«saylov-2023» tegli maqolalar
Surxondaryodagi gazeta XDP yetakchisini iste’foga chiqishga chaqirdi
“Surxon ovozi” gazetasi Xalq demokratik partiyasi yetakchisini iste’foga chiqishga chaqirdi. Bosh muharrirning birinchi sahifadagi maqolasida saylovda siyosiy raqobat bo‘lmagani, Ulug‘bek Inoyatov olgan 4 foiz ovoz esa sharmandali ekani aytiladi.
“Korrupsiya bo‘lmasa, hammasi xalqqa va’da berganimizdek bo‘ladi” — O‘zbekiston prezidenti
Shavkat Mirziyoyev inauguratsiya nutqida “hamma tizim o‘zgaradi”, deya va’da berdi. Qonunlar, odamlarni mensimaydigan, ularga qo‘pol munosabatda bo‘ladiganlar o‘rnini yoshlar egallashini bildirdi. Prezident korrupsiya bo‘lmasa, “barcha ishlar xalqqa va’da berilganidek bo‘ladi”, deya ta’kidladi.
Shavkat Mirziyoyev prezident sifatida qasamyod qildi
Shavkat Mirziyoyev 14-iyul kuni Oliy Majlis Qonunchilik palatasi va Senatining qo‘shma majlisida O‘zbekiston prezidenti sifatida qasamyod qildi.
48,7% dan 96,5% gacha. Toshkentda Shavkat Mirziyoyevga qanday ovoz berishdi? (47 ta uchastka misolida)
“Gazeta.uz” Toshkent shahridagi 47 ta (ular jami 822 ta) saylov uchastkasi ma’lumotlarini tahlil qildi. G‘olib Shavkat Mirziyoyev ularda 48,7 foizdan 96,5 foizgacha ovoz to‘pladi. Ayrim uchastkalarda haqiqiy emas deb topilgan byulletenlar ulushi qolgan uchta nomzodning umumiy foizlaridan ham yuqori bo‘lgan.
AQSh O‘zbekiston prezidentining islohotlar dasturini qo‘llab-quvvatlashini bildirdi
AQSh elchixonasi O‘zbekistondagi muddatidan ilgari prezidentlik saylovi yakunlari bo‘yicha bergan bayonotida Qo‘shma Shtatlar Shavkat Mirziyoyevning islohotlar dasturini amalga oshirish va mamlakatda boshqaruv tizimini takomillashtirishda yordam berishga tayyorligini ta’kidladi.
Raqobat yo‘q, lekin yaxshi tashkil etilgan. YXHT DIIHB missiyasi — prezidentlik saylovi to‘g‘risida
O‘zbekistonda prezidentlik saylovi “yaxshi tayyorgarlik ko‘rilgan” bo‘lsa-da, “haqiqiy raqobat"dan xoli bo‘ldi, deydi YXHT DIIHB missiyasi. Kuzatuvchilarga ko‘ra, saylov kuni “sokin o‘tdi”, lekin qonunbuzarliklarsiz emas. OAVda tanqidiy yoritilmagani saylovchilarning “ongli tanlov"iga to‘sqinlik qildi.
Reportaj: Toshkentda saylov natijalari qanday hisob-kitob qilindi?
“Gazeta.uz” prezident saylovi kuni Toshkentdagi bir nechta saylov uchastkalarida bo‘ldi va saylov okrugidagi 822 ta saylov uchastkasidan to‘plangan ovozlarni sanab chiqish jarayonini kuzatdi. Saylov g‘olibi Shavkat Mirziyoyev poytaxtda respublikadagi o‘rtacha ko‘rsatkichdan kamroq ovoz to‘pladi.
Markaziy saylov komissiyasi: “Hech kim tazyiq o‘tkazgani yo‘q, biz mustaqilmiz”
Markaziy saylov komissiyasi rahbariyati va a’zolari “Amerika Ovozi” muxbirining savollariga javob berar ekan, MSKga hech kim tazyiq o‘tkazmagani, u mustaqilligi va Konstitutsiyaga asosan faoliyat olib borishi, qolaversa, YeXHT DIIHB “oliy hakam emasligi va unga yoqish uchun saylov o‘tkazilmasligini” ta’kidlashdi.
MDH missiyasi: “O‘zbekistonda saylov shaffof, ochiq va adolatli o‘tdi”
O‘zbekistonda o‘tgan muddatidan ilgari prezidentlik saylovi bo‘yicha MDH kuzatuvchilari o‘z missiyasini yakunladi. Missiya “saylov muqobillik asosida, shaffof, ochiq, adolatli va demokratik tamoyillarga mos ravishda o‘tganini” qayd etdi.
Shavkat Mirziyoyev tabriklarni qabul qilishni boshladi
Shavkat Mirziyoyevning prezident saylovidagi g‘alabasi e’lon qilingach, u qo‘shni hamda hamkor davlatlar rahbarlaridan tabriklarni qabul qila boshladi. Birinchilardan bo‘lib Turkmaniston milliy yetakchisi Gurbanguli Berdimuhamedov tabrikladi. Qutlovlar kelishda davom etmoqda.
Saylovda sudlarga hech qanday murojaatlar kelib tushmadi — Oliy sud
Oliy sud raisi o‘rinbosari prezidentlik saylovi vaqtida sudlarga hech qanday murojaatlar kelib tushmaganini ma’lum qildi. U bunga aholining huquqiy ongi oshgani va OAV vakillari bilan tegishli muloqot o‘rnatilganini sabab sifatida ko‘rsatdi.
Shavkat Mirziyoyev saylovda 87,05 foiz ovoz bilan g‘alaba qozondi
Shavkat Mirziyoyev uchinchi prezidentlik saylovida 87,05 foiz ovoz bilan g‘alaba qozondi, deb xabar qildi MSK. Rasmiy ma’lumotlarga ko‘ra, saylovchilarning 79,88 foizi jarayonda ishtirok etgan.
Prezident saylovida ishtirok etganlar soni 60 foizdan oshdi — MSK
Markaziy saylov komissiyasi O‘zbekistonda muddatidan oldin bo‘lib o‘tayotgan prezidentlik saylovida soat 15:00 holatiga saylovchilarning 60,74 foizi ovoz berganini ma’lum qildi (11 mln 705 ming kishi).
Prezident saylovida ovoz berish jarayonlari suratlarda
Plombalangan saylov qutilari, davlat madhiyasi yangrashi, bir necha pasport ko‘tarib olgan fuqaro, oilaviy ovoz berishga kelganlar, prezidentlikka nomzodlarning ishtiroki — “Gazeta.uz” muxbirlari poytaxtdagi saylov uchastkalaridan fotoreportaj tayyorladi.
11:00 gacha 6,4 mln kishi ovoz berdi, qonun buzilishi holatlari haqida ma’lumotlar kelmadi — MSK raisi o‘rinbosari
Saylov jarayonining 11:00 gacha bo‘lgan qismida 6 mln 463 ming 874 kishi (saylovchilarning 33,54 foizi) ovoz berdi. “Ushbu raqamlar Markaziy saylov komissiyasi tomonidan muddatidan ilgari O‘zbekiston prezidenti saylovi o‘tgan, deb hisoblashga asos bo‘la oladi”, — dedi MSK raisi o‘rinbosari Bahrom Qo‘chqorov.
Muddatidan ilgari O‘zbekiston prezidenti saylovi boshlandi
O‘zbekistonda muddatidan ilgari prezidentlik saylovi boshlandi.
So‘rovnoma: Odamlar bo‘lajak prezidentdan nimalar kutyapti?
Prezidentlikka nomzodlarni taniysizmi? Nomzodlarning saylovoldi dasturi bilan tanishib chiqdingizmi? Bo‘lajak prezidentdan nimalar kutayapsiz? “Gazeta.uz” shu va boshqa savollar bilan Toshkent aholisiga mikrofon tutdi. Video.
“Poytaxtda dizel yoqilg‘isida harakatlanadigan birorta avtobus qolmaydi” — Shavkat Mirziyoyev
O‘zLiDePdan prezidentlikka nomzod Shavkat Mirziyoyev poytaxtga 1200 ta elektrobus olib kelinishi va ularning jamoat transportidagi ulushi 50 foizga yetkazilishini aytdi. “Dizel yoqilg‘isida harakatlanadigan birorta avtobus qolmaydi”, — dedi nomzod.
Prezidentlikka nomzodlar vakillarining ikkinchi teledebati 2-iyul kuni o‘tkaziladi
2-iyul kuni soat 18:00 da prezidentlikka nomzodlar vakillarining ikkinchi teledebati bo‘lib o‘tadi. U davlat boshqaruvi tizimi va sud-huquq sohasini rivojlantirishga bag‘ishlanadi.
YeXHT DIIHB O‘zbekistondagi saylovoldi kampaniyasi “sust” o‘tayotganini qayd etdi
O‘zbekistonda saylovoldi kampaniyasi nisbatan sust o‘tmoqda, deyiladi YeXHT DIIHB missiyasi oraliq hisobotida. Unda aytilishicha, rasmiylar YeXHTning ilgari bergan ayrim tavsiyalarini inobatga olgan, qolganlarini esa saylovdan keyin ko‘rib chiqishni rejalashtirgan.
Eng ko‘p o‘qilgan xabarlar | So‘nggi yangiliklar
- Gaz va elektr hisob raqamlari 1-maygacha to‘ldirib qo‘yilsa, eski tarif 2 oy mobaynida amal qiladi
- O‘zbekistonlik futbolchilar U-23 Osiyo kubogida Kuvaytni mag‘lub etdi (+ video)
- Foto, video: Toshkentning markaziy ko‘chalari bo‘ylab harbiy marsh bo‘lib o‘tdi
- Hafta davomida havo issiq bo‘ladi, joylarda yomg‘ir yog‘ishi kutilmoqda
- Chevrolet avtomobillarini endi yanada qulay shartlarda xarid qilish mumkin
Qo‘shimcha imkoniyatlarga ega bulish uchun saytda ro‘yxatdan o‘ting