Jamiyat
Kundalik`da yangi to‘lov usullari va tarif rejalari ishga tushirildi
Yangi o‘quv yilida Kundalik uchun yillik to‘lov narxi tushirildi. Foydalanuvchilar uchun Kundalik va PRO Kundalik tarif rejalari mavjud.
Yandex Go avtomobillar tezligini nazorat qiladi
Yandex Go buyurtmalar vaqtida avtoulov tezligini monitoring qilish xizmatini ishga tushirdi. Unda haydovchi belgilangan tezlikdan oshib ketsa, tizim uning ilovasi orqali bu haqda ogohlantiradi. Bir nechta ogohlantirishlardan so‘ng, haydovchining xizmat ko‘rsatish buyurtmalariga kirishi vaqtincha cheklanadi.
Rossiyalik sayyoh O‘zbekistonda o‘rtacha qancha pul sarflayotgani ma’lum qilindi
«Russkiy standart» banki tadqiqotida rossiyalik sayyohlar uchun MDH davlatlariga bo‘lgan qiziqish yuqoriligi qayd etildi. Hisob-kitoblarga ko‘ra, rossiyalik sayyoh o‘rtacha hisobda O‘zbekistonda 6,8 ming rubl (1,2 mln so‘m) sarflaydi.
Jizzaxdagi YTH oqibatida piyoda vafot etdi
Jizzax viloyatida Toshkent yo‘nalishi bo‘yicha harakatlanib kelayotgan Cobalt haydovchisi piyodani urib yubordi. Fuqaro olgan og‘ir tan jarohatlari oqibatida shifoxonada hayotdan ko‘z yumdi.
Surxondaryoda o‘zganing 17 sotix yerini sotmoqchi bo‘lgan shaxs qo‘lga olindi
Surxondaryoning Qumqo‘rg‘on tumanida fuqaro o‘ziga tegishli bo‘lmagan 17 sotix yer maydonini 8 ming dollarga sotishga uringanlikda ayblanmoqda. Gumonlanuvchi xaridordan 100 mln so‘m olgan vaqtida qo‘lga olingan. Holat yuzasidan jinoyat ishi qo‘zg‘atildi.
Germaniya O‘zbekistonda sog‘liqni saqlash tizimini raqamlashtirishga sarmoya kiritadi
O‘zbekiston️ va Germaniya o‘rtasida sog‘liqni saqlash tizimini raqamlashtirish bo‘yicha kelishuv imzolandi. Unga muvofiq, ️Germaniya taraqqiyot banki soha rivoji uchun O‘zbekistonga qariyb 62 mln yevro investitsiya kiritadi.
Toshkentda yo‘lovchi olish uchun keskin to‘xtagan Matiz haydovchisi YTH sodir etdi
Toshkent halqa yo‘lida 5-yo‘nalishda qatnovchi SAZ LE60 avtobusi, Damas va Matiz to‘qnashdi. Avtobusning ikki yo‘lovchisi, Damas yo‘lovchisi va Matiz haydovchisi jarohatlandi. YTHga Matiz yo‘lovchi olish uchun keskin to‘xtagani sabab bo‘lgani aytilmoqda.
«Endi hech kim o‘z mulkidan sud qarorisiz mahrum etilmaydi». Prezident mulk huquqi bo‘yicha yangi farmonni qabul qildi
Prezident farmoni bilan endilikda mulk huquqi faqatgina sud qarori bilan bekor qilinadi, yuridik shaxsning tugatilishi yer uchastkasiga bo‘lgan huquqni bekor qilmaydi, turar joy mulkdorlari qarindosh bo‘lmagan shaxslarning doimiy propiskasini bekor qilishi mumkin. Adliya vazirligi hujjat mohiyatini tushuntirdi.
KRuz.uz internet-nashri yopilishi haqida xabar berdi
Qoraqalpog‘istondagi ilk xususiy OAVlardan biri bo‘lgan KRuz.uz olti yillik faoliyatdan so‘ng o‘z faoliyatini to‘xtatishi haqida ma’lum qildi. Uning asoschisi Furqat Yusupov 2018 yilda cho‘kib ketayotgan ikki qizni qutqarmoqchi bo‘lganida vafot etgan edi.
Toshkent viloyatida daryolar to‘qimachilik korxonalari chiqindilari bilan bo‘yalmoqda
Ekologiya qo‘mitasi Toshkent viloyatidagi suv havzalari ikki marta bo‘yalganini ma’lum qildi. Tozalash inshootlari eskirgani tufayli suvni to‘liq tozalay olmayapti, ifloslanishga esa to‘qimachilik korxonalari sababchi bo‘lishi mumkin. Biznes ombudsmanga ular faoliyatini tekshirish bo‘yicha ariza topshirilgan.
Buzib tashlangan «Kunjutlitepa» yodgorligi qanday ko‘rinishda bo‘lgan?
Turizm vazirligi huzuridagi Madaniy meros agentligi «Gazeta.uz»ga V-VII asrlarga oid yodgorlik buzib tashlangani aks etgan suratlarni taqdim etdi. Qashqadaryodagi «Kunjutlitepa» yodgorligi va uning qanday ko‘rinishda bo‘lgani haqida qisqacha ma’lumot.
Chegarada yaralangan Afg‘oniston fuqarolarining ahvoli yaxshi deb baholanmoqda
«Gazeta.uz» muxbiri Amudaryo o‘rtasidagi Payg‘ambar orolida sodir bo‘lgan voqeada yaralangan 6 nafar afg‘onistonlik davolanayotgan Termiz shahridagi shoshilinch tibbiy yordam markazining filialiga bordi. Jabrlanuvchilardan biri oyog‘idan yaralangani, qolganlari esa yengil tan jarohatlari olgani ma’lum bo‘ldi.
Saidlaziz Saidkarimov prezident Administratsiyasining Nazorat inspeksiyasi boshlig‘i bo‘ldi
Hisob palatasi raisining sobiq o‘rinbosari Saidlaziz Saidkarimov prezident Administratsiyasining Nazorat inspeksiyasi boshlig‘i etib tayinlandi.
Abituriyentlarning yarmidan ko‘pi o‘tish balini to‘play olmadi
2022 yilda 1 mln 74 mingga yaqin abituriyent OTMlarga imtihon topshirdi, ularning 550 ming nafari (51,2%) o‘tish balining eng quyi chegarasi bo‘lgan 56,7 ballni to‘play olmagan. Eng yomon ko‘rsatkich Toshkent viloyatida (55,9%) qayd etildi.
Toshkentda yangi qurilgan uylardan 118 dona o‘t o‘chirish moslamasi o‘g‘rilab ketildi
Toshkentda fuqaro yangi qurilgan uylardan 118 dona o‘t o‘chirish moslamasini o‘g‘rilab ketganlikda gumonlanmoqda. Unga nisbatan jinoyat ishi qo‘zg‘atilgan.
Samarqandlik havaskor ixtirochilar tomonidan elektromobil yaratildi
Samarqanddagi KOICA markazining o‘quvchilari tomonidan yaratilgan elektromobil sinovdan o‘tkazilmoqda. Hozirda ulovni to‘liq quvvatlash uchun 6−7 soat talab etiladi. Kelgusida unga o‘zini o‘zi quvvatlovchi quyosh panellari o‘rnatish rejalashtirilmoqda.
«Noxolis tanqidlarga uchrayapmiz». Jahongir Ortiqxo‘jayev — qilinayotgan ishlar jamoatchilikka to‘liq yetkazib berilmayotgani haqida
Poytaxt hokimi Jahongir Ortiqxo‘jayev qilayotgan xayrli ishlarini jamoatchilikka o‘z vaqtida va to‘liq yetkazib bera olmayotgani uchun turli e’tiroz va ba’zan noxolis tanqidlarga uchrayotganini aytdi. Aholi xabardorligini oshirish uchun Jamoatchilik kengashi qayta tuzildi, unga jurnalist va blogerlar taklif etildi.
Namanganda $2 mlndan ortiq valyutani noqonuniy tarzda xorijga olib chiqishga urinishdi
DXX tomonidan Namanganda 2 mln dollardan ortiq valyutaning Qirg‘izistonga noqonuniy olib chiqib ketilishiga chek qo‘yildi. Gumonlanuvchi ikki shaxsga tegishli avtoulovdan 1,8 mln dollar, ularga valyuta yetkazib beruvchi shaxs avtomobilidan esa 167 ming dollar topilgani aytilmoqda.
Qashqadaryodagi «Kunjutlitepa» arxeologiya yodgorligi to‘liq buzib tashlangani aniqlandi
Qashqadaryoda fuqaro XVIII asrga taalluqli «Kunjutlitepa» arxeologiya yodgorligini to‘liq buzib tashlab, undan chiqqan tuproqni sotib yuborgani aniqlandi. Buning oqibatida madaniy merosga 47,5 mlrd so‘mlik zarar yetkazilgan. Holat yuzasidan jinoyat ishi qo‘zg‘atilib, gumondor hibsga olindi.
Mol-mulkka taqiq qo‘yilgani to‘g‘risidagi elektron ma’lumotlar banki joriy etiladi
Hukumat qarori bilan boshqa shaxsga o‘tkazishni taqiqlab yoki xatlab qo‘yilgan mol-mulklar elektron ma’lumotlar bankini yuritish joriy etiladi. Tizim davlat tilida yuritiladi, unga ma’lumotlarni kiritish tegishli vazirlik va idoralarning elektron axborot tizimlari orqali amalga oshiriladi.
Eng ko‘p o‘qilgan xabarlar | So‘nggi yangiliklar
Qo‘shimcha imkoniyatlarga ega bulish uchun saytda ro‘yxatdan o‘ting