Qoraqalpog‘iston voqealari bo‘yicha jinoyat ishida sudlangan yana 28 nafar shaxsning apellyatsiya shikoyati bo‘yicha qarori e’lon qilindi. 5 nafar sudlanuvchining jazosi ozodlikni cheklash bilan almashtirildi, 16 nafar sudlanuvchining jazo muddati qisqartirildi, 7 nafar sudlanuvchining hukmi o‘zgarishsiz qoldirildi.
“Odnoklassniki.ru” sahifasida taqiqlangan diniy ma’ruzaga “klass” bosgan navoiylik ayolga 3 yilga ozodlikni cheklash jazosi tayinlandi. 57 yoshli ayol bu harakatni 5 yil oldin Turkiyada muhojir bo‘lib ishlab yurgan paytda sodir etgan.
Ekologiya vazirligi “Surxon” davlat qo‘riqxonasida noyob turdagi morxo‘r va Buxoro tog‘ qo‘ylarining birgalikda yurgan kadrlarini e’lon qildi.
Dam olish kunlari harorat biroz pasaygan bo‘lsa, yangi haftada asta-sekin ko‘tarilib, +40…+42 darajagacha yetadi, bu davrning iqlimiy qiymatlaridan yuqoridir. Faqat Farg‘ona vodiysining ayrim hududlarida qisqa muddatli yomg‘ir yog‘ishi mumkin.
So‘nggi kunlarda poytaxtning qator tumanlarida kuzatilayotgan elektr ta’minotidagi uzilishlarning aksariyati oldindan rejalashtirilgan bo‘lib, ta’minot sifatini yaxshilashga qaratilgan ishlar tufayli sodir bo‘lmoqda, deya izoh berdi “HETK” Toshkent shahri filiali direktori o‘rinbosari Bekzod Kulibayev.
2022-yilda Rossiyada mehnat migranti bo‘lib ishlagan Yakkabog‘ tumanida yashovchi fuqaro jamoat xavfsizligiga tahdid soluvchi materiallarni tarqatish va terrorizmni moliyalashtirishda ayblanib, 6 yilga ozodlikdan mahrum etildi.
Poytaxtning Chorsu va Eski juva bozorlari 2023-yil oxirigacha tartibga keltirilib, turistik jozibadorligi oshiriladi. Bunda zamonaviy savdo rastalari va ko‘p qavatli avtoturargohlar qurish, irrigatsiya tarmoqlarini yangilash va binolarni milliy arxitektura asosida rekonstruksiya qilish rejalashtirilmoqda.
Dushanba kuni ta’mirlash ishlari sabab Toshkent shahrining Yakkasaroy va Yashnobod tumanlarining ba’zi joylarida soat 17:00 gacha elektr energiyasi ta’minoti to‘xtatildi.
Oltinsoy tumanida ferma raisi 8 tup eldor qarag‘ayi daraxtini fuqaroga 5 mln so‘mga baholab, kesish uchun sotib yuborgani aniqlandi. Buning oqibatida tabiatga 550 mln so‘mdan ortiq zarar yetkazildi.
Qoraqalpog‘istonning Quyi Amudaryo biosfera rezervatida Buxoro bug‘usini noqonuniy ovlagan brakoner qo‘lga olindi. Xalqaro va O‘zbekiston Qizil kitobiga kiritilgan jonivorni ovlash oqibatida tabiatga 99 mln so‘m zarar yetkazildi.
Zangiota tumanida yo‘lning qarama-qarshi tarafiga chiqib ketib, Damas bilan to‘qnashgan Spark haydovchisi halok bo‘ldi. Tarmoqlarda mazkur YTH oqibatida 8 kishi vafot etgani aytilgandi, biroq ma’lumot tasdig‘ini topmadi.
DXX xodimlari tomonidan 1 kilogramdan ziyodroq og‘irlikdagi 999 probali oltin bo‘laklari va 838 gramli yoqut toshining noqonuniy aylanmasiga chek qo‘yildi. Ularning umumiy narxi 1,27 mlrd so‘mdan oshadi.
Buxoroda savdo rastasi oldida savdolashib turgan 65 yoshli ispaniyalik erkak hushidan ketib, vafot etdi. Holat bo‘yicha shahar prokuraturasi tergovga qadar tekshiruv olib bormoqda.
Chinoz tumanida Xovos-Toshkent yo‘nalishida harakatlangan elektropoyezd 36 yoshli ayolni bosib ketdi. Transport prokuraturasi ma’lumotiga ko‘ra, ayol epilepsiya kasalligiga chalingani va bir necha marta uyidan chiqib ketib qolgani aniqlangan.
O‘zbekistonda keskin issiq ob-havo sababli poyezdlar harakati tezligiga cheklovlar joriy etiladi. Bu paytda poyezdlar sovitish tizimining ishlash quvvati ham pasayishi mumkin.
Turkiyaning Isparta shahrida o‘tkazilgan xalqaro musobaqada Mudofaa vazirligining merganlar jamoasi 2-o‘rinni qo‘lga kiritdi. O‘zbekistonlik harbiylar qiyalikka qarab jang olib borish, zararlangan hududda gazniqob taqib, nishonlarni mo‘ljalga olish kabi shartlarda rekord natijalarni qayd etgan.
Uchtepa tumanidagi maktabda o‘quvchi va o‘qituvchi janjallashdi. Oqibatda o‘quvchining 17 yoshli akasi ustozni kaltakladi. Tekshiruv ishlari ketmoqda. Holatni vazir nazoratga olgan.
Chilonzor IIBning 4-qavatidan sakrab vafot etgan 21 yoshli yigitning o‘limi bilan bog‘liq holat yuzasidan Jinoyat kodeksining hokimiyat harakatsizligi moddasi bilan jinoyat ishi qo‘zg‘atildi.
Olmaliq shahrida 14 yoshli bola velosipedda ketayotib, boshqaruvni yo‘qotgan va boshi yo‘l chetidagi beton elektr tayanchi teshigiga kirib qolgan. FVV qutqaruvchilari unga yordam ko‘rsatdi, ahvoli yaxshi ekani bildirildi.
Toshkent shahrining Mirobod, Yashnobod va Yunusobod tumanlarining ayrim qismlarida ta’mirlash ishlari olib borilishi munosabati bilan soat 17:00 ga qadar elektr ta’minoti vaqtincha to‘xtatildi. Sergeli tumanida nosozlik tufayli uzilishlar yuz berdi.
Qo‘shimcha imkoniyatlarga ega bulish uchun saytda ro‘yxatdan o‘ting