Andijon, Samarqand, Surxondaryo va Xorazm viloyatlari rahbarlari Olimpiya va Paralimpiya o‘yinlarida sovrindor bo‘lgan sportchilarni avtomashina va uy bilan mukofotladi. Avvalroq, sportchilarga prezident sovg‘asi ham topshirilgan edi.
Futzal bo‘yicha O‘zbekiston milliy terma jamoasi Litvada bo‘lib o‘tayotgan jahon chempionatidagi o‘yinlarini Gvatemala bilan uchrashuvdagi mag‘lubiyat bilan boshladi.
Qozon shahrida o‘tkazilgan MDH o‘yinlarida O‘zbekiston delegatsiyasi 23 ta oltin, 32 ta kumush va 36 ta bronza jami 91 ta medallariga sazovor bo‘lishdi. Bu mezbon Rossiya jamoasidan so‘ng ikkinchi ko‘rsatkich bo‘ldi.
Shavkat Mirziyoyev paralimpiyachilar bilan uchrashdi va O‘zbekiston terma jamoasining Paralimpiada yakunlari bo‘yicha so‘z yuritdi. «Musobaqaning dastlabki kunlarida 25 nafar sportchimizga nisbatan qattiq karantin talablari qo‘llangani ham, jiddiy muammolar tug‘dirdi», — dedi u. Prezident, shuningdek, paralimpiya harakatini yanada rivojlantirish choralarini e’lon qildi.
Og‘ir atletika bo‘yicha O‘zbekiston terma jamoasi murabbiyi Bahrom Mendibayev «Gazeta.uz»ga bergan intervyusida murabbiylik faoliyati, sportchilarni tanlashda nimalarga e’tibor berilishi va Olimpiada chempioni Akbar Jo‘rayev haqidagi fikrlari bilan o‘rtoqlashdi.
6 sentyabr kuni Tokiodagi Paralimpiya o‘yinlarida ishtirok etgan O‘zbekiston delegatsiyasi kutib olindi. «Yangi O‘zbekiston» bog‘ida sportchilarga bag‘ishlangan tadbir bo‘lib o‘tdi. Paralimpiadada sovrindor bo‘lgan sportchilarga prezident sovg‘asi — uy hamda avtomobillar topshirildi (foto).
2022 yili futbol bo‘yicha jahon chempionati ilk bor Qatarda va ilk bor qish faslida o‘tkaziladi. Eng qimmat jahon chempionatida muxlislarni nima kutmoqda, Qatar tashkilotchilik yo‘lida qanday muammolarga duch keldi va jahon chempionatiga qanday tayyorgarlik ko‘rmoqda? Bularning barchasi haqida «Gazeta.uz» maqolasida batafsil.
Tokio-2020 Paralimpiya o‘yinlarida o‘zbekistonlik sportchilar 8 ta oltin, 5 ta kumush va 6 ta bronza medalini qo‘lga kiritib, umumjamoa hisobida 16-o‘rinni egallashdi.
Futbol bo‘yicha O‘zbekiston terma jamoasi Shvetsiya terma jamoasiga qarshi o‘rtoqlik uchrashuvini o‘tkazdi. Ushbu bahsda shvetsiyaliklar 2:1 hisobida g‘alabaga erishishdi.
Tokio-2020 Paralimpiya o‘yinlarida o‘zbekistonlik para-taekvondochi Guljanoy Naimova oltin medalni qo‘lgan kiritdi. Bu O‘zbekiston hisobidagi sakkizinchi oltin medal bo‘ldi.
Boks bo‘yicha O‘zbekiston terma jamoasi murabbiyi Rahmatjon Ro‘zioxunov «Gazeta.uz»ga bergan intervyusida nega murabbiylikni tanlagani, Bahodir Jalolovga qanday motivatsiya berganligi, shogirdlarini qanday tarbiyalashi va Olimpiada finalidan keyingi hissiyotlari bilan o‘rtoqlashdi.
Tokioda bo‘lib o‘tayotgan Paralimpiya o‘yinlarida nayza uloqtirish bahslarida o‘zbekistonlik Nurxon Qurbonova kumush medali sohibi bo‘ldi. Sportchi yadro uloqtirish sektorida bronza medaliga ham sazovor bo‘lgan.
Tokio-2020 Paralimpiya o‘yinlarida o‘zbekistonlik para-yengil atletikachi Safiya Burxanova oltin medalni qo‘lga kiritdi.
Paraatlet Husniddin Norbekov yadro uloqtirish bahslarida so‘nggi urinishda raqibidan g‘alabani tortib oldi va oltin medalni qo‘lga kiritdi. O‘zbekiston jamoasi hisobidagi medallar soni 16 taga yetdi.
O‘zbekistonlik para-suzuvchi Shohsanam Toshpo‘latova bronza medalini qo‘lga kiritdi. Shu tariqa mazkur Paralimpiya o‘yinlaridagi medallarimiz 5 ta oltin, 4 ta kumush va 6 ta bronzaga yetdi.
O‘zbekistonlik para-yengil atletikachi Boburjon Omonov Paralimpiya o‘yinlarida oltin medalni, yana bir para-yengil atletikachi Nurxon Qurbonova bronza medalni qo‘lga kiritdi.
Taekvondochi Ulug‘bek Rashitov Tokiodagi Olimpiya o‘yinlarida O‘zbekiston uchun birinchi oltin medalni qo‘lga kiritdi. «Gazeta.uz» sportchining murabbiyi Pavel Xan bilan suhbatlashib, undan chempionlarni tarbiyalash, g‘alaba sari yo‘l va kelajakdagi rejalar haqida so‘radi.
O‘zbekistonlik para-dzyudochi Sharif Halilov bronza medali sohibi bo‘ldi. U bundan avval London-2012 Paralimpiadasida kumush medalga sazovor bo‘lgan edi.
Paralimpiya o‘yinlarida O‘zbekiston delegatsiyasi yana 3 ta medalni o‘z hisobiga yozib qo‘ydi. Para-dzyudochi Feruz Saidov oltin, para-pauerliftingda Ro‘za Qo‘ziyeva va para-dzyudochi Parvina Samandarovalar kumush medallarini qo‘lga kiritishdi.
Tokio-2020 o‘yinlarida o‘zbekistonlik paralimpiadachilar 2 ta oltin va 1 ta bronza medalini qo‘lga kiritishdi. Nayza uloqtirishda Nozimaxon Qayumova, disk uloqtirishda esa Mohigul Hamdamova chempion bo‘lgan bo‘lsa, yadro uloqtirish bahslarida Elbek Sultonov bronza medali sohibiga aylandi.
Qo‘shimcha imkoniyatlarga ega bulish uchun saytda ro‘yxatdan o‘ting