«sherzod shermatov» tegli maqolalar


18 noyabr 2021, 10:24

Sherzod Shermatov AKT vaziri lavozimiga tayinlandi

Prezident farmoniga asosan, Sherzod Shermatov axborot texnologiyalari va kommunikatsiyalarini rivojlantirish vaziri lavozimiga tayinlandi. U 2017−2018 yillarda ushbu vazirlikni boshqargan. Shermatov oxirgi uch yil xalq ta’limi vaziri lavozimida ishlagan.

17 noyabr 2021, 11:48

AKTga Sherzod Shermatov, XTVga esa Baxtiyor Saidov rahbar etib tayinlandi

Prezident farmoni bilan 2018 yildan beri xalq ta’limi vaziri sifatida ishlab kelayotgan Sherzod Shermatov AKT vaziri lavozimiga tayinlandi. Uning o‘rniga esa 2017 yildan beri O‘zbekistonning Xitoydagi elchisi lavozimida faoliyat yuritgan Baxtiyor Saidov vazir bo‘ldi.

3 noyabr 2021, 10:58

2022 yildan barcha maktablarda ingliz tili va IT bo‘yicha xorijiy darsliklar ijara asosida beriladi

AQSh Xalqaro taraqqiyot agentligi Namangan va Sirdaryo viloyatlarining 208 ta maktabiga 385 ming dona darslik va o‘qituvchilar uchun qo‘llanmalarni taqdim etdi. Xalq ta’limi vaziri Sherzod Shermatovning so‘zlariga ko‘ra, 2022 yildan Cambridge University Press tomonidan chop etilgan ushbu darsliklar O‘zbekistonning barcha maktablarida ijara asosida berila boshlanadi.

4 sentabr 2021, 13:42

Maktab qizlariga ro‘mol va do‘ppida bo‘lishiga ruxsat berildi

O‘zbekiston maktablarida qizlarga istisno tariqasida oq va ochiq ranglardagi milliy ro‘molda va do‘ppida bo‘lishga ruxsat berildi. XTV rahbari bu ko‘pchilik ota-onalarning murojaatlari asosida qabul qilinganini va asosiy maqsad — barcha bolalarga ta’lim berish ekanligini ta’kidladi. «Biz dunyoviy bilimlarni barchaga berishimiz shart. Shu narsaga sharoit yaratib berishimiz kerak», — dedi u.

11 avgust 2021, 19:34 2

6-sinfdan a’lo bahoga o‘qiganlarga OTMga kirishda qo‘shimcha ball berilishi mumkin (aniqlashtirildi)

Xalq ta’limi vaziri Sherzod Shermatov 6-sinfdan a’lo bahoga o‘qigan bitiruvchilarga OTMga kirish imtihonida qo‘shimcha ball berish bo‘yicha taklifga izoh berdi. «Bolaning taqdiri nimaga faqat bir kun bilan hal bo‘lib ketishi kerak?», — dedi vazir. U ushbu tizimni joriy qilishda korrupsiyaning oldini olish uchun elektron kundalik yordam berishi mumkinligini ta’kidladi.

6 avgust 2021, 16:31

USAID o‘zbek maktablari uchun ingliz tili va IT bo‘yicha xorijiy darsliklarni sotib oldi

USIAD xalqaro nashriyotlar tomonidan ishlab chiqilgan O‘zbekistondagi maktablar uchun informatika va ingliz tili darsliklarini sotib oldi. Ular 2021−2022 o‘quv yilida mamlakatning 200 ta maktabida sinovdan o‘tkaziladi. Shuningdek, agentlik O‘zbekiston uchun maxsus ishlab chiqilgan ona tili, matematika va informatika bo‘yicha ta’lim standartlarini Xalq ta’limi vazirligiga topshirdi.

2 iyul 2021, 10:36

Xalq ta’limi vaziri koronavirusga qarshi emlandi

Xalq ta’limi vaziri Sherzod Shermatov COVID-19 ga qarshi xitoy-o‘zbek ZF-UZ-VAC2001 vaksinasi bilan emlandi.

17 iyun 2021, 17:03

«Shermatov vaziyatdan foydalanib, „piar“ qilibdilarda bir» — deputat davlat byudjetining tasdiqlanishi haqida

Prezident videoselektorda o‘qituvchilar oylik maoshlarini oshirish zarurligini ta’kidladi. Xalq ta’lim vaziri Sherzod Shermatov «davlat byudjetini tasdiqlovchi ba’zi deputatlar» bundan to‘g‘ri xulosa chiqarishiga umid qilishini yozdi. Qonunchilik palatasi deputati Doniyor G‘aniyev bu jarayon deputatlarga bog‘liq emasligini, Shermatov vaziyatdan foydalanib «piar» qilganligini ta’kidladi.

22 may 2021, 23:16

«Ilojim bo‘lganida edi, biroq byudjet cheklangan». Sherzod Shermatov — ta’lim tizimidagi o‘zgarishlar haqida

Sinflarda o‘quvchilar sonini 35 dan 24 gacha kamaytirish uchun yiliga 9 trillion so‘m kerak bo‘ladi, dedi xalq ta’limi vaziri Sherzod Shermatov. Shuningdek, u yoshlar uchun texnologiya va aniq fanlarni ingliz tilida o‘rganish nima uchun muhim ekanini tushuntirdi.

4 may 2021, 18:31

Sherzod Shermatov — maktablarda joy yetishmasligini keltirib chiqargan sabablar haqida

Bugun O‘zbekistonda o‘quvchilar soni (6,24 mln) maktablarning loyihaviy quvvatidan (5,06 mln) sezilarli darajada ortib ketgan. Vaziyat shu holda rivojlanib borsa, o‘rtadagi farq 2 mlntaga yetadi, deya ma’lum qildi xalq ta’limi vaziri Sherzod Shermatov. U maktablarda joy yetishmayotganining ikki asosiy sababini aytib, muammoni hal etish bo‘yicha bir qancha takliflarni ilgari surdi.

7 aprel 2021, 11:32

Maktablardagi muammolarni yuzimizga solish o‘rniga, yordam beradigan rahbarlar ko‘payaversin — xalq ta’limi vaziri

Sherzod Shermatovning ta’kidlashicha, maktablardagi muammolarni hal etish o‘rniga, «ba’zilar o‘zini ko‘rsatishga harakat qilishdan nariga o‘ta olmayapti». U prezident topshiriqlarini to‘g‘ri tushungan rahbarlar byudjetdan tashqari mablag‘larni topib, maktablarga yordam berishga harakat qilishini aytdi.

25 mart 2021, 16:32

Majburiy mexnat bo‘yicha xalq ta’limi xodimlariga topshiriq berganlarga ham chora ko‘rish kerak — Sherzod Shermatov

Xalq ta’limi vaziri Sherzod Shermatov majburiy mexnat bo‘yicha xalq ta’limi xodimlariga topshiriq berganlarga ham chora ko‘rish kerakligini ta’kidladi. Senat raisi Tanzila Narbayeva esa majburiy mehnatga jalb qilish zanjirining ortida hokimlar turganiga ishora qildi.

1 mart 2021, 15:51

«Men qonun ustuvor bo‘lishini istayman xolos, o‘lay agar boshqa maqsadim yo‘q» — Rasul Kusherbayev Sherzod Shermatovga javob qaytardi

Xalq ta’limi vaziri deputat Rasul Kusherbayevning o‘quvchisi OTMga kirolmagan maktab direktorlarini ishdan bo‘shatish to‘g‘risidagi fikrlarini populizm deb ta’riflagan edi. Deputat bunga javob berib, u faqat qonun ustuvorligi tarafdori ekanligini aytdi. «Agar demokratik davlatlar qatori qonun ustuvorligini ta’minlash va muammoni sud orqali hal qilish populizm bo‘lsa unda men emas, avvalo qonunlar va Mehnat kodeksi bosh populist bo‘lib qolmaydimi?», — dedi Kusherbayev.

1 mart 2021, 10:37

«Populizm muhimroqmi yoki farzandlarimizning muvaffaqiyatimi?» — xalq ta’limi vaziri deputat fikrlariga javob berdi

Deputat Rasul Kusherbayev bitiruvchilari OTMga kira olmagan maktab direktorlarining ishdan olinishini «demagogiya va boshqaruvga noqobil odamlarni qo‘yadigan talabi» deya tariflagan edi. Xalq ta’limi vaziri «oxirgi 2 yilda faqat OTMga kirganlar bo‘yicha ob’ektiv ma’lumot bo‘lgani» sababli bunday yo‘l tutilganini ta’kidladi. Sherzod Shermatov masalani tushuntirish uchun deputat bilan bog‘lana olmaganini ma’lum qildi. «Qadriyatlarimiz va tanlovimiz ikki xil ekan», — dedi u.

15 fevral 2021, 11:49

Yangi quriladigan uy-joy komplekslari orasida maktab ham qurib beriladi — Sherzod Shermatov

Prezident topshirig‘iga ko‘ra, yangi qurilayotgan uy-joy komplekslari orasida har 1000 ta kvartirali kompleks uchun 1500 o‘rinli davlat maktabi quriladi.

7 yanvar 2021, 16:58

Bitiruvchisi OTMga kirmagan maktab direktorini ishdan olish foyda berdi — Sherzod Shermatov

Bitiruvchisining birontasi ham OTMga kirmagan maktablarda uzoq vaqt ishlagan rahbarlarni lavozimdan olish bo‘yicha choralar tufayli, bir yil ichida bunday maktablar soni 3 barobarga kamaygan. 2020 yilda Qashqadaryo viloyatida 16,4% maktabning birorta bitiruvchisi OTMga kirmagan. Bu bo‘yicha eng yaxshi natija Toshkent shahrida (0,3% maktabda) kuzatilgan.

27 noyabr 2020, 12:49

Xalq ta’limi vaziri «sohaga adashib kirib qolganlar»ga boshqa ish topishni tavsiya qildi

1,5 mln abituriyentning 23 foizini bu yilgi maktab bitiruvchilari tashkil etgan bo‘lsa, ular davlat granti kvotasining 50 foizini egallagan. «Abituriyentlarning natijasi maktab bitiruvchilarinikidan anchagina orqada», — dedi Sherzod Shermatov. Vazir, shuningdek, o‘z ishini eplay olmayotgan va «sohaga adashib kirib qolgan» pedagoglarga o‘ziga boshqa ish topishni tavsiya qildi.

18 noyabr 2020, 12:30

Qashqadaryoda bitiruvchilari OTMga kirmagan maktab direktorlari bo‘shatildi

Xalq ta’limi vaziri Sherzod Shermatov Qashqadaryo viloyatida birorta ham bitiruvchisi OTMga kira olmagan 20 ta maktab direktorini o‘z lavozimidan chetlatdi. Yuqori natijalarga erishgan maktab direktorlari esa rag‘batlantirildi.

16 noyabr 2020, 11:33

Sherzod Shermatov hududlarda ta’limni yaxshilash uchun eng yaxshi tandemni ma’lum qildi

Xalq ta’limi vaziri hududlarda ta’limni yaxshilash uchun eng yaxshi tandem — fidoyi xalq ta’limi boshqarmasi rahbari va uni doim qo‘llab-quvvatlovchi hokim ekanini ma’lum qildi. «Hokim tomonidan e’tibor berilmasa yoki xalq ta’limi rahbari muammolarni to‘g‘ri tushuntira olmasa, ijobiy o‘zgarish juda qiyin bo‘lishi mumkin», — dedi Sherzod Shermatov.

10 noyabr 2020, 17:53

«Shaxsiy namuna deyilgani bejizga emas» — Sherzod Shermatov

Sherzod Shermatov 10 mingdan ortiq qadam bosib, rahbar sifatida shaxsiy namuna ko‘rsatish oson emasligini aytdi. U taxminan 2 soatlarda 9 kilometrni bemalol yurib borsa bo‘lishini ta’kidlagan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting