Jamiyat
«Hududgazta’minot» Andijonda gaz hisoblagich portlaganiga izoh berdi
Andijondagi xonadonlardan birida «Texnopark» kompaniyasining aqlli gaz hisoblagichi portladi. «Hududgazta’minot» portlashga hisoblagich ichida havo-gaz aralashmasining chaqnashi sabab bo‘lganini ma’lum qildi.
Rostovdagi chodirli lagerda vafot etgan fuqaro yuzasidan ma’lumot berildi
Rossiya ommaviy axborot vositalari Kamensk-Shaxtinskdagi migrantlar uchun mo‘ljallangan chodirli lagerda 33 yoshli o‘zbekistonlikning vafot etgani haqida ma’lum qildi. Unga bir tomonlama pnevmoniya tashxisi qo‘yilgan. Tashqi ishlar vazirligi o‘limni tasdiqladi, ammo fuqaroning lagerda yashaganini rad etdi.
Xorijliklar uchun Rossiyada qolish muddati yana uzaytirildi
Pandemiya sababli horijliklar va Rossiya fuqaroligiga ega bo‘lmagan shaxslar uchun mamlakatda qolish muddati 15 dekabrgacha uzaytirildi. O‘zbekiston elchixonasi RFda noqonuniy yashab kelayotgan fuqarolarni mamlakatda bo‘lib turishlarini qonuniylashtirishga va ishlash uchun ruxsatnomalarni rasmiylashtirishga chaqirdi.
IIV mashinalar jarima maydonchasida noqonuniy ushlab turganini yashirmoqchi — deputatlar
Deputat Doniyor G‘aniyev Ichki ishlar vazirligi epidemiyaga qarshi kurashish qoidalari buzilgan taqdirda avtomobillarni vaqtincha ushlab turishga ruxsat berish taklifi ilgari surilgan qonun loyihasini taqdim etganini ma’lum qildi. Parlament a’zosi IIV bu orqali karantin paytida avtomobillarni jarima maydonchalariga joylashtirish noqonuniy ekanligini tan olganini taxmin qildi. YHXBB ma’lumotlariga ko‘ra, karantin qoidalari buzilgani uchun eng kamida 155,8 mingta avtomobil jarima maydonchalariga joylashtirilgan.
«Ta’lim to‘g‘risida"gi qonun prezident tomonidan imzolandi
Prezident «Ta’lim to‘g‘risida"gi qonunga imzo chekdi. Mazkur qonun bilan 1997 yilda qabul qilingan «Ta’lim to‘g‘risida"gi hamda «Kadrlar tayyorlash milliy dasturi to‘g‘risida"gi qonunlar o‘z kuchini yo‘qotdi.
O‘zbek imo-ishoralar tili paydo bo‘ladi (mi)?
23 sentyabr — Xalqaro imo-ishoralar tili kuni. Imo-ishoralar tilining O‘zbekistondagi maqomi qanday va karlarning ma’lumot olish huquqlari qay darajada himoyalangan? Karlar huquqlari faoli Ma’mur Ahliddinov va «Gazeta.uz» kolumnisti Dilmurod Yusupov savollarga oydinlik kiritishga harakat qilishdi.
IMEI-kodlarni ro‘yxatdan o‘tkazish o‘zbekistonliklarga 13 mln dollarga tushdi
Mobil qurilmalarning IMEI-kodlarini pulli ro‘yxatga olishdan, hisob-kitoblarga ko‘ra, 135,5 mlrd so‘m to‘plandi. Jami bo‘lib 47 milliondan ziyod kod ro‘yxatga olingan. AKT vazirligi mobil qurilmalarning rasmiy importi hajmi bir necha barobarga o‘sganini ma’lum qildi.
O‘zbekiston viloyatlarida qancha avtomobil ro‘yxatdan o‘tkazilgan
O‘zbekistonda jismoniy shaxslarga tegishli bo‘lgan 2,5 mlndan ortiq avtotransport vositalari mavjud, shulardan 93% yengil avtomobillar. Eng ko‘p avtotransport vositalari Toshkent shahriga, eng kami esa Sirdaryo viloyatiga to‘g‘ri kelmoqda.
17 ta metro bekatida bittadan chiqish joylari vaqtincha yopiladi
Toshkent metrosining 17 ta bekatida bittadan chiqish vestibyullari «ishlab chiqarish ehtiyojlari sababli» vaqtincha yopiladi. Bu qancha vaqtgacha davom etishi haqida aniq ma’lumot berilmagan.
Rossiyadan O‘zbekiston fuqarolarni olib kelish uchun avtobus karvoni yo‘lga chiqdi
Rossiyaning Qozog‘iston bilan chegara oldi hududi Samara viloyatida to‘planib qolgan fuqarolarni vatanga olib kelish maqsadida maxsus avtobus qatnovi tashkil etildi. 15 ta avtobusdan iborat ilk karvon Samara viloyatiga yo‘lga chiqdi.
Ipoteka kreditini ajratishning soddalashtirilgan tizimi joriy etiladi
O‘zbekistonda ipoteka kreditini ajratishning soddalashtirilgan tizimi joriy etiladi. Bu boradagi tajriba Andijonning uchta tumanida amalga oshirilmoqda.
COVID-19 bo‘yicha rasmiy statistika qanchalik to‘g‘ri?
O‘zbekistonda koronavirus bo‘yicha rasmiy statistika ma’lumotlari yuzasidan savollar bor. Daryo.uz nashrining bemorlar 2−3 kun ichida «tuzalib ketayotgani» to‘g‘risidagi maqolasidan keyin Sog‘liqni saqlash vazirligi hududlar bo‘yicha batafsil statistikani e’lon qilishni to‘xtatdi. Oldinroq vafot etgan koronavirus bemorlarining jinsi, yoshi, ism-sharifining bosh harflari va yashash (davolanish) joylari bo‘yicha ma’lumotlarni ochiqlash ham to‘xtatilgan edi.
Samarqand shahar bosh imom-xatibi olamdan o‘tdi
Samarqand shahar bosh imom-xatibi Nuriddinxon Islomov 73 yoshida hayotdan ko‘z yumdi.
Navoiyda sodir bo‘lgan YTHda ikki nafar shaxs vafot etdi va uch kishi jarohatlandi
Navoiy viloyatida Lacetti haydovchisining qarama-qarshi yo‘lga chiqib ketib, Nexia avtomobili bilan to‘qnashishi oqibatida ikki kishi halok bo‘lgan, yana uch kishi tan jarohatlari olgan va kasalxonaga yotqizilgan.
IIBB «hijob kiygan ayollarning ushlanishi» voqeasiga izoh berdi
Ijtimoiy tarmoqlarda hijob kiygan ayollar IIBB tomonidan ushlanganligi aytilgan video tarqaldi. Toshkent shahar IIBBning izohlashicha, ushbu fikrlar haqiqatdan yiroq va ro‘mol o‘ragan ayollarga hech qanday ozor berilmagan. Aytilishicha, ushbu fuqarolar jamoat joyida tibbiy niqobsiz bo‘lgan va inspektorlar tomonidan profilaktik suhbatlar o‘tkazilgan.
Prezident ID-kartalarni joriy etish to‘g‘risidagi farmonni imzoladi
2021 yil 1 yanvardan O‘zbekistonda shaxsni identifikatsiyalashning yagona mexanizmini joriy etish boshlanib, 2030 yilgacha pasportlar ID-kartalarga almashtiriladi.
IMEI-kodlarini ro‘yxatga olish tartiblari o‘zgardi
UZIMEI operatori IMEI-kodlarini ro‘yxatga olish tartiblari o‘zgargani haqida ma’lum qildi. Endilikda abonent raqami mahalliy mobil operatorlaridan ariza beruvchi nomiga rasmiylashtirilgan bo‘lishi kerak.
Shuhrat Qayumov vafot etdi
O‘zbekistonda xizmat ko‘rsatgan artist Shuhrat Qayumov 51 yoshida hayotdan ko‘z yumdi.
Globus Relief xayriya tashkiloti O‘zbekistonga gumanitar yordam ko‘rsatdi
Globus Relief xayriya tashkiloti (AQSH) O‘zbekistonga koronavirusga kurashishga ko‘maklashish maqsadida 800 ming dollarlik tibbiy preparatlar va mahsulotlarni yetkazib berdi. Gumanitar yordam chekka hududlardagi tibbiyot muassasalariga yuboriladi.
Qaysi holatlarda emlash mumkin emas
Koronavirusga qarshi kurash shtab a’zosi Sevara Ubaydullayeva emlash mumkin bo‘lmagan holatlar to‘g‘risida ma’lumot berdi. Unga ko‘ra, OITS kasalligining turli bosqichlarida, vaksinaning asosiy vositasiga allergiya bo‘lsa va bolalarda ba’zi nevrologik kasalliklarni zo‘rayib borishi davrida emlashga ruxsat berilmaydi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting