Farg‘onada Lacetti belgilanmagan joydan kesib o‘tgan velosipedchini urib yubordi. Bu haqda «Sevimli» telekanalining «Zamon» informatsion dasturida xabar qilindi.
Farg‘ona viloyati Dang‘ara tumani hududidan o‘tgan A373 avtomobil yo‘lining 22-kilometrida Lacetti yo‘lni belgilanmagan joydan to‘satdan kesib o‘tgan velosipedchini urib yuborgan.
Oqibatda 87 yoshli velosipedchi olgan jarohatlari oqibatida tuman markaziy shifoxonasida vafot etgan.
Xabarda voqea qachon bo‘lganiga aniqlik kiritilmagan.
Telegramdan foydalanasizmi? Muhim yangiliklarni o‘tkazib yubormaslik uchun kanalimizga a’zo bo‘ling.
