AQSh Eronni Rossiyaga Ukraina shaharlarini o‘qqa tutishda foydalanayotgan hujum dronlarini yetkazib berishni to‘xtatishga undamoqda, deb yozdi FT. Buning evaziga Vashington Tehronga qarshi yangi sanksiyalar kiritmaslikka va allaqachon kiritilgan cheklovlarga “qat’iy amal qilmaslikka” va’da bermoqda.
Qozog‘iston hukumati O‘zbekistonga 1,5 mlrd dan 10 mlrd kub metrgacha Rossiya gazini yetkazib berish masalasini muhokama qilmoqda. “O‘zbekiston energetika tizimining va Rossiyaning tayyorligiga qarab ta’minot hajmini yanada oshirish mumkin”, — dedi Qozog‘iston energetika vaziri.
Rossiya Markaziy banki rublning zaiflashishi fonida asosiy stavkani 8,5 foizdan 12 foizga oshirdi. Qaror narx barqarorligini ta’minlash uchun risklarni cheklash maqsadida qabul qilindi, deydi regulyator.
Turkmaniston Rossiyaning O‘zbekiston va Qozog‘iston bilan “gaz ittifoqi” bo‘yicha bayonotlardan xavotirda. Ularda ittifoq kengayishi mumkinligi aytilgan, ammo kimlar hisobiga ekani tushunarsiz, Turkmaniston quvurlari orqali esa boshqa davlat gazi tranziti rejalashtirilmagan, dedi “Turkmangaz” rasmiysi.
Qattiq rejimdagi koloniyada 9 yillik qamoq jazosini o‘tayotgan rossiyalik muxolifatchi Aleksey Navalniy 19 yilga maxsus rejimli koloniyaga hukm qilindi. Uning aytishicha, u umrbod qamoq jazosini o‘tayotganini juda yaxshi tushunadi va 19 raqami esa ruslarni qo‘rqitish uchun mo‘ljallangan.
Rossiya rublining qadrsizlanishi Rossiyadan O‘zbekistonga pul o‘tkazmalari hajmiga, shuningdek, o‘zbekistonlik eksportyorlar daromadiga salbiy ta’sir qiladi, deya ma’lum qildi Markaziy bank rahbari Mamarizo Nurmuratov.
Xitoy sentabrdan harbiy maqsadlarda qayta jihozlanishi mumkinligidan xavotirlanib, fuqarolik dronlari eksportiga cheklovlar kiritmoqda. Dronlarning ayrim butlovchi qismlarini ruxsatsiz eksport qilish ham taqiqlanadi.
Tashqi mehnat migratsiyasi agentligi Rossiyada bo‘lib turgan O‘zbekiston fuqarolarini Ukrainadagi urush zonalariga ishlash uchun bormaslik va harbiy harakatlarda qatnashmaslikka chaqirdi.
Ukraina elchixonasi O‘zbekiston fuqarolarini Rossiyaning ushbu davlatga qarshi urushida qatnashmaslikka va Ukrainaning vaqtincha bosib olingan hududlariga bormaslikka chaqirdi. Bunday fuqarolar “bosqinchilarning sheriklari sifatida ko‘rib chiqiladi va javobgarlikka tortiladi”, — deyiladi murojaatda.
Ukrainaning bosib olingan Gorlovka hududida Rossiya armiyasi safida O‘zbekiston fuqarolari aniqlandi. Ukraina QK Bosh shtabi o‘zbekistonliklar Mariupolga qurilish ishlari uchun kelgani, biroq ularning pasportlari olib qo‘yilib, ko‘ngilli sifatida safarbar etilganini ma’lum qildi.
Qozog‘istonning QazaqGaz kompaniyasi oktabr oyidan O‘zbekistonga Rossiya gazi tranzitini boshlashni rejalashtirmoqda. Kompaniya barcha texnik tadbirlar tasdiqlangan jadvalga muvofiq to‘liq hajmda amalga oshirilayotganini ma’lum qildi.
Rossiya prezidenti Vladimir Putin JARda bo‘lib o‘tadigan BRIKS sammitiga bormaydi. U yerda Putinni mamlakat rasmiylari Xalqaro jinoyat sudi orderi bilan hibsga olishi mumkin edi. RF rahbari ukrainalik bolalarni noqonuniy deportatsiya qilishda gumonlanmoqda.
AQSh Rossiyaga qarshi cheklovlarni chetlab o‘tishda yordam bergani uchun Qirg‘izistonga qarshi sanksiyalar joriy etishga tayyorlanmoqda, deya xabar berdi The Washington Post. Mamlakat hududi orqali sanksiyalar ostidagi mahsulotlar, xususan, Xitoy dronlari Rossiyaga yetkazib berilayotgani ta’kidlangan.
Minglab Ukraina fuqarolar Rossiya Ukraina tomonidan bosib olingan hududlardagi rasmiy va norasmiy qamoqxonalarda saqlanmoqda. Ular qiynoqqa solinib, qul sifatida mehnatga majburlanmoqda, deyiladi Associated Press surishtiruvida.
Qishdagi anomal sovuqda Markaziy Osiyo mamlakatlaridagi piyoz hosilining yo‘qotilishi Rossiyada bu sabzavot narxining keskin oshishiga olib keldi. May oyida Rossiyada piyozning o‘rtacha narxi kilogrammiga 73,3 rublga yetdi. Mamlakatga eng ko‘p piyoz yetkazib beruvchi davlatlardan biri O‘zbekiston hisoblanadi.
O‘zbekiston sobiq tashqi ishlar vazirining o‘g‘li Doniyor Komilov Rossiyadagi Ural kon-metallurgiya kompaniyasining yangi benefitsiar egasi bo‘ldi, deya xabar bermoqda Forbes.
Ukrainaning O‘zbekistondagi elchixonasi madaniyat vaziri o‘rinbosari Bahodir Ahmedovning Grigoriy Lepsning konserti haqidagi intervyusi bo‘yicha bayonot berdi. Diplomatik missiya bunday gastrollarni qo‘llab-quvvatlash O‘zbekiston imijiga tahdid ekanini ta’kidlab, qarshi chiqqan faollarga minnatdorlik bildirdi.
Rossiyalik dasturchilar faol ravishda Telegram, WhatsApp va Signal foydalanuvchilari faoliyatini kuzatishga yordam beruvchi dasturiy ta’minotni yaratishmoqda. Ular ushbu texnologiyalarni Markaziy Osiyo davlatlari va boshqa mintaqalarga ham sotishga harakat qilmoqda, deyiladi The New York Times surishtiruvida.
Rossiya tomonidan Ukrainaning Xarkov viloyati o‘qqa tutishi oqibatida kamida 30 kishi jarohat oldi. Qurbonlar orasida 10 nafar bola, jumladan, ikki go‘dak ham bor.
Rossiya armiyasi tomonidan Ukrainaning Kramatorsk shahri o‘qqa tutilishi chog‘ida kafega raketa kelib tushdi. 12 kishi, jumladan, 3 o‘smir halok bo‘ldi, 60 dan ortiq aholi (ular orasida 8 oylik chaqaloq ham bor) jarohat oldi.
Qo‘shimcha imkoniyatlarga ega bulish uchun saytda ro‘yxatdan o‘ting