Jamiyat
Hafta davomida o‘rtacha issiq ob-havo bo‘lishi kutilmoqda
Ushbu hafta davomida O‘zbekistonda o‘rtacha issiq havo bo‘lishi kutilmoqda. Kunduzi harorat +35 darajagacha ko‘tariladi. Ba’zi kunlarda shamol kuchayishi mumkin.
Samarqandda 19 yoshli qiz ish vaqtida zo‘rlandi
Samarqanddagi tekstil korxonalaridan birida ishlovchi 19 yoshli qiz tungi navbatchilik paytida zo‘rlandi. Viloyat prokuraturasi tomonidan jinoyat ishi qo‘zg‘atilib, ayblanuvchiga nisbatan sirtdan qamoqka olish tarzidagi ehtiyot chorasi qo‘llanildi.
Toshkentdagi dorixonalarda noqonuniy sotilayotgan 63 ming dona kuchli ta’sir qiluvchi dorilar aniqlandi
Poytaxtning Uchtepa va Chilonzor tumanlaridagi dorixonalarida kuchli ta’sir qiluvchi moddalarni noqonuniy realizatsiyasi bilan bog‘liq 37 ta holat aniqlandi. Shulardan jami 62 337 dona kuchli ta’sir qiluvchi dori vositalari noqonuniy muomaladan olindi.
«Ushbu yodgorliklar Toshkentga betakror shahar qiyofasini baxsh etadi». Saida Mirziyoyeva poytaxtdagi pannolarni saqlab qolishga chaqirdi
Saida Mirziyoyeva «Premier Hall» kinoteatrini ta’mirlash vaqtida aniqlangan rassom Alfred Mazitovning «Kokilli qiz» pannosi atrofidagi muhokamalar ortidan shahardagi barcha mozaik pannolarni saqlab qolishga chaqirdi. «Aynan ushbu yodgorliklar Toshkentga betakror shahar qiyofasini baxsh etadigan ajoyib bir ramzdir», — dedi u. Shundan so‘ng, bino egasi panno restavratsiya qilinishini ma’lum qildi.
Toshkentda koreyalik taekvondo murabbiyi vatandoshi tomonidan pichoqlandi
Toshkentda ikki nafar Janubiy Koreya fuqarosi o‘rtasida sodir bo‘lgan janjal ulardan birining o‘limi bilan yakunlandi. Koreya matbuotida marhumning taekvondo bo‘yicha O‘zbekiston terma jamoasi murabbiyi ekani xabar qilindi.
“Soya-salqin joyga bir oz muddatga ko‘chirib turilgan”. Andijon viloyati hokimligi yuk mashinasiga ortilgan daraxtlar va butalar haqida
Ijtimoiy tarmoq foydalanuvchisining ta’kidlashicha, prezidentning Andijon viloyatiga tashrifi oldidan yo‘llar bo‘ylab ekilgan butalar “qaytarib olingan”. Viloyat hokimligi obodonlashtirish ishlari davomida butalarni vaqtincha salqin joyga ko‘chirganliklari haqida xabar berdi. “Gazeta.uz"ning aniqlashicha, Shavkat Mirziyoyev tashrifidan bir necha kun oldin Obodonlashtirish boshqarmasi 50 ming katarantus gullari hamda 180 dan ortiq daraxt va butalarni sotib olgan.
Nazorat va muvozanatsiz testlar
Milliy test tizimi topshiriqlarining tarqalib ketishi haftaning asosiy mavzularidan biriga aylandi. Testlarning va talabalarni tanlashning sifatini va ma’lumotlarning ishonchli saqlanishini ta’minlash hamda manfaatlar to‘qnashuvining oldini olish uchun test materiallarini ishlab chiqish, test jarayonlarini o‘tkazish va sifatni nazorat qilish vazifalari bir-biridan ajratilishi lozim. Hozir bu uchta vazifani bir tashkilot — DTM bajaradi, bu esa nazorat va muvozanat tizimini izdan chiqaradi. «Gazeta.uz» kolumnisti Komil Jalilov shu haqda yozadi.
“Jismoniy tayyorgarlik darajasi” ko‘krak nishoni ta’sis etiladi
Prezident qarori bilan cport sinovlarini muvaffaqiyatli topshirgan shaxslar uchun “Jismoniy tayyorgarlik darajasi” ko‘krak nishoni ta’sis etiladi. Bunda, g‘oliblar I, II, va III darajali ko‘krak nishonlari bilan taqdirlanadi.
Toshkent xalqaro kinofestivali qayta tiklandi
Prezident Shavkat Mirziyoyev Toshkent xalqaro kinofestivali faoliyatini tiklash to‘g‘risidagi qarorni imzoladi. Mazkur tadbir har yili kuz faslida o‘tkaziladi.
Ko‘p kvartirali uylarni boshqarishda nimalar o‘zgaradi?
Prezident qarori bilan 15 ta hududdagi 1227 ta uy kommunal va ta’mirlash xizmatlarini ko‘rsatadigan, obodonlashtirish va boshqa ishlar bilan shug‘ullanadigan boshqaruv kompaniyalariga beriladi. 6085 ta ko‘p qavatli uylarni ta’mirlash uchun 734 milliard so‘m, ta’mirlash dasturiga 100 mlrd so‘m ajratiladi. 2021 yil 1 oktyabrdan keyin qurilgan uylar quruvchi boshqaruviga topshiriladi.
Farg‘onada 3 ta avtomobil ishtirokidagi YTH oqibatida ayol haydovchi halok bo‘ldi
Rishton tumanida quvib o‘tish qoidasini buzgan Matiz ikkita avtomobil bilan to‘qnashdi. Oqibatda uning haydovchisi shifoxonada vafot etdi.
Nima tayyorlaymiz: yozgi taomlar
Chalop, turkcha ratatuy, tovuq va sabzavotli kabobchalar, kuk-si, okroshka — Zira.uz yozgi taomlar retseptlari ro‘yxatini taqdim etadi.
«Bu o‘tmish haqidagi roman Qodiriyning bugunini kelajakka ogohlantirish sifatida tasvirlaydi» — Mark Riz «O‘tkan kunlar» haqida
Amerikalik tadqiqotchi Mark Riz Abdulla Qodiriyning «O‘tkan kunlar» romanini ingliz tiliga tarjima qilish uchun 15 yil umrini sarfladi. U «Gazeta.uz»ga bergan intervyusida tarjimadagi qiyinchiliklar, nima uchun asar shunchaki muhabbat hikoyasi emas, avvalo islohotlar g‘oyasi haqida ekanligi va qanday qilib Qodiriy asar orqali muhim ijtimoiy muammolarni olib chiqqanligi haqida so‘z yuritdi. U shuningdek jadidlar va ularning g‘oyalari bugun qanchalik hayotga tadbiq etilganligi haqida fikr bildirdi.
“U soddadil, siyosatdan yiroq”. Dilruh Isomiddinova — qishloq ayolining hayoti haqida fotosuratlarda
“Qishloq hayoti faqat „chiroyli kadrlardan“ iborat emas”. Fotojurnalist Dilruh Isomiddinova qishloq ayolining hayoti haqida fotosuratlarda hikoya qiladi.
18 iyun kuni O‘zbekistonda sodir bo‘lgan eng muhim xabarlar dayjesti
Prezidentning Andijon viloyati faollari bilan uchrashuvi, “Paxtakor” klubi xodimlarining maoshlari oshkor qilinishi, Yangi Andijon shahrining qanday ko‘rinishga ega bo‘lishi, Toshkent hayvonot bog‘iga ikkita oq rangli sher bolalari olib kelinishi — “Gazeta.uz"ning 18 iyundagi eng muhim xabarlari dayjestida.
Yangiqo‘rg‘on hokimligi binosiga qo‘ylarni haydab borgan fuqaroga jarima va 10 kunga qamoq jazosi qo‘llanildi
Yangiqo‘rg‘on tumani hokimligi binosiga qo‘ylarni haydab borgan fuqaroga nisbatan sud hukmi o‘qildi. Unga nisbatan jarima hamda 10 sutka ma’muriy qamoq jazosi tayinlandi.
Konditsioner ostida doimiy o‘tirish qanday kasalliklarga olib keladi?
Yoz issig‘ida konditsioner ostida jon saqlaydiganlar o‘z salomatliklariga e’tibor berishlari lozim. Konditsionerdan qanday to‘g‘ri foydalanish kerakligi va doimiy ravishda uning ostida o‘tirish qaysi kasalliklarga olib kelishi haqida tibbiyot fanlari nomzodi E’zozbek Rizayev ma’lumot berdi.
Yangi Andijon shahri qanday ko‘rinishga ega bo‘ladi? (foto)
Qurilishining boshlanishida prezident ishtirok etgan Yangi Andijon shahrida kam qavatli binolar ustunlik qiladi, hovlilarida yashil maydonlar barpo etiladi. Bo‘lajak shaharning chizma va maketlari — «Gazeta.uz» fotoreportajida.
Toshkentdan Gruziyaga aviaqatnovlar soni ortadi
«Uzbekistan Airways» Toshkent — Tbilisi — Toshkent yo‘nalishi bo‘yicha yakshanba kuni qo‘shimcha qatnovlarni yo‘lga qo‘yadi. Haftasiga umumiy hisobda uchta muntazam aviaqatnov: seshanba, juma va yakshanba kunlari bajariladi.
Yangi Andijon va Andijon shahri o‘rtasida yer usti metrosi qurilishi mumkin
Prezident Shavkat Mirziyoyev 2022 yil 1 martdan boshlab Andijon shahri tarkibida «Yangi Andijon» tumani tashkil etilishini ma’lum qildi. «Yangi Andijonda „Damas“ bo‘lmaydi. U yerda yer usti yoki yer osti metrosini qurish bo‘yicha hisob-kitoblar qilinadi. Ma’qulini quramiz», — dedi davlat rahbari. Yangi Andijon loyihasining kommunikatsiya tarmoqlarini qurishni boshlash uchun 100 mln dollar ajratiladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting