilona foydalanmaslik va tarmoqqa noqonuniy ulanishlar elektr ta’minotiga sezilarli ta’sir ko‘rsatgan.

11 noyabr 2021, 23:13

2022 yilda elektr energiyasi va tabiiy gaz tarif narxlari oshirilishi kutilmoqda

Hisob palatasi 2022 yilda energiya resurslari, jumladan, elektr energiyasi, tabiiy gaz, issiq suv va issiqlik energiyasi, sovuq suv va kanalizatsiya tariflari narxlari oshirilishini ma’lum qildi. Shuni hisobga olgan holda, asosiy iste’mol tovarlari va xizmatlar narxlari o‘sish sur’atlarini sezilarli darajada pasaytirish yuzasidan tavsiyalar berilgan.

26 oktabr 2021, 17:42

Tadbirkorlar 22 kun ichida 3,8 mlrd so‘mlik tabiiy gazdan noqonuniy foydalangani aniqlandi

Energetika vazirligi tomonidan o‘tkazilgan reyd tadbirlarida 22 kun ichida Namangan va Andijon viloyatlari aholisining bir kunlik iste’moliga teng miqdordagi tabiiy gaz o‘g‘irlangani aniqlandi. Noqonuniy foydalanish davrida tadbirkorlar jami 3,8 mlrd so‘mlik zarar yetkazgan.

16 oktabr 2021, 12:48

O‘zbekistonliklarning tabiiy gaz bo‘yicha qarzdorligi 500 mlrd so‘mdan oshgan

O‘zbekiston bo‘ylab 1,2 milliondan ortiq iste’molchining tabiiy gazdan foydalanganlik uchun 501,6 mlrd so‘m miqdoridagi debitorlik qarzdorligi mavjudligi ma’lum qilindi.

8 oktabr 2021, 16:49

9 oyda 77 mlrd so‘mdan ortiq gaz o‘g‘irlandi — Energetika vazirligi

Energetika vazirligi ma’lumotiga ko‘ra, 9 oy ichida 77 mlrd 877 mln so‘mlik tabiiy gazdan noqonuniy foydalanilgan. Bu 40 mingta xonadonning qariyib 1 yillik iste’moli degani. Vazirlik 4 kun o‘tkazilgan reydning o‘zida 67 ta holatda tabiiy gazdan noqonuniy foydalanilganini aniqlagan.

17 fevral 2021, 14:38

Urganchda ohaq ishlab chiqarish sexi 1,4 mlrd so‘mlik tabiiy gazdan noqonuniy foydalangani aniqlandi

Urganchda tabiiy gaz hisoblagichisiz, yuqori bosimli gaz tarmog‘iga polietilen quvur yordamida noqonuniy ulangani aniqlandi. Iste’molchi tabiiy gaz tarmog‘idan ajratilib, gaz ta’minoti tashkilotiga yetkazilgan zarar miqdori 1,4 mlrd so‘m etib belgilandi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting