Jamiyat
Xalqaro IT sertifikat olgan yoshlarga imtihon xarajatlarining 60 foizgacha qismi qoplab beriladi
O‘zbekistonda xalqaro IT sertifikat olgan yoshlar imtihon xarajatlarining 60 foizigacha qismi miqdorida kompensatsiya olishi mumkin. Avval yuqori darajadagi bunday sertifikatga 50 foiz kompensatsiya to‘lanardi. Agar mutaxassisda ingliz tilidan B2 daraja bo‘lsa, IT sertifikatni olish xarajatlari to‘liq qoplanadi.
Jizzaxda tuman hokimining sobiq o‘rinbosari pora olishda ayblanib, 10 yilga qamaldi
Yangiobod tumani hokimining sobiq o‘rinbosari 10 yilga ozodlikdan mahrum etildi. U fuqaro bilan kelishib, tadbirkorga shamol elektr stansiyalarini qurish uchun 200 gektar yer olib berishni va’da qilgan va buning uchun 200 ming dollar so‘ragan.
OKMK fabrikasida o‘nlab ishchilarni tom bosib qolgani bo‘yicha jinoyat ishi qo‘zg‘atildi
Toshkent viloyati Olmaliq kon-metallurgiya kombinati 3-sonli misni boyitish fabrikasida temir konstruksiyalar qulab tushgani yuzasidan mehnatni muhofaza qilish qoidalarini buzish moddasi bo‘yicha jinoyat ishi ochildi. Hodisa oqibatida 3 kishi halok bo‘lgan, o‘nlab odamlar jarohat olgan.
O‘zbekistonda kuzdan ijtimoiy karta joriy etiladi
O‘zbekistonda 1-oktabrdan ijtimoiy yordam oluvchi fuqarolar uchun ijtimoiy karta joriy etilishi rejalashtirilmoqda. Ushbu karta orqali transport va kommunal sohalarda imtiyozlardan foydalanish mumkin bo‘ladi.
20-fevral kuni e’lon qilingan eng muhim yangiliklar dayjesti
MBF qurilishida halok bo‘lgan Hindiston fuqarolari, avtomobillar savdosiga oid yangi soliq, Rossiyadan gaz importini oshirishga 500 mln dollar, farzandining davomati sabab jarimaga tortilgan ota-onalar va boshqalar — “Gazeta.uz"ning kunlik dayjestida.
O‘zbekistonda 2024-yil yozi odatdagidek bo‘ladi — O‘zgidromet
El-Nino tabiiy hodisasi tufayli O‘zbekistonda 2024-yilning yozi kuzatuvlar tarixidagi eng issig‘i bo‘lishi haqida xabarlar tarqaldi. O‘zgidromet O‘zbekistonda odatdagi issiq yoz fasli bo‘lishini ma’lum qildi. Shuningdek, quruq kuz, ya’ni yog‘ingarchilik miqdori me’yordan past bo‘lishi kutilmoqda.
O‘zbekistonda elektr energiyasi va gaz ta’minotidagi cheklovlar davom etadi
Energetika vazirligi kunning tig‘iz vaqtlarida avvalroq elektr energiyasi yetkazib berish va metan “zapravkalar” faoliyatiga nisbatan kiritilgan cheklovlar davom etishini ma’lum qildi. Holat yaxshi tomonga o‘zgargunga qadar bugun ham (20-fevral) ma’lum cheklovlar kiritilishi mumkin, deya ogohlantirdi vazirlik.
Toshkentda 69-yo‘nalishdagi ikki avtobus va Cobalt o‘rtasida YTH sodir bo‘ldi
Yakkasaroy tumanida 69-sonli avtobus haydovchisi boshqaruvni yo‘qotib Cobalt bilan, so‘ngra boshqa bir avtobus bilan to‘qnashdi. YTH oqibatida yo‘lovchilar biri jarohat oldi.
Toshkent viloyatidagi fabrika qurilishida jarohatlangan va halok bo‘lganlarning barchasi Hindiston fuqarolaridir — FVV
Favqulodda vaziyatlar vazirligi ma’lumotlariga ko‘ra, OKMK misni boyitish fabrikasi qurilish maydonchasida temir konstruksiyalarning qulashi oqibatida 3 ishchi halok bo‘ldi, 29 kishi jarohatlandi, ularning barchasi Hindiston fuqarolari hisoblanadi.
OKMK misni boyitish fabrikasi qurilishida tom qulab, bir necha kishi halok bo‘ldi
OKMK misni boyitish fabrikasi qurilish maydonida tom qulab, ishchilarni bosib qoldi. Bosh prokuraturaning “Gazeta.uz”ga ma’lum qilishicha, dastlabki ma’lumotlarga ko‘ra, 3 kishi halok bo‘lgan, 45 kishi jarohatlangan.
O‘zbekistonda nogironligi bor farzandini parvarishlash nafaqasini olishi mumkin bo‘lgan 33 ming ota-ona imtiyozdan foydalanmayapti
Prezident ijtimoiy himoya tizimi bilan 250 ta xizmat qamrab olingan bo‘lsa-da, mahalladagi aholi ularning yarmidan ham xabardor emasligini ta’kidladi. Nogironligi bor farzandini parvarishlash nafaqasini olishi mumkin bo‘lgan 33 ming ota-ona ushbu imtiyozdan foydalangani yo‘q.
LOT Polish Airlines Toshkent va Varshavani muntazam reyslar bilan bog‘laydi
Polshaning LOT Polish Airlines aviakompaniyasi mart oyi o‘rtalaridan Toshkent va Varshava orasida aviaqatnovlarni boshlaydi. U pandemiyadan keyin O‘zbekiston poytaxtidan Yevropa shaharlariga parvozlarni yo‘lga qo‘ygan birinchi Yevropa aviakompaniyasi bo‘ladi.
Pnevmatik, signal beruvchi va tig‘li sovuq qurolni o‘z ixtiyori bilan topshirganlar javobgarlikdan ozod qilinishi belgilanmoqda
Deputatlar qurol to‘g‘risidagi qonunchilik takomillashtirilishi bo‘yicha qonunni ikkinchi va uchinchi o‘qishda qabul qildi. Hujjat bilan pnevmatik, signal beruvchi, tig‘li sovuq, uloqtirish va o‘zini o‘zi himoya qilish qurolini o‘z ixtiyori bilan topshirgan shaxslar javobgarlikdan ozod qilinishi belgilanmoqda.
2023-yilda farzandi ta’limida mas’uliyatsizlik qilgan 12 mingdan ziyod ota-ona jarimaga tortildi
O‘zbekistonda o‘quvchilarning 14 mingdan ziyodi maktabga muntazam bormayotgani aniqlandi, deya ma’lum qildi Maktab vazirligi boshqarma boshlig‘i. Ularning 9 mingdan ortig‘i ta’limga qaytarildi. 2023-yilda farzandining ta’lim-tarbiyasida mas’uliyatsizlik qilgan 12 mingdan ortiq ota-ona javobgarlikka tortildi.
Bag‘dod, Uchko‘prik va Baxmal tumanlariga yangi hokimlar tayinlandi
G‘anijon Soliyev Farg‘ona viloyatining Bag‘dod tumaniga, Qodirjon Erkaboyev esa Uchko‘prik tumaniga hokim bo‘ldi. Shuningdek, Aziz Ergashev Jizzax viloyatining Baxmal tumaniga hokim vazifasini bajaruvchi etib tayinlandi.
19-fevral kuni e’lon qilingan eng muhim yangiliklar dayjesti
Shamol sabab yopilgan metan “zapravka"lar, elektr ta’minotidagi cheklovlar, 350 ming dollarni o‘zlashtirgani aytilgan O‘FA buxgalteri, suddan o‘zini oqlashni so‘ragan Farmagentlik sobiq rahbari va boshqalar — “Gazeta.uz"ning kunlik dayjestida.
Farmagentlik sobiq rahbari “Dok-1 Maks” ishi bo‘yicha suddan uni oqlashni so‘radi
“Dok-1 Maks” ishi bo‘yicha sudda Farmatsevtika tarmog‘ini rivojlantirish agentligining sobiq rahbari Sardor Kariyev so‘nggi nutq so‘zladi. U suddan oqlov hukmi chiqarishni so‘radi.
Toshkentda ichida yo‘lovchilari bo‘lgan elektrobus yo‘l chetidagi panjaraga urildi
Sergeli tumanida ichida yo‘lovchilari bo‘lgan elektrobus yo‘l chetidagi panjaraga borib urildi. Voqeaga haydovchining qon bosimi oshib, boshqaruvni yo‘qotgani sabab bo‘lgan. Elektrobus texnik shikastlandi, haydovchi shifoxonaga olib ketildi, jarohat olganlar bo‘lmadi, deya ma’lum qildi “Toshshahartransxizmat”.
Orol dengizi tubida navbatdagi saksovul ekish ishlari boshlandi
Qoraqalpog‘iston Jo‘qorg‘i Kengesi raisi Amanbay Orinbayev rahbarligida idoralar hamda ekofaol yoshlar tomonidan Orol dengizi tubida saksovul ekish ishlari boshlandi. 2024-yilda jami 150−200 ming gektar maydonda o‘rmonzorlar barpo qilish rejalashtirilgan.
Martda qanday ob-havo bo‘lishi kutilmoqda?
O‘zbekistonda bu yilgi mart nisbatan salqin bo‘lishi prognoz qilinmoqda. Oy davomida harorat kechalari −5…+10, kunduzi +5…+22, janubda +25 daraja atrofida bo‘ladi. Respublika hududining katta qismida yog‘ingarchilik miqdori me’yor atrofida bo‘lishi kutilmoqda.
Eng ko‘p o‘qilgan xabarlar | So‘nggi yangiliklar
- “Muvaffaqiyat jinsga emas, bilim va qobiliyatlarga bog‘liq”. Maktabda o‘qiydigan dasturchi qizlar — loyihalari, orzulari va stereotiplar haqida
- Orolbo‘yidan 70 mln yillik dinozavr suyagi topildi
- 24-aprel kuni e’lon qilingan eng muhim yangiliklar dayjesti
- O‘zbekistonda 2025-yildan bukmekerlik faoliyatiga ruxsat beriladi
Qo‘shimcha imkoniyatlarga ega bulish uchun saytda ro‘yxatdan o‘ting