Jamiyat
Yapon kompaniyasi Farg‘onada chiqindini qayta ishlash korxonasini quradi. Loyiha qiymati — 10 mln dollar
Farg‘onada Yaponiyaning Sansho kompaniyasi tomonidan chiqindini qayta ishlash korxonasi quriladi. 10 mln dollarlik loyiha Satkak qishlog‘ida 2 bosqichda amalga oshiriladi. Birinchi bosqich 2023 yil sentabrgacha ishga tushirilishi rejalashtirilmoqda.
«Pedofillarga eng og‘ir jazo turi qo‘llanishi kerak» — Bola ombudsmani
Bola huquqlari bo‘yicha vakil Aliya Yunusovaga ko‘ra, Toshkentdagi 12 yashar qizning ayanchli o‘limi O‘zbekistonda bolalar xavfsizligi to‘liq ta’minlanmaganini ko‘rsatadi. Uning ta’kidlashicha, pedofillarga nisbatan jazo turini kuchaytirish, ularga hech qanday amnistiya akti tuzilmasligi va afv etilmasligi kerak.
«Bazalt» operatsiyasi boshlandi. Toshkentdagi «dom»larni sovuq o‘tmaydigan uylarga aylantirishga kirishildi
Toshkentning Chilonzor tumanidagi uchta «xrushchyovka» ko‘p qavatli uylarni isitish loyihasi doirasida bazalt plitalari bilan qoplanmoqda. Maqsad — poytaxt aholisi chiroqsiz va issiqliksiz qolib ketgan qishki inqiroz takrorlanishiga yo‘l qo‘ymaslik. «Gazeta.uz» ishlarning borishi va odamlar fikri bilan tanishdi.
Toshkentda o‘quvchilarni o‘g‘irlab ketishga urinish bo‘lgani rad etildi
Poytaxtda maktabdan qaytayotgan bolalarni noma’lum shaxslar o‘g‘irlab ketmoqchi bo‘lgani aytilgan videoxabar tarqaldi. IIVning aniqlik kiritishicha, xabarlar asossiz. Bolalar mashinaga muz bo‘lagini tepgan, avtomobildagi o‘quvchi esa ularni ichki ishlarga olib borishini aytib qo‘rqitgan.
Ayrim dorixonalarda Quramax kompaniyasi olib kirgan sirop va tabletkalar hamon sotilmoqda — «Yuksalish» harakati
O‘zbekiston bo‘ylab 308 ta dorixonada o‘tkazilgan monitoringda aniqlanishicha, sotuvi taqiqlangan, Quramax Medical kompaniyasi olib kirgan dorilar sotuvi hamon davom etmoqda. Aholi bu dorilarni yuz bergan fojiali holatlarga qaramay, avvalgidek sotib olyapti, deyiladi «Yuksalish» umummilliy harakati xabarida.
“Katta Langar — jannatmonand joy”. O‘zbekistondagi tog‘ qishlog‘i Ildar Sadikov fotonigohida
Ildar Sadikov — toshkentlik janr va strit-fotosuratchilardan. U O‘zbekistonning chekka hududlariga ko‘p sayohat qiladi va mahalliy aholi hayotini suratga oladi. Shunday joylardan biri — Shahrisabzdan 70 km masofada joylashgan, o‘zgarmay kelayotgan arxitekturasiga beton xavf solayotgan Katta Langar qishlog‘idir.
Nima tayyorlaymiz: Mol go‘shtidan taomlar
Qovurdoq, satsebeli qaylasida pishirilgan mol go‘shti, xitoycha uslubda pishirilgan go‘sht, jarkop, chashushuli, Azu va boshqalar — Zira.uz o‘zbek hamda chet el oshxonasiga mansub mol go‘shtidan tayyorlangan mazali taomlar ro‘yxatini taqdim etadi.
Toshkent viloyatida aholining mol-qo‘ylarini o‘g‘irlayotgan guruh ushlandi
Yuqori Chirchiq tumanida aholining jami 9 bosh qo‘yi va 2 bosh buzog‘ini o‘g‘irlagan 6 kishi ushlandi. Ularga nisbatan jinoyat ishi qo‘zg‘atilgan.
Qanday qilib yaxshi dam olish mumkin?
Og‘ir ish haftasidan keyin dam olish — aqliy va jismoniy resurslarni to‘ldirib olish uchun juda yaxshi imkoniyat. Hordiq chiqarmaslik professional charchoqqa va mehnat unumdorligining pasayishiga olib keladi. Xo‘sh, qanday qilib yaxshi dam olish mumkin? Javobni ushbu maqolada topishingiz mumkin.
3 fevral kuni O‘zbekistonda sodir bo‘lgan eng muhim xabarlar dayjesti
Tirigi emas, o‘ligi tanilgan 12 yoshli qiz voqeasi, Toshkentda ochilgan gaz «zapravka»lar ro‘yxati, Nukus voqealari bo‘yicha navbatdagi sud, YeOII mamlakatlari bilan tashuvlarni soddalashtirishga intilayotgan O‘zbekiston, diniy qo‘shiq tarqatib 5 yilga qamalgan yigit va boshqalar — «Gazeta.uz»ning kun dayjestida.
Nukus voqealarining yana 39 nafar ishtirokchisi ustidan sud 6 fevral kuni boshlanadi
Qoraqalpog‘iston voqealarining yana 39 nafar ishtirokchisi ustidan sud jarayoni 6 fevralda boshlanadi. Ayblanuvchilar JKning «talonchilik», «ommaviy tartibsizliklar», «noqonuniy o‘qotar qurol saqlash» va boshqa moddalarida ayblanmoqda. Ba’zi ayblanuvchilarning qayerdaligi bir necha oy davomida noma’lum edi.
«Men tanilishim kerak, derdi. Tirigi emas, o‘ligi tanildi» — Yangihayotda o‘ldirilgan 12 yoshli qiz haqida
Toshkentda bedarak yo‘qolgan 12 yoshli qizning murdasi 1 fevralga o‘tar kechasi o‘zi yashagan uy oldidan topilgandi. Qizni qidirish ishlarida uni o‘ldirishda gumon qilinayotgan qo‘shni yigitning o‘zi ham qatnashgan. Qizning onasi prezidentga murojaat qilib, aybdorga «eng oliy jazo» tayinlanishini so‘radi.
Yanvarda elektrdan 5,6 mlrd so‘mlik noqonuniy foydalanish holatlari aniqlandi
Yanvar oyida O‘zbekistonda 33 mingdan ortiq xonadonning bir oylik iste’moliga teng bo‘lgan 5,6 mlrd so‘mlik elektr energiyasidan noqonuniy foydalanish bo‘yicha 511 ta holat aniqlandi, deb xabar berdi Energetika vazirligi.
Jizzaxda 4 kishi is gazidan zaharlanib vafot etdi
Jizzaxda 4 kishi is gazidan zaharlanib vafot etdi. Ulardan ikki nafari talaba bo‘lgan. Hodisaga isitish tizimining tabiiy gazdan foydalanish va yong‘in xavfsizligi qoidalariga zid ekani sabab bo‘lgani aytilmoqda.
Toshkentda Anhor kanali bo‘yidagi obyekt qurilishi to‘xtatildi
Ijtimoiy tarmoqlarda Toshkent shahridagi Anhor kanali bo‘yida obyekt qurilishi davom etayotgani haqida xabarlar tarqaldi. Jamoatchilik bunga qarshilik bildirdi. Qurilish vazirligining ma’lum qilishicha, kompaniya bir necha ogohlantirishga qaramay jarayonni davom ettirgan. Hozirda qurilish ishlari to‘xtatildi.
Andijonda 5 yoshli qiz shifokorlar aybi bilan vafot etgani aytilmoqda
Baliqchi tumani tibbiyot birlashmasining yuqumli kasalliklar bo‘limida 5 yoshli qiz vafot etgani aytilmoqda. Holat bo‘yicha birlashma shifokorlariga nisbatan jinoyat ishi qo‘zg‘atildi.
Poytaxtda 35 ta gaz «zapravka» faoliyati qayta tiklandi (ro‘yxat)
3 fevral holatiga ko‘ra, Toshkent shahrida 35 ta avtomobillarga gaz to‘ldirish kompressor shoxobchalari (AGTKSH) faoliyati qayta tiklandi.
Qoraqalpog‘istonda fuqarolarning foydalanilmayotgan buyumlarini ehtiyojmandlarga tarqatish aksiyasi boshlandi
Yoshlar ishlari agentligining Qoraqalpog‘iston boshqarmasi fuqarolarning foydalanilmayotgan buyumlarini ehtiyojmandlarga tarqatish bo‘yicha aksiyani boshladi. Boshqarmaning Nukusdagi binosi oldiga «saxovat konteyneri» o‘rnatildi. Odamlar keltirgan buyumlar shu yerda to‘planib, ehtiyojmandlarga yetkazib berilmoqda.
Toshkentda 22 yoshli yigit diniy qo‘shiqlarni tarqatgani uchun 5 yilga qamaldi
Texnika universiteti 4-kurs talabasi diniy qo‘shiqlarni tanishlari orasida tarqatgani uchun besh yilga ozodlikdan mahrum etildi. Diniy qo‘mita xulosasiga ko‘ra, aqidaparastlik g‘oyasiga asoslangan ushbu nashidani O‘zbekiston hududiga olib kirish va tarqatish taqiqlanadi.
«Ikkinchi xotin» uchun texnika reklama qilingan bannerlar olib tashlandi
Mobile Retail (Elmakon brendi)ning «ikkinchi xotin» uchun texnika reklama qilingan bannerlari demontaj qilindi, deb xabar berdi Raqobatni rivojlantirish va iste’molchilar huquqlarini himoya qilish qo‘mitasi. Davlat idorasi buni reklama to‘g‘risidagi qonunga zid deb baholadi.
Eng ko‘p o‘qilgan xabarlar | So‘nggi yangiliklar
- Samarqandda 15 yoshli qiz ona bo‘lgani yuzasidan jinoyat ishi qo‘zg‘atildi
- Surxondaryoda 1 tonnadan ortiq iste’molga yaroqsiz go‘sht yo‘q qilindi
- O‘zbekiston viloyatlarida kuchli yomg‘ir yog‘ib, toshqinlar yuz berdi — video
- O‘zbekiston elchixonasi Dehli aeroportida 5 kg oltin bilan qo‘lga olingan o‘zbekistonliklar tergovini nazoratga oldi
Qo‘shimcha imkoniyatlarga ega bulish uchun saytda ro‘yxatdan o‘ting