«deputatlar» tegli maqolalar
Deputatlar qoidabuzarlik jarimasi avtomobil egasiga emas, uni boshqargan shaxsga jo‘natilishi haqidagi qonun loyihasini rad etdi. Tafsilotlar
Yo‘l qoidalari buzilganda, avtomobilning egasi emas, uni boshqargan shaxs (ijaraga berilgan shaxslar, yaqin qarindoshlar va boshqalar) javobgarlikka tortilishi ko‘zda tutilgan qonun loyihasi deputatlar tomonidan rad etildi. O‘zgartirish korrupsiyaga yo‘l ochib berishi ta’kidlandi. Qonun muhokamasi tafsiloti.
Deputatlar Achilbay Ramatovning parlament so‘roviga javobidan qoniqmadi
Qonunchilik palatasi deputatlari bosh vazir o‘rinbosari Achilbay Ramatovning yo‘l harakati xavfsizligi bo‘yicha yuborilgan parlament so‘roviga javobidan qoniqmaganini qayd etdi. “Yetarlicha ma’lumotlar taqdim etilmagani uchun” Ramatov 1-dekabrgacha qo‘shimcha javob berishi kerak.
Jarimalarni oshirishdan tortib, “GAI” aralashuvidan voz kechishgacha. Prezident tanqididan so‘ng deputatlar birdaniga “yona” boshladi
Prezident yo‘llarda odamlar o‘lib ketayotganiga deputatlar befarq qolayotganini tanqid qilganidan so‘ng, xalq vakillari “yonishni” boshladi. Ular YTHlarni kamaytirish uchun “GAI” aralashuvidan voz kechish, magistrallarda tezlikni 80−90 km/soatga pasaytirish va fotoradarlarni ko‘paytirish kabilarni taklif qilmoqda.
O‘zbekistonda deputatlarni saylashning yangi tizimiga o‘tish rejalashtirilmoqda. Bu qanday bo‘ladi?
O‘zbekiston Qonunchilik palatasi va mahalliy Kengashlarga deputatlarni saylashning majoritar-proporsional (aralash) tizimiga o‘tmoqda. Bu qanday tizim? Mazkur qarorga nima asos bo‘ldi? Bu o‘zgarishlar nimaga olib keladi? “Gazeta.uz” shu mavzuda siyosatshunos Farhod Tolipov bilan suhbatlashdi.
Rasul Kusherbayev: «Parlamentga nisbatan bunday munosabatdan juda xafaman»
Deputat Rasul Kusherbayev Qalampir.uz`ga bergan intervyusida «ayrim idora va rahbarlar»ning parlamentga munosabatidan juda xafa ekanini aytdi. «Biz o‘zgarishlarni xohlaymiz. Ammo ko‘p joylarda ikkiyuzlamachilik bo‘lib yotibdi», dedi u va hech kimni ayblamasligini, lekin o‘zi aybdor ekanini qo‘shimcha qildi.
«Bunday ishlay olmas ekanman». Rasul Kusherbayev deputatlik faoliyatini yakunlashini e’lon qildi
Oliy Majlis Qonunchilik palatasining eng mashhur deputati Rasul Kusherbayev deputatlik faoliyatini yakunlashini e’lon qildi. «Bunday ishlay olmas ekanman, bunga majbur bo‘lganimdan afsusdaman», — deb yozadi u.
Ishonchsizlik votumi, hokim qarorlarini bekor qilish va maosh: Kengashlarning vakolatlari qanday kengaytiriladi?
Mahalliy kengash deputatlarining vakolat va imkoniyatlarini kengaytirish taklif etilyapti. Xususan, ular hokim lavozimiga nomzodlarni ilgari surishlari, unga ishonchsizlik bildirishlari, noqonuniy qarorlar va saylovchilar tashabbuslari bilan deputat mandatini bekor qilishlari mumkin bo‘ladi.
«Hayot shiddat bilan rivojlanmoqda, biz esa tezlikni sekinlashtirmoqchimiz». Poytaxt deputatlari tezlikni pasaytirishga qarshi chiqdi
Poytaxtda qariyb 50 foiz avariya tezlikni oshirish tufayli sodir bo‘ladi. Ko‘plab davlatlarda shaharlarda tezlik chegarasi 50 km/soatni tashkil qiladi. Biroq toshkentlik deputatlar bu chora samaradorligiga shubha qilmoqda. Muhokamalarda: «70 — shusiz ham past tezlik» ekanligi, «hech narsa o‘zgarmasligi» aytildi.
Deputatlar qonunni Senatni chetlab o‘tib, prezidentga kiritmoqchi bo‘ldi, biroq Spiker shoshmaslikni so‘radi
Qonunchilik palatasi Senat tomonidan rad etilgan — nikohni ro‘yxatdan o‘tkazish uchun bir oylik muddatni bekor qilishga oid qonunni qayta ko‘rishdan olib tashlashni bekor qildi. Deputatlar qonunni Senatni chetlab o‘tib, to‘g‘ridan-to‘g‘ri prezidentga kiritishni taklif qildi, biroq Spiker shoshmaslikka chaqirdi.
«Mahkumlarni tuzalish yo‘liga o‘tdi deb topish mezonlari shunchalik qiyinki, bunga ideal odam bo‘lish kerak»
Mahkumlarga oid qonun loyihasi muhokamasi deputatlar va IIV vakillari o‘rtasidagi bahsga sabab bo‘ldi. Hujjatda mahkumning tuzalish yo‘liga o‘tganini baholovchi uchta mezon qayd etilgan. Nurdinjon Ismoilov mezonlar juda qiyinligi, «bunga mos kelish uchun mahkum ideal bo‘lishi kerak"ligini ta’kidladi.
Qoraqalpog‘iston deputatlari prezidentdan favqulodda holatni yumshatishni so‘ramoqda
Qoraqalpog‘iston Jo‘qorg‘i Kengesi O‘zbekiston prezidentiga murojaat yo‘llab, favqulodda holatni yumshatishni so‘radi. Avvalroq «Yangi O‘zbekiston» gazetasi murojaatda aybsiz fuqarolarni, xususan, yoshlarni afv etish so‘ralgani haqida yozgandi, biroq, oradan vaqt o‘tib xabar tahrirlandi.
Konstitutsiyaviy qonun loyihasi muhokamasi yana uzaytirildi
Qonunchilik palatasi Konstitutsiyaga o‘zgartirishlar kiritishga oid qonun loyihasining umumxalq muhokamasi muddatini 1 avgustga qadar uzaytirish to‘g‘risida qaror qabul qildi. Ommaviy muhokamalar davrida loyiha bo‘yicha 85 mingdan ortiq takliflar kelib tushgani aytilmoqda.
«Separatizm, fitna, provokatsiya». Senator va deputatlar Nukus voqeasiga qanday munosabat bildirdi?
Qoraqalpog‘iston maqomini Konstitutsiyada o‘zgartirish taklifi ortidan 1−2 iyulda respublikada namoyishlar bo‘lib o‘tdi. Prezident shaxsan Nukusga borgandan keyingina senator va deputatlar voqeaga o‘z munosabatini bildira boshladi. «Gazeta.uz» qonun chiqaruvchilarning fikrlarini bir materialga jamladi.
Taksi haydovchilari uchun yana bir majburiy sug‘urta joriy qilinishi mumkin
Deputatlar yengil avtomobilda tashish xizmatini ko‘rsatish vaqtida yo‘lovchilarning sog‘lig‘i va mol-mulkiga zarar yetkazganlik uchun haydovchining fuqarolik javobgarligini majburiy sug‘urta qilishga oid qonunni ikkinchi o‘qishda ma’qulladi. Doniyor G‘aniyevning ta’kidlashicha, «qanchalik og‘ir bo‘lmasin, bu to‘g‘ri qaror». Deputat O‘ktam Islomov esa sug‘urta ixtiyoriy bo‘lishi kerakligini aytmoqda.
Deputatlar Yo‘l harakatini tashkil etish to‘g‘risidagi qonun loyihasini ko‘rib chiqmoqda
Deputatlar yo‘llarda fuqarolar manfaatlarining ustuvorligini ta’minlash, ekologiyani muhofaza qilish, piyoda va velosiped harakatiga sharoit yaratishni nazarda tutuvchi «Yo‘l harakatini tashkil etish to‘g‘risida»gi qonun loyihasini ko‘rib chiqmoqda. «Bundan buyon avtomobil haydashning o‘zi bo‘lmaydi. Mas’uliyat bir emas, o‘n baravar oshadi», — dedi Rasul Kusherbayev.
Deputatlar «Davlat fuqarolik xizmati to‘g‘risida»gi qonun loyihasini ma’qulladi
Chorshanba kuni deputatlar «Davlat fuqarolik xizmati to‘g‘risida»gi qonun loyihasini ma’qulladi. Hujjat bilan davlat fuqarolik xizmati lavozimlarining davlat reyestri yuritiladi va ularga nomzodlar ochiq tanlov asosida tanlab olinadi. Davlat xizmatchisiga tadbirkorlik bilan shug‘ullanish, xizmati evaziga jismoniy va yuridik shaxslardan mukofot yoki sovg‘a olish, chet el fuqaroligiga ega bo‘lish, O‘zbekistondan tashqarida bank hisobraqami ochish, ko‘chmas va boshqa mulkka egalik qilish taqiqlanmoqda. Hujjat Senatga yuborildi.
Deputatlar mehnat migrantlariga imtiyozlar berishni nazarda tutuvchi qonunni ma’qulladi
Qonunchilik palatasi tomonidan migrantlarga oid yangi qonun ma’qullandi. Unda tashqi mehnat migratsiyasi sohasidagi davlat siyosatining asosiy yo‘nalishlari belgilangan. Qonunda shuningdek, mehnat migrantlarini ijtimoiy qo‘llab-quvvatlash, ularning huquq va manfaatlarini himoya qilish hamda xorijdan qaytganlarning reintegratsiyasi ko‘zda tutilgan.
2 fevral kuni O‘zbekistonda sodir bo‘lgan eng muhim xabarlar dayjesti
Ohangaronda 30 gektarda quriladigan chiqindi poligoni,ekologiya muammolari bo‘yicha yig‘ilish o‘tkazgan Shavkat Mirziyoyev, prezidentga maslahatchi bo‘lgan Muzaffar Komilov, arxeologiya yodgorligini tadbirkorga sotib yuborgan Parkent tumani hokimligi, $1,6 mlnni noqonuniy olib chiqishga uringan qizg‘izistonliklar, bekor qilingan 11 mlrd so‘mlik keshbek va boshqalar — «Gazeta.uz» ning 2 fevraldagi eng muhim xabarlari dayjestida.
Deputatlar hokimlarning manfaatlar to‘qnashuviga sharoit yaratuvchi yana bir qonunni ma’qulladi
1 fevral kuni Qonunchilik palatasi deputatlari hokimlarning manfaatlar to‘qnashuviga sharoit yaratib beruvchi yana bir qonunni ma’qulladi. Gap yer uchastkalarini kompensatsiya evaziga jamoat ehtiyojlari uchun olib qo‘yish tartibi haqida ketmoqda. Deputat Doniyor G‘aniyev hokim kompensatsiya ajratishni ko‘rib chiqish masalasini o‘ziga-o‘zi kiritishi va uni yana o‘zi hal qilishini tanqid qildi. Quyi palata spikeri esa hokimlarning xalq deputatlar kengashi raisi maqomi bekor qilinsagina, bu muammo bartaraf etilishini aytdi. «Ungacha shu, boshqa iloj yo‘q», — dedi Nurdinjon Ismoilov.
«Davlat yoki jamoat?» Qonun loyihasi nomi deputatlar o‘rtasida bahsga sabab bo‘ldi
Qonun loyihasi nomida yer uchastkalarini olib qo‘yish «davlat ehtiyoji uchun» emas, balki «jamoat ehtiyojlari uchun» deb qayd etilgani deputatlar o‘rtasida bahs-munozaralarga sabab bo‘ldi. Rasul Kusherbayev «gap nomda emas, balki qonunni ishlashida» ekanligini qayd etdi. Boshqa deputatlar esa «jamoat» tushunchasiga qonunchilikda ta’rif yo‘qligi, «mavhum narsa hech qachon xalqqa foyda keltirmasligini» ta’kidlashdi. Doniyor G‘aniyev esa adliya vaziri o‘rinbosari bilan tortishdi. Bahslarga quyi palata spikeri yakun yasadi.
Eng ko‘p o‘qilgan xabarlar | So‘nggi yangiliklar
- Qisqa yomg‘irdan so‘ng Toshkent ko‘chalarini suv bosdi (video)
- Toshkentda Botir Zokirov haykali ochildi (foto)
- Qozog‘istonda Rossiya qonunchiligini buzgan O‘zbekiston fuqarolarini hibsga olish boshlandi
- “Qancha emas, qanday yashash muhim”. To‘quvchi Feruza Shodjonova hikoyasi
- Dam olish kunlari harorat pasayib, yomg‘ir yog‘adi
Qo‘shimcha imkoniyatlarga ega bulish uchun saytda ro‘yxatdan o‘ting