«daraxt kesilishi» tegli maqolalar
Surxondaryoning ikkita tumanida noqonuniy daraxt kesganlar aniqlandi
Termiz tumanida Obodonlashtirish boshqarmasi istirohat bog‘idagi 1 tup daraxtni kesgani uchun boshqarma bosh muhandisi 3 mln so‘m jarimaga tortildi. Buning ortidan o‘simlik dunyosiga qariyb 5 mln so‘m zarar yetdi. Yana bir fuqaro saksovul kesib, o‘simlik dunyosiga 3,1 mln so‘m zarar yetkazdi.
Deputat mahalla raisi daraxt kesish bo‘yicha arizani muhrlamagani uchun so‘kingani aytilmoqda
Uchtepa tumani deputati uy qurilishiga xalaqit bergan 2 daraxtni kesishga ruxsat olish uchun ariza yozib, MFY raisidan uni muhrlab berishni so‘ragan. U buni inkor qilgani uchun deputat xonadan haqorat aytib chiqib ketgan. Rais uning ustidan arz qildi. Deputat esa uni so‘kmagani, o‘ziga-o‘zi noliganini aytmoqda.
«Do‘stlik» bog‘i yaqinida qurilish kompaniyasi yana 6 tup daraxtni nobud qildi
Toshkentdagi «Do‘stlik» bog‘i yaqinida Vinera Tower kompaniyasi qurilish uchun hududdagi 6 tup daraxtni ruxsatnomasiz boshqa joyga ko‘chirib, ularni nobud qilgani ma’lum bo‘ldi. Bunda tabiatga 218,3 mln so‘m zarar yetkazilgani aniqlandi. Kompaniya oldin ham daraxt kesgani uchun 430,5 mln so‘m jarima to‘lagan.
Yashnobodda daraxtlarni noqonuniy kesganlardan 3,5 mlrd so‘m undirildi
Toshkentning Yashnobod tumanida qimmatbaho daraxtlarning noqonuniy kesib tashlanishi oqibatida o‘simlik dunyosiga zarar yetkazilgandi. Deputat Rasul Kusherbayevning ma’lum qilishicha, quruvchi tashkilotdan 3,5 mlrd so‘m mablag‘ undirildi, 200 tup daraxt ham ektirilmoqda.
Chilonzorda aholi daraxtzor o‘rnida qurilish qilmoqchi bo‘lgan tadbirkor ustidan g‘alaba qozondi
Tadbirkor buzilgan mulki o‘rniga kompensatsiya sifatida Chilonzordagi ko‘p qavatli uylar orasidan yer olgan. U bu yerda ko‘p qavatli turar joy qurmoqchi edi, biroq aholi bunga qarshi chiqdi. Poytaxt hokimi tadbirkorga uning bir fuqaro norozi bo‘lsa ham, bu joyni tashlab chiqib ketish haqidagi va’dasini eslatdi.
Kesib tashlanmagan, sog‘lomlashtirilgan — Ekoqo‘mita Piskentda kesilgan daraxtlar haqida
Toshkent viloyatining Piskent tumanida daraxtlar kesib tashlangani haqida xabar berildi. Ekoqo‘mitaning ma’lum qilishicha, 93 tup tol qayta tiklash va sog‘lomlashtirish uchun kesilgan. Ushbu amaliyot natijasida tol daraxtlarining o‘suvchanligi yanada oshishini ma’lum qilingan.
Toshkent shahar Ekologiya boshqarmasi boshlig‘i hibsga olindi
Toshkent shahar Ekologiya boshqarmasi boshlig‘i Farhod Dehqonov hibsga olindi. Ehtiyot chorasi poytaxtda daraxtlarni noqonuniy kesish ishlari bilan bog‘liq emas. U mansab vakolatini suiiste’mol qilganliqda gumonlanmoqda.
Gulistonda ham 16 tup daraxt noqonuniy kesilgani aniqlandi
Gulistondagi istirohat bog‘ida 16 tup tol va terak daraxtlari kesilib, 5 tup daraxtga jiddiy zarar yetkazilgani aniqlandi. Holat yuzasidan shahar prokuraturasi tomonidan jinoyat ishi qo‘zg‘atildi.
Toshkentda yana bir quruvchi tashkilot 42 tup daraxtni kesib tashlagani aniqlandi
Toshkent shahrining Uchtepa tumanida quruvchi tashkilot tomonidan 42 tup daraxt noqonuniy ravishda kesib yuborilgani aniqlandi. Buning oqibatida tabiatga 425 mln so‘mdan ortiq zarar yetkazilgan. Bosh prokuratura tashkilot mansabdorlariga nisbatan jinoyat ishi qo‘zg‘atdi.
Toshkentda 58 tup daraxtni kesib tashlagan Dream House Stroy mansabdorlariga nisbatan jinoyat ishi qo‘zg‘atildi
Chilonzor tumanida 58 tup daraxtni kesib tashlab, tabiatga qariyb 800 mln so‘mlik zarar yetkazgani uchun Dream House Stroy kompaniyasi mansabdorlariga nisbatan jinoyat ishi ochildi. Avvalroq, mazkur hodisa Chilonzor prokuraturasi ro‘parasida, tungi vaqtda sodir etilgani haqida yozgandik.
Chilonzor prokuraturasi ro‘parasida 60 ga yaqin daraxt kesib tashlandi
Yaqinda 100 dan ortiq daraxt shikastlangan Chilonzor ko‘chasida bir kechaning o‘zidayoq 58 tup daraxt kesib tashlandi. Har ikki voqea tuman prokuraturasi yaqinida sodir etildi. Birinchi holatdan so‘ng tuman hokimi va prokuror ishdan olindi. Tuman hokimligi ertalab kesilgan daraxtlar o‘rniga 69 tup ko‘chat ekdi.
Daraxt voqeasidan so‘ng Chilonzor hokimi ishdan bo‘shatildi, poytaxt hokimi esa hayfsan oldi
Toshkentda 101 tup daraxtga shikast yetkazilgani uchun prezident topshirig‘iga asosan Chilonzor tumani hokimi Shavkat Mavlonov va prokurori Izzat Bozorov ishdan bo‘shatildi. Qolaversa, poytaxt hokimi Jahongir Ortiqxo‘jayev va prokurori Ulug‘bek Qosimovga qattiq hayfsan berildi.
Moratoriy davrida Farg‘onada 87 tupdan ortiq daraxt kesib tashlandi
Farg‘ona viloyati O‘zbekiston tumanida Elektr tarmoqlari korxonasi xodimlari 48 tup archa, 9 tup shumtol va 30 tupdan ortiq mevali daraxt noqonuniy kesib tashlagani aniqlandi. Ekoqo‘mita bu orqali o‘simlik dunyosiga 856,5 mln so‘m zarar yetkazilganini ma’lum qildi. Hujjatlar to‘planib, prokuraturaga yuborildi.
Chilonzorda ko‘chani kengaytirish bahonasida 100 ga yaqin daraxtga shikast yetkazildi
Toshkentda ko‘chani kengaytirish va «obodonlashtirish» bo‘yicha qabul qilingan navbatdagi qaror natijasida 100 ga yaqin ko‘p yillik daraxtga zarar yetkazildi. Jamoatchilik noroziligidan so‘ng loyiha qayta ko‘rib chiqildi, ammo ba’zi daraxtlar qurib qolishi mumkin.
Surxondaryoda 43 tup daraxt noqonuniy kesib tashlandi
Angor tumanidagi 6-sonli bolalar bog‘chasi hududida 43 tup jumladan, mojjevelnik va tuya daraxtlari tag qismidan noqonuniy tarzda kesib tashlanganligi aniqlandi. Davlat ekologik nazorat inspektorlari holatni o‘rganmoqda.
10 mart kuni O‘zbekistonda sodir bo‘lgan eng muhim xabarlar dayjesti
O‘zbek paxtasiga boykotni bekor qilgan Cotton Campaign, Ukraina va Afg‘onistonga yordam bergani uchun O‘zbekistonga minnatdorchilik bildirgan AQSh, 1 maydan yo‘lga qo‘yiladigan «Avtomobil tarixi» xizmati, alimentdan qarzi borlarga avtomobil haydash va uylanish taqiqlanishi mumkinligi, Moldovadagi o‘zbekistonliklar Buxarest orqali evakuatsiya qilinishi va boshqalar — «Gazeta.uz» ning 10 martdagi eng muhim xabarlari dayjestida.
Moratoriyga qaramasdan Farg‘onada 3 tup chinor kesib ketildi
Moratoriy e’lon qilinganiga qaramay Qo‘qon shahrida fuqaro ruxsatsiz 3 tup chinor daraxtini kesib tashlagani aniqlandi. Davlat ekologiya qo‘mitasi buning oqibatida tabiatga 103 mln so‘mdan ko‘proq zarar yetkazilganini ma’lum qildi.
«Sho‘rtangazkimyo» nasos stansiyasi xodimi 10 tup qayrag‘ochni kesgani aniqlandi
Qashqadaryoda «Sho‘rtangazkimyo» MCHJning Tashqi suv ta’minoti nasos stansiyasi xodimi 6 tup sog‘lom, 4 tup sanitar holatini yo‘qotgan qayrag‘och daraxtini tag qismidan kesib tashlagani aniqlandi. Buning oqibatida u tabiatga 32,4 mln zarar yetkazgani aytilmoqda. Unga nisbatan ma’muriy ish qo‘zg‘atilib, hujjatlar sudga yuborildi.
Eng ko‘p o‘qilgan xabarlar | So‘nggi yangiliklar
- Maktab ta’limi vazirligi “So‘nggi qo‘ng‘iroq”ni o‘tkazish bo‘yicha an’anaviy tavsiyalarni berdi
- 14-mayda diniy tadbir tufayli vaqtinchalik avtobus yo‘nalishlari tashkil etiladi
- Qirg‘izistondagi zilzila kuchi Namanganda ham sezildi
- O‘zbekistonning 14 ta chekka tumani va 1 ta shahrida IT-shaharchalar tashkil etiladi
- Surxondaryoda Tracker yuk mashinasiga urilishi oqibatida 5 kishi halok bo‘ldi
Qo‘shimcha imkoniyatlarga ega bulish uchun saytda ro‘yxatdan o‘ting