«farg‘ona viloyati» tegli maqolalar
DXX Farg‘onada 1,5 mlrd so‘mlik psixotrop dorilarni musodara qildi
Farg‘ona viloyatida 4 ming dona “Tramadol” giyohvandlik vositasi va salkam 10 ming dona kuchli ta’sir qiluvchi dorilar savdosiga chek qo‘yildi. Musodara qilingan dorilarning umumiy bahosi 1,5 mlrd so‘m bo‘ldi.
Farg‘onada qiz tushib ketgan attraksion qo‘lbola usulda yasalgan — Kontexnazorat
Rishton tumanidagi “Ar-Roshidoniy“ bog‘idagi 17 yoshli qiz tushib ketgan attraksion qo‘lbola usulda yasalgani, texnik pasporti yo‘qligi ma’lum bo‘ldi. Qolaversa, statik va dinamik sinovlardan o‘tkazilmagan. Jabrlanuvchi esa voqea vaqtida himoya zanjirini o‘z qo‘li bilan bo‘shatib yuborgani aytilmoqda.
Farg‘onada yopishqoq tuzoqqa tushirgan chittakni qiynagan shaxsga hujjatlar rasmiylashtirildi
Internetda mashinasining yon oynasiga sichqon tutishga mo‘ljallangan yopishqoq qopqonga tushgan chittakni boshiga chertib qiynayotgan erkak videosi tarqaldi. Keyinroq u o‘z qilmishini qush mashina oynalarini tirnalayotgani bilan izohlab, kechirim so‘radi. Ekologlar tegishli hujjatlarni IIBga topshirdi.
Farg‘ona gornizonida jangovar-taktik o‘quv mashg‘ulotlari boshlandi
Sharqiy harbiy okrugga qarashli garnizonda rejalashtirilgan jangovar-taktik o‘quv mashg‘ulotlari boshlandi. Bu vaqtda shahar atrofida mashg‘ulotlar rejasiga muvofiq jangovar texnikalar harakatlanadi. Sinovlarni ma’sullar kuzatib boradi.
Farg‘onada turk kompaniyasi 1000 MVt quvvatga ega fotoelektr stansiyasi qurishi mumkin
Turkiya kompaniyasi Farg‘ona viloyatida 1000 MVt quvvatga ega fotoelektr stansiyasini qurishi mumkin. Investorlarga ularni qurish uchun uchta tumanda joy tanlash taklif qilindi.
Bloger Olimjon Xaydarov sud qarori ustidan apellyatsiya shikoyati berdi
Mitinglar tashkil etish va o‘tkazish tartibini buzish, yolg‘on axborot tarqatishda ayblanib jarimaga tortilgan bloger Olimjon Haydarov sud qarori ustidan apellyatsiya shikoyati berdi. Deputat Rasul Kusherbayevning ma’lum qilishicha, mavjud bo‘lmagan tartib bo‘yicha javobgarlikka tortish qonunga ziddir.
Qo‘qonda 14 yoshli o‘smir tengdoshlarining kaltaklashi oqibatida vafot etdi
16 oktabr kuni Farg‘onadagi bozorda o‘g‘rilik qilmoqchi bo‘lgan 14 yoshli o‘smir qo‘lga olinib, Qo‘qon shahar IIB Voyaga yetmaganlarga ijtimoiy-huquqiy yordam ko‘rsatish markaziga joylashtirildi. Ertasi kuni u shifoxonaga olib ketilayotgan vaqtida vafot etdi. O‘smirni markazdagi tengdoshlari kaltaklagani aytilmoqda.
Uchko‘prikda o‘z yerlaridan «ixtiyoriy» voz kechgan 16 nafar fermerning arizalari bekor qilinadi — Adliya vazirligi
Uchko‘prik tuman hokimligi binosida bir vaqtning o‘zida 16 nafar fermer o‘z yerlaridan «ixtiyoriy» voz kechish uchun ariza rasmiylashtirgani ma’lum bo‘ldi. Buning uchun notarius ham hokimlikka chaqirilgan. Adliya vazirligi buni prezident farmoniga zid deb topdi va arizalarni bekor qilish bo‘yicha choralarni boshladi.
Qaynota oilaviy janjal tufayli kelinini shafqatsizlarcha o‘ldirganlikda gumonlanmoqda
Bosh prokuratura ma’lumotlariga ko‘ra, Farg‘ona viloyatida 64 yoshli qaynota kechki ovqatni tayyorlashdan kelib chiqqan oilaviy janjal ortidan o‘z kelinini vahshiylarcha o‘ldirgan. Hodisa tafsilotlari oshkor qilindi.
Farg‘onada IIB xodimlari mastligini tekshirish uchun olib ketayotgan fuqaro yo‘lda vafot etdi
Farg‘ona viloyati Quvasoy shahrida IIB xodimlari mastligini tekshirish uchun olib ketayotgan fuqaro vafot etdi. Sudga oid tibbiy ekspertiza uning o‘limiga bir qancha surunkali kasalliklar sabab bo‘lganini qayd etdi. Holat yuzasidan tekshiruv o‘tkazilmoqda.
Andijonda fuqaroni $1500 evaziga ishga kiritishga uringan shaxs ushlandi
Andijonda fuqaroni tanishlari orqali hamshira lavozimiga ishga kiritishga uringanlikda gumonlangan shaxs 1500 dollar olganida ushlandi. Farg‘onada esa boshqa bir shaxs Janubiy Koreyaga ishga jo‘natish evaziga olgan 5400 dollardan 1000 dollarini qaytargan vaqtida qo‘lga olindi.
Farg‘onada yashovchi shaxsdan 13 kgga yaqin narkotik modda musodara qilindi
Farg‘ona viloyatining Uchko‘prik tumanida yashovchi fuqaro o‘z hovlisida 17 tup «marixuana» yetishtirganlikda gumonlanmoqda. Uning xonadonida salkam 13 kg «nasha» va «ko‘knori» borligi aniqlandi.
Havoni ifloslantirayotgan beshta gips ishlab chiqaruvchi korxona faoliyati vaqtincha to‘xtatildi
Ekologiya qo‘mitasi Farg‘ona viloyatida havoni ifloslantirayotgan beshta gips ishlab chiqaruvchi korxona faoliyatini vaqtincha to‘xtatib, majburiy ko‘rsatmalar bergandi. Qo‘mita korxonalar berilgan muddatda ko‘rsatmani bajarmagani uchun ularni sudga berdi.
Farg‘onada nogiron bola defektolog tomonidan kaltaklangani aytilmoqda
Ijtimoiy tarmoqlarda bog‘chada bola kaltaklangani aks etgan videoga Farg‘ona viloyati MTB raddiya berdi. Ma’lum bo‘lishicha, voqea bog‘chada emas, balki defektolog mutaxassisning uyida sodir bo‘lgan. Viloyat IIB bolani mutaxassisning singlisi urgani va ish sudga o‘tkazilganini ma’lum qildi.
Farg‘onada do‘l yog‘di (foto, video)
Juma kuni Farg‘ona viloyatida kuchli shamol esib, yomg‘ir va do‘l yog‘di. Noqulay ob-havo bino tomlarini uchirib ketgan. FVV kuchli shamol oqibatlari bartaraf etilayotganini ma’lum qildi.
Farg‘onada 40 nafar hokim yordamchisi lavozimidan ozod etildi
Farg‘ona viloyatida faoliyati qoniqarsiz deb topilgan 38 nafar hokim yordamchisi o‘z arizasiga ko‘ra, yana ikki nafari esa sud qarori asosida ishdan bo‘shatildi. Bundan tashqari, yaxshi natijaga erishgani uchun «Chekxitoy» mahallasidagi hokim yordamchisi Nurmatjon G‘oziyev esa prezident sovg‘asi bilan taqdirlandi.
Farg‘ona viloyat XTB derazadan sakragan o‘quvchi voqeasiga izoh berdi
Farg‘ona viloyat XTB o‘qituvchi o‘quvchiga baqirib, yuziga urganidan keyin qiz derazadan sakrab tushgani aks etgan videoga izoh berdi. Ma’lum qilinishicha, sinf birinchi qavatda joylashgan, qiz bungacha ham dars tugashiga 5 daqiqa qolganida sinfni deraza orqali tark etgan.
Namanganda aqidaparastlik g‘oyalarini targ‘ib qilgan shaxs 4 yilga qamaldi
Namanganlik 22 yoshli fuqaro Telegram tarmog‘i orqali aqidaparastlik g‘oyalarini targ‘ib qilishda gumonlanadi va huquq-tartibot idoralari uning telefonini tekshirish uchun olib qo‘yadi. Bundan xavfsiragan ayblanuvchi Farg‘ona orqali Qirg‘izistonga qochib ketishga uringanida ushlandi. U voqea qanday bo‘lgani va kimdan maslahat olib turganini so‘zlab berdi. Sud unga 4 yil muddatga ozodlikdan mahrum qilish jazosini tayinladi.
Farg‘ona viloyatining eksport salohiyatini $1 mlrdga yetkazish mumkin — prezident
Shavkat Mirziyoyev Farg‘ona faollari bilan suhbatda endi ish boshlagan paytlari viloyatning eksport salohiyatini 50 mln dollarga yetkazish mo‘ljallangani, o‘tgan yili esa bu miqdor 801 mln dollarga yetganini aytdi. «Hozir 1 mlrd dollar eksport to‘g‘risida gaplashyapmiz», — dedi u. Shuningdek, prezident tadbirkorlarga sharoit yaratib, «ularni siylasak, ular xalqni siylaydi», deya ta’kidladi.
Ayrim hokimlar yillar davomida yer sotish bilan shug‘ullanib kelgan — prezident
Prezident ayrim hokimlar yillar davomida yer sotish bilan shug‘ullanib kelganini aytdi. Unga ko‘ra, yer munosabatlarida hokimlarning vakolati tugatilganiga qaramay, yer uchastkalarini noqonuniy sotish holatlari hamon uchrab turibdi. Ma’lum bo‘lishicha, Farg‘ona viloyati hokimligi xodimi yer ajratish bo‘yicha qaror qabul qilish uchun hokim Xayrulla Bozorovning imzosini qalbakilashtirgan.
Eng ko‘p o‘qilgan xabarlar | So‘nggi yangiliklar
- Samarqandda o‘quvchi qizga shilqimlik qilgan o‘qituvchi 3 sutkaga qamaldi
- UzAuto Motors Gentra, Damas va Labo uchun kontraktatsiyani ochadi
- Haftaning ikkinchi yarmi yomg‘irli o‘tadi
- Sirdaryoda o‘quvchilari sinfda klip tomosha qilgan maktab rahbariyati ishdan olindi
- Gaz va elektr tariflarining oshishi inflyatsiyaga qanday ta’sir qiladi?
Qo‘shimcha imkoniyatlarga ega bulish uchun saytda ro‘yxatdan o‘ting