Ishtixon tumani hokimligi axborot xizmati xodimi dehqon bozoridani yong‘inni yoritishga borgan jurnalistlarning kamerasiga tashlanib, undagi xotira kartasini «yeb qo‘ygani» aytilmoqda. Hokimlik axborot xizmati rahbari tushunmovchilik bo‘lganini qayd etdi. Samarqand viloyati hokimligi holat AOKA vakillari va ikki tomon ishtirokida o‘rganib chiqilishini ma’lum qildi.
2020 yilda Toshkent metropolitenining yer usti Halqa yo‘li va Sergeli yo‘nalishi ishga tushirildi, Yunusobod yo‘nalishiga yana ikkita bekat qo‘shildi. Toshkent metrosining yangi va eski bekatlaridagi yo‘l ko‘rsatkichlaridagi noaniqliklar, u yerdagi tashkilotchilik, bekat va uning tashqarisidagi navigatsiya — Og‘abek Samisov va Yevgeniy Sorochin reportajida.
Chet elliklar uchun Rossiyada noqonuniy bo‘lish muddati 15 iyundan 30 sentyabrga qadar uzaytirildi. Noqonuniy migrantlar 30 sentyabrga qadar deportatsiya qilinmaydi va ularga jarima solinmaydi. Ushbu sanaga qadar ular o‘z maqomlarini qonuniylashtirishlari yoki mamlakatdan erkin chiqib ketishlari mumkin.
Toshkent hokimligi huzurida davlat unitar korxonasi shaklidagi boshqaruv xizmati kompaniyasi paydo bo‘lishi mumkin. Ushbu taklifni prezidentga poytaxt hokimi Jahongir Ortiqxo‘jayev kiritdi.
Toshkentdagi 7-uy ishi bo‘yicha avvalgi instansiyalar sudlarining qaroriga qarshi Universal Packing Master va Jemchug House`larning murojaati qanoatlantirilmadi. Oliy sud shahar aholisi foydasiga qaror chiqardi.
Shaxnoza Mirzayeva 10 yoshida avtohalokatga uchrab, oyog‘ining bir qismidan ajraldi. Baxtsiz hodisaga qaramasadn, u sportni tanladi va kanoeda eshkak eshish bo‘yicha jahon chempioni bo‘ldi.
Urganch shahrida al-Xorazmiyning yangi haykalini o‘rnatish rejalashtirilmoqda. Prezident yodgorlikning variantlari va uni o‘rnatish rejalashtirilgan joyga oid taqdimot bilan tanishdi. Ulardan biri Jaloliddin Manguberdi haykali joylashgan hudud hisoblanadi.
Respublika chekka hududlarida istiqomat qiluvchi ayollar uchun go‘zallik salonlari konteynerlari yetkazib berildi. Ma’lumotga ko‘ra, har bir konteynerda 7 nafardan ayol ishlaydi va bu orqali «Ayollar daftari» dagi fuqarolarning 350 nafari ish bilan ta’minlanadi.
Maktabgacha ta’lim vazirining sobiq birinchi o‘rinbosari Qaxramon Olimov A. I. Gersen nomidagi Rossiya davlat pedagogika universiteti Toshkent filiali direktori lavozimiga tayinlandi.
Hukumat va YUNISEF ijtimoiy xizmatlar ko‘rsatish bo‘yicha loyihani yo‘lga qo‘ydi. U tarqoq ijtimoiy qo‘llab-quvvatlash tizimi o‘rniga, fuqarolarning o‘ziga xos ehtiyojlarini hisobga oladigan tizimni yaratishga yordam beradi.
Olot tumanidagi maktab o‘quvchisi darsdan so‘ng o‘z xonadonidan chiqib, cho‘milishga borgan. U yerda o‘quvchi suvga cho‘kib ketgan. Uning yonida bo‘lgan tengdoshlari o‘quvchini qutqarishga urinishgan. Marhumning jasadi bir kundan keyin topilgan.
Urgut tumanida joylashgan suyultirilgan gaz quyish shaxobchasiga gaz tushirayotgan vaqtida portlash sodir bo‘ldi. Oqibatda haydovchi va gaz shaxobchasining bir nafar ishchisi voqea joyida vafot etgan.
Milliy test tizimi atrofidagi mojarolar, Shavkat Mirziyoyevning hafta davomidagi ish grafiki, Sirdaryo hokimligi mas’ullarining raqqosalar bilan video uchun ishdan ketishi, kattaqo‘rg‘onlik soliqchi voqeasi — “Gazeta.uz"ning 14 iyundagi eng muhim xabarlari dayjestida.
Samarqand viloyatida YPX xodimlari tomonidan qo‘lga olinish chog‘ida vafot etgan tuman soliq inspeksiyasi boshlig‘i o‘rinbosarining ishi bo‘yicha surishtiruvlar davom etmoqda. Marhumning qarindoshlari uning ikki qo‘lida barmoq izlari, bo‘ynida va yuzida shilingan jarohatlar borligini aytishmoqda. Jasadni tekshirgan shifokor esa uning tanasida jarohatlar ko‘rmaganligini, faqatgina o‘ng ko‘z atrofida kichkina shilingan joyi bo‘lganligini ta’kidladi.
Ijtimoiy tarmoqlarda raqqosalar bilan birga videosi tarqalgan Sirdaryo tumani hokimining o‘rinbosari Nurali Mirzayev va tuman obodonlashtirish boshqarmasi boshlig‘i Nozim Muratov o‘z arizasiga binoan egallab turgan lavozimidan ozod etildi.
Surxondaryolik bloger Otabek Sattoriy ishi bo‘yicha apellyatsiya shikoyati Samarqand viloyati sudida ko‘rib chiqiladi. Uning advokati ishni ko‘rib chiqish joyini o‘zgartirishni so‘rab, Oliy sudga ariza kiritdi.
Saudiya Arabistoni 2021 yilgi Haj mavsumini xorijiy ziyoratchilarsiz, faqat mahalliy aholi uchun tashkil etilishi bo‘yicha qarorni qabul qildi. Bu Saudiya Arabistonidagi epidemiologik vaziyatning keskinlashuvi bilan bog‘liq. Hajga borishni rejalashtirgan o‘zbekistonliklarning navbati keyingi mavsum uchun saqlab qolinishi ma’lum qilindi.
Toshkentda oqova suvlarni tozalash inshootlariga texnik suvlarni oqizish holati bo‘yicha korxona va tashkilotlarning 22 nafar mas’uliga nisbatan ma’muriy ish qo‘zg‘atildi. Avvalroq, ayni shu sabab Sergeli tumanida badbo‘y hid taralayotgani haqida yozgan edik. Bir qator korxonalarning davlat ekologik ekspertizasi amal qilish muddatini oldindan to‘xtatish va shahar kanalizatsiya tarmog‘idan uzish maqsadida sudga da’vo arizasi kiritildi.
Jomboy tumanidagi 28-maktabning 7−11-sinflarida tahsil oluvchi ayrim o‘quvchilar o‘z sinfxonalarini ta’mirlash ishlariga jalb qilingani aytilmoqda.
Yaqin kunlarda issiqlik Qozog‘istondan keladigan salqin havo massasi ta’sirida +32…+35 darajagacha pasayadi. Haftaning ikkinchi yarmida havo harorati yana ko‘tarila boshlaydi.
Qo‘shimcha imkoniyatlarga ega bulish uchun saytda ro‘yxatdan o‘ting