«internet» tegli maqolalar
Raqamli texnologiyalar vaziri maktablardagi internet va kompyuter masalasi haqida gapirdi
Raqamli texnologiyalar vaziri Sherzod Shermatov O‘zbekistondagi deyarli barcha maktablarda internet tarmog‘iga ulanish uchun optik tolali va radiorele aloqa liniyalari mavjudligini aytdi. Uning so‘zlariga ko‘ra, liniyalarni kompyuterlar bilan jihozlash masalasi esa budjetdan ajratiladigan mablag‘ga bog‘liq.
UZINFOCOM O‘zbekistonda birinchi bo‘lib K-root serverini ishga tushirdi
UZINFOCOM yagona integratori K-root DNS serverini ishga tushirdi. O‘zbekistonda ildiz serverni joylashtirish veb-resurslarga kirish jarayonini tezlashtirishi va xorijiy serverlarga tobelikni kamaytirishi aytilmoqda.
O‘zbekiston maktablari uchun yuqori internet tezligiga ega tarif rejalari joriy etiladi
Vazirlar Mahkamasi qarori loyihasiga ko‘ra, umumta’lim maktablari uchun yuqori tezlikda va cheklovlarsiz kirish imkonini beradigan “New Education” tarif rejasi ishlab chiqiladi. Tarif bo‘yicha internet tezligi kamida 40 Mbit/s, o‘quvchilar soni 400 nafardan ko‘p bo‘lganlarda — kamida 100 Mbit/s bo‘ladi.
Martdan butun O‘zbekiston bo‘ylab 5G texnologiyasi joriy etiladi
«O‘zbektelekom» martdan O‘zbekiston bo‘ylab 5G texnologiyasini joriy eta boshlaydi. Dastlab tarmoq bilan Toshkent shahri to‘laqonli, viloyat markazlari esa qisman qamrab olinadi. Qolaversa, ilk marotaba flagman smartfonlar, jumladan, iPhone egalari 5G`dagi mobil internetdan foydalanish imkoniyatiga ega bo‘ladi.
Internet cheklovlari O‘zbekistonga qanchaga tushgan bo‘lishi mumkin?
Top10VPN xizmati rasmiylari internet va ijtimoiy tarmoqlarning cheklanishi tufayli mamlakatlar iqtisodiyotiga yetkazilgan zararni hisoblab chiqdi. O‘zbekiston Qoraqalpog‘istonda internet cheklangani va ijtimoiy tarmoqlarning sekinlashishi tufayli reytingda beshinchi o‘rinni egalladi.
O‘zbekistonda internetdan foydalanuvchilar soni 31 milliondan oshdi
AKT vaziri Sherzod Shermatov O‘zbekistonda internetdan foydalanuvchilar soni 31 mlndan oshganini ma’lum qildi. Ulardan 29,5 mln nafari mobil internet orqali tarmoqqa ulanadi. Vazir, shuningdek, xalqaro internet-kanalga ulanish tezligi so‘nggi ikki yilda 2,6 baravarga oshib, 3200 Gbit/s ga yetganini qayd etdi.
Mahkumlar internetdan foydalanishi mumkin bo‘ladi
IIVning jazoni ijro etish muassasalarining ichki tartib qoidalariga qo‘shimchalar kiritish borasidagi qaror loyihasi muhokamaga qo‘yildi. Hujjat bilan, mahkumlarniing elektron davlat xizmatlaridan foydalanishi uchun internetdan foydalanishi mumkin bo‘ladi.
Internetdan foydalanishga sharoiti yo‘qlar uchun maxsus platforma yaratildi
Internetdan foydalanishga sharoiti yo‘q aholi qatlami uchun «Yaxshi narsalar interneti» deb nomlangan axborot platformasi ishga tushdi. U YUNISEF hamda hukumat idoralari va mobil aloqa operatori bilan hamkorlikda ishlab chiqilgan. Platformadan foydalanish bepul.
PMTI internet va mobil aloqaning rivojlanishi ishsizlikni qanday kamaytirishini o‘rgandi
Prognozlashtirish va makroiqtisodiy tadqiqotlar instituti tahlili shuni ko‘rsatdiki, keng polosali internetni rivojlantirish va asosiy uyali aloqa stansiyalari qurilishi ishsizlikni kamaytirishga yordam beradi.
Qoraqalpog‘istonda internet ishlay boshladi. Hozircha bu vaqtincha yoki doimiyligi noma’lum
Qoraqalpog‘istonda soat 13:45 lar atrofida internet yana ishlab ketdi, deya ma’lum qildi Nukus aholisi. Telegram-kanallar va saytlar jonlana boshladi. Iyul boshidan beri respublikada internetga kirishning imkoni bo‘lmayotgandi.
TIV Qoraqalpog‘istonda internet soxta xabarlar sababli cheklanganini tan oldi
O‘zbekiston Tashqi ishlar vazirligi Qoraqalpog‘istonda uyali aloqa va Internet «soxta yangiliklarni tarqatib, dushman kayfiyatdagi kuchlar fuqarolarni aksilkonstitutsiyaviy faoliyatga ommaviy ravishda jalb qilishga uringanlari» sababli cheklanganini ma’lum qildi.
Internet o‘chirilishi Qoraqalpog‘istonda odamlar hayotiga qanday ta’sir qo‘rsatmoqda?
Qoraqalpog‘istonda bir haftadan ko‘proq vaqtdan beri internet cheklangan, shu sababli aksariyat terminallar, bankomatlar ishlamayapti, davlat va boshqa xizmatlar ko‘rsatilayotgani yo‘q. «Gazeta.uz» muxbiri Shuhrat Latipov bu holat odamlar hayotiga qanday ta’sir qilayotganini o‘rgandi.
Boshqalarning nomiga mikrokreditni rasmiylashtirib, pullarni o‘zlashtirish kuchayib boryapti — IIV
IIV Kiberxavfizlik markazi rahbari so‘nggi uch yilda kiberjinoyatlar soni 8,3 baravarga ortib ketganini ma’lum qildi. «Hozirgi kunda bank mijozlarining shaxsiy ma’lumotlarini olgan holda mikrokredit rasmiylashtirish holatlari juda kuchayib boryapti», — dedi Behzod Mamajonov.
O‘zbekistonda Skype bo‘yicha cheklovlar olib tashlandi
O‘zbekistonda Skype shaxsga doir ma’lumotlar to‘g‘risidagi qonunni buzuvchilar reyestridan chiqarildi. AKT vazirligi ushbu reyestrga kiritilgan boshqa xizmatlarga taqiqni bosqichma-bosqich olib tashlash bo‘yicha ishlar olib borilayotganini qayd etdi.
Qasim-Jomart Toqayev Qozog‘iston xavfsizlik kengashiga rahbarlik qiladi
Qozog‘iston prezidenti Qasim-Jomart Toqayev mamlakat Xavfsizlik kengashiga raislik qilishni boshladi, Nursulton Nazarboyev ushbu lavozimga bir umrga tayinlangan edi. Toqayev kengash raisi sifatida iloji boricha qattiqqo‘llik bilan harakat qilishini ma’lum qildi. «Bu menga o‘zlari va oilalarining hayotlarini himoya qilishni so‘rab murojaat qilayotgan fuqarolarimizning xavfsizligi masalasi», — dedi u. Prezident poytaxtda qolib, tez orada Qozog‘istonni siyosiy transformatsiya qilish bo‘yicha yangi takliflarni taqdim qilishini ta’kidladi.
2022 yildan ko‘p kvartirali uylar kamida 1 Gbit/s tezlikli internetga ulanadi
Hukumat qarori bilan 2021 yil yakunigacha barcha IIO tayanch punktlari, MFY, jazoni ijro etish muassasalari, profilaktika inspektorlari xonalari, xalq ta’limi muassasalari, davlat arxivlari va tashkilotlari internetga keng polosali ulanadi. 2022 yil 1 yanvardan ma’muriy binolar va ko‘p kvartirali uylarni kamida 1 Gbit/s o‘tkazuvchanlik qobiliyati bilan ulash ko‘zda tutilmoqda.
Kelgusi 5 yilda har bir xonadon yuqori tezlikdagi internetga ulanadi — prezident
Shavkat Mirziyoyev o‘zining saylovoldi dasturida kelgusi 5 yilda sanoat mahsulotlari hajmi 1,4 barobar, mehnat unumdorligi esa kamida 2 marta oshirilishini aytib o‘tdi. Xalqaro magistral internet tezligi 5 barobarga, tumanlararo tarmoqlar tezligi 8 barobarga oshirilishi qayd etildi.
O‘zbekiston tashqi internet kanalining tezligi 1800 Gbit/sekundga yetkaziladi
Hukumat «O‘zbektelekom» ning xalqaro paketlarni almashtirish markazining imkoniyatlarini kengaytirish bo‘yicha loyiha parametrlarini ma’qulladi. Xalqaro internet kanalining quvvati sekundiga 1800 Gbitga yetkaziladi. Loyiha qiymati deyarli 26 mln dollarni tashkil etadi.
O‘zbekistonda internet foydalanuvchilari soni 22,1 milliondan oshdi
O‘zbekistonda internet xizmatidan foydalanuvchilar soni — 22,1 milliondan oshdi. Shundan mobil internet foydalanuvchilari soni — 19 millionni tashkil etmoqda. Mamlakat bo‘yicha aholi punktlarining mobil aloqa bilan qamrab olinishi darajasi 97 foizni, mobil internet qamrovi esa 87 foizni tashkil etdi. Dekabr oyi boshida maktablarning 70% va sog‘liqni saqlash muassasalarining 78% internetga ulangan.
O‘zbekiston AQSH kompaniyasidan internetni bloklaydigan texnologiyalarni sotib olgan — Bloomberg
O‘zbekiston AQSHda joylashgan Sandvine kompaniyasidan vebsaytlarni va ijtimoiy tarmoqlarni bloklaydigan texnologiyalarni xarid qilgan. Bloomberg ma’lumotlariga ko‘ra, Misr, O‘zbekiston, Rossiya va Afg‘oniston kabi davlatlar ushbu kompaniyadan foydalanuvchilarning vebsayt-brauzerlari tarixi bo‘yicha ma’lumot yig‘adigan texnologiyalarni ham sotib olishgan.
Eng ko‘p o‘qilgan xabarlar | So‘nggi yangiliklar
- MMTV pedagogik ma’lumoti bo‘lmagan 10 nafar o‘qituvchiga maktabda ishlashga ruxsat berdi. Bu nega yomon emas?
- “„Oltin“ yelkadagi tog‘ni ag‘daradi. Menda shu tog‘ qolib ketdi”. Parij Paralimpiadasi sovrindori Guljanoy Naimova hikoyasi
- O‘zbekiston U-16 bokschilarining barchasi Osiyo chempionatida medal oldi
- Qishloq xo‘jaligi vaziri sobiq o‘rinbosari 6 yilga, uning qizi 5 yilga qamaldi
- Foto: Toshkentda tantanali kutib olingan paralimpiyachilar
Qo‘shimcha imkoniyatlarga ega bulish uchun saytda ro‘yxatdan o‘ting